Tag: سی ٹی ڈی

کراچی : سی ٹی ڈی نے کراچی ایئرپورٹ پر حملے میں ملوث ملزمان کے سہولت کار سعید عرف کالو کو نارتھ کراچی سے گرفتار کر لیا ہے،ملزم قتل کی کئی وارداتوں میں پولیس کو مطلوب تھا۔

سی ٹی ڈی کے انچارج راجہ عمرخطاب نے پریس کانفرنس میں صحافیوں کو اپنی اہم کامیابی سے آگاہ کرتے ہوئے بتایا کہ گزشتہ شب نارتھ کراچی کے علاقے 5-بی میں ایک گھر پر چھاپہ کارروائی میں کراچی ایئر پورٹ پر حملے میں ملوث ملزمان کے سہولت کار سعید عرف کالو کو گرفتار کر لیا ہے۔

سی ٹی ڈی کے انچارج کے مطابق سعید کالو کا تعلق القاعدہ برصغیر سے ہے اور وہ لشکر جھنگوی اورنگی ٹاؤن کا امیر بھی ہے جو ایم کیو ایم سے تعلق رکھنے والے رکن صوبائی اسمبلی منظر امام کے قتل سمیت مضالفین سیاسی جماعت کے کارکنان اور فرقہ ورانہ قتل و غارت گری میں ملوث ہے۔

اسی سے متعلق : سی ٹی ڈی کی کارروائی، القاعدہ اور لشکر جھنگوی امیر سمیت 9 گرفتار

راجہ عمر کا خطاب کا کہنا ہے کہ ملزم اپنے دیگر ساتھیوں کے ساتھ نارتھ کراچی کے گھر میں رہائش پذیر تھا اور محرم الحرام کے مہینے میں تخریب کاری کا پلان تیار کررہا تھا کہ پولیس نے چھاپہ مار کر ساتھیوں سمیت گرفتار کر لیا۔

گرفتار کیے گئے دیگر ملزمان کا تعلق بھی القاعدہ برصغیر،لشکر جھنگوی اور سپاہ صحابہ سے ہے جو سعید کالو کے گھر میں قیام پذیر تھے اور محرم کے جلوس کو نشانہ بنانے کی تیاری کر رہے تھے۔

کراچی: محکمہ انسداد دہشت گردی نے ایک کارروائی کے دوران فرقہ وارانہ دہشت گردی میں ملوث پانچ ملزمان کو گرفتار کرکے بھاری اسلحہ برآمد کرلیا ہے۔

تفصیلات کے مطابق ڈی آئی جی سی ٹی ڈی عارف حنیف نے ایک پر ہجوم پریس کانفرنس میں اپنے محمکے کی کارکردگی بتاتے ہوئے کہا کہ فرقہ واریت میں ملوث 5 ملزمان کو گرفتار کر کے بھاری مقدار میں اسلحہ جمع کر لیا ہے۔

ڈی آئی جی سی ٹی ڈی کے مطابق گرفتار ملزمان نے عید الاضحی سے قبل کراچی میں اہم علماء کو قتل کرنے کی منصوبہ بندی بنا رکھی تھی اوراس سلسلے میں ملزمان نے ریکی بھی کرلی تھی تاہم سی ٹی ڈی نے بروقت کارروائی کرکے دہشت گردی کا یہ منصوبہ ناکام بنا دیا۔

ڈی آئی جی نے میڈیا کو بتایا کہ گرفتارملزمان کے گروہ کا سرغنہ سید عامر حسین رضوی اپنے ساتھیوں زین العابدین، فیضیاب علی،سید محسن حسین عرف پگلا اور سید محمد عباس شامل ہیں۔

ملزمان کے قبضے سے بھاری مقدار میں اسلحہ برآمد ہوا ہے جو اس سے قبل دہشت گردی کے واقعات میں جائے وقوعہ سے ملنے والے خولوں کی فارنزک رپورٹ سے بھی میچ کرگیا ہے۔
ملزمان اب تک کئی ڈاکٹر،علماء، اوراہم مذہبی شخصیات سمیت متعدد افراد کو ٹارگٹ کلنگ کا نشانہ بناچکے ہیں۔

واضح رہے کہ ملزمان کا سراغ گلستان جوہر کےعلاقے میں مدرسے میں ایک عالم دین کو قتل اورایک کو زخمی کرنے کے واقعے میں تفتیش کے دوران لگا۔

خیال رہے کہ آئی جی سندھ اے ڈی خواجہ نے گرفتار کرنے والی سی ٹی ڈی ٹیم کو پانچ لاکھ روپے نقدی انعام دینے کا اعلان کیا ہے۔

گرفتارملزمان سے مزید تفتیش کی جارہی ہے جن سے اہم انکشافات متوقع ہے جس کی روشنی میں مزید کارروائیاں متوقع ہیں۔