بھارتی اداکارہ پرینیتی چوپڑا اور سیاستدان راگھو چڈھا کی شادی کی خوبصورت تصاویر سوشل میڈیا کی زینت بن گئیں۔
پرینیتی چوپڑا اور بھارتی سیاستدان راگھو چڈھا کی شادی کی تقریب میں بھارت کے نامور سیاستدانوں سمیت کئی معروف اداکار بھی شریک ہوئے اور شادی کی تقریب کو چار چاند لگائیے۔
فوٹو اینڈ ویڈیو شیئرنگ ایپلی کیشن انسٹاگرام پر پرینیتی چوپڑا اور راگھو چڈھا نے مشترکہ طور پر اپنی شادی کی تقریب کی خوبصورت تصاویر شیئر کیں۔
اداکارہ کی جانب سے اپنی شادی کے موقع پر گولڈ اور آف وائٹ رنگ کے عروسی جوڑے کا انتخاب کیا گیا جبکہ ان کے دلہا نے آف وائٹ رنگ کی شیروانی زیب تن کی۔
بھارتی میڈیا کا کہنا ہے کہ اداکارہ کا شادی کا لباس معروف سلیبریٹی ڈیزائنر منیش ملہوترا نے تیار کیا، جو خود بھی شادی میں شریک تھے۔
انسٹا گرام پر کی گئی پوسٹ کے کیپشن میں لکھا گیا کہ ‘ناشتے کی میز پر پہلی ہی گفتگو سے ہمارے دلوں کو پتہ چل گیا تھا، ہم ایک طویل عرصے سے اس دن کا انتظار کر رہے تھے۔
