شادی کی تقاریب ایک ایسا موقع ہوتا ہے جس میں صرف خوشی ہی ہوتی ہے، کوئی بھی منفی طور پر سوچ بھی نہیں سکتا ہے۔

تفصیلات کے مطابق راولپنڈی کے ایک شادی ہال میں ایک ایسا ہی واقعہ پیش آیا جہاں شادی کے احتتام میں سوگ کا سماں چھاگیا۔

ہوا کچھ یوں کہ راولپنڈی میں جب ایک شادی کی تقریب جاری تھی کہ اچانک ایک زور دار دھماکہ جیسی آواز نے شادی میں موجود لوگوں کو خوف زدہ کر دیا  اور پھر چیخ و پکار کی آواز میں شادی کی تقریب ماتم میں تبدیل ہو گئی، ہال کی لفٹ گرنے سے ایک شخص جاںبحق جبکہ متعددد زخمی ہو گئے۔

دوسری جانب لواحقین نے ہال انتظامیہ پر الزام عائد کیا اور کہا کہ شادی کی تقریب میں تاخیر ہو گئی تھی جس کی وجہ سے انتظامیہ ہال بند کرنے کے لیے زور ڈال رہی تھی، اور پھر آخری حربہ کے طور پر لائٹ بند کر دی، جس کے باعث لفٹ گر گئی۔

پولیس کی جانب سے ابتدائی طور پر بتایا گیا تھا کہ لفٹ گرنے کی وجہ سے ایک شخص جاںبحق ہوا جبکہ متعدد افراد زخمی بھی ہوئے، جنہیں طبی امداد دی جا رہی ہے۔

اسلام آباد: تحریک انصاف کے رہنما فرخ حبیب کا کہنا ہے کہ عید کے بعد ایس او پیز کے ساتھ شادی ہال اور ریسٹورنٹ کھولیں گے۔

تفصیلات کے مطابق پارلیمانی سیکریٹری ریلوے فرخ حبیب نے کہا ہے کہ عیدالاضحیٰ کے بعد ایس او پیز کے ساتھ شادی ہال اور ریسٹورنٹ کھولیں گے۔انہوں نے کہا کہ ایس او پیز کے تحت پورے ہفتے کاروبار کھولنے کی بھی کوشش کریں گے۔

فرخ حبیب کا کہنا تھا کہ این سی او سی سفارشات تیار کر رہا ہے،تاجر برادری بھی ذمےداری کا مظاہرہ کرے۔

خیال رہے کہ گزشتہ ہفتے حکومت پنجاب نے صوبے میں لاک ڈاؤن 15 روز کی توسیع کرتے ہوئے اس کی مدت 30 جولائی تک بڑھا دی تھی۔

سیکرٹری پرائمری اینڈ سیکنڈری ہیلتھ کیئر کیپٹن (ر) محمد عثمان کی جانب سے جاری نوٹیفکیشن میں کہا گیا تھا کہ 30 جولائی تک تعلیمی ادارے، شادی ہال، ریسٹورنٹ اور سینما ہال بدستور بند رہیں گے۔

اس سے قبل 30 جون کو پنجاب حکومت نے لاک ڈاؤن میں 15 روز کی توسیع کرتے ہوئے 15 جولائی تک کے لیے لاک ڈاؤن نافذ کیا تھا۔