Tag: سی ٹی ڈی اہلکار

  • کراچی کے سی ٹی ڈی اہلکار شہری کے اغوا میں ملوث نکلے

    کراچی کے سی ٹی ڈی اہلکار شہری کے اغوا میں ملوث نکلے

    کراچی : ایس آئی یو نے سی ٹی ڈی گارڈن میں چھاپہ مار کر چار شہری کے اغوا میں ملوث سی ٹی ڈی اہلکاروں کو گرفتارکرلیا۔

    تفصیلات کے مطابق کراچی کے سی ٹی ڈی اہلکارشہری کے اغوا میں ملوث نکلے، شہریوں کے اغوا اور تشدد کیس میں ایس آئی یو نے سی ٹی ڈی گارڈن میں چھاپہ مارا اور چار اہلکاروں کوگرفتارکرلیا۔

    ڈی آئی جی سی ٹی ڈی آصف اعجازشیخ نے بتایا کہ اہلکاروں نےشہری جاسم اس کےدوستوں کوغیرقانونی طورپرحراست میں لیا، جس کے بعد شہری کی مدعیت میں ٹیپوسلطان تھانےمیں مقدمہ درج کیاگیا۔

    مقدمے کے متن میں کہا گیا کہ شہری کودوستوں سمیت پی ای سی ایچ ایس سے حراست میں لیا گیا، زیرِ حراست شہریوں کوسی ٹی ڈی گارڈن سیل منتقل کرکے بدترین تشدد کیاگیا، مجھ پر تشدد کر کے خالی کاغذ پر دستخط اور انگوٹھالگوایاگیا۔

    شہری جاسم کا کہنا تھا کہ نورنامی لڑکی نےمجھے63ہزارکی رقم دینی تھی،تقاضہ کیاتونمبربلاک کردیا، لڑکی نے شعیب نامی لڑکے کے ذریعے رابطہ کیا اور ملنے کیلئے پی ای سی ایچ ایس بلایا، دوستوں کیساتھ مقررہ جگہ پہنچا تو سی ٹی ڈی گارڈن والے موبائل میں ڈال کر لے گئے، گارڈن سیل میں لڑکی نے آکر مجھے مارا،گالیاں دیں،اہلکاروں نے 4 لاکھ لیکرچھوڑا۔

    ڈی آئی جی سی ٹی ڈی آصف اعجاز شیخ نے کہا کہ گرفتار اہلکاروں میں ایس آئی رفاقت،اےایس آئی لیاقت،جہانزیب،حارث شامل ہیں ، پولیس اہلکاروں کیخلاف انکوائری کی گئی،چاروں ملوث پائےگئے، گرفتارچاروں اہلکاروں کونوکری سےبرطرف کیا جائے گا۔

  • کراچی میں پولیس کے بعد سی ٹی ڈی اہلکار بھی ڈکیتی میں ملوث نکلے

    کراچی میں پولیس کے بعد سی ٹی ڈی اہلکار بھی ڈکیتی میں ملوث نکلے

    کراچی : کراچی میں ریٹائرڈ انسپکٹر کے گھر ڈکیتی کرنے والے تین سی ٹی ڈی اہلکاروں کو گرفتار کرکے مقدمہ درج کرلیا گیا۔

    تفصیلات کے مطابق شہر قائد میں سی ٹی ڈی اہلکار بھی ڈکیت نکلے، ڈی آئی جی سی ٹی ڈی آصف اعجازشیخ نے بتایا سعید آباد سابق انسپکٹر کے گھر ڈکیتی کی واردات میں 5 اہلکار ملوث نکلے ، ملوث اہلکاروں میں پارٹی انچارج انسپکٹر سرفراز بھی شامل ہے۔

    سابق انسپکٹرکے گھر ڈکیتی کا مقدمہ سی ٹی ڈی اہلکاروں کیخلاف درج کرلیا گیا ہے ،بشیر حسین نے بتایا کہ گزشتہ روز سادہ کپڑوں میں ملبوس10 سے11 افراد میرے گھر میں داخل ہوئے، گھر میں گھسنے والے شخص نے تعارف سی ٹی ڈی گارڈن کے افسر نذیر کےنام سے کرایا۔

    مقدمے کے متن میں کہا گیا کہ پولیس اہلکاروں نے میرے بیٹے عامر سے مارپیٹ کی اور سادہ کپڑوں میں ملبوس اہلکاروں نے اوپر کمرےمیں جاکربیٹیوں کوبھی زدوکوب کیا۔

    مدعی مقدمے نے مزید بتایا کہ پولیس اہلکار گھرسے2لاکھ نقدی،4تولہ طلائی زیورات،قیمتی سامان لوٹ کرلےگئے جبکہ گھر میں رکھی 9 ایم ایم کی 50گولیاں بھی لے گئے ، پولیس اہلکار میرے بیٹے قمرکا پوچھتے رہے جو گھر پر موجود نہیں تھا۔

    سعید آبادپولیس نے سی ٹی ڈی اہلکاروں کیخلاف ڈکیتی اور خواتین کی بیحرمتی کا مقدمہ درج کرکے واردات میں ملوث سی ٹی ڈی کے 3 اہلکاروں کو گرفتار کرلیا، گرفتاراہلکاروں میں سعادت مروت،عمران علی،پارٹی انچارج سرفرازشامل ہیں۔

    ڈی آئی جی سی ٹی ڈی اعجاز شیخ کا کہنا تھا کہ پارٹی انچارچ سرفراز واقعے کے وقت موجودنہیں تھا اور ڈسمس اہلکار نذیرکواس نے ساتھ رکھا ہواتھا ، واردات کےوقت 5 سپاہی گئے تھے۔

    ملوث سی ٹی ڈی اہلکاروں میں ڈسمس سپاہی نذیر شامل تھا جبکہ سپاہی سکندر،سعادت مروت، راجاعمیر ، عمران واقعےکےوقت موجود تھے تاہم مزید 3 کی گرفتاری کے لئے سی ٹی ڈی کے چھاپے جاری ہیں۔

  • بنوں: سی ٹی ڈی اہل کار فائرنگ سے شہید

    بنوں: سی ٹی ڈی اہل کار فائرنگ سے شہید

    پشاور: خیبر پختون خوا کے ضلع بنوں کے علاقے منجہ خیل میں فائرنگ سے سی ٹی ڈی اہل کار شہید ہو گیا۔

    تفصیلات کے مطابق بنوں کے علاقے منجہ خیل میں سی ٹی ڈی اہل کار ٹارگٹ کلنگ کا نشانہ بن گیا، نامعلوم مسلح افراد نے تھانہ میراخیل میں اہل کار کو نشانہ بنایا۔

    پولیس کا کہنا ہے کہ سی ٹی ڈی اہل کار میر شہباز دفتر جانے کے لیے گھر سے نکلے تو نامعلوم مسلح موٹر سائیکل سواروں نے ان پر فائر کھول دیا، فائرنگ سے میر شہباز موقع ہی پر شہید ہو گئے۔

    پولیس نے واقعے کی تحقیقات شروع کر دی ہیں، دریں اثنا، شہید سی ٹی ڈی اہل کار میر شہباز خان کی نماز جنازہ ادا کر دی گئی، نماز جنازہ میں ڈی آئی جی، ڈی پی او و دیگر پولیس حکام نے شرکت کی، بعد ازاں، شہید اہل کار کا جسد خاکی تدفین کے لیے آبائی علاقے روانہ کر دیا گیا۔

    یہ بھی پڑھیں:  پشاور: شہید ڈی ایس پی غنی خان کی نماز جنازہ ادا

    واضح رہے کہ خیبر پختون خوا میں ٹارگٹ کلنگ کے واقعات میں اضافہ ہوتا جا رہا ہے۔ 14 نومبر کو کے پی کے علاقے چمکنی میں بھی نامعلوم افراد کی فائرنگ سےکاؤنٹر ٹیررازم ڈیپارٹمنٹ کے ڈی ایس پی غنی خان شہید اور ڈرائیور سمیت 4 افراد زخمی ہو گئے تھے۔

    وزیر اعلیٰ خیبر پختون خواہ محمود خان نے چمکنی میں ڈی ایس پی سی ٹی ڈی کے قتل کا نوٹس لیتے ہوئے آئی جی خیبر پختون خواہ کو تفتیش جلد مکمل کر کے رپورٹ دینے کی ہدایت کی تھی۔