Tag: سی ٹی ڈی

لاہور : سی ٹی ڈی پنجاب نے راولپنڈی اور اسلام آباد میں کارروائیاں کرتے ہوئے کالعدم تنظیم داعش کے انتہائی مطلوب کمانڈر محمد نبی کو گرفتار کرلیا۔

تفصیلات کے مطابق سی ٹی ڈی پنجاب نے راولپنڈی اور اسلام آباد میں اہم کارروائیاں کی اور کالعدم تنظیم داعش کےانتہائی مطلوب کمانڈر محمدنبی سمیت 2 دہشت گردوں کو گرفتار کرلیا۔

ترجمان نے کہا کہ سی ٹی ڈی نے خفیہ اطلاع پر کاروائی کرتے ہوئے دہشت گردوں کو گرفتار کیا، دہشت گرد کمانڈر محمد نبی نے جعلی نام سے پاکستانی شناختی کارڈ بنوار کھا تھا۔

سی ٹی ڈی نے بتایا کہ دہشت گرد کے قبضے سے بھاری مقدار میں دھماکہ خیزموادبرآمد ہوا ، دھماکا خیزمواد کو راولپنڈی میں تخریبی سرگرمیوں میں استعمال کیا جانا تھا۔

ترجمان کے مطابق دہشت گرد نے انکشاف کیا ابوبکر البغدادی سے بیعت لی اور بتایا کہ اسے بطور امیر داعش خراسان دلسوالی نور گل مقررکیاگیا۔

سی ٹی ڈی پنجاب نے کہا کہ محمد نبی داعش تنظیم کو خراسان میں منظم کرنے اور محاذ آرائی میں ملوث رہا، محمدنبی 2019 میں افغان فورسز کے ہاتھوں گرفتار ہوکر قید بھی رہا اور 2021 میں طالبان حکومت آنے کے بعدخالد فرار ہوااورپاکستان داخل ہوا، محمدنبی نےاپنی شناخت چھپانے کیلئے محمدخالد کے نام سے جعلی شناختی کارڈ بنایا۔

دوسری کارروائی میں سی ٹی ڈی نےداعش کےدہشت گردفاروق عباس کو گرفتارکیا، مذکورہ دہشت گرد راولپنڈی،اسلام آباد میں دہشت گردی کےمنصوبےسےداخل ہوا تھا ، گرفتار دہشت گردوں سے مزید تفتیش جاری ہے۔

کوئٹہ : سی ٹی ڈی نے کارروائی کرتے ہوئے کالعدم تنظیم کے 2 مبینہ دہشت گرد گرفتار کرکے پانچ دستی بم 12 سوگرام سی فور بارودی مواد برآمد کرلیا۔

تفصیلات کے مطابق کوئٹہ میں تخریب کاری کی کوشش ناکام بنادی گئی، سی ٹی ڈی نے کارروائی کرکے کالعدم تنظیم کے دو مبینہ دہشت گرد گرفتار کرلئے۔

ترجمان سی ٹی ڈی نے بتایا کہ دہشت گردوں کی قلات سے کوئٹہ آنے کی خفیہ اطلاع پر سبی روڈ پر عارضی ناکہ لگایا گیا۔

اس دوران مشکوک موٹرسائیکل سواروں نے ناکہ سے بچ نکلنے کی کوشش کی مگر وہ ناکام رہے۔ سی ٹی ڈی نے دونوں نقاب پوش موٹرسائیکل سواروں کو گرفتار کرلیا۔

ملزمان کے قبضے سے پانچ دستی بم 12 سوگرام سی فور بارودی مواد، 2 کلو دھماکہ خیز مواد الیکٹرک ڈیٹونیٹرز ریموٹ کنٹرول کٹ اور دیگر سامان برآمد ہوا۔

ترجمان کے مطابق مبینہ دہشت گرد کوئٹہ میں کارروائی کے غرض سے آرہے تھے۔

حکام نے بتایا کہ دونوں نے دوران تفتیش خضدار اور گردونواح میں دہشت گرد کارروائیاں کرنے کا اعتراف کیا ہے اور یہ انکشاف بھی کیا ہے کہ کالعدم تنظیم خضدار کی اہم شخصیات کے قتل کا ارادہ رکھتی ہے۔

ملزمان کے خلاف مقدمہ درج کرکے ملزمان کے دیگر ساتھیوں کی گرفتاری کیلئے تحقیقات شروع کردی گئی ہے۔

کراچی : سی ٹی ڈی نے صدر میں ڈینٹل کلینک پر حملے میں ملوث ایک اور ملزم کو گرفتار کرلیا ، ملزم کالعدم تنظیم کے سربراہ ذوالفقار خاصخیلی سے رابطے میں تھا۔

تفصیلات کے مطابق کراچی کے علاقے گلستان جوہر سے کالعدم تنظیم کا دہشت گرد افضل عرف عافی گرفتار کرلیا گیا۔

سی ٹی ڈی ترجمان نے بتایا کہ ملزم نے دوران تفتیش کالعدم تنظیم کے سربراہ ذوالفقار خاصخیلی سے رابطے کا انکشاف کیا۔

ترجمان کا کہنا تھا کہ ملزم کو جرمنی میں موجود سربراہ ذوالفقار مالی معاونت ،اسلحہ ،موٹرسائیکل فراہم کی۔

سی ٹی ڈی حکام کے مطابق کالعدم تنظیم سربراہ نے حیدرآباد میں غیرملکی ڈاکٹر کو قتل کرنے کا منصوبہ دیا تھا جبکہ دہشت گرد افضل نے غیرملکی کو ٹارگٹ کرنے کی ریکی بھی مکمل کرلی تھی۔

ترجمان سی ٹی ڈی نے کہا گرفتار ملزم کراچی صدر میں ڈینٹل کلینک پر حملہ کرنیوالوں کا ساتھی ہے۔

خضدار : محکمہ انسداد دہشت گردی (سی ٹی ڈی) نے ضلع خضدار میں کارروائی کرتے ہوئے کالعدم تنظیم سے تعلق رکھنے والے 2 مبینہ دہشت گرد ہلاک کردیئے۔

تفصیلات کے مطابق بلوچستان کے ضلع خضدار کے علاقے سورگز میں سی ٹی ڈی نے خفیہ اطلاع پر کارروائی کی۔

کارروائی کے دوران دہشت گرد اور اس کے ساتھیوں سے فائرنگ کا تبادلہ ہوا، جس میں دو مبینہ دہشتگرد مارے گئے تاہم ان کے تین ساتھی فرار ہوگئے۔

ترجمان سی ٹی ڈی نے بتایا کہ فائرنگ کے تبادلےمیں مارےگئے دومبینہ دہشت گردوں کا تعلق کالعدم تنظیم سے ہے۔

ہلاک ہونے والے مبینہ دہشتگرد کے سر کی قیمت دس لاکھ روپے مقرر کی گئی تھی ۔

یاد رہے چند ہفتے قبل لکی مروت کے علاقے تختی خیل میں سی ٹی ڈی پولیس اور سیکورٹی فورسز نے مشترکہ آپریشن کرتے ہوئے چار دہشت گرد ہلاک کر دیئے تھے۔

ترجمان نے بتایا تھا کہ ہلاک دہشت گردوں کے قبضے سے خودکار ہتھیار بھی برآمد کئے گئے جبکہ مارے گئے دہشت گرد پولیس پر ہونے والے حملوں اور دیگردہشت گرد کاروائیوں میں مطلوب تھے۔