کراچی: سی پی ایل سی نے ماہ اگست میں جرائم کی رپورٹ جاری کردی جس کے مطابق گزشتہ ماہ 36 افراد کو قتل کیا گیا۔
تفصیلات کے مطابق سٹی پولیس لیاژان کمیٹی (سی پی ایل سی) گزشتہ ماہ کراچی میں ہونے والے جرائم کی فہرست جاری کردی ہے جس کے مطابق ایک ماہ میں 36 افراد کو موت کی نیند سلادیا گیا۔
سی پی ایل سی رپورٹ میں بتایا گیا ہے کہ اگست میں 23 گاڑیاں چھینی گئیں اور 146 گاڑیاں چوری ہوئیں، 189 موٹر سائیکلیں چھینی گئیں اور 2500 سے زائد چوری ہوئیں۔
سی پی ایل سی رپورٹ کے مطابق 1853 موبائل چھینے گئے اور 2600 سے زائد موبائل چوری ہوئے۔
رپورٹ میں بتایا گیا ہے کہ گزشتہ ماہ اغوا اور بینک ڈکیتی کی کوئی واردات نہیں ہوئی۔
کراچی: صوبہ سندھ کے دارالحکومت کراچی میں پولیس کے دعوؤں کے باوجود مارچ کے مہینے میں بھی اسٹریٹ کرمنلز کو قابو نہ کیا جا سکا۔ درجنوں شہری جان کی بازی ہار گئے جبکہ متعدد قیمتی اشیا سے محروم کر دیے گئے۔
تفصیلات کے مطابق سٹیزن پولیس لیژن کمیٹی (سی پی ایل سی) نے مارچ کے مہینے کی رپورٹ جاری کردی۔
رپورٹ کے مطابق مارچ کے مہینے میں 30 شہری مختلف واقعات میں قتل ہوئے۔ اس دوران 2 ہزار 4 سو 76 شہریوں کے موبائل فون چھینے گئے۔
سی پی ایل سی کے مطابق شہری 130 قیمتی گاڑیوں سے محروم کر دیے گئے، 2 ہزار 80 موٹر سائیکل سواروں کو جرائم پیشہ عناصر نے پیدل کردیا۔
رپورٹ میں بتایا گیا کہ 4 تاجروں کو بھتے کی پرچیاں موصول ہوئی جبکہ اس عرصے میں 53 کاروں، 457 موٹرسائیکلوں اور 106 موبائل فونز کی ریکوری بھی کی گئی۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
کراچی : قتل، بھتہ خوری اور اغواء برائے تاوان شہر قائد کی پہچان بن گیا، فروری کے اٹھائیس دنوں میں چھبیس افراد کو موت کے گھاٹ اتار دیا گیا۔
تفصیلات کے مطابق سٹی پولیس لیاژان کمیٹی (سی پی ایل سی) نے ماہ فروری کے دوران ہونے والے جرائم سے متعلق رپورٹ جاری کردی ہے جس کے مطابق ایک ماہ کے دوران26افراد کو مختلف وارداتوں میں موت کی نیند سلا دیا گیا۔
اس کے علاوہ دو افراد کو اغوا اور دو تاجروں سے بھتہ وصول کیا گیا۔ شہر کراچی اسٹریٹ کرمنلز کی جنت بن گیا، شہریوں کی جان اور مال محفوظ نہیں۔
سی پی ایل سی رپورٹ کے مطابق صرف فروری میں دو ہزار پانچ سو بیاسی موبائل فونز چھینے گئے یا چوری ہوئے، ساڑھے انیس سو شہری موٹر سائیکل سے محروم ہو گئے۔
ایک سو ایک افراد سے گاڑیاں چھینی یا چوری کی گئیں، چھینے گئےچار سو بیالیس موٹرسائیکلیں، چھیالیس گاڑیاں اور ایک سو آٹھ موبائل فونز برآمد ہوئے۔
ان28 دنوں میں قانون کے نفاذ کے لئے پولیس کی کارکردگی مایوس کن رہی جس کے حوالے سے متعلقہ حکام کو سنجیدگی سے اقدامات کرنے کی ضرورت ہے۔
کراچی : شہر قائد میں رواں سال اسٹریٹ کرائمز کی 53ہزار سے زیادہ وارداتیں ہوئیں، ہزاروں موٹرسائیکل، گاڑیاں اورموبائل فون چھیننےگئے، بھتہ خوری کی 56 ،اوراغواء برائےتاوان کی دس وارداتیں ہوئیں، جبکہ جنوری سے دسمبر تک 334 شہری قتل کیے گئے۔
تفصیلات کے مطابق کراچی میں رواں سال اسٹریٹ کرائمز میں تشویشناک حد تک اضافہ سامنے آیا ہے، شہری اسٹریٹ کرمنلز کے رحم و کرم پر آگئے۔
سٹی پولیس لیاژیان کمیٹی (سی پی ایل سی) نے رواں سال کراچی میں ہونے والی جرائم کی وارداتوں کے اعداد وشمار جاری کردیئے۔
پچھلے چند ماہ میں کراچی میں شہریوں کے لوٹنے کی وارداتیں بڑھ گئیں ہیں، سی پی ایل سی کی رپورٹ کے مطابق رواں سال 53562 موٹرسائیکلیں، گاڑیاں اور فون چھینے وچوری کیے گئے۔
رپورٹ میں بتایا گیا ہے کہ شہریوں سے 25869 موبائل فونز چھینے و چوری کیے گئے، 22456 موٹرسائیکلیں چوری اورچھینی گئیں۔
رواں سال 1237 گاڑیاں چھینی وچوری ہوئیں، شہر میں 8 بینک ڈکیتیاں ہوئیں، 56 بھتہ خوری اور10اغوابرائے تاوان کی وارداتیں رپورٹ ہوئیں۔
سی پی ایل سی کی رپورٹ کے مطابق رواں سال جنوری سے نومبر تک مختلف واقعات میں334شہریوں کو قتل کیا گیا، رپورٹ کے مطابق صرف ماہ فروری کے اٹھائیس دنوں میں چونتیس افراد فائرنگ کی زد میں آکر زندگی کی بازی ہار گئے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
کراچی : شہر قائد میں اسٹریٹ کرائم کا جن بے قابو ہوگیا، فروری کے مہینے میں چونتیس افراد جان سے گئے۔ کئی افراد اپنی گاڑیوں، موٹرسائیکلیوں اور موبائل فونز سے محروم کردیئے گئے۔
تفصیلات کے مطابق سی پی ایل سی نے فروری کے مہینے میں کراچی میں ہونے ہونے والے جرائم کے اعداد وشمار جاری کردئیے، کراچی میں سکیورٹی کے بڑے بڑے دعوے دھرے کے دھرے رہ گئے۔
اسٹریٹ کرائمز کی وارداتو ں نے انتظامیہ کی جانب سے کئے جانیوالے سکیورٹی تمام دعوؤں کی قلعی کھول دی۔ سی پی ایل سی رپورٹ کے مطابق فروری کے اٹھائیس دنوں میں چونتیس افراد فائرنگ کی زد میں آکر زندگی کی بازی ہار گئے۔
کراچی میں مسلح ملزمان نے سولہ گاڑیاں چھین لیں جبکہ پچیانوے گاڑیاں چوری کی گئیں، ماہ فروری میں اسلحے کے زور پر ایک سو چونتیس موٹرسائیکلیں چھینی اور چوری کی گئیں۔
سی پی ایل سی رپورٹ کے کے مطابق گن پوائنٹ پر ایک ہزار اٹھارہ شہریوں کو ان کے موبائل فونز سے محروم کردیا گیا جبکہ ایک ہزار تین سو گیارہ موبائل فونز چوری ہوئے، نئے سال کے دوسرے ماہ میں بھتہ خوری کے بھی تین کیسز رپورٹ ہوئے ہیں۔
