لاہور : عرصہ دراز سے تعینات پولیس افسروں کے احتساب کی تیاری کرلی گئی ،سی سی پی او لاہور عمر شیخ نےایس ڈی پی اوز،ایس ایچ اوز اور انچارج انوسٹی گیشنزکی جائیداد اور اثاثہ جات کی تفصیلات طلب کرلی ہیں۔
تفصیلات کے مطابق سی سی پی او لاہور عمر شیخ نے ایس ڈی پی اوز، ایس ایچ اوز، انچارج انوسٹی گیشنز کے افسران کے اثاثوں کی تفصیلات کےلئے مختلف خفیہ اداروں کو خط ارسال کردیا ہے۔
سی سی پی او لاہور کی طرف سے سپیشل برانچ، انٹیلی جینس یورو اور دیگر حساس ایجنسیوں کو مراسلہ جاری کیا گیا ہے، جس میں ایس ڈی پی اوز،ایس ایچ اوز اور انچارج انوسٹی گیشنزکی جائیداد اور اثاثہ جات کی تفصیلات طلب کی گئی ہیں۔
خط ایس ڈی پی اوز، ایس ایچ اوز اور انچارج انوسٹی گیشنز کے خفیہ ملکیتی اثاثوں اور جائیدار کی تفصیلات کی فراہمی کیلئے لکھا گیا اور پولیس افسران کے تنخواہ کے علاوہ دیگر کاروبار اور ذریعہ معاش بارے خفیہ معلومات مانگی گئی ہیں۔
مراسلے میں کہا گیا ہے کہ سربراہ لاہور پولیس محمد عمر شیخ نے اداروں کو جلد از جلد ریکارڈ فراہم کرنے کےلئےخط لکھا ہے، ابتدائی طور پر 197 ایس ڈی پی اوز، ایس ایچ اوز اور انچارج انوسٹی گیشنز تعینات افسروں کے اثاثوں، جائیدار، تنخواہ کے علاوہ ذریعہ معاش، کاروبار اور عمومی شہرت کے لئے تفصیلات طلب کی گئی۔
محمد عمر شیخ کا کہنا ہے آمدن سے زائد اثاثے رکھنے والے پولیس افسران کےخلاف محکمانہ تحقیقات ہوں گی، آئندہ کوئی بھی پولیس آفیسر اثاثوں کی تفصیلات جمع کروائے بغیر فیلڈ میں تعینات نہیں ہوگا۔
سی سی پی او لاہور نے فیلڈ آفیسرز کی پوسٹنگ کےلئے ایسسٹ ڈیکلریشن کا مراسلہ بھی جاری کر دیا ، خفیہ رپورٹس کے حصول کا مقصد پولیس افسران پر چیک اینڈ بیلنس برقرار رکھنا ہے تمام پولیس افسران و اہلکاروں کو قانون کے تابع کیا جانا ہے۔
