پاکستان کی حسین ترین وادی کیلاش میں صدیوں سے آباد قبیلہ کے افراد سالانہ تہوار ”چلم جوش“ کے بعد "اوجال” کو بھی بھرپور جوش و خروش سے مناتے ہیں۔
کیلاش قبیلے کا تہوار "اوجال” شادیوں کا تہوار کہلاتا ہے جو چلم جوش کے تہوار کے بعد منایا جاتا ہے، اور اس موقع پر پسند کرنے والے جوڑے ایک دوسرے کے ساتھ شادی کا اعلان کرتے ہیں۔
خیبر پختونخوا کے ضلع چترال میں بہار جوبن پر ہے جس کے ساتھ ہی یہاں صدیوں سے آباد قبیلہ کیلاش اپنا جشن چلم جوش جوش و خروش سے مناتا ہے جس کے بعد "اوجال” کو بھی بھرپور طریقے سے مناتے ہیں۔
یہ تہوار پاکستان کے سب سے رنگا رنگ اور مشہور تہوار کی حیثیت سے سب سے زیادہ شہرت کا حامل ہے یہی وجہ ہے کہ اس تہوار کو دیکھنے ہر سال ہزاروں سیاح وادی کیلاش کا رخ کرتے ہیں۔
کیلاش قبیلے کا تہوار "اوجال” شادیوں کا تہوار ہے جو چلم جوش کے تہوار کے بعد منایا جاتا ہے، اور اس میں پسند کرنے والے جوڑے ایک دوسرے کے ساتھ شادی کا اعلان کرتے ہیں۔
یہ تہوار بہار کی آمد اور نئی فصلوں کی خوشی میں منایا جاتا ہے، اور اس میں رقص و موسیقی کی محافل منعقد ہوتی ہیں۔
یہ تہوار نوجوان لڑکے لڑکیوں کے لیے جیون ساتھی چننے کا اچھا موقع ہوتا ہے اور اس تہوار میں چاہے لڑکا ہو یا لڑکی محبت کا ایک دوسرے سے کھل کر اظہار کرتے ہیں اور کیلاش ثقافت کے مطابق بھاگ جاتے ہیں۔
مذہبی تہوار کے لیے کیلاش برادری خصوصی تیاری کرتی ہے۔ کیلاشی نئے لباس زیب تن کرتے ہیں، خواتین ثقافتی لباس پہنتی ہیں اور روایتی موسیقی پر رقص کرکے جشن کی جگہ پہنچ جاتی ہیں اور اس طرح جشن شروع ہو جاتا ہے۔ خواتین رقص کرتی ہیں اور نئے سال کے لیے گیت گاتی ہیں۔