Tag: سی ٹی ڈی کا آپریشن

لاہور :کاؤنٹر ٹیرر ازم ڈیپارٹمنٹ (سی ٹی ڈی ) نے انٹیلی جنس بیسڈ آپریشن کرتے ہوئے کالعدم ٹی ٹی پی کے اہم کمانڈر سلمان سمیت سات دہشت گردوں کو گرفتار کرلیا۔

تفصیلات کے مطابق کاؤنٹر ٹیرر ازم ڈیپارٹمنٹ (سی ٹی ڈی ) نے پنجاب کے مختلف شہروں میں آپریشن کیا ، انٹیلی جنس بیسڈ آپریشن کے دوران 7 دہشت گردوں کو گرفتار کرلیا گیا۔

ترجمان سی ٹی ڈی نے بتایا کہ کارروائی راولپنڈی ، سرگودھا،بہاولپور،پاکپتن،ساہیوال میں کی گئی ، گرفتار دہشت گردوں میں بہاولپورسے کالعدم ٹی ٹی پی کا اہم کمانڈر سلمان بھی شامل ہیں۔

ترجمان کا کہنا تھا کہ دہشت گردوں سےبارودی مواد،2دستی بم ،2بارودی سرنگیں اورنقدی برآمد کرلی ہے ، دہشت گرد اہم تنصیبات پر حملے کی منصوبہ بندی کر رے تھے۔

حکام سی ٹی ڈی نے کہا کہ رواں ہفتے 1136 کومبنگ آپریشنز کے دوران 132 مشتبہ افراد گرفتار کئے، کومبنگ آپریشنز میں 46467 افراد سے پوچھ گچھ کی گئی۔

پشاور : کاؤنٹر ٹررزم ڈپارٹمنٹ (سی ٹی ڈی) نے آپریشن کے دوران کالعدم تنظیم کے دو دہشت گرد ہلاک اور تین دہشت گرد فرار ہونے میں کامیاب ہوگئے۔

تفصیلات کے مطابق کاؤنٹر ٹررزم ڈپارٹمنٹ (سی ٹی ڈی) نے پشاور کے علاقے تھانہ ڈیرہ ٹاؤن کی حدود بھیگوانی میں دہشت گردوں کیخلاف آپریشن کیا۔

ترجمان سی ٹی ڈی نے بتایا کہ آپریشن کے دوران کالعدم تنظیم کے دو دہشت گرد ہلاک اور تین دہشت گرد فرار ہو گئے۔

سی ٹی ڈی کا کہنا تھا کہ ہلاک دہشت گردوں سے دو کلاشنکوف، دو ہینڈگرنیڈ، چھ میگزین برآمد ہوئے۔

ترجمان نے کہا کہ ہلاک دہشت گردوں کی شناخت اخترمنیراورعبدالعزیزکےناموں سے ہوئی، دہشت گرد متعدد سنگین اور دہشت گردی کے مقدمات میں مطلوب تھے۔