لاہور: محکمہ انسداد دہشتگردی (سی ٹی ڈی) سے مقابلے کے دوران ہلاک 4 ملزمان کی شناخت کرلی گئی۔
محکمہ انسداد دہشتگردی (سی ٹی ڈی) حکام کے مطابق 12 مئی کو لاہور میں پولیس اہلکاروں کی ٹارگٹ کلنگ میں ملوث 4 دہشت گرد ہلاک ہوگئے تھے، چاروں دہشت گرد اپنے ہی ساتھیوں کی فائرنگ سے مارے گئے تھے۔
تاہم اب حکام کا بتانا ہے کہ ان ہلاک ملزمان کی شناخت فیضان، لقمان، طاہر اور ہارون کے نام سے ہوئی ہے، کالعدم ٹی ٹی پی کا ٹارگٹ کلر فیضان بٹ کو اسلحہ، دستی بم برآمدگی کیلئے کرول جنگل لے کر جارہے تھے اس دوران فیضان کے 5 ساتھیوں نے حملہ کردیا۔
حکام نے بتایا کہ مقابلے کے دوران فیضان سمیت 4 دہشت گرد ہلاک ہوئے تھے، ان میں سے 3 ملزمان کا تعلق کالعدم تنظیم سے تھا، جس کا کام فیضان کو افغانستان لے کرجانا تھا، اس مقابلے کے دوران فیضان سمیت 4 دہشتگرد اپنے ہی ساتھیوں کی فائرنگ سے ہلاک ہوگئے تھے، ہلاک دہشت گردوں سے 2 کلاشنکوف اور ایک پستول برآمد ہوئی تھی۔
