راجن پور : کاؤنٹر ٹیررازم ڈیپارٹمنٹ کی راجن پور کے علاقے گڈانارچوک پر کارروائی میں پانچ دہشت گرد ہلاک تین فرار ہونے میں کامیاب ہوگئے،دہشت گردوں کے قبضے سے بھاری تعدا میں اسلحہ برآمد کرلیاگیا.
تفصیلات کےمطابق راجن پور کے علاقے گڈانار چوک پر سی ٹی ڈی نے خفیہ اطلاع پر دہشت گردوں کی گرفتار ی کےلیے چھاپہ مارا،تو وہاں پر پہلے سےموجود ملزمان نے فرار ہوتے ہوئے پولیس پر اندھادھند فائرنگ شروع کردی.
سی ٹی ڈی کی جوابی کارروائی کے نتیجے میں پانچ دہشت گرد موقع پرہی ہلاک ہوگئے،جبکہ تین دہشت گرد اندھیرے کافائدہ اٹھاکر فرار ہونے میں کامیاب ہوگئے پولیس نے ہلاک دہشت گردوں کے قبضے سے تین دستی بم،ایک رائفل اور دو پستول برآمد کرکے ہلاک دہشت گردوں کی لاشوں کو پوسٹ مارٹم کےلیے اسپتال منتقل کردیا.
پولیس حکام کے مطابق ہلاک دہشت گردوں کو تعلق کالعدم تحریک طالبان پنچاب سے تھا،جن کی شناخت نعمت،رحمان،ضیاءالرحمان،شاداب اورارشادخان کےناموں سے ہوئی،جودہشتگردی کی متعدد وارداتوں میں مطلوب تھے.
