Tag: سی ٹی ڈی

لاہور: دہشت گردی خدشات کے پیش نظر سی ٹی ڈی کی پنجاب کے مختلف شہروں میں کالعدم داعش سے تعلق رکھنے والی 5 دہشت گرد خواتین کو گرفتار  کرلیا۔

ترجمان محکمہ انسداد دہشتگردی (سی ٹی ڈی) کے مطابق دہشت گردی خدشات کے پیش نظر سی ٹی ڈی نے پنجاب کے مختلف شہروں میں کارروائیاں کی، انٹیلی جنس بیسڈ آپریشن کے دوران 5 دہشت گرد خواتین کو گرفتار کیا گیا۔

ترجمان سی ٹی ڈی کا بتانا ہے کہ لاہور سے 3 اور شیخوپورہ سے 2 خواتین کو گرفتار کیا گیا، گرفتار دہشت گرد خواتین کا تعلق کالعدم داعش سے ہے۔

ترجمان سی ٹی ڈی کا کہنا ہے کہ دہشت گردوں سے فیوز، ممنوعہ کتابیں، موبائل فون، اسلحہ اور نقدی برآمد ہوئے، دہشت گرد خواتین کی شناحت فاخرہ، سعدیہ، ایمن، جویریہ اور فاعذ کے نام سے ہوئی، گرفتار خواتین کے خلاف مقدمات درج کر لئے گئے مزید تفتیش جاری ہے۔

سی ٹی ڈی حکام نے مزید بتایا کہ رواں ہفتے 308 کومبنگ آپریشنز کے دوران 76 مشتبہ افراد گرفتار کیے، کومبنگ آپریشنز میں 15225 افراد سے پوچھ گچھ کی گئی۔

کراچی:سی ٹی ڈی نے کراچی کے علاقے شرافی گوٹھ میں خفیہ اطلاع پر کارروائی کرتے ہوئے کالعدم تنظیم کے 2 کارندوں کو حراست میں لے لیا۔

اے آر وائی نیوز کے مطابق ترجمان سی ٹی ڈی نے بتایا کہ خفیہ اطلاع پر کارروائی کرتے ہوئے کالعدم تنظیم کے 2 کارندے اللہ رکھیو منگی اوریاسر حسن لاشاری کو حراست میں لے لیا گیا ہے۔

ترجمان سی ٹی ڈی نے بتایا کہ ملزمان سے 2 دستی بم، 2 پستول، موٹر سائیکل اور فنڈنگ باکس برآمد کرلئے ہیں، اس کے علاوہ ملزمان سے چندے کی رسیدیں، رقم اور کالعدم تنظیم کے پمفلٹ بھی برآمد کئے گئے ہیں۔

ترجمان نے بتایا کہ گرفتار ملزمان نے 5 ٹارگٹ کی ریکی مکمل کرنیکا انکشاف کیا ہے، جبکہ ملزمان نے 4 مارچ کو قمبر شہداد کوٹ میں مکینک کو گولیاں مار کر زخمی کیا تھا۔

ملزم اللہ رکھیو 2021 میں گرفتار ہو کر لاڑکانہ میں قید کاٹ چکا ہے، جبکہ گرفتار کئے گئے دونوں ملزمان کیخلاف سی ٹی ڈی کراچی میں مقدمہ درج کرکے تفتیش کا آغاز کردیا گیا ہے۔

راولپنڈی : کاؤنٹر ٹیررازم ڈیپارٹمنٹ (سی ٹی ڈی) نے انٹیلی جنس بیسڈ کارروائی کرتے ہوئے 4 دہشت گردوں کو گرفتار کرلیا، دہشت گرد راولپنڈی میں خطرناک حملےکی منصوبہ بندی کر رہے تھے۔

تفصیلات کے مطابق کاؤنٹر ٹیررازم ڈیپارٹمنٹ (سی ٹی ڈی) نے راولپنڈی میں انٹیلی جنس بیسڈ کارروائی کی ، کارروائی کے دوران 4 دہشت گردوں کو گرفتار کرلیا۔

ترجمان نے بتایا کہ گرفتار دہشتگردوں کا تعلق کالعدم داعش ، ٹی ٹی پی،بلوچ لبریش سے ہے، دہشت گرد راولپنڈی میں خطرناک حملےکی منصوبہ بندی کر رہےتھے۔

حکام کا کہنا تھا کہ دہشت گردوں سے بارودی مواد ، ڈیٹو نیٹر ، حفاظتی فیوز ،نقدی برآمد کرلی ، دہشت گردوں کی شناحت اجمل امین،فیروز،حامدبشیر،اویس شاہ کے نام سے ہوئی ہے۔

دہشت گردوں کے خلاف مقدمات درج کرلیاگیا ہے اور تفتیش جاری ہے، رواں ہفتے395کومبنگ آپریشنز کے دوران 108 مشتبہ افراد گرفتار کیے جبکہ 20 ہزار 940 افراد سے پوچھ کچھ کی گئی۔