ARYNews.tv | Urdu – Har Lamha Bakhabar

Tag: شائقین

  • ’کسی سے نہیں ہوتا اللہ سے ہوتا ہے‘، سیمی فائنل جیتنے کے بعد رضوان کا پیغام

    ’کسی سے نہیں ہوتا اللہ سے ہوتا ہے‘، سیمی فائنل جیتنے کے بعد رضوان کا پیغام

    قومی ٹیم کے وکٹ کیپر و بیٹر محمد رضوان نے گرین شرٹس کے فائنل میں پہنچنے پر سوشل میڈیا پر ایک پیغام جاری کیا ہے۔

    گزشتہ روز کھیلے گئے سیمی فائنل میں پاکستان نے نیوزی لینڈ کو 7 وکٹوں سے شکست دیکر فائنل کے لیے کوالیفائی کیا تھا۔

    پاکستان ٹیم اگر مگر کا شکار ہونے کے بعد سیمی فائنل میں پہنچنا بھی ہر ایک کے لیے ایک معجزے سے کم نہیں تھا۔

    ورلڈ کپ کے فائنل میں انٹری کے بعد جہاں شائقین بہت خوش ہیں اور مبارکباد دے رہے ہیں وہی قومی کرکٹر ٹیم کے کھلاڑی بھی اللہ کا شکر ادا کرتے نظر آرہے ہیں۔

    قومی کرکٹ ٹیم کے وکٹ کیپر و بیٹر محمد رضوان نے ٹوئٹر پر پیغام میں کہا کہ کسی سے نہیں ہوتا اللہ سے ہوتا ہے۔

    انہوں نے ٹوئٹ میں لکھا کہ ’ ثقلین بھائی اور ہماری پوری مینجمنٹ نے ہمیں جو یقین دلایا ان سب کا مشکور ہوں۔

    محمد رضوان کا کہنا تھا کہ ’ الحمدللہ، ہماری ٹیم ایک ہے، اور ہم  اپنی پوری کوشش کریں گے انشا اللہ‘۔

    پاکستان کرکٹ ٹیم کے وکٹ کیپر نے ٹوئٹ کے ذریعے اپنے مداحوں کا شکریہ ادا کیا، اور دعاؤں میں یاد رکھنے کی درخواست بھی کی۔

    ساتھ ہی انہوں نے ٹوئٹر پر کل نیوزی لینڈ کو شکست دینے کے بعد قومی ٹیم کی تصویر بھی شیئر بھی کی ہے۔

  • پی ایس ایل میچز : شائقین کیلئے خصوصی ہدایات جاری

    پی ایس ایل میچز : شائقین کیلئے خصوصی ہدایات جاری

    کراچی : پاکستان سپر لیگ کے میچوں میں شائقین کو ماسک کے بغیر اسٹیڈیم میں داخلے کی اجازت نہیں دی جائے گی جبکہ کھانے پینے کی اشیا لانا سختی سےممنوع قرار دیا گیا ہے۔

    تفصیلات کے مطابق پاکستان سپر لیگ کے میچوں میں شائقین کیلئے خصوصی ہدایات جاری کردی ہے ، جس میں کہا گیا ہے کہ ماسک کے بغیر اسٹیڈیم میں داخلےکی اجازت نہیں ہوگی جبکہ اسٹیڈیم میں آتشی اسلحہ، کھلونا بندوقیں ، بارودی مواد یا پٹاخے لانا ممنوع قرار دیا گیا ہے۔

    ہدایات میں کہا گیا ہے کہ سگریٹ،ماچس،لائٹر،تیزدھارآلہ سمیت لیزرپوائنٹر،لیپ ٹاپ یا اس طرح کے دیگرسامان کی اجازت نہیں ہوگی جبکہ کھانے پینے کی اشیالاناسختی سےممنوع قرار دیا ہے اور قومی پرچم،پی ایس ایل یاایچ بی ایل کےعلاوہ کسی قسم کاجھنڈا لانا منع ہے

    شائقین کو ہدایت کی گئی ہے کہ ٹکٹ ہولڈرشناختی کارڈ ہمراہ لائیں اور جو 18سال سےکم عمر نوجوان ہے وہ بے فارم لیکرآئیں جبکہ 4سال سے زیادہ عمر کے بچے کے لئے ٹکٹ لینا لازمی ہو گا۔

    ہدایات میں کہا گیا ہے کہ قابل اعتراض تحریروالےبینر،پوسٹرزلانےکی اجازت نہیں ہوگی اور منافع کی غر ض سے ٹکٹ کی دوبارہ فروخت پرکارروائی ہوگی اور اگر ٹکٹ پرسیکیورٹی فیچر، کوڈمسخ یاخراب پایا گیا توداخل کی اجازت نہیں ہوگی۔

    خصوصی ہدایات کے مطابق ٹکٹ کی رقم کی واپسی کیلئےپی ایس ایل ویب سائیٹ وزٹ کریں۔

    خیال رہے پاکستان سپر لیگ سیزن سکس کی رنگ رنگ افتتاحی تقریب آج نیشنل اسٹیڈیم کراچی میں ہوگی، جس میں نامور فنکار تقریب میں پرفارم کریں گے، تقریب کا آغاز شام پونے سات بجے ہوگا، کورونا کے باعث ترکی میں ریکارڈ کیا گیا شو بھی افتتاحی تقریب کا حصہ ہوگا۔

    ایونٹ کا پہلا معرکہ کراچی کنگز اور کوئٹہ گلیڈی ایٹرز کے درمیان رات آٹھ بجے شروع ہوگا۔

  • بھارت کے خلاف ٹیسٹ میچ، کرکٹ کے شیدائی نے جان دے دی!

    بھارت کے خلاف ٹیسٹ میچ، کرکٹ کے شیدائی نے جان دے دی!

    پاکستان اور بھارت کی کرکٹ ٹیمیں آمنے سامنے تھیں۔ وہ ایک ٹیسٹ میچ تھا جو 29 جنوری 1955 میں لاہور میں کھیلا گیا۔

    پاکستان کی جانب سے مقصود احمد عرف میری میکس بھارتی کھلاڑی کی گیند کا سامنا کرنے کو تیار تھے۔ ان کا انفرادی اسکور 99 رنز تھا اور وہ بڑی کام یابی کے قریب تھے کہ گپتے کی گیند پر ایک کھلاڑی نے اسٹمپڈ کر دیا۔ یوں سنچری مکمل نہ ہوسکی۔

    وہ 99 رنز پر آئوٹ ہونے والے پاکستان کے پہلے کھلاڑی تھے۔ یوں تو تمام پاکستانی اس پر رنجیدہ اور دکھی تھے، مگر نواب شاہ کا ایک شہری جو ریڈیو پر کمنٹری سن رہا تھا، مقصود احمد کے میدان سے باہر ہوجانے کی تاب نہ لاسکا اور حرکتِ قلب بند ہونے سے اس کی موت واقع ہو گئی۔

    ادھر مقصود احمد اس کے بعد کبھی سنچری اسکور نہیں کرسکے۔ ان کا شمار دنیا کے ان 9 کھلاڑیوں میں ہوتا ہے جن کا ٹیسٹ کرکٹ میں زیادہ سے زیادہ انفرادی اسکور 99 رنز ہے۔ یہی مقصود احمد بعد میں پاکستان کی قومی سلیکشن ٹیم کا سربراہ بنے اور انھوں نے عمران خان کو ٹیم کی قیادت سونپی جو بعد میں کرکٹ ورلڈ کپ کے فاتح بنے۔ مقصود احمد میری میکس کے نام سے قومی اخبارات و جرائد میں کرکٹ پر مضامین بھی لکھتے رہے۔

  • دو ہزار اٹھارہ میں بھی فٹبال کا سب سے زیادہ چرچا رہا

    دو ہزار اٹھارہ میں بھی فٹبال کا سب سے زیادہ چرچا رہا

    لاہور: دو ہزار اٹھارہ میں بھی فٹبال کا سب سے زیادہ چرچا رہا، دنیا بھر میں فٹبال فین نے اس کھیل کو خوب سراہا اور بھرپور لطف اندوز ہوئے۔

    یوں تو تمام ہی کھیل دنیا بھر میں کھیلے جاتے ہیں لیکن فٹبال کو بین الاقومی سطح پر خاص مقبولیت حاصل ہے، اس کھیل سے کروڑوں شائقین کے دلی جذبات وابستہ ہیں۔

    2018 میں سب سے زیادہ فٹ بال ورلڈ کپ کا چرچا رہا، روس میں کھیلے جانے والے ورلڈ کپ کے فائنل میں کروشیا کو شکست دے کر فرانس نیا عالمی چیمپئن بنا۔

    فیفا ورلڈ کپ 2018 کا فائنل ماسکو میں کھیلا گیا جہاں 1998 کے بعد فرانس نے اپنا دوسرا ورلڈ کپ کروشیا کو ہرا کر جیتا۔

    کروشیا کی ٹیم اس ورلڈ کپ میں غیر معمولی کارکردگی دکھاتے ہوئے پہلی مرتبہ فائنل میں پہنچی تھی، فرانس میں ٹیم کی کامیابی پر بھرپور جشن منایا گیا۔

    ٹیم کے استقبال کے لیے سڑکوں پر دیوانوں کا جم غفیر تھا، ایونٹ میں بتیس دنوں کے درمیان ورلڈ کپ کے 64 میچز روس کے 11 شہروں میں کھیلے گئے۔

    ایونٹ کا آغاز دھماکہ خیر رہا، دفاعی چیمپئن جرمنی کو پہلے میچ میں میکسیکو نے اپ سیٹ کیا، ٹیمیں ایک ایک کرکے مرحلہ وار باہر ہوتی ہیں، سب کی فیورٹ برازیل کوارٹر فائنل میں ہمت ہارگئی۔

    کروشیا کے لوکا موڈرچ ٹورنامنٹ کے بہترین کھلاڑی قرار پائے انگلش کپتان ہیری کین سب سے زیادہ چھ گولز کرنے والے کھلاڑی رہے، فرانس اب دوہزار بائیس میں قطر میں ٹائٹل کا دفاع کرے گا۔

  • محمد عامر نے سزا مکمل کرلی انہیں کرکٹ سے دور رکھنا زیادتی ہوگی، سابق کھلاڑی

    محمد عامر نے سزا مکمل کرلی انہیں کرکٹ سے دور رکھنا زیادتی ہوگی، سابق کھلاڑی

    محمد عامر اپنی جارحانہ پرفارمنس سے شائقین کے ہی نہیں سابق کھلاڑیوں کی بھی انکھ کا تارہ ہیں۔

    پاکستان کرکٹ کے نوجوان کھلاڑی محمد عامر نے چھوٹی عمر میں وہ کر دکھایا جس کا دیگر کھلاڑی صرف سوچ ہی سکتے ہیں، عامر ٹیم میں آئے اور چھاگئے، سترہ سال کی عمر میں ڈیبیو کرنے والے فاسٹ بولر نے اپنی شاندار بولنگ سے بیٹنگ کے بڑے بڑے سورماوں کا پویلین کی راہ دکھائی۔ ٹنڈولکر ہوں یا رکی پونٹنگ ، سنگاکارا ہوں یا الیسٹر کک سب ہی عامر کے سامنے گھبراتے نظر آئے۔

    پاکستان کرکٹ ٹیم کے آل راونڈر اظہر محمود اور اعجاز احمد کا کہنا ہے کہ محمد عامر نے سزا مکمل کرلی انہیں کرکٹ سے دور رکھنا زیادتی ہوگی۔

    اے آر وائی نیوزکے پروگرام اسپورٹس روم میں خصوصی بات چیت کرتے ہوئے اظہر محمود نے کہا کہ محمد عامر کو ٹیم میں شامل نہ کرنے کا سوال ہی پیدا نہیں ہوتا ۔

    آئندہ آنےوالے نوجوانوں کیلئے محمدعامر رول ماڈل ہے وہ نوجوانوں کو بتا سکتا ہے کہ اس سے غلطی ہوئی تھی جس کی اسے سزا بھی ملی۔

    ٹیسٹ کرکٹر اعجاز احمد نے کہا کہ محمد عامر پر اب بھاری ذمہ داری ہے کہ وہ اپنا کردار ادا کرے، دیگر ممالک کےکھلاڑی بھی پابندی کے بعد ٹیم میں واپس آئے ہیں، فاسٹ بولر کو بھی موقع دیناچاہیے۔

    دونوں کرکٹرز کا کہنا تھا کہ محمد عامر پاکستان ٹیم کا مستقبل ہے اسے ضائع نہیں ہونا چاہیے۔

    پرفیکٹ یارکر یا گڈلینتھ باونسر ہر گیند ہی عامرکی خطرناک رہی، سوئنگ کے سلطان اور سابق کپتان وسیم اکرم نے بھی محمد عامر کو خود سے بہتر بولر قرار دیا۔

    لیجنڈری کپتان عمران خان بھی عامر کے ٹیلنٹ کی تعریف کئے بغیر نہ رہ سکے، اے آر وائی نیوز کے دی مارننگ شو میں خصوصی انٹرویو میں تحریک انصاف کے سربراہ عمران خان کا کہنا تھا کہ محمد عامر نے غلطی کی، اس کا اعتراف کیا، جھوٹ نہیں بولا، سزا مکمل کی اب فاسٹ بولر کو کھیلنا چاہیئے۔