Tag: شاداب خان

پاکستان کے سابق کرکٹر باسط علی نے کہا ہے کہ نیوزی لینڈ کے خلاف قومی ٹی20 اسکواڈ بتارہا ہے بعد میں شاداب خان کپتان بنیں گے۔

اے آر وائی نیوز کے پروگرام ہرلمحہ پُرجوش میں گفتگو کرتے ہوئے باسط علی کا کہنا تھا کہ انصاف کرنا تھا تو پھر بابراعظم اور رضوان کو بھی ڈراپ کرنا چاہیے تھا، کامران غلام کو یہ کہہ کر ڈراپ کردیا گیا کہ وہ فیلڈر اچھا نہیں ہے، نیوزی لینڈ کےخلاف اسکواڈ میرٹ پر نہیں بنایا گیا۔

باسط علی نے کہا کہ آخری میچ میں 64 رنز بنانے والا سعود شکیل نیوزی لینڈ کےخلاف اسکواڈ سے باہر ہوگیا، حسنین، کامران غلام بھی ٹیم سے باہر ہوگئے باقی وہی کھلاڑی دوبارہ آگئے۔

سابق پاکستانی کرکٹر نے کہا کہ کامران غلام اچھا فیلڈر نہیں تو دیگر بھی کھلاڑی ہیں جن کی فیلڈنگ اچھی نہیں، مشتاق کلہوڑو 2 سال سے فاسٹ بولنگ میں ٹاپ کررہا ہے۔

باسط علی نے کہا کہ مشتاق کلہوڑو کا کہیں بھی نام نہیں کیا وہ کرکٹ چھوڑ دے؟ نئے کھلاڑیوں کو اس لیےنہیں لیا جاتا کیونکہ وہ ٹک ٹک والوں کی جگہ لےلیں گے۔

سابق کرکٹر نے کہا کہ سیمی فائنل میں بھارت نے مشکل ہدف آسانی سے حاصل کیا، کریڈٹ کنگ کو جاتا ہے، جن لوگوں کویہ نہیں پتا کنگ کس کو کہتے ہیں وہ ویرات کوہلی کو دیکھ لیں، آج آسٹریلیا کیخلاف ویرات کوہلی کی بیٹنگ دیکھ لیں کنگ اس کو کہتے ہیں۔

چیمپئنز ٹرافی میں شرمناک کارکردگی کے بعد قومی ٹیم شدید تنقید کی زد میں ہے اور ایک بار پھر ٹیم کی قیادت کا معاملہ زیر بحث ہے۔

آئی سی سی چیمپئنز ٹرافی سے دفاعی چیمپئن کے بغیر کوئی میچ جیتے شرمناک اخراج کے بعد سابق کرکٹرز اور شائقین قومی ٹیم پر شدید تنقید کر رہے ہیں۔ کھلاڑیوں کے ساتھ کپتان اور طرز قیادت پر بھی سوالات اٹھائے جا رہے ہیں۔

چیمپئنز ٹرافی سے پاکستان کا اخراج ہوا پرانا، اب نیا امتحان دورہ نیوزی لینڈ ہے جو رواں ماہ ہی شروع ہوگا۔ تجزیہ کاروں نے اپنے تجزیوں میں قیادت کے حوالے سے کئی نام دیے تاہم ذرائع کچھ اور بتا رہے ہیں۔

اے آر وائی نیوز کو ذرائع سے ملنے والی اطلاعات کے مطابق دورہ نیوزی لینڈ میں آل راؤنڈر شاداب خان کی واپسی ہو گی۔ ون ڈے ٹیم کی قیادت بدستور محمد رضوان ہی کریں گے، تاہم ٹی ٹوئنٹی میں کپتانی کا تاج ان کے سر پر نہیں ہوگا۔

ذرائع نے بتایا ہے کہ ون ڈے میں محمد رضوان کپتان اور سلمان علی آغا ان کے نائب ہوں گے۔ تاہم ٹی 20 فارمیٹ رضوان کی جگہ سلمان علی آغا کپتان ہوں گے اور ٹیم میں کم بیک کرنے اسٹار آل راؤنڈر شاداب خان ان کے نائب ہوں گے۔

واضح رہے کہ پاکستان ٹیم ون ڈے اور ٹی 20 میچز کی سیریز کھیلنے کے لیے 12 مارچ کو نیوزی لینڈ روانہ ہوگی۔ دورے کا آغاز پانچ ٹی ٹوئنٹی میچز سے ہوگا جس کے بعد تین ون ڈے انٹرنیشنل پر مشتمل سیریز کھیلی جائے گی۔

چیمپئنز ٹرافی میں بدترین کارکردگی کے بعد اطلاعات ہیں کہ سلیکشن کمیٹی کئی سینئر کھلاڑیوں کو دورہ نیوزی لینڈ میں آرام دے کر نئے ٹیلنٹ کو شامل کرے گی۔

دنیا کے بہترین فیلڈرز میں سے ایک گلین فلپس جیسا تیز طرار بننے کے لیے کیا کرنا چاہیے، اس حوالے سے آل رائونڈر شاداب خان نے بتادیا۔

اسپورٹس چینل پر اظہار خیال کرتے ہوئے پاکستان کے بہترین فیلڈرز میں سے ایک شاداب خان نے کہا کہ میں فیلڈنگ کو بہتر بنانے کے لیے بچپن سے ایک ڈرل کرتا تھا میں اب بھی وہی ڈرل کرتا ہوں جب بھی مجھے لگتا ہے کہ میرے ریفلیکسز سلو ہورہے ہیں تو میں وہ ڈرل کرتا ہوں۔

شاداب خان نے بتایا کہ میں ایک بیٹر کو لے کر پریکٹس کرتا ہوں اسے کہتا ہوں کہ تم اپنے شارٹس کو پکا کرو اور میں اپنی فیلڈنگ پکی کرتا ہوں، وہ ایک ڈرل ہے۔

انھوں نے کہا کہ ہر انسان کی مختلف ڈرل ہوسکتی ہے، میرے لیے یہ ڈرل کام کرتی ہے، تاہم فٹنس بہت اہم ہوتی ہے، آج کی کرکٹ میں تو فٹنس ویسے ہی بہت زیادہ اہمیت کی حامل ہے لیکن آپ کو اچھا فیلڈر بننا ہے تو اچھا ایتھلیٹ ہونا ضروری ہے۔

پرانے بولنگ ایکشن پر دوبارہ محنت کررہا ہوں، شاداب خان

شاداب کا کہنا تھا کہ جب آپ پوائنٹ پر آگے کھڑے ہوتے ہیں تو بیٹر کےلیے گیپ چھوٹا ہوجاتا ہے، اس میں فیلڈر کے اوپر ہوتا ہے کہ وہ اس پوزیشن پر زیادہ بہتر محسوس کررہا ہے کہ نہیں۔

پاکستانی آل رائونڈر نے بتایا کہ جب میں بھی پوائنٹ پر فیلڈنگ کرتا ہوں تو کوشش کرتا ہوں کہ آگے چلا جائوں بیٹر کے پاس اینگل ہی نہ ہو وہ آپ کو زور سے مار دے،

انھوں نے کہا کہ جب بیٹر زور سے ہٹ کرتا ہے اور اس کی شیپ اچھی نہیں رہتی تو بال ہوا میں جاتا ہے، پھر چانس ہوتا ہے کہ آپ بیٹر کو آئوٹ کرسکیں۔

پاکستان ٹیم کے آل راؤنڈر شاداب خان کا کہنا ہے کہ بابر اعظم ’کنگ‘ نہیں ’انسان‘ ہیں۔

قومی ٹیم کے آل راؤنڈر شاداب خان نے نجی ٹی وی کے پروگرام میں شرکت کی جہاں ان سے میزبان اور سامعین نے مختلف سوالات کیے۔

سامعین میں ایک شخص نے پوچھا کہ سب لوگ بطور کرکٹر بابر اعظم کو ’کنگ‘ بولتے ہیں اس بارے میں آپ کیا کہتے ہیں وہ ’کنگ‘ ہیں کہ نہیں؟

شاداب خان نے کہا کہ بابر اعظم کنگ تو نہیں انسان ہیں، دیکھیں مجھے لگتا ہے کہ یہ بابر پر ایکسٹرا بوجھ ڈالا گیا ہے اس کو نارمل رکھنا چاہیے۔

میزبان نے کہا کہ یہ تو آپ کے اچھے دوست حسن علی نے کہا کہ ’بوبزی دا کنگ‘ اس پر انہوں نے کہا کہ حسن علی نے یہ تو غلط کیا ہے، میں تو ایک میم دیکھ رہا تھا کہ لڑکے نے بولا کہ آپ ریکوئسٹ کرو حسن علی سے کہ وہ میڈیا پر آکر بولے ’کنگ نہیں کرے گا‘ تو وہ پرفارم کرلے گا۔

شاداب خان نے کہا کہ اس نے کبھی ’کنگ‘ بولنے کی ڈیمانڈ نہیں کی لیکن ہم لوگوں نے اس پر دباؤ ڈال دیا ہے، اب اس کا کنگ والا ٹیگ ختم ہورہا ہے تو وہ اچھا پرفارم کرے گا۔

انہوں نے کہا کہ بطور کھلاڑی ہر انسان کو بہتری کی ضرورت ہے، ہم ماڈرن ڈے کرکٹ سے پیچھے ہیں، بابر کی ایوریج 50 ہے اور اس کا اسٹرائیک ریٹ 130 ہے جب ایوریج اس کی 30 ہوگی تو اس کا اسٹرائیک ریٹ بڑھے گا لیکن ہم چاہتے ہیں کہ وہ ہر میچ میں پرفارم کرے اور اسٹرائیک ریٹ بھی 170 ہو تو ایسا نہیں ہوسکتا۔

شاداب خان نے کہا کہ ہمیں کھلاڑی کو وقت دینا چاہیے کہ وہ اپنی گیم میں بہتری لائے لیکن ہم تنقید شروع کردیتے ہیں۔