Tag: شادی

کانپور: بھارتی ریاست اتر پردیش میں دلہن نے پہلی بار دلہے کا چہرہ دیکھتے ہی شادی سے انکار کردیا اور تقریب سے اٹھ کرچل گئی۔

تفصیلات کے مطابق بین الاقوامی میڈیا رپورٹس میں بتایا گیا ہے کہ یہ واقعہ کانپور میں سچندی کے علاقے میں پیش آیا جہاں بھارتی روایات کے تحت دلہا اور دلہن نے پہلی بار چہرے سے پردہ ہٹا کر ایک دوسرے کو دیکھنا تھا۔

شادی میں دونوں خاندانوں کے قریبی رشتہ دار اور دوست احباب شریک تھے اور خوب گہما گہمی تھی ، روایتی انداز میں دلہے نے دلہن کا گھونگھٹا اٹھایا جس کے بعد دلہن نے جیسے ہی دلہے کا سہرا ہٹایا تو وہ چونک گئی۔

دلہن نے کہا کہ دلہے کے چہرے کی رنگت سانوی ہے اور اس کی عمر بھی زیادہ ہے، خوبصورتی کے معیار پر پورا نہ اترنے پر دلہن نے شادی سے انکار کردیا۔

تنازع کھڑا ہوا تو کسی بھی ناخوشگوار واقعے سے بچنے کے لیے فوری طور پر پولیس کو بلایا گیا، پولیس نے معاملے کی سنگینی کو سمجھتے ہوئے دلہن سے اس کا موقف سنا ، دلہن نے کہا کہ وہ یہ شادی نہیں کرسکتی اور نہ ہی اس سے زبردستی کی جائے۔

پولیس نے دونوں فیملیز کے بڑوں سے مذاکرات کیے اور انہیں دلہن کی مرضی سے آگاہ کیا، جس پر اہل خانہ نے دلہن کو سمجھانے کی کوشش کی مگر انہیں ناکامی کاسامنا کرنا پڑا۔

دلہن کے انکار پر شادی منسوخ کردی گئی اور تقریب پر آنے والے اخراجات دونوں خاندانوں نے باہمی رضامندی سے مشترکہ طور پر ادا کرنے کا فیصلہ کیا۔

حیدرآباد: بھارت کے شہر حیدرآباد میں سافٹ ویئر انجینئر نے شادی سے چند منٹ قبل ہال میں خودکشی کرلی۔

تفصیلات کے مطابق بین الاقوامی میڈیا رپورٹس میں بتایا گیا ہےواقعہ کومپالی کے علاقے میں پیش آیا جہاں سندیپ نامی نوجوان نے نئی زندگی کی شروعات سے قبل ہی زندگی کا خاتمہ کردیا۔

پولیس کا کہنا ہے کہ سندیپ شادی ہال کے میک اپ والے کمرے میں داخل ہوا تو کافی دیر باہرنہ آنے پر اہل خانہ کو تشویش ہوئی، اہل خانہ نے دروازہ کھٹکھٹایا مگر کوئی جواب نہ آیا تو دروازہ توڑ دیا گیا۔

گھر والے جب کمرے میں‌داخل ہوئے تو سندیپ کی لاش پنکھے سے جھول رہی تھی، نوجوان نے پھندا لگا کر خودکشی کرلی تھی ۔

دلہےکی خودکشی پر شادی ہال ماتم کدہ میں تبدیل ہوگیا، دلہا اور دلہن کے رشتے دا ر آہ و بکا کرنے لگے، واقعے کی اطلاع مقامی تھانے کی پولیس کو دی گئی جس پر پولیس نے وہاں موجود لوگوں سے بیانات قلمند کیے اور مقدمہ درج کرکے تفتیش شروع کردی۔

پولیس کا کہنا ہے کہ فی الحال سندیپ کی خودکشی کی وجہ سامنے نہیں آسکی تاہم خودکشی کے محرکات جاننے کے لیے تفتیش جاری ہے۔

حیدرآباد: بھارت میں ایک شخص نے بیوی کے دانت ٹیڑھے ہونے پر اسے فوری طور پر طلاق دے دی۔ پولیس نے خاتون کی درخواست پر مقدمہ درج کرلیا۔

تفصیلات کے مطابق یہ واقعہ بھارتی شہر حیدرآباد میں پیش آیا جہاں شوہر نے بیوی کو صرف اس بنا پر طلاق دے دی کہ اس کے دانت ٹیڑھے تھے۔

خاتون رخسانہ بیگم نے مقامی تھانے میں مقدمہ درج کراتے ہوئے بیان دیا کہ 27 جون 2017 کو اس کی شادی مصطفیٰ نامی شخص سے ہوئی، شوہر اور سسرال والوں نے زیادہ جہیز کا مطالبہ کیا اور بعدازاں سونا لانے کے لیے بھی کہا۔

خاتون کے مطابق سسرالیوں کے مطالبے پر میرے والدین نے بہت سی چیزیں دیں، پیسے دیے اور سونا بھی بھیجا لیکن روزبروز شوہر اور اس کے خاندان والوں کے مطالبات بڑھتے گئے اور ان کی ڈیمانڈ پوری نہ ہونے پر وہ مجھے دھمکاتے ہے۔

یہ بھی پڑھیں: شوہر کے زیادہ محبت کرنے پر خاتون نے طلاق مانگ لی

رخسانہ بیگم کے بقول کچھ دن بعد جب شوہر گھر آیا تو اس نے کہا کہ میرے ٹیڑھے دانت اسے بالکل پسند نہیں اور اسی وجہ سے وہ اب رشتہ ختم کررہا ہے لہذا اس نے مجھے 10 سے 15 روز گھر تک گھر میں بند کیے رکھا اور جب میری حالت بگڑنے لگے تو میرے والدین کے گھر چھوڑ گیا۔

خاتون کا کہنا ہے کہ چند روز بعد شوہر نے الزام لگایا کہ میں نے ان کے والدین کے ساتھ بدتمیزی کی ہے اور مجھے تین طلاقیں دے دیں، بعدازاں جب فون پر شوہر سے بات چیت کی تو اس دوران بھی اس نے مجھے تین طلاقیں ایک ساتھ دے دیں۔

پولیس نے خاتون کی درخواست پر مصطفیٰ کے خلاف انڈین پینل کوڈ کے سیکشن 498 اے کے تحت جہیز مانگنے اور بیک وقت 3 طلاقیں دینے پر مقدمہ درج کرلیا۔