ہر پرستار چاہتا ہے کہ وہ اپنے پسندیدہ کرکٹر کے ساتھ تصویر بنوائے ان کے لیے موقع ہے کہ وہ لیجنڈ اسٹار کرکٹرز کے ساتھ مفت سفر کر سکتے ہیں۔

دنیائے کرکٹ کے سابق نامور کھلاڑیوں پر مشتمل ورلڈ کرکٹ لیجنڈز کا دوسرا ایڈیشن رواں برس جولائی میں برطانیہ میں کھیلا جائے گا۔

اس حوالے سے ورلڈ کرکٹ لیجنڈز کی جانب سے شائقین کو اپنے پسندیدہ کرکٹ ہیروز کے ساتھ مفت سفر کا موقع فراہم کیا جا رہا ہے۔

ورلڈ کرکٹ لیجنڈز جس میں پاکستان کے شاہد آفریدی، بھارت کے سریش رائنا سمیت دنیائے کرکٹ کے عظیم کھلاڑی شامل ہیں۔ شائقین کرکٹ اس موقع سے فائدہ اٹھا کر نہ صرف ان سے ملاقات کر سکیں گے بلکہ ان کے ساتھ مفت فضائی سفر بھی کر سکیں گے۔

اس سلسلے میں ورلڈ کرکٹ لیجنڈز کی ویب سائٹ پر 15 فروری سے "Live With the Legends” کے نام سے رجسٹریشن شروع ہو چکی ہے جس کے لیے محض 12 ڈالر (پاکستانی لگ بھگ تین ہزار روپے سے زائد) ادا کرنے ہوں گے۔

View this post on Instagram

A post shared by World Championship Of Legends | WCL (@worldchampionshipoflegends)

رجسٹریشن کروانے پر شائقین کو کوئز راؤنڈ کی تکمیل، ویڈیو جمع کرانے اور کپتان کی کال درکار ہوگی جس کے بعد ججز فیصلہ کریں گے۔

جیتنے والے شائقین برطانیہ کا 16 روز کا مفت سفر کر سکیں گے اور وہاں قیام کے دوران تمام اخراجات ورلڈ کرکٹ لیجنڈز برداشت کرے گی۔

جیتنے والے کے لیے تمام ٹریننگ، میچز اور میڈیا سیشنز میں شرکت لازمی ہو گی جبکہ پروموشنل مقاصد کے لیے ان کا نام اور تصویر استعمال کی جا سکتی ہے۔ وہ میڈیا کو اپنا انٹرویو بھی دے سکیں گے۔

دہلی میں بھارتی سپر اسٹار کرکٹر ویرات کوہلی کی ایک جھلک دیکھنے کے لیے شائقین ٹوٹ پڑے بھگدڑ مچنے سے کئی زخمی بھی ہوگئے۔

بھارتی کرکٹ ٹیم کے سابق کپتان ویرات کوہلی جو روٹھی فارم کو منانے کے لیے 13 سال بعد فرسٹ کلاس ٹورنامنٹ کھیل رہے ہیں۔ گزشتہ روز وہ رانجی ٹرافی کا میچ کھیلنے دہلی کی ارون جیٹلی اسٹیڈیم پہنچے تو اس سے قبل ہی ان کی ایک جھلک دیکھنے لیے سینکڑوں پرستار وہاں موجود تھے۔

بھارتی میڈیا کے مابق اسٹیڈیم کے باہر اتنی بڑی تعداد میں فینز کے اکٹھا ہونے اور ہر ایک کی اپنے ہیرو کی ایک جھلک دیکھنے کے لیے اسٹیڈیم میں جلد داخلے کی کوشش سے وہاں ایسی افراتفری مچی کہ کئی افراد اس بھیڑ میں کچل کر زخمی ہوگئے۔

رپورٹ کے مطابق اسٹیڈیم میں داخلے کے 16 نمبر دروازے کے باہر ہجوم ایسا بے قابو ہوا کہ ایک دوسرے کو دھکا دینے کے دوران انٹری گیٹ کے قریب ایک سیکیورٹی گارڈ اور دو شائقین گر کر زخمی ہوگئے اور پولیس کی ایک موٹر سائیکل کو بھی نقصان پہنچا۔

بھگدڑ ایسی مچی کہ لوگ خوفزدہ ہوکر اپنے جوتے اور میچ دیکھنے کے لیے آنے والے اسکول طلبہ اپنے بیگ تک چھوڑ کر وہاں سے بھاگ کھڑے ہوئے۔

زخمی شائقین اور گیٹ کیپر کو اسٹیڈیم کے باہر ہی ابتدائی طبی زخمی امداد فراہم کی گئی۔

انڈین میڈیا نے یہ بھی رپورٹ کیا ہے کہ ڈومیسٹک ٹورنامنٹ ہونے کی وجہ سے اسٹیڈیم انتظامیہ کو اتنے بڑے کراؤڈ کی آمد کی توقع نہیں تھی اور اسی لیے ابتدائی طور پر صرف تین دروازے کھولے گئے۔

تاہم ویرات کوہلی کی میچ میں ایکشن میں دکھائی دینے کی خبروں ان کے مداحوں کے ساتھ شائقین کرکٹ کا شوق بھڑکایا اور لوگ ریکارڈ تعداد میں وہاں جا پہنچے، جس کو سنبھالنا پھر انتظامیہ کے لیے مشکل ہوگیا۔

کیرون پولارڈ نے ممبئی انڈینز کے کپتان ہاردک پانڈیا کو ان کی کپتانی پر تنقید کا نشانہ بنانے والوں کو آڑے ہاتھوں لے لیا۔

آئی پی ایل 2024 میں ممبئی کی کپتانی ملنے کے بعد سے ہاردک پانڈیا کے لیے تقریباً ہر چیز ہی خراب رہی ہے، چاہے وہ ان کی بولنگ ہو، بیٹنگ ہو، کپتانی ہو یا پھر وقت پر درست فیصلے نہ کرنا ہو۔ بھارتی شائقین کو یہی لگتا ہے کہ روہت شرما کو ہی ممبئی انڈینز کی کپتانی کرنی چاہیے۔

اتوار کو چنئی سپرکنگز کے خلاف ہونے والے میچ میں بھی کپتان ہاردک پانڈیا کے آخری اوور میں 26 رنز بنے، سدا بہار ایم ایس دھونی نے انھیں اس اوور میں لگاتار تین چھکے بھی لگائے۔

ممبئی کے بیٹنگ کوچ اور فرنچائز کے سابق آل راؤنڈر کیرون پولارڈ اس موقع پر کپتان ہارک پانڈیا کا دفاع کرنے میدان میں آگئے ہیں۔

انھوں نے تنقید کرنے والوں کو انتباہ دیا کہ یہ وقت وقت کی بات ہے، میرا نہیں خیال کہ ان سب نے پانڈیا کے اعتماد کو ٹھیس پہنچائی ہوگی، وہ اس مرحلے سے نکلنے کے لیے سخت محنت کررہے ہیں۔

کیرون نے کہا کہ میں لوگوں کی اس بات سے تنگ آچکا ہوں، کرکٹ ایک ٹیم گیم ہے۔ پانڈیا ایک ایسا پلیئر ہے جو چھ ہفتے سے بھی کم وقت میں ٹی ٹوئنٹی ورلڈکپ میں ملک کی نمائندگی کریگا اور شائقین پھر اسکی حوصلہ افزائی کریں گے اور چاہیں گیں کہ وقت آنے پر وہ اچھا پرفارم کرے۔

انھوں نے کہا کہ وہ بھارت کے عظیم آل راؤنڈرز میں سے ایک سے ہیں اور ہم ان سے فائدہ اٹھا سکتے ہیں۔ وہ بہترین بیٹنگ، باؤلنگ اور فیلڈنگ کرسکتے ہیں۔

بیٹنگ کوچ نے کہا کہ میں بہت اچھی طرح سے امید کرسکتا ہوں کہ جب وہ فارم میں واپس آئے گا تو میں سب کو اس کی تعریفیں کرتے ہوئے دیکھوں گا۔

سعودی فٹبال لیگ میں الشباب کلب سے میچ کھیلتے ہوئے شائقین کو نامناسب اشارہ کرنے پر کرسٹیانو رونالڈو پر دو میچ کی پابندی عائد کردی۔

الشباب النصر کے میچ میں شائقین نے میسی میسی کے نعرے لگائے جس پر اسٹار فٹبالر کرسٹیانو رونالڈو غصے میں آگئے۔

تاہم گول کرنے کے بعد کرسٹیانو رونالڈو نے شائقین کو نامناسب اشارے کیے جس پر سعودی فٹبال باڈی نے جانچ پڑتال کا اعلان کیا اور پابندی لگادی۔

سعودی میڈیا کی رپورٹس کے مطابق رونالڈو کے اس اقدامات کی حکام کی جانب سے شدید مذمت کی گئی، جس کے نتیجے میں پرتگالی فٹبالر پر سعودی عرب فٹبال فیڈریشن کی جانب سے دو میچوں کی پابندی عائد کی گئی ہے جبکہ جرمانہ بھی عائد کیا گیا۔

واضح رہے کہ یہ پہلا واقعہ نہیں ہے جب رونالڈو اپنے آپ کو نامناسب رویے کی وجہ سے تنازعات کا شکار ہوئے ہیں لیکن رونالڈو نے اس معاملے کو براہ راست حل نہ کرنے کا انتخاب کرتے ہوئے خاموش رہنے کا انتخاب کیا ہے۔

بھارت اور آسٹریلیا کے درمیان کھیلے جانے والے ٹیسٹ میچ کے دوران مداحوں نے کوہلی کے نام کی شدید نعرے بازی کی۔

حیدرآباد ٹیسٹ میں ویرات کوہلی تو بھارتی ٹیم کا حصہ نہیں ہیں مگر ان کے نام کی گونج گراؤنڈ میں موجود ہے۔ ان کے مداح ٹیسٹ میچ کے پہلے دن ’کوہلی کوہلی‘ کی شدید نعرے بازی کرتے نظر آئے جس کی ویڈیو سوشل میڈیا پر وائرل ہورہی ہے۔

سوشل میڈیا پلیٹ فارم ’ایکس‘ پر شیئر کی گئی ویڈیو میں دیکھا جاسکتا ہے کہ بہت سارے نوجوان آسٹریلیا اور بھارت کے درمیان پہلے ٹیسٹ میچ کے دوران کوہلی کوہلی کے نعرے لگار ہے ہیں۔

مداحوں نے اپنی سپورٹ دکھانے کے لیے بھارتی کرکٹر کے نام کے نعرے لگائے جبکہ ویڈیو کے کیپشن میں لکھا گیا ہے کہ ’کنگ آپ کو حیدرآباد یاد کررہا ہے۔‘

👑 Hyderabad misses you, King. #ViratKohli #INDvENG #INDvsENG #TeamIndia #BharatArmy #COTI🇮🇳 pic.twitter.com/TgFcbRrWjd

— The Bharat Army (@thebharatarmy) January 25, 2024

واضح رہے کہ سابق بھارتی کپتان ویرات کوہلی نے نجی وجوہات کی بنا پر انگلینڈ کے خلاف پہلے دو ٹیسٹ میچ سے دستبرداری کا اعلان کیا تھا۔

ان کے فیصلے کے بعد بی سی سی آئی کی جانب سے مداحوں اور میڈیا سے درخواست کی گئی تھی کہ وہ کسی بھی طرح کی گمراہ کن قیاس آرائیوں سے گریز کریں۔

خیال رہے کہ دونوں ٹیموں کے مابین پہلے ٹیسٹ میچ کا 25 جنوری سے آغاز ہوچکا ہے۔ پہلے دن مہمان ٹیم نے اپنی پہلی اننگز میں 246 رنز بنائے اور آل آؤٹ ہوگئی جبکہ بھارت نے ایک وکٹ کے نقصان پر 119 رنز بنا لیے ہیں۔