Tag: شائقین کرکٹ

قومی ٹیم کے فاسٹ بولر حارث رؤف نے شائقین کی اہمیت واضح کرتے ہوئے کہا ہے کہ ہم آج جو بھی ہیں ان شائقین کرکٹ کی وجہ سے ہی ہیں۔

اے آر وآئی نیوز کے مطابق نیشنل اسٹیڈیم کراچی کی شاندار افتتاحی تقریب کے دوران گفتگو کرتے ہوئے فاسٹ بولر حارث رؤف کا کہنا تھا کہ پوری کوشش ہوتی ہے کہ شائقین کو انٹرٹین کرسکیں، شائقین ہرطرح کی صورتحال میں ہمیں سپورٹ کرتے ہیں۔

نیشنل اسٹیڈیم کراچی کی شاندار افتتاحی تقریب، شائقین کا ہجوم امڈ آیا

اس موقع پر لیفٹ ہینڈ فاسٹ بولر شاہین شاہ آفریدی نے کراچی والوں سے تشکر کا اظہار کیا، ان کا کہنا تھا کہ کراچی والوں کا شکریہ آپ افتتاحی تقریب میں آئے۔

شاہین آفریدی نے کہا کہ آپ کی سپورٹ اس طرح پورے ایونٹ میں چاہیے، یہ ٹیم آپ کی ہے اور ہم آپ کی سپورٹ سے ہی جیتیں گے۔

اسٹار بیٹر فخرزمان نے کہا کہ عام طور پر کراچی کے لوگ اسٹیڈیم کا رخ نہیں کرتے،آج انھیں یہاں دیکھ کرخوشی ہوئی، پوری کوشش ہوگی اچھی کرکٹ کھیل کر شائقین کو خوشی دیں، انھیں خوشی دیں گے تاکہ وہ آج کی طرح بار بار اسٹیڈیم آئیں۔

https://urdu.arynews.tv/babar-azam-complained-to-citizens-of-karachi/

پاکستان کی ویسٹ انڈیز کے ہاتھوں دوسرے ٹیسٹ میں 120 رنز سے شکست پر شائقین کرکٹ بھڑک اٹھے۔

ملتان ٹیسٹ کے تیسرے روز ویسٹ انڈیز نے پاکستان کو 120 رنز سے شکست دے کر سیریز 1-1 سے برابر کردی اور 34 سال بعد پاکستانی سرزمین پر کامیابی بھی حاصل کرلی۔

پاکستان کو جیت کے لیے 178 رنز اور ویسٹ انڈیز کو صرف 6 وکٹیں درکار تھیں۔ لیکن پاکستانی بیٹرز نے فلاپ شو پیش کیا اور 6 کھلاڑی کل کے مجموعے میں صرف 58 رنز کا اضافہ کر کے پویلین لوٹ گئے۔ یوں میچ کا نتیجہ پہلے سیشن کے ابتدائی سوا گھنٹے میں ہی برآمد ہوگیا۔

دوسرے میچ میں بابر اعظم، نہ شان مسعود، محمد رضوان نہ سلمان علی آغا اور نہ ہی سعود شکیل کوئی بڑا نام بڑا اسکور نہ کر سکا۔ ٹاپ اسکور بابر اعظم (31) رنز کے ساتھ رہے۔ محمد رضوان (25)، کامران غلام (19)، سلمان آغا (15) اور سعود شکیل (13) ڈبل فیگرز میں داخل ہونے والے دیگر کھلاڑی تھے۔

ویسٹ انڈیز کی جانب سے جومل واریکن نے پانچ، کیون سنکلیئر نے تین جب کہ گوڈاکیش موتی نے دو کھلاڑیوں کو آؤٹ کیا۔

پاکستان کی شکست پر شائقین کرکٹ آگ بگولہ ہوگئے اور اپنی بھڑاس سوشل میڈیا پر نکالی اور لکھا کہ بیٹرز کے پاس گیم اویئرنس کی کمی ہے، سینئرز کھلاڑی کیا کرنے آئے تھے۔

شائقین کرکٹ کا کہنا ہے کہ بابر اعظم کو کھیلنا نہیں آرام کرنا چاہیے۔

پاکستان کرکٹ بورڈ (پی سی بی) نے شائقین کرکٹ سے قومی کرکٹ ٹیم کو سپورٹ کرنے کی اپیل کی ہے۔

پاکستان کرکٹ بورڈ( پی سی بی) کی جانب سے جارہ کرد بیان میں کہا کہ پی سی بی آئی سی سی ورلڈ کپ 2023 میں قومی ٹیم کی مسلسل تین شکستوں کے بعد شائقین کرکٹ کے جذبات سے واقف ہے لیکن اس مشکل وقت میں انتظامیہ امید کرتی ہے کہ شائقین بابر اعظم اور اپنی ٹیم کی حمایت جاری رکھیں گے۔

پی سی بی کا کہنا ہے کہ قومی ٹیم کے ابھی کچھ اہم میچز باقی ہیں، ہمیں امید ہے کہ ٹیم دوبارہ منظم ہوکر ناکامیوں پر قابو پالے گی اور بہترین کارکردگی کا مظاہرہ دکھائے گی، امید ہے قومی ٹیم شکست کو بھول کر آنے والے مقابلوں میں مثبت اور اچھے کھیل کا مظاہرہ کرئے گی۔۔

پی سی بی کا کہنا ہے کہ سابق کرکٹرز اور میڈیا کی جانب سے کپتان بابر اعظم اور ٹیم مینجمنٹ پر تنقید اور انھیں تبدیل کرنے پر کرکٹ بورڈ کا موقف ہے کہ ہار جیت کھیل کا حصہ ہے، چیئرمین پی سی بی مینجمنٹ کمیٹی چوہدری ذکاء اشرف نے کپتان بابر اعظم اور چیف سلیکٹر انضمام الحق کو ورلڈ کپ کے اسکواڈ کی تشکیل کے لیے مکمل آزادی دی تھی، اور ان کی مرضی کے مطابق ٹیم بنانے میں کسی قسم کی روکاوٹ نہیں بنے۔

پی سی بی کا کہنا ہے کہ بورڈ ورلڈ کپ میں ٹیم کی کارکردگی کی بنیاد پر پاکستان کرکٹ کے بہترین مفاد میں مستقبل میں  فیصلہ کرے گی، فی الحال پی سی بی شائقین، سابق کھلاڑی اور اسٹیک ہولڈرز ٹیم کو سپورٹ کرے۔

واضح رہے کہ آئی سی سی ون ڈے ورلڈکپ میں پاکستان کی بھارت، آسٹریلیا اور افغانستان سے مسلسل شکست کے بعد قومی ٹیم پر سخت تنقید کی جا رہی ہے۔

خیال رہے کہ 23 اکتوبر کو ورلڈ کپ کے اہم میچ میں افغانستان نے ایک اور بڑا اپ سیٹ کرتے ہوئے پاکستان کو پہلی بار 8 وکٹوں سے بدترین شکست دی تھی، پاکستان اپنا اگلا میچ کل یعنی 27 اکتوبر کو چنئی میں جنوبی افریقا کے خلاف کھیلے گا۔