Tag: شاداب خان

پاکستانی آل راؤنڈر شاداب خان نے خراب پرفارمنس کے بعد اپنا کھویا ہوا اعتماد کیسے بحال کیا، پینتھرز کے کپتان نے سچ بتادیا۔

شاداب کی قیادت میں پینتھرز نے چیمپئنز ون ڈے کپ کے فائنل میں یکطرفہ مقابلے میں مارخورز کو شکست دی تھی، فتح کے بعد پریس کانفرنس میں اظہار خیال کرتے ہوئے شاداب خاب کا کہنا تھا کہ میں نے اس ٹورنامنٹ میں بولنگ کے لمبے اسپیل کیے اور اس سے مجھے مزید اعتماد ملا۔

شاداب نے کہا کہ حالات بہتر ہو رہے ہیں میں نے ماضی قریب میں لمبے اسپیل نہیں کیے تھے، لمبے بولنگ اسپیل سے مجھے اعتماد ملا، تاہم آل راؤنڈر نے اعتراف کیا کہ انفرادی طور پر انھیں مزید بہتری کی ضرورت ہے۔

پینتھرز کے 16 سالہ فاسٹ باؤلر علی رضا کے حوالے سے انھوں نے کہا کہ وہ ذہانت میں اپنی کی عمر کے حساب سے کہیں آگے ہیں، وہ جس طرح سے باؤلنگ کر رہے ہیں، میرے خیال میں وہ مستقبل میں پاکستانی ٹیم کے لیے مفید اثاثہ ثابت ہو سکتے ہیں۔

شاداب نے محمد حسنین کو بھی کریڈٹ دیا جنھوں نے پورے ٹورنامنٹ میں بہترین بولنگ اور 16.17 کی اوسط سے 17 وکٹیں لے کر سیریز کے بہترین کھلاڑی قرار پائے، شاداب نے کہا کہ حسنین ٹخنے کی طویل مدتی انجری کے بعد اپنی محنت سے کامیاب ہوئے۔

قومی کرکٹ ٹیم کے کھلاڑی نے کہا کہ ہم ٹورنامنٹ میں نوجوانوں کو موقع دینا چاہتے تھے تاکہ وہ آگے آئیں اور مستقبل میں پاکستان کی نمائندگی کرسکیں۔

خیال رہے کہ اسی سال شاداب نے اپنی قیادت میں ڈومیسٹک ٹیم کو دوسری ٹرافی جتوائی ہے، چھ ماہ قبل ان کی قیادت میں اسلام آباد یونائیٹڈ کی ٹیم نے پاکستان سپر لیگ 2024 کی ٹرافی اپنے نام کی تھی۔

اسلام آباد یونائیٹڈ کے کپتان شاداب خان نے کہا ہے کہ ورلڈکپ میں پاکستان ٹیم کو عماد وسیم کی ضرورت ہے۔

پی ایس ایل کے ایلی منیٹر ٹو میں پشاور زلمی کے خلاف فتح کے بعد گفتگو کرتے ہوئے شاداب خان نے کہا کہ عماد وسیم مختلف لیگز میں پرفارمنس دکھا چکے ہیں۔ میں تو چاہتا ہوں کہ عماد وسیم پاکستان ٹیم میں واپس آئیں۔ عماد وسیم کا ہماری ٹیم میں ہونا ہمارے لیے اہمیت رکھتا ہے۔

شاداب خان نے کہا کہ مشکل صورتحال میں پہلے بھی میچز جیت چکے ہیں۔ مثبت سوچ کے ساتھ کھلاڑی کھیل رہے تھے۔ حیدر علی کا دن ہو اورعماد وسیم بغیر کسی خوف کے کھیلے تو جیتنا ہی تھا۔

قومی ٹیم کے آل راؤنڈر نے کہا کہ کراؤڈ کی جانب سے عماد وسیم کے ساتھ نارواسلوک نہیں ہونا چاہیے۔ وہ ایک طویل عرصے تک پاکستان کی نمائندگی کرچکے ہیں۔ حیدر علی کی پرفارمنس میں اتارچڑھاؤ آتا رہا ہے۔ کبھی بھی کھلاڑی کو مایوس نہیں کرنا چاہیے۔

انھوں نے کہا کہ میں اپنی تکنیک پر کام کر رہا ہوں۔ تکنیک کو بہتر بنانے میں وقت درکار ہوتا ہے۔ یقین ہے کہ جلد ہی اس مسئلے کو حل کرلوں گا۔

کپتان اسلام آباد یونائیٹڈ نے کہا کہ شاہین کو ایک سیریز کے نتائج پر کپتانی سے ہٹایا نہیں جاسکتا۔ سیریز جیتیں اور تجربات بھی کرتے رہیں ایسا ممکن نہیں ہوسکتا۔

انھوں نے کہا کہ ورلڈکپ قریب تر ہے اور اس سے قبل مسئلے مسائل حل ہوجانے چاہئیں۔ ماڈرن کرکٹ میں فیلیئر کو قبول کرنا پڑتا ہے۔ ہم پاکستانی فیلیئر قبول کرنے کو تیار نہیں ہوتے ہیں۔

کراچی: نیوزی لینڈ کیخلاف سیریز کے لیے سلیکشن کمیٹی کے اجلاس کی اندرونی کہانی سامنے آگئی۔

تفصیلات کے مطابق نیوزی لینڈ کیخلاف سیریز کے لیے سلیکشن کمیٹی کے اجلاس کی اندرونی کہانی سامنے آگئی، سلیکشن کمیٹی سابق کپتان بابراعظم کو آرام دینا چاہتی تھی۔

قومی کرکٹ ٹیم کی سلیکشن کمیٹی سابق کپتان بابر اعظم کو آرام دینا چاہتی تھی لیکن ڈائریکٹر قومی ٹیم محمد حفیظ بابر اعظم کی سپورٹ میں سامنے آگئی، انہوں نے کہا کہ نیوزی لینڈ میں تجربے کی ضرورت پڑسکتی ہے۔

تاہم آل راؤنڈر شاداب خان کی مسلسل خراب پرفارمنس پر ٹیم مینجمنٹ اور سلیکشن کمیٹی انہیں ڈراپ کرنے پر متفق ہوگئی ہے۔

کمیٹی محمد رضوان کو بھی آرام دے کر اعظم خان کو کھلانا چاہتی تھی تاہم ڈائریکٹر قومی ٹیم محمد حفیظ کی تجویز پر دونوں کیپرز کو سیریز میں شامل کرنے کا فیصلہ کیا گیا ہے۔

تاہم مینجمنٹ اور سلیکشن کمیٹی شاداب خان کو ڈراپ کرنے پر متفق ہوگئی ہے ان کی جگہ  ابرار احمد، اسامہ میر کو محمدنواز کیساتھ شامل کرنے کا فیصلہ ہوا ہے۔

ورلڈکپ میں پاکستان کرکٹ ٹیم کی نائب کپتانی کے فرائض انجام دینے والے شاداب خان سمجھتے ہیں کہ وہ اگر وہ کرکٹر نہ ہوتے تو مزدور ہوتے۔

ایک انٹرویو کے دوران فاسٹ بولر نسیم شاہ نے بھی کچھ اسی طرح کے خیالات کا اظہار کیا تھا۔ ماضی میں دونوں کرکٹرز کی جانب سے ایک انٹرویو کے دوران اظہار خیال کیا گیا تھا، جس کی ویڈیو پاکستان ٹیم کی خراب پرفارمنس کے بعد پھر سے وائرل ہورہی ہے۔

شاداب خان اور نسیم شاہ سے سوال کیا گیا کہ اگر آپ کرکٹرز نہ ہوتے تو کیا ہوتے؟ اس کے جواب میں نسیم شاہ نے کہا کہ میں کاروبار کرتا لیکن میرا بزنس میں دماغ نہیں تو اسے میں زیادہ دیر تک جاری نہیں رکھتا۔

جب آل راؤنڈر شاداب خان سے یہی سوال کیا گیا تو انھوں نے بتایا کہ وہ کوئی مزدور ہوتے اور کہیں مزدوری ہی کررہے ہوتے، اکثر کرکٹرز پڑھتے نہیں ہیں تو سب ہی مزدوری کرتے یا فارغ ہوتے۔

انٹرویو کرنے والے شخص نے پوچھا کہ آپ دونوں کس کرکٹر جیسا بننا چاہتے ہیں؟ اس کے جواب میں دونوں نے سابق کپتان عمران خان بننے کی خواہش کا اظہار کیا۔

پسندیدہ گانے کے سوال پر شاداب نے بتایا کہ راحت فتح علی خان کا گانا ’آفرین آفرین‘ انھیں پسند ہے جب کہ نسیم شاہ نے بتایا کہ ویسے تو بہت سے گانے سنے ہوئے ہیں لیکن پچھلے 4 سال سے ’میری ماں کے برابر کوئی نہیں‘ والا گانا سنتا ہوں۔