ARYNews.tv | Urdu – Har Lamha Bakhabar

Tag: شاداب خان

  • ویڈیو: شاداب خان دلہن لینے پہنچ گئے

    ویڈیو: شاداب خان دلہن لینے پہنچ گئے

    قومی کرکٹ ٹیم کے آل راؤنڈر شاداب خان اپنی دلہنیاں لینے کے لیے ثقلین مشتاق کے یہاں بارات لے کر پہنچ گئے۔

    شاداب خان کی شادی کی تقریب جاری ہے، جزشتہ روز حسن علی کی ایلیہ نے سوشل میڈیا پر مہندی کی ویڈیو جاری کی تھی تاہم آج کرکٹر کی بارات ہے۔

    سوشل میڈیا پر شاداب کی بارات کی ویڈیو وائرل ہے جس میں انہیں سفید شیروانی اورسفید رنگ کا ہی قلا پہنے دیکھا جاسکتا ہے، بارات کی آمد پر شاداب کے سسر اور سابق کرکٹر ثقلین مشتاق نے ان کا استقبال کیا۔

    رپورٹ کے مطابق شاداب خان کے ولیمے کی تقریب 10 فروری کو اسلام آباد میں ہوگی، تقریب کے مہمانوں کی فہرست میں کرکٹرز اور مشہور شخصیات شامل ہیں۔

    واضح  رہے کہ شاداب خان کا نکاح گزشتہ ماہ سابق کرکٹر ثقلین مشتاق کی صاحبزادی سے ہوا تھا۔

  • شاداب خان کی بارات اور ولیمے کی تاریخ سامنے آگئی

    پاکستان کرکٹ ٹیم کے آل راؤنڈر شاداب خان کی بارات اور ولیمے کی تاریخ سامنے آگئی ہے۔

    گزشتہ ہفتے شاداب خان کا نکاخ ثقلین مشتاق کی صاحب زادی سے ہوا تھا، جس کے بارے میں آل راؤنڈر نے اپنے ٹوئٹر کے زریعے بتایا تھا۔

    اب میڈیا رپورٹس کے ذریعے شاداب کی بارات اور ولیمے کی تاریخیں سامنے آئی ہیں جس میں بتایا گیا ہے کہ شاداب کی بارات اور ولیمے کی تقریبات 9 اور 10 فروری کو اسلام آباد میں منعقد کی جائیں گی۔

    شاداب خان کا نکاح، تصاویر اور ویڈیوز منظر عام پر

    میڈیا رپورٹس کے مطابق شاداب کی بارات اور شادی کی تقاریب شاہین آفریدی کے نکاح کے بعد منعقد کی جائیں گی۔

    واضح رہے کہ شاہین کا نکاح سابق کپتان شاہد آفریدی کی بیٹی انشا آفریدی سے 3 فروری کو ہوگا۔

  • شاداب خان کو ساتھی کرکٹرز نے نکاح کی مبارکباد کیسے دی؟

    پاکستان کے معروف آل راؤنڈر شاداب خان کو ساتھی کرکٹرز کی جانب سے دلچسپ انداز میں نکاح کی مبارکباد دینے کا سلسلہ جاری ہے۔

    گزشتہ شب شاداب نے ٹوئٹر پر اعلان کیا کہ وہ رشتہ ازدواج میں منسلک ہوچکے ہیں جس کے بعد ان کے مداحوں سمیت معروف شخصیات کی جانب سے انہیں مبارکباد دینے کا سلسلہ شروع ہوا۔

    پاکستان ٹیم کے کپتان بابر اعظم نے شاداب کو نکاح کی مبارکباد پیش کی اور ان کے لیے نیک خواہشات کا اظہار کیا۔

    قومی ٹیم کے مڈل آرڈر بیٹر افتخار احمد نے شاداب کو دلچسپ انداز میں مبراکباد دیتے ہوئے لکھا کہ ’یہ بندہ آج سے صرف بھائی نہیں بلکہ دلہا میاں بھی ہے، کلب میں خوش آمدید بھائی جان‘۔

    فاسٹ بولر شاہنواز دھانی نے بھی ٹوئٹر پر شاداب کو نکاح کی مبارک دیتے ہوئے دعا دی اور لکھا کہ  ‘شاداب کے نکاح کا سن کر جس جس کا دل ٹوٹا ہے، میں ان کے دکھ میں برابر کا شریک ہوں’۔

    https://twitter.com/ShahnawazDahani/status/1617567457086156800?s=20&t=KrqEqyuWf_dvkChgfcPpTg

    فاسٹ بولر حارث رؤف نے لکھا کہ لگتا ہے میرا شادی والا قدم پسند آگیا، ساتھ ہی شاداب کو مبارکباد بھی دی اور تصویر بھی شیئر کی۔

    اس کے علاوہ آل راؤنڈر کے بہترین دوست حسن علی نے بھی شاداب کے لیے لکھا کہ آخر کار میرے دوست کا نکاح ہوگیا، میں آپ کے لیے بہت خوش ہوں شاداب، اللہ پاک زندگی کے اس نئے سبق کے لیے آپ کو ڈھیروں خوشیاں نصیب کرے۔

    اس کے علاوہ محمد حارث نے نکاح کی مبارکباد اور نیک تمناؤں کا اظہار کرتے ہوئے لکھا کہ’ نکاح کا سیزن چل رہا ہے؟

  • شاداب خان کا نکاح، تصاویر اور ویڈیوز منظر عام پر

    شاداب خان کا نکاح، تصاویر اور ویڈیوز منظر عام پرپاکستان کے معروف آل راؤنڈر شاداب خان گزشتہ روز شادی کے بندھن میں بندھے ہیں جس کی تصاویر اور ویڈیوز منظرِ عام پر آگئیں۔

    تصاویر اور ویڈیوز میں دیکھا جاسکتا ہے کہ شاداب خان نے آف وائٹ کرتا اور پاجامہ پہن رکھا ہے، اور اس کے اوپر سیاہ رنگ کی واسکٹ پہنی ہے جب کہ دلہن کے والد یعنی ثقلین مشتاق نے شلوار قمیض پر نیلی رنگ کی واسکٹ زیب تن کی ہے۔

     

    View this post on Instagram

     

    A post shared by Afaq Khan (@afaqueniazi)

    شاداب خان نے نکاح کا اعلان شوشل میڈیا پر کیا تھا، ساتھ ہی انہوں نے فیملی کی پرائیویسی کے بارے میں مداحوں کو ہدایت جاری کی تھی۔

    انہوں نے لکھا تھا کہ الحمد اللہ آج میرا نکاح تھا، یہ میری زندگی کا بہت بڑا دن تھا اور آج ایک نئے باب کا اضافہ ہوا ہے، برائے مہربانی میرے انتخاب اور میری اہلیہ و ہمارے خاندان کی ترجیحات کا احترام کریں۔

     

    View this post on Instagram

     

    A post shared by Afaq Khan (@afaqueniazi)

    اسٹار پلیئر کا کہنا تھا کہ میں اپنے استاد ثقلین بھائی کی فیملی کا حصہ بن گیا ہوں، جب میں نے کرکٹ کا آغاز کیا میں اپنی فیملی لائف کو الگ رکھنا چاہتا تھا، میری فیملی نے بھی عوامی توجہ سے دور رہنے کا فیصلہ کیا ہے۔

     

    View this post on Instagram

     

    A post shared by Afaq Khan (@afaqueniazi)

    انہوں نے کہا کہ میری اہلیہ نے بھی بالکل یہی چاہا ہے، میری اہلیہ چاہتی ہیں کہ ان کی زندگی پرائیویٹ رہے۔

  • شاداب خان کی جگہ ٹیم کا نائب کپتان کون ہوگا؟

    شاداب خان کی جگہ ٹیم کا نائب کپتان کون ہوگا؟

    پاکستان کرکٹ بورڈ (پی سی بی) نے نیوزی لینڈ کے خلاف قومی ٹیم کے نائب کپتان کا اعلان کردیا۔

    تفصیلات کے مطابق پی سی بی کے چیف سلیکٹر شاہد خان آفریدی نے کل ون ڈے سیریز کے لیے کل اسکواڈ کا اعلان کیا تھا۔

    آل راؤنڈر شاداب خان انجرڈ ہونے کی وجہ سے نیوزی لینڈ کے خلاف ون ڈے سیریز کے لیے اسکواڈ میں شامل نہیں ہیں۔

    پی سی بی کی جاری کردہ اعلامیہ کے مطابق نیوزی لینڈ کے خلاف ون ڈے سیریز کے لیے شاداب خان کی جگہ شان مسعود کو ٹیم کا نائب کپتان مقرر کیا گیا ہے۔

    واضح رہے کہ پاکستان اور نیوزی لینڈ کے درمیان 3 میچوں پر مشتمل ون ڈے سیریز 9 جنوری سے کراچی میں شروع ہو رہی ہے۔

  • ’شیدی‘ ٹائم آگیا، اس نے ہم سب پر دباؤ ڈال دیا‘

    قومی ٹیم کے فاسٹ بولر حارث رؤف بچپن کی دوست مزنا مسعود ملک کے ساتھ رشتہ ازدوداج میں منسلک ہوگئے ان کی شادی کی تقریب میں قومی کرکٹرز و دیگر عزیز و اقارب نے شرکت کی۔

    اسپیڈ اسٹار حارث رؤف کی شادی کی تصاویر سوشل میڈیا پر وائرل ہورہی ہیں اور انہیں کھلاڑیوں اور مداحوں کی جانب سے مبارک باد دینے کا سلسلہ جاری ہے۔

    تصاویر میں دیکھا جاسکتا ہے کہ فاسٹ بولر نے کریم کلر کی شیروانی زیب تن کی جبکہ ان کی دلہن نے کریم اور گولڈن کلر کے عروسی لباس میں زیب تن کیا اور اسی مناسبت سے جیولری بھی پہنی۔

    حارث رؤف کی شادی کے بعد قومی کرکٹر سماجی رابطے کی ویب سائٹس پر پوسٹ شیئر کررہے ہیں اور انہیں مبارک باد دینے کے ساتھ ساتھ اس پرمسرت موقع پر مزاحیہ پوسٹ بھی شیئر کررہے ہیں۔

    قومی ٹیم کے نائب کپتان شاداب خان نے پوسٹ شیئر کی کہ ’ہاں جی ’شیدی‘ ٹائم آگیا ہے اب اس نے ہم سب پر دباؤ ڈال دیا ہے۔‘

    اس سے قبل پوسٹ میں انہوں نے لکھا کہ ’اتنا ’گلو‘ اتنی خوشی، لگتا ہے کہ میرا ٹائم اب آنے والا ہے، شاداب نے مسکرانے کی ایموجی بناتے ہوئے مزید لکھا کہ ’بہانا چاہیے تھا امام کو مل گیا ہے۔‘

    Image

  • سیمی فائنل سے قبل شاداب خان کا اہم بیان جاری

    سیمی فائنل سے قبل شاداب خان کا اہم بیان جاری

    پاکستان کرکٹ ٹیم کے نائب کپتان اور آل راؤنڈر شاداب خان کا کہنا ہے کہ ہم اس بار چمپئین بننے کی پوری کوشش کریں گے۔

    آئی سی سی کی جانب سے فوٹو اینڈ شیئرنگ ایپ انسٹا گرام پر شاداب خان کی ویڈیو جاری کی گئی ہے۔

    ویڈیو میں شاداب خان کا کہنا تھا کہ ہمارے ٹیم بہت زیادہ پُرجوش ہے، ہم آخری بار بھی ولڈ کپ کے سیمی فائنل سے باہر ہوئے، پھر ایشیا کپ میں فائنل میں پہنچ کر باہر ہوئے۔

     

    View this post on Instagram

     

    A post shared by ICC (@icc)

    شاداب خان نے کہا کہ ہم بہت آگے تک آجاتے ہیں لیکن گیم کو ختم نہیں کر پاتے اور پہلے ہی باہر ہوجاتے ہیں، اس بار ہمیں ایک اور موقع ملا ہے گیم فنش کرنے کا، ہم اب تک چمپئین نہیں بنے اس لیے اب ہماری اس بار پوری کوشش ہوگی کہ ہم چمپئین بنیں۔

    واضح رہے کہ آسٹریلیا میں جاری ٹی ٹوئنٹی ورلڈکپ کا پہلا سیمی فائنل آج پاکستان اور نیوزی لینڈ کی ٹیموں کے درمیان سڈنی میں کھیلا جائے گا۔

  • زمبابوے سے اپ سیٹ شکست کے بعد شاداب خان کی ویڈیو وائرل

    زمبابوے سے اپ سیٹ شکست کے بعد شاداب خان کی ویڈیو وائرل

    ٹی 20 ورلڈ کپ میں زمبابوے کے خلاف گزشتہ روز اپ سیٹ شکست کے بعد شاداب خان جذباتی ہوگئے جس کی ویڈیو سوشل میڈیا پر وائرل ہوگئی۔

    گزشتہ روز ٹی ٹوئنٹی ورلڈکپ میں گروپ ٹو کے میچ میں زمبابوے نے پاکستان کو سنسنی خیز مقابلے کے بعد ایک رن سے شکست دی تھی۔

    زمبابوے کی جانب سے دیے گئے 131 رنز کے ہدف کے تعاقب میں پاکستان ٹیم مقررہ اوورز میں 8 وکٹوں پر 129 رنز بناسکی تھی۔

    شاداب خان نے میچ میں شاندار بولنگ کرتے ہوئے تین کھلاڑیوں کو پویلین کی راہ دکھائی تھی۔

    قومی ٹیم کی شکست کے بعد جہاں کرکٹ شائقین افسردہ ہیں وہیں اور سابق کرکٹرز کی جانب سے بھی قومی ٹیم کی کارکردگی پر تنقید کی جارہی ہے۔

    ایسے میں سوشل میڈیا پر نائب کپتان شاداب خان کی ڈریسنگ روم کے راستے میں جذباتی ہونے کی ویڈیو وائرل ہوگئی جس میں انہیں زمین پر بیٹھے دیکھا جاسکتا ہے۔

    ویڈیو میں شاداب خان کو ٹیم مینجمنٹ میں ایک شخص تسلی دے رہے ہیں اور انہیں اپنے ساتھ لے جارہے ہیں۔

    یاد رہے کہ پرتھ میں پاکستان کی ایک رن سے شکست کے بعد پریس کانفرنس کے دوران بابر اعظم نے کہا تھا  کہ بطور کپتان یہ ان کیلئے کافی مایوس کن دن ہے کیوں کہ کسی نے یہ نہیں سوچا تھا کہ پاکستان یہ میچ ہار جائے گا۔

    قومی ٹیم اپنا گلا میچ 30 اکتوبر کو نیدرلینڈز کے خلاف کھیلے گی جبکہ گرین شرٹس کی ٹی 20 ورلڈ کپ سیمی فائنل میں رسائی مشکل ہوگئی ہے۔

  • اچھی کارکردگی دکھاؤں گا: شاداب خان

    اچھی کارکردگی دکھاؤں گا: شاداب خان

    میلبرن: قومی ٹیم کے نائب کپتان شاداب خان نے بھارت کے خلاف میچ سے قبل گفتگو میں کہا کہ وہ اچھی کارکردگی دکھائیں گے۔

    تفصیلات کے مطابق شاداب خان نے میلبرن میں میڈیا سے گفتگو کرتے ہوئے کہا پاک بھارت میچ بہت بڑا لمحہ ہوتا ہے، ہم بھارت کے خلاف آخری 3 میں سے 2 میچ جیتے ہیں۔

    شاداب خان نے کہا ہمارا مورال ہائی ہے، جیت کے لیے سب کو پرفارم کرنا ہوگا، مجھے خود پر اعتماد ہے اور اچھی کارکردگی دکھاؤں گا۔

    واضح رہے کہ آسٹریلیا کے سب سے بڑے اسٹیڈیم میں آج پاک بھارت ٹاکرا ہونے والا ہے، بھارتی ٹیم نے ٹاس جیت کر فیلڈنگ کا انتخاب کیا، اس وقت اسٹیڈیم میں ایک لاکھ سے زائد تماشائی میچ دیکھنے کے لیے بے تاب ہیں۔

    ٹی 20 ورلڈ کپ، بھارت کا ٹاس جیت کر پاکستان کیخلاف فیلڈنگ کا فیصلہ

    پاک بھارت میچ میں بابر اعظم اور رضوان اوپننگ کریں گے، شان مسعود، حیدر علی، افتخار احمد بھی ٹیم کاحصہ ہیں، آصف علی، محمد نواز، شاداب خان مڈل آرڈر سنبھالیں گے، جب کہ شاہین آفریدی، نسیم شاہ اور حارث رؤف فاسٹ بولرز ہوں گے۔

  • قومی ٹیم کے نائب کپتان شاداب خان نے مڈل آرڈر کے بارے میں‌ کیا کہا؟

    قومی ٹیم کے نائب کپتان شاداب خان نے مڈل آرڈر کے بارے میں‌ کیا کہا؟

    پاکستان کرکٹ ٹیم کے نائب کپتان شاداب خان نے کہا ہے کہ مڈل آرڈر نے کافی میچ جتوائے ہیں اب مڈل آرڈر پر دباؤ ختم کرنا چاہیے۔

    شاداب خان نے میلبرن میں میڈیا سے گفتگو کرتے ہوئے کہا کہ میں اور نواز  ٹیم میں بطور آل راؤنڈر کھیل رہے ہیں، زیادہ تر میچوں میں ہماری باری نہیں آتی، لیکن جب موقع ملتا ہے تو ہم پرفارم کرنے کی کوشش کرتے ہیں۔

    ان کا کہنا تھا کہ ٹیم کے آل راؤنڈر دونوں شعبوں میں اچھا کرنے کی کوشش کرتے ہیں، مڈل آرڈر نے کافی میچ جتوائے ہیں اب مڈل آرڈر پر دباؤ ختم کرنا چاہئیے۔

    پاک بھارت میچ کے حوالے سے شاداب خان نے کہا کہ بڑا ٹورنامنٹ ہے اس لیے اپنی بہترین الیون کے ساتھ میدان میں اتریں گے، بھارت کے ساتھ میچ کا بہت دباؤ ہوتا ہے اچھا کھیلیں گے تو ٹیم کا مورال بھی بلند ہوگا۔

     نائب کپتان نے مزید کہا کہ ہماری ٹیم اچھی ہے لیکن ابھی ہم چیمپئن نہیں بنے، کوشش ہے جو چھوٹی چھوٹی غلطیاں ہوتی ہیں اس کو ٹھیک کریں۔

    شاداب خان نے کہا کہ شاہین آفریدی دنیا کے بہترین باؤلر ہیں تاہم ان کے علاوہ ہماری ٹیم میں اور بھی ورلڈ کلاس باؤلر بھی موجود ہیں جنہوں نے ایشیا کپ میں ان کی کمی محسوس نہیں ہونے دی۔

    بیٹر شان مسعود کی انجری کے حوالے سے آل راؤنڈر شاداب خان کا کہنا تھا کہ انہیں گیند لگی ابھی وہ اسپتال میں ہیں۔