Tag: سی پیک

اسلام آباد: معاون خصوصی برائے اطلاعات فردوس عاشق اعوان نے کہا کہ سی پیک منصوبے سے خطے کی تقدیر بدل جائے گی اور خوشحالی کے ایک نئے دور کا آغاز ہوگا۔

تفصیلات کے مطابق وفاقی دارالحکومت اسلام آباد میں تقریب سے خطاب کرتے ہوئے ڈاکٹر فردوس عاشق اعوان نے کہا کہ حکومت سی پیک سے متعلق تمام منصوبوں پر تیزی سے عملدرآمد کے لیے پرعزم ہے۔

معاون خصوصی برائے اطلاعات نے کہا کہ سی پیک منصوبے سے خطے کی تقدیر بدل جائے گی اور خوشحالی کے ایک نئے دور کا آغاز ہوگا۔ انہوں نے سی پیک منصوبوں میں سرمایہ کاری کو سہولت فراہم کرنے سے متعلق حکومت کے عزم کا بھی اظہار کیا۔

ڈاکٹر فردوس عاشق اعوان نے کہا کہ ون بیلٹ ون روڈ پراجیکٹ نے دنیا کو ایک کمیونٹی میں تبدیل کر دیا ہے۔

کوئی کہتا ہے کہ سی پیک سے ہمارا قرضہ بڑھے گا تو یہ غلط ہے: وزیر خارجہ

یاد رہے کہ گزشتہ ماہ وزیر خارجہ شاہ محمود قریشی کا کہنا تھا کہ سی پیک گیم چینجر ہے معاشی طور پر ہماری تبدیلی کا باعث بنے گا، کوئی کہتا ہے کہ سی پیک سے ہمارا قرضہ بڑھے گا تو یہ غلط ہے۔

شاہ محمود قریشی کا کہنا تھا کہ پاکستان امریکی نائب وزیر خارجہ ایلس ویلز کی رائے سے متفق نہیں ہے اس لیے ان کی رائے کو مسترد کر دیا گیا ہے، ایلس ویلز کی رائے کا سی پیک پر کوئی اثر نہیں پڑے گا۔

پشاور: وزیراعلیٰ خیبرپختونخواہ محمود خان کا کہنا ہے کہ سی پیک کے ذریعے کےپی میں روزگار کے مواقع بڑھ جائیں گے، حکومتی کوشش ہے سرمایہ کاری کے لیے سازگار ماحول فراہم کرے۔

تفصیلات کے مطابق خیبرپختونخوا میں سی پیک منصوبے کے تحت سرمایہ کاری تقریب سے خطاب کرتے ہوئے وزیراعلیٰ خیبرپختونخواہ نے کہا کہ سی پیک کے ذریعے کےپی میں روزگار کے مواقع بڑھ جائیں گے۔

محمود خان نے کہا کہ کانفرنس سرمایہ کاری کے لیے بھرپور فائدہ مند ثابت ہوگی، حکومتی کوشش ہے سرمایہ کاری کے لیے سازگار ماحول فراہم کرے۔

وزیراعلیٰ خیبرپختونخواہ نے کہا کہ کے پی میں روڈز اور انفرا اسٹرکچرکے بڑے منصوبوں پر کام جاری ہے، زراعت، معدنیات اور سیاحت میں چینی سرمایہ کاری کریں۔

سابق چینی سفیر نے کہا کہ پاکستان کے ساتھ موسمی دوستی نہیں ہے، پاکستان اور چین ایک دوسرے کی مدد کر رہے ہیں، چین نے پہلے پاکستان میں سی پیک منصوبے کا آغاز کیا۔

پاکستان مشکل میں ہو تو قرضوں کی واپسی کا تقاضا نہیں کریں گے، چینی سفیر

یاد رہے کہ دو روز قبل چینی سفیر یاؤ جنگ کا کہنا تھا کہ چین نے ہمیشہ سیاسی مقاصد اور مخصوص حکومتوں سے بالاتر ہو کر پاکستان کی مدد کی، پاکستان مشکل میں ہو تو قرضوں کی واپسی کا تقاضا نہیں کریں گے۔

اسلام آباد: سابق کمانڈر سدرن کمانڈ عاصم سلیم باجوہ کوچیئرمین سی پیک اتھارٹی مقرر کئے جانےکاامکان ہے۔

تفصیلات کے مطابق پاک چین اقتصادی راہداری کے منصوبوں کی جلد تکمیل کے لیے قائم کی گئی سی پیک اتھارٹی کی سربراہی عاصم سلیم باجوہ کے سپرد کیے جانے کا امکان ہے۔

اس حوالے سے اسٹیبلشمنٹ ڈویژن نےسمری وزیر اعظم آفس کوبھجوادی ہے اور وزیراعظم کی منظوری پرتقرری کانوٹیفکیشن جاری ہوگا۔

رواں سال 8 اکتوبر کو صدر مملکت عارف علوی نے سی پیک اتھارٹی آرڈیننس پر دستخط کیے تھے۔ سی پیک اتھارٹی آرڈیننس کا اطلاق پورے پاکستان میں ہوگا۔

یہ بھی پڑھیں: صدر مملکت عارف علوی نے سی پیک اتھارٹی آرڈیننس پر دستخط کردیئے

مسودے کے مطابق سی پیک اتھارٹی 10 ارکان پر مشتمل ہوگی۔ وزیراعظم اتھارٹی چیئرپرسن، ایگزیکٹو ڈائریکٹرز، ارکان کی تعیناتی کریں گے ، چیئر پرسن، ایگزیکٹو ڈائریکٹرز اور ارکان کی تعیناتی چار سال کیلئے ہوگی، اتھارٹی کا چیف ایگزیکٹو 20 گریڈ کا سرکاری آفسر ہو گا۔

واضح رہے کہ آرمی چیف جنرل قمر جاوید باجوہ نے 12 ستمبر کو لیفٹیننٹ جنرل وسیم اشرف کو کمانڈر سدرن کمانڈ تعینات کیا تھا انہیں جنرل عاصم سلیم باجوہ کی 23 ستمبر 2019 کو ہونے والی ریٹائرمنٹ کے پیش نظر کمانڈر سدرن کمانڈ تعینات کیا گیا ہے۔

اسلام آباد: اسپیکر قومی اسمبلی اسد قیصر نے کہا کہ سی پیک پاکستان اور پاکستان کے عوام کا منصوبہ ہے، سی پیک منصوبے کی تکمیل میں قومی اسمبلی اپنا بھرپور کردار ادا کرے گی۔

تفصیلات کے مطابق وفاقی دارالحکومت اسلام آباد میں اسپیکر قومی اسمبلی اسد قیصر نے سی پیک سیمینار سے خطاب کرتے ہوئے کہا کہ سی پیک پاکستان اور پاکستان کے عوام کا منصوبہ ہے۔

اسد قیصر نے کہا کہ سی پیک منصوبے کی تکمیل میں قومی اسمبلی اپنا بھرپور کردار ادا کرے گی، ہماری معیشت مضبوط ہوگی تو اس سے چین کو فائدہ ہوگا۔

اسپیکر قومی اسمبلی نے کہا کہ دہشت گردی کے خلاف جنگ میں ہماری معیشت متاثر ہوئی، دہشت گردی کے خلاف جنگ میں سب سے زیادہ نقصان کے پی کا ہوا۔

سی پیک منصوبے کی تکمیل پاکستان کے لیے اولین ترجیح ہے، وزیر خارجہ

یاد رہے کہ گزشتہ روز وزیرخارجہ شاہ محمود قریشی کا کہنا تھا کہ سی پیک منصوبے کی تکمیل پاکستان کے لیے اولین ترجیح ہے، بیلٹ اینڈ روڈ منصوبہ معاشی بہتری کے لیے اہم ذریعہ ثابت ہوگا۔

وزیرخارجہ کا کہنا تھا کہ پائیدار ترقی کے لیے نجی شعبوں کی شراکت ضروری ہے۔ انہوں نے کہا تھا کہ دونوں ممالک باہمی شراکت سے آگے بڑھ رہے ہیں۔