ARYNews.tv | Urdu – Har Lamha Bakhabar

Tag: شارجہ

  • شارجہ: غیر قانونی ٹیکسی چلانے والے 1024 ڈرائیوروں پر جرمانہ عائد

    شارجہ: غیر قانونی ٹیکسی چلانے والے 1024 ڈرائیوروں پر جرمانہ عائد

    ابو ظہبی : اماراتی ریاست شارجہ کے پولیس حکام نے تین ماہ کے دوران 758 ڈرائیوروں کو غیر قانونی ٹیکسی چلانے پر 5 ہزار روہے جرمانہ عائد کر دیا۔

    تفصیلات کے مطابق متحدہ عرب امارات کی ریاست شارجہ کی روڈ اینڈ ٹرانسپورٹ اتھارٹی کے حکام نے سال 2018 کے آغاز سے اب تک کے دوران 1 ہزار 24 افراد پر غیر قانونی ٹیکسی چلانے پر جرمانہ عائد کیا ہے جن میں زیادہ تر افراد کا تعلق ایشیائی ممالک سے ہے۔

    اماراتی خبر رساں ادارے کا کہنا تھا کہ روڈ اینڈ ٹرانسپورٹ اتھارٹی کی جانب سے جن افراد پر جرمانہ عائد کیا گیا تھا وہ اپنی نجی گاڑیوں کو ٹیکسی کے طور پر استعمال کرنے رہے تھے۔

    اماراتی میڈیا کا کہنا ہے کہ حکام نے تین ماہ کے دوران غیر قانونی ٹیکسی چلانے والے 758 ڈرائیوروں کر پکڑ پر سزا دی گئی ہے۔

    روڈ اینڈ ٹرانسپورٹ اتھارٹی کے ڈائریکٹر برائے ٹرانسپورٹ افیئرز عبدالعزیز ال جاروان کا کہنا ہے کہ رواں برس متحدہ عرب امارات کے ٹریفک قوانین کے خلاف ورزیوں کے جون میں 407، جولائی میں 192 اور اگست میں 425 شکایات سمیت رواں برس کل 1 ہزار 24 شکایات موصول ہوئی تھیں۔

    عبد العزیز الجاروان کا کہنا تھا کہ اہلکاروں کی جانب سے مذکورہ افراد کو شارجہ سٹی اور شارجہ کے ضلع وسطی سے پکڑا گیا تھا۔

    ڈائریکٹر ٹرانسپورٹ افیئرز کا کہنا تھا کہ غیر قانونی ٹیکسی کے کیسز کو 20 افسران پر مشتمل ٹیم دیکھ رہی تھی جنہوں نے 1024 غیر قانونی ٹیکسی ڈرائیوروں کو پکڑا ہے۔

    اماراتی خبر رساں ادارے کا کہنا تھا کہ نجی کاروں کو ٹیکسی کے طور چلانے والے ڈرائیوروں کو روڈ اینڈ ٹرانسپورٹ اتھارٹی کی جانب سے 5 ہزار درہم جرمانہ اور وارننگ دے کر چھوڑ دیا گیا تھا۔

    اماراتی میڈیا کا کہنا ہے کہ حکام نے ڈرائیوروں کو وارننگ جاری کی ہے کہ دوسری مرتبہ پکڑے جانے پر 10 ہزار درہم جرمانہ عائد کیا جائے گا۔

  • شارجہ: ٹریفک قوانین کی خلاف ورزی پر 435 بائیکز اور سائیکلز ضبط

    شارجہ: ٹریفک قوانین کی خلاف ورزی پر 435 بائیکز اور سائیکلز ضبط

    شارجہ : متحدہ عرب امارات کی پولیس نے ٹریفک حادثات میں کمی کے لیے چلائی گئی مہم کے دوران قوانین کی پاسداری نہ کرنے کے جرم میں 435 موٹرسائیکلیں اور سائیکلیں ضبط کرلیں۔

    تفصیلات کے مطابق متحدہ عرب امارات کی ریاست شارجہ کی پولیس نے ٹریفک قوانین پر عمل درآمدی کی مہم کے دوران ہفتے کے روز موٹر بائیک اور سائیکلوں کے خلاف کارروائی کرتے ہوئے سیکڑوں بائیکز اور سائیکلز ضبط کرلیں۔

    شارجہ پولیس کے ٹریفک کنٹرول ڈپارٹمنٹ کے سربراہ میجر محمد السحری کا کہنا ہے کہ پولیس نے شارجہ میونسیپلٹی اور ماحولیاتی ادارے کے تعاون سے ٹریفک قوانین کے حوالے سے مہم کا آغاز کیا ہے۔

    میجر محمد السحری کا کہنا تھا کہ پولیس کی جانب سے مذکورہ مہم کا مقصد ان سائیکل اور بائیک سواروں کے خلاف کارروائی کرنا ہے جو ٹریفک حادثات کا باعث بنتے ہیں۔

    سربراہ ٹریفک پولیس نے بتایا کہ مہم کا مقاصد میں بغیر لائسنس بائیک پر کرتب دکھانے والے افراد اور موٹر سائیکلوں کے انجن کو آلٹر کروانا اور رہائشیوں کو پریشان کرنے والے ڈرائیوروں اور ٹریفک کے مخالف سمت اور ہائی پر سائیکل چلانے والوں کے خلاف کارروائی ہے۔

    اماراتی خبر رساں ادارے کا کہنا ہے کہ شارجہ پولیس کی جانب سے وارننگ جاری کی گئی ہے جو موٹر سائیکل اور سائیکل سوار ٹریفک قوانین کی خلاف کریں گے ان کی سائیکل، بائیک ہمیشہ کے لیے ضبط کرلی جائے گی۔

    میجر محمد السحری کا کہنا تھا کہ مہم کے دوران ٹریفک پولیس کا اہم ہدف وہ بائیک اور سائیکل سوار ہوں گے جو سفر کے دوران ہیلمٹ اور حفاظتی جیکٹ نہیں پہنتے۔

  • تخلیقی ویڈیوز کا مقابلہ، 22سالہ طالب علم نے اپارٹمنٹ جیت لیا

    تخلیقی ویڈیوز کا مقابلہ، 22سالہ طالب علم نے اپارٹمنٹ جیت لیا

    ابوظہبی : متحدہ عرب امارات کی ریاست شارجہ میں مقیم اردنی طالب علم نے منفرد و تخلیقی ویڈیو کے مقابلے میں پہلی پوزیشن حاصل کرکے اپارٹمنٹ جیت لیا۔

    تفصیلات کے مطابق متحدہ عرب امارات کے حکام نے تخلیقی ویڈیو بنانے پر اردنی نژاد امریکی لڑکی کو انعام کے طور پر ریاست شارجہ میں دے دیا۔

    مقامی خبر رساں ادارے کا کہنا تھا کہ اماراتی حکام کی جانب سے 22 سالہ اردنی طالب علم میخائل عطیہ کو تخلیقی ویڈیو کا مقابلہ جیتنے پر دیا گیا ہے، حکام کی جانب سے گھر کی چابی وصول کرتے وقت مذکورہ طالب علم کو حیرت زدہ تھا۔

    اماراتی میڈیا سے گفتگو کرتے ہوئے گھر جیتنے والے طالبہ کا کہنا تھا کہ سماجی رابطے کی ویب سایٹ انسٹاگرام پر آرادہ نامی ادارے کی جانب سے تخلیقی ویڈیو کے مقابلے کا انعقاد کیا گیا تھا۔

    میخائل عطیہ نے کہا کہ میں نے اپنی دو بہنوں کے تعاون سے دو مہینوں میں ایک بہترین تیار کی جو تفریحی، مزاحیہ اور دیگر ویڈیوز سے بہت منفرد تھی۔

    اردنی نژاد طالب علم نے بتایا کہ سیکڑوں افراد نے مقابلے دوران ویڈیوز جمع کروائی تھی اور میں بھی چار ویڈیوز جمع کروائیں تھی لیکن مجھے شک تھا کہ میں صرف سیمی فائنل تک ہی پہنچ پاؤں گی۔

    میخائل عطیہ نے میڈیا کو بتایا کہ میں نے تخیلقی دیگر ویڈیوز سے منفرد ویڈیو بنانے کا آئیڈیا ریڈیو پر چلنے والے ایک گانے سے لیا تھا پھر اسے ترجمہ کرکے اپارٹمنٹ کی تشہیری ویڈیو بنائی جس کے وجہ سے مجھے پہلی پوزیشن ملی۔

  • شارجہ: پولیس نے خاتون گداگر کو گرفتار کرلیا، 10 ہزار درہم نقدی برآمد

    شارجہ: پولیس نے خاتون گداگر کو گرفتار کرلیا، 10 ہزار درہم نقدی برآمد

    ابوظہبی : شارجہ پولیس کی نے گداگروں کے خلاف کارروائی کرتے ہوئے ایک خاتون گداگر کو گرفتار کرکے 10 ہزار درہم کی خطیر رقم برآمد کرلی۔

    تفصیلات کے مطابق متحدہ عرب امارات کی ریاست شارجہ میں پولیس نے گداگرروں کے خلاف آپریشن کرتے ہوئے دو ماہ قبل ہی سیکڑوں گداگروں کو گرفتار کرکے جیل منتقل کیا تھا۔

    غیر ملکی خبر رساں اداروں کا کہنا تھا کہ دبئی پولیس نے مارکیٹ میں دکانوں کے باہر بیھٹی ہوئی ایک خاتون کو گرفتار کیا گیا ہے جو صدا لگا کر بھیگ مانگ رہا۔

    مقامی میڈیا کا کہنا ہے کہ پولیس اہلکاروں نے حراست میں لی گئی خاتون کی تلاشی لی تو 10 ہزار درہم کی خطیر رقم برآمد ہوئی۔

    شارجہ پولیس کے تفتیشی ڈپارٹمنٹ کے ڈائریکٹر کرنل ابراہیم مصباح کا کہنا ہے کہ مارکیٹ میں موجود 5 دکانوں کے مالکان نے شکایت درج کروائی تھی کہ مذکورہ خاتون گذشتہ کچھ دنوں سے روازنہ کی بنیاد پر مارکیٹ میں بھیگ مانگ رہی ہے۔

    پولیس نے شہریوں نے گذارش کی ہے کہ گلیوں اور شاہراہوں پر گھومنے والی گداگروں اور ٹھیلے والوں کو رقم دینے سے گریز کریں اور اگر وہ کوئی مشکوک حرکت کرتے نظر آئیں تو پولیس کو اطلاع دیں۔

    یاد رہے کہ رواں برس جون میں ماہ مبارک رمضان کے دوران شارجہ پولیس نے 143 گداگروں کو گرفتار کیا تھا۔

    مقامی میڈیا کا کہنا ہے کہ حراست میں لی گئی خاتون گداگر کو انسداد گداگری قانون کے تحت 5 ہزار درہم جرمانہ اور تین ماہ قید کی سزا سنائی جائے گی۔

    مزید پڑھیں : دبئی پولیس نے گداگر کی مصنوعی ٹانگ میں سے 1 لاکھ درہم برآمد

    خیال رہے کہ دو ماہ قبل  متحدہ عرب امارات کی پولیس نے عید الفطر پر 243 گدا گروں کو گرفتار کیا ہے، جن میں سے ایک شخص کی مصنوعی ٹانگ میں سے 1 لاکھ درہم برآمد ہوئے تھے۔

    مزید پڑھیں : دبئی پولیس کی کارروائی، گداگر گرفتار، 3لاکھ درہم اور ہتھیار برآمد

    دبئی میں پولیس اہلکاروں نے کارروائی کرتے ہوئے مسجد کے باہر سے گداگر کو گرفتار کرکے 3 لاکھ درہم نقد جبکہ خطرناک ہتھیار بھی برآمد کیے تھے۔

  • شارجہ: ٹرک اور کار میں تصادم، دلہن جاں بحق، دلہا زخمی

    شارجہ: ٹرک اور کار میں تصادم، دلہن جاں بحق، دلہا زخمی

    شارجہ: متحدہ عرب امارات کے شہر شارجہ میں خطرناک حادثے کے نتیجے میں نئی نویلی دلہن جاں بحق اور دلہا زخمی ہوگیا، دونوں کی شادی دو روز قبل ہی انجام پائی تھی۔

    عرب میڈیا کے مطابق شارجہ میں ٹریفک حادثے کے نتیجے میں نئی نویلی دلہن جاں بحق اور دلہا زخمی ہوگیا ہے، حادثے میں زخمی ہونے والے دلہا کو فوری طور پر ال قاسم اسپتال منتقل کیا گیا ہے جہاں انہیں طبی امداد دی جارہی ہیں۔

    حادثہ ایمریٹس روڈ پر پیر کی رات پیش آیا، 25 سالہ ہویام اپنے شوہر کے ہمراہ والدین کے گھر جارہی تھیں جہاں سے انہیں گھومنے کے لیے جانا تھا تاہم راستے میں ہی گاڑی حادثے کا شکار ہوگئی۔

    شارجہ ٹریفک پولیس کے مطابق حادثے میں زخمی ہونے والے دلہا نے ٹریفک رول کی خلاف ورزی کی جس کے نتیجے میں کار روڈ پر گزرتے ہوئے ٹرک سے ٹکرا گئی۔

    خاتون موقع پر ہی جاں بحق ہوگئی جبکہ شوہر کو اسپتال میں طبی امداد دی جارہی ہیں اس کے جسم پر شدید چوٹیں آئی ہیں۔

    حادثے کی اطلاع جیسے ہی دلہن کے گھر پہنچی تو گھروالے حیران رہ گئے، تاہم شارجہ پولیس کی جانب سے ٹرک ڈرائیور کی گرفتاری کی اطلاع نہیں دی گئی ہے۔

    واضح رہے کہ چند ماہ قبل بھی شارجہ روڈ پر ٹریفک حادثے کے نتیجے میں ایک امارتی شہری جاں بحق اور تین افراد زخمی ہوگئے تھے۔

  • شارجہ: کنکریٹ سے لدی کرین گر پڑی

    شارجہ: کنکریٹ سے لدی کرین گر پڑی

    شارجہ: متحدہ عرب امارات کے شہر شارجہ میں کنکریٹ سے لدی کرین گر پڑی جس کے نتیجے میں ایک بھارتی مزدور ہلاک ہوگیا۔ مزدور کی لاش 7 گھنٹے طویل آپریشن کے بعد ملبے سے باہر نکالی گئی۔

    یہ واقعہ شارجہ کے علاقے ال نہادا میں تعمیراتی سائٹ پر پیش آیا جب کئی ٹن کنکریٹ سے لدی کرین ٹوٹ کر گر پڑی۔ واقعے میں 34 سالہ بھارتی مزدور ملبے تلے دب گیا جس کی لاش شارجہ سول ڈیفینس نے 7 گھنٹے طویل آپریشن کے بعد نکالی۔

    حادثے میں ایک 23 سالہ پاکستانی مزدور بھی بری طرح زخمی ہوا جس کی شناخت فراست خان کے نام سے ہوئی۔ فراست کو شارجہ کے قاسمی اسپتال منتقل کیا گیا جہاں وہ آئی سی یو میں زندگی اور موت کی جنگ لڑ رہا ہے اور اس کی حالت نازک ہے۔

    شارجہ سول ڈیفینس حکام کے مطابق حادثے کے 5 منٹ کے اندر ہی ریسکیو ٹیم جائے حادثہ پر پہنچ گئی تھی جس کے بعد زخمی مزدور کو فوری طور پر اسپتال منتقل کردیا گیا۔

    ان کے مطابق کرین نہایت بھاری بھرکم تھی اور اس پر لدی ہوئی کنکریٹ بھی خاصی مقدار میں تھی جس کی وجہ سے ریسکیو ٹیم کو مشکل کا سامنا کرنا پڑا۔

    حکام کا کہنا ہے کہ مزدور کی لاش نکالنے کے لیے کرین کو کئی حصوں میں کاٹا گیا جس کے بعد ایک اہلکار اندر گہرائی میں اترا اور لاش کو کھینچ کر باہر لایا۔

    پولیس حکام کا کہنا ہے کہ تعمیراتی کمپنیوں کے لیے ضروری ہے کہ وہ کام کے دوران حفاظتی اقدامات کا خیال رکھیں اور اپنے مزدوروں کو ہیلمٹ اور دستانے پہننے کے لیے پابند کریں۔

    علاوہ ازیں مختلف تعمیراتی آلات بشمول کرین اور دیگر مشینری کی مینٹیننس کو چیک کرتے رہنا اور کسی خرابی کی صورت میں اسے درست کروانا بھی ان کی ذمہ داری ہے۔

    پولیس کا کہنا ہے کہ وہ واقعے کی تحقیقات کر رہے ہیں، اگر متعلقہ کمپنی حفاظتی اقدامات میں کوتاہی اور غفلت کی مرتکب پائی گئی تو اسے سزا اور جرمانے کا سامنا کرنا ہوگا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پشاور زلمی نے کراچی کنگز کو شکست دے دی

    پشاور زلمی نے کراچی کنگز کو شکست دے دی

    شارجہ: پاکستان سپر لیگ میں کے 27ویں میچ میں پشاور زلمی نے کراچی کنگز کو 44 رنز سے شکست دے کر فتح اپنے نام کرلی، سیمی الیون کے پلے آف میں پہنچنے کے امکانات مزید روشن ہوگئے۔

    تفصیلات کے مطابق پاکستان سپر لیگ کے 27ویں میچ میں کراچی کنگز اور پشاور زلمی کی ٹیمیں مدمقابل تھیں، کنگز کی قیادت مورگن جبکہ زلمی کی کپتانی ڈیرن سیمی نے کی۔

    ٹاس جیت کر پشاور زلمی نے پہلے بیٹنگ کا آغاز کیا تو 3 کے مجموعی اسکور پر محمد حفیظ بغیر کھاتہ کھولے پویلین روانہ ہوئے، بعد ازاں 47 پر ڈیوائن اسمتھ، 81 پر رکی ویسلز، 118 پر کامران اکمل، 160 پر سعد نسیم، 181 لیام ڈاؤسن آؤٹ ہوئے۔

    پشاورزلمی نے مقررہ 20 اوورز میں 6 وکٹوں کے نقصان پر 181 رنز بنائے کراچی کنگزکو جیت کے لیے 182رنزکا ہدف دیا، کامران اکمل 75 ڈیرن سیمی 36 اور سعد نسیم 35 رنز کے ساتھ نمایاں بلے باز رہے جبکہ عثمان شنواری نے شاندار باؤلنگ کرتے ہوئے 4 اوورز میں صرف 11 رنز دیے اور تین وکٹیں حاصل کیں علاوہ ازیں محمد عامر، شاہد آفریدی اور روی بوپارا ایک ایک وکٹ لے سکے۔

    ہدف کے تعاقب میں کراچی کنگز نے بیٹنگ کا آغاز کیا تو 15 کے مجموعی اسکور پر ڈین لے آؤٹ ہوئے بعد ازاں دوسری وکٹ 27، تیسری 40، چوتھی 62، پانچویں 92، چھٹی 118 اور ساتویں 137 کے مجموعی اسکور پر گریں۔

    کراچی کنگز کے بابر اعظم 66 رنز بنا کر نمایاں بلے باز رہے اس کے صرف دو کھلاڑی ڈبل ہندسے میں داخل ہوئے، لیام ڈیواسن 3، وہاب ریاض، عمید آصف 2 ، 2 اور حسن علی ایک وکٹ لینے میں کامیاب رہے۔ کراچی کنگز کی ٹیم مقررہ 20 اوورز میں صرف 137 رنز بنا سکی۔

    کراچی کنگز اننگز

    بیسویں اوور میں کراچی کنگز کے دو کھلاڑی آؤٹ ہوئے، یوں مقررہ اوورز کے اختتام پر ٹیم 137 رنز ہی بناسکی۔

    انیسویں اوور میں مجموعی اسکور میں صرف 6 رنز کا اضافہ ہوسکا۔

    اٹھارویں اوور میں کراچی کنگز کی ٹیم مجموعی اسکور میں صرف چار رنز کا اضافہ کرسکی۔

    سترہویں اوور میں بابر اعظم  66 کے انفرادی اسکور پر پویلین روانہ ہوئے، اوور اختتام پر ٹیم کا مجموعی اسکور 122/6 تک پہنچا۔

    سولہویں اوور میں کراچی کنگز کا مجموعی اسکور 5 وکٹوں کے نقصان پر 60 تک پہنچا، بابر اعظم نے اپنی ففٹی مکمل کی۔

    پندرہویں اوور میں کراچی کنگز نے مجموعی اسکور کی ففٹی مکمل کی۔

    چودہواں اوور (لیام ڈاؤسن): شاہد آفریدی نے ایک چھکا اور مارا تاہم اگلی ہی گیند پر وہ 26 کے انفرادی اسکور پر آؤٹ ہوئے، اختتام پر مجموعی اسکور 96/5 تک پہنچا۔

    تیرہواں اوور (ثمین گل): شاہد آفریدی نے یکے بعد دیگرے 3 چھکے لگائے جس کے بعد ٹیم کا مجموعی اسکور 85/4 تک پہنچا۔

    بارہواں اوور کراچی کنگز کے لیے اچھا ثابت نہ ہوا کیونکہ روی بوپارا 7 کے انفرادی جبکہ 62 کے مجموعی اسکور پر پویلین روانہ ہوئے، اوور اختتام پر ٹیم کا مجموعی اسکور 64/4 تک پہنچا۔

    گیارہواں اوور (عمید آصف): پانچ رنز اضافے کے بعد ٹیم کا مجموعی اسکور 57/3 تک پہنچا۔

    دسواں اوور (لیام ڈاؤسن): چار رنز اضافے کے بعد مجموعی اسکور 52/3 تک پہنچا۔

    نواں اوور (عمید آصف): مجموعی اسکور 48/3 تک پہنچا

    آٹھواں اوور (لیام ڈاؤسن): کراچی کنگز کے کپتان مورگن 5 کے انفرادی اسکور پر آؤٹ ہوکے پویلین روانہ ہوئے، اختتام پر مجموعی اسکور 41/3 تک پہنچا۔

    ساتواں اوور (وہاب ریاض): 5 رنز اضافے کے بعد مجموعی اسکور 40/2 تک پہنچا۔

    چھٹا اوور (ثمین گل) ایک چوکے کی مدد سے ٹیم کا مجموعی اسکور 35/2 تک پہنچا۔

    پانچواں اوور (وہاب ریاض): کولن انگرام بغیر کھاتہ کھولے 27 کے مجموعی اسکور پر پویلین لوٹے، یوں اوور اختتام پر ٹیم کا مجموعی اسکور 27/2 تک پہنچا۔

    چوتھا اوور (ثمین گل): پانچ رنز اضافے کے بعد کراچی کنگز کا مجموعی اسکور 20/1 تک پہنچا۔

    تیسرا اوور (حسن علی): تیسری بال پر ڈین لے بغیر کھاتہ کھولے پویلین لوٹے یوں 15 کے مجموعی اسکور پر کراچی کنگز کو پہلے نقصان کا سامنا کرنا پڑا، اختتام پر ٹیم کا مجموعی اسکور ایک رن اضافے کے بعد 15/1 تک پہنچا۔

    دوسرا اوور (ثمین گل): ایک چھکے اور تین سنلگز کے بعد ٹیم کا مجموعی اسکور بغیر کسی نقصان کے 14 تک پہنچا۔

    ہدف کے تعاقب میں کراچی کنگز کی جانب سے اننگز کا آغاز بابر اعظم اور ڈین لے نے کیا جبکہ پہلا اوور حسن علی نے کرایا، اوور اختتام پر ٹیم کا مجموعی اسکور بغیر کسی نقصان پر 5 تک پہنچا۔

    پشاور زلمی اننگز

    بیسواں اوور: پشاور زلمی نے مقررہ اوورز میں 6 وکٹوں کے نقصان پر 181 رنز بنائے

    انیسواں اوور (عثمان شنواری): مجموعی اسکور 168/5

    اٹھارواں اوور (محمد عامر): مجموعی اسکور 160/4

    سترہواں اوور (محمد عرفان): 147/4

    سولہواں اوور (عثمان شنواری): کامران 75 رنز کی اننگز کھیلنے کے بعد کیچ آؤٹ ہوئے، دو رنز اضافے کے بعد ٹیم کا مجموعی اسکور 119/4 تک پہنچا۔

    پندرہواں اوور (روی بوپارا): پشاور زلمی کے بیٹسمینوں نے تیز کھیل پیش کرتے ہوئے اوور میں 17 رنز حاصل کیے، مجموعی اسکور 117/3 تک پہنچا۔

    چودہواں اوور (شاہد آفریدی): کامران اکمل اور سعد نسیم نے دو چھکوں اور ایک چوکے کے بعد ٹیم کا مجموعی اسکور 103/3 تک پہنچا۔

    تیرہواں اوور (روی بوپارا): رکی ویسلز 11 کے انفرادی اور 81 کے مجموعی اسکور پر آؤٹ ہوئے، اختتام پر ٹیم کا مجموعی اسکور 3 رنز اضافے کے بعد 82 تک پہنچا۔

    بارہواں اوور (شاہد آفریدی): پشاور زلمی کا تیزی سے بڑھتا رک گیا اور اختتام پر ٹیم کا مجموعی اسکور 79/2 تک پہنچا۔

    گیارہواں اوور (اسامہ میر): کامران اکمل نے چوکے کی مدد سے اپنی نصف سنچری مکمل کی، ایک چھکے کی مدد سے ٹیم کا مجموعی اسکور 72/2 تک پہنچا۔

    دسواں اوور (شاہد آفریدی): پانچ رنز اضافے کے بعد ٹیم کا مجموعی اسکور 58/2 تک پہنچا۔

    نواں اوور (اسامہ میر): کامران اکمل خوش قسمت رہے کہ اُن کا کیچ ڈراپ ہوا، اوور اختتام پر ٹیم کا مجموعی اسکور 53/1 تک پہنچا۔

    آٹھواں اوور ( شاہد آفریدی): ڈیوائن اسمتھ 15 رنز بناکر کیچ آؤٹ ہوئے، دو رنز اضافے کے بعد مجموعی اسکور 48/2 تک پہنچا۔

    ساتواں اوور (اسامہ میر): ایک چھکے کے بعد پشاور زلمی کے مجموعی اسکور میں 10 رنز کا اضافہ ہوا یوں اختتام پر اسکور 46/1 تک پہنچا۔

    چھٹا اوور (محمد عامر): کراچی کنگز کے کپتان نے حکمت عملی تبدیل کی جو بہتر ثابت ہوئی، یوں چھٹے اوور میں زلمی کی ٹیم صرف 6 رنز بنا سکی اور اختتام پر اسکور 31/1 تک پہنچا۔

    پانچواں اوور (محمد عرفان): یہ اوور کراچی کنگز کے لیے مہنگا ثابت ہوا، کامران اکمل نے اوور میں دو چھکے لگائے اور اختتام پر ٹیم کا مجموعی اسکور 25/1 تک پہنچا۔

    چوتھا اوور (عثمان شنواری): تین رنز اضافے کے بعد زلمی کا مجموعی اسکور 11/1 تک پہنچا، کامران اکمل اور ڈیوائن اسمتھ وکٹ پر موجود رہے۔

    تیسرا اوور (محمد عرفان): ایک چوکے اور ایک رن کے بعد زلمی کا مجموعی اسکور 8/1 تک پہنچا۔

    دوسرا اوور (عثمان شنواری): دوسرے اوور کی چوتھی گیند پر محمد حفیظ بغیر کوئی رن بنائے کلین بولڈ ہوئے، اوور اختتام پر ایک رن اضافے کے بعد مجموعی اسکور 3/1 تک پہنچا۔

    پہلا اوور (محمد عامر): اختتام پرٹیم کا مجموعی اسکور 2/0 تک پہنچا۔

    زلمی نے بیٹنگ کا آغاز کیا تو محمد حفیظ اور کامران اکمل اوپننگ کے لیے میدان میں اترے اور پہلا اوور محمد عامر نے کرایا۔

    کراچی کنگز کے کپتان عماد وسیم کی انجری کے باعث کراچی کی ٹیم ٹی 20 اسپیشلسٹ مورگن کی قیادت میں میدان میں اتری، دونوں ٹیموں کے لیے میچ جیتنا انتہائی ضروری ہے، کراچی کے شیر زلمی کو پہلے مرحلے میں شکست سے دو چار کر چکے ہیں۔

    پوائنٹس ٹیبل کی تازہ صورتحال

    اسکواڈ کراچی کنگز:

    جوئے ڈین لے، بابر اعظم، آئن مورگن (کپتان)، کولن انگرام، روی بوپارا، شاہد آفریدی، محمد رضوان، اسامہ میر، محمد عرفان (جونیئر)، محمد عامر، عثمان خان شنواری شامل ہیں۔

    اسکواڈ پشاور زلمی:

    کامران اکمل، ڈیوائن اسمتھ، محمد حفیظ، رکی ویسلز، سعد نسیم، لیام ڈاؤسن، ڈیرن سمی (کپتان)، عمید آصف، وہاب ریاض، حسن علی، ثمین گل شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شارجہ، قیدیوں کی اپنے بچوں سے ویڈیو چیٹ کے ذریعے ملاقات

    شارجہ، قیدیوں کی اپنے بچوں سے ویڈیو چیٹ کے ذریعے ملاقات

    ابوظہبی : شارجہ جیل میں اسیر قیدی اپنے اہل خانہ اور بچوں سے ویڈیو چیٹنگ کے ذریعے ملاقات کرسکیں۔

    تفصیلات کے مطابق شارجہ جیل کی انتظامیہ، محکمہ سماجی بہبود اور فیملی کورٹ کے باہمی مشورے اور معاونت سے ملاقات سیل میں ڈیجیٹل سسٹم نصب کردیا گیا ہے جس کے ذریعے قیدیوں کو اپنے گھر ویڈیو چیٹ کرنے کی سہولت میسر آجائے گی اور وہ بلاتعطل طویل وقت تک اپنے اہل خانہ سے بالعموم اور بچوں سے بالخصوص بات چیت کرسکیں گے۔

    ڈائریکٹر سماجی بہبود عفاف المیری نے میڈیا کو بتایا کہ جیل میں قید اسیروں کا رابطہ اپنے اہل خانہ سے کٹ جاتا ہے جس سے سب سے زیادہ بچوں کو مشکلات کا سامنا ہوتا ہے اور رابطے کا یہ فقدان گھر کا شیرازہ بکھرنے کا موجب بن جاتا ہے، قیدیوں کے اہل خانہ کی دقت کو مد نظر رکھتے ہوئے ویڈیو چیٹنگ کا نظام نصب کیا گیا ہے۔

    انہوں نے کہا کہ قیدیوں سے ملنے کے لیے آنے والی خواتین کو مشکلات اور بچوں کی نفسیات مسائل کا سامنا رہتا ہے اور جیل کے ناپسندیدہ ماحول سے ان کی ذہنی افزائش مین منفی اثرات کا اندیشہ رہتا ہے جب کہ بہت سی نجی معاملات بھی جیل میں ہونے والی ملاقات میں زیر بحث نہیں لائے جا سکتے تھے۔

    ڈائریکٹر سماجی بہبود نے کہا کہ مذکورہ مسائل کی بناء جیل کے شعبے اصلاح اور تادیبی شعبے میں ویڈیو چیٹنگ کی سہولت کا آغاز کیا گیا ہے جس کے ذریعے قیدی اپنے اہل خانہ سے گھر کے ماحول میں رہتے ہوئے بات چیت کرسکیں گے اور اہل خانہ کو بھی جیل کے چکر نہیں لگانے پڑیں گے۔

    وزیر انصاف کا کہنا تھا کہ مٹحدہ عرب امارات میں اس ماہ کو ایجادات کے ماہ کے طور پر منایا جارہا ہے، جیل میں ڈیجیٹل سسٹم کو رائج کرنا اسی سلسلے کی کڑی ہے جو ابتدائی طور پر یو اے ای کے نو بڑے شہروں میں شروع کی گئی ہے تاہم بہت جلد اس دائرہکار دیگر شہروں تک پھیلایا جائے گا۔

  • بلائنڈ کرکٹ ورلڈکپ:‌ بھارت نے ٹرافی جیت لی

    بلائنڈ کرکٹ ورلڈکپ:‌ بھارت نے ٹرافی جیت لی

    شارجہ: بھارت نے بلائنڈ کرکٹ ورلڈ کپ کے فائنل میں پاکستان کو شکست دے کر ٹائٹل اپنے نام کرلیا۔

    تفصیلات کے مطابق شارجہ کرکٹ اسٹیڈیم میں کھیلے جانے والے بلائنڈ کرکٹ ورلڈکپ کے فائنل میں بھارت نے ٹاس جیت کر پاکستان کو بیٹنگ کی دعوت دی۔

    قومی کرکٹ ٹیم نے مقررہ 40 اوور میں 8 وکٹوں کی نقصان پر308 رنز بنائے۔ پاکستان کی جانب سے بدرمنیر نے 57، ریاست خان 48 اور نثارعلی نے47 رنز بنائے۔

    بھارتی ٹیم نے ہدف کے تعاقب میں شاندار بیٹنگ کی اور 2 وکٹوں سے فتح اپنے نام کی، سنیل رامیش 93، اجے ریڈی 62 رنز بنا کر بھارت کے نمایاں بلے باز رہے۔

    خیال رہے کہ 17 جنوری کو پاکستان نے سیمی فائنل میں سری لنکا کو 156 رنز سے شکست دے کر فائنل کے لیے کوالیفائی کیا تھا۔

    یاد رہے کہ 13 جنوری کو بھارتی کرکٹ ٹیم نے گروپ میچ میں پاکستان کو 7 وکٹوں سے شکست دی تھی۔

    بلائنڈ کرکٹ ورلڈ کپ: سری لنکا کو شکست، پاکستان فائنل کیلئے کوالیفائی

    واضح رہے کہ 12 فروری 2017 کو بلائنڈٹی ٹوئنٹی ورلڈکپ فائنل میں بھارت نے پورے ایونٹ میں ناقابل شکست رہنے والی پاکستانی ٹیم کو9 وکٹوں سے شکست دے کر ٹائٹل اپنے نام کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • جشنِ سالِ نو، دبئی میں تیاریاں عروج پر، عام تعطیل، پارکنگ فیس معاف

    جشنِ سالِ نو، دبئی میں تیاریاں عروج پر، عام تعطیل، پارکنگ فیس معاف

    دبئی : نئے سال کی آمد کی خوشی میں ابو ظہبی میں 31 دسمبر 2017 اور یکم جنوری 2017 کو پارکنگ فیس معاف کردی گئی ہے۔

    اس بات کا اعلان ابوظہبی انتظامیہ نے پریس ریلیز میں کیا جس میں بتایا گیا ہے کہ 31 دسمبر 2017 کی شام سے 2 جنوری صبح 8 بجے تک پارکنگ فیس ختم کردی گئی ہے۔

    دوسری جانب وفاقی حکومت کی جانب سے نئے سال کی آمد کا جشن منانے کے لیے سرکاری ملازمین کے لیے 31 دسمبر 2017 اور یکم جنوری 2018 کو جب کہ پرائیوٹ اداروں کے لیے صرف یکم جنوری کو عام تعطیل کا اعلان کیا گیا ہے۔

    یاد رہے متحدہ عرب امارات نے نیا سال کی آمد کا جشن سرکاری طور پر منانے کا اعلان کر رکھا ہے جس کے باعث مختلف مقامات پر رنگارنگ تقریبات کے انعقاد کا فیصلہ کیا گیا ہے۔

    ذرائع کے مطابق سال نو کی آمد پر شہریوں اور سیاحوں کو دی جانے والی سہولیات اور عام تعطیلات کا اعلان ملک میں سیاحت کی فروخ کے تناظر میں کیا گیا ہے۔

    متحدہ عرب امارات نئے سال کے جشن کے حوالے سے دنیا بھر میں شہرت رکھتا ہے یہی وجہ ہے کہ دبئی، ابوظہبی اور شارجہ میں نئے سال کی آمد پر سیاحوں کا سمندر امڈ آتا ہے جہاں تمام ہوٹلز کی پیشگی بکنگ کر لی جاتی ہے اور بلند عمارتوں پر آتش بازی کا خوبصورت مظاہرہ کیا جاتا ہے.

    موسیقی، روشنی اور آتش بازی سے سجے ان شہروں کو مشرق وسطیٰ کا پیرس کہا جائے توغلط نہیں ہوگا جہاں دنیا بھر سے ہر رنگ و نسل اور ہر زبان بولنے والا شخص موجود ہوتا ہے اور ایسا لگتا ہے کہ یہ دنیا سمٹ کر ایک گاؤں میں آگئی ہے.