شارجہ : پاکستان اورسری لنکا کے درمیان ون ڈے سیریز کا پانچوں اور آخری میچ آج کھیلا جائے گا جبکہ قومی کرکٹ ٹیم کو سیریر میں 0-4 کی فیصلہ کن برتری حاصل ہے۔
تفصیلات کے مطابق پاکستان اور سری لنکا کے درمیان سیریز کا آخری ون ڈے آج شارجہ میں کھیلا جائے گا، میچ پاکستانی وقت کے مطابق دوپہر 3 بجے شروع ہوگا۔
قومی کرکٹ ٹیم پانچویں ون ڈے میچ میں بھی سری لنکا کی ٹیم کو شکست دینے کے پرعزم ہے۔
خیال رہے کہ گزشتہ روز پاکستان کرکٹ ٹیم کے ہیڈ کوچ مکی آرتھر کا کہنا تھا کہ مجھے پوری امید ہے کہ پاکستان ٹیم سری لنکا کے خلاف ون ڈے سیریز پانچ صفر سے جیت جائے گی۔
یاد رہے کہ چیمپئنر ٹرافی کے پہلے میچ میں بھارت سے ہارنے کےبعد پاکستانی ٹیم اب تک لگا تار آٹھ ون ڈے انٹرنیشنل جیت چکی ہے۔
واضح رہے کہ پاکستان اور سری لنکا کے درمیان شارجہ میں کھیلے جانے والے چوتھے ون ڈے انٹرنیشنل میں پاکستان نے سری لنکا کو 7 وکٹوں سے شکست دی تھی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
شارجہ : پاکستان اور سری لنکا کے درمیان چوتھا ون ڈے انٹرنیشنل آج شارجہ میں کھیلا جائے گا، پاکستان کو پانچ میچوں کی سیریز میں 0-3 کی فیصلہ کن برتری حاصل ہے۔
تفصیلات کے مطابق پاکستان اور سری لنکا کے درمیان پانچ ایک روزہ میچوں کی سیریز کا چوتھا میچ آج شارجہ کرکٹ اسٹیڈیم میں کھیلا جائے گا، میچ پاکستانی وقت کے مطابق دوپہر 3 بجے شروع ہوگا۔
پاکستان کرکٹ ٹیم پہلے ہی تین ایک روزہ میچز میں جیت کرسیریزاپنے نام کرچکی ہے اور اب ٹیم کی کوشش ہوگی کہ اگلے دونوں میچز جیت کر کلین سوئپ کرے۔
قومی کرکٹ ٹیم کے کپتان سرفرازاحمد کا کہنا ہے کہ اس بات کی خوشی ہے کہ ٹیسٹ سیریز ہارنے کے بعد کھلاڑیوں نے ون ڈے سیریز میں زبردست کم بیک کیا ہے اور تینوں میچوں میں عمدہ کارکردگی کا مظاہرہ کیا۔
خیال رہے کہ پاکستان کرکٹ ٹیم مسلسل 7 ون ڈے میچز میں کامیابی حاصل کر چکی ہے جبکہ سری لنکا کو مسلسل دس ون ڈے میچوں میں شکست کا سامنا کرنا پڑا ہے۔
یاد رہے کہ دوروز قبل ابو ظہبی میں پاکستان نے تیسرے ون ڈےمیچ میں سری لنکن ٹیم کوسات وکٹوں سے شکست دے کر 5 میچوں کی ون ڈے سیریز 0-3 سے اپنے نام کی تھی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
شارجہ: شارجہ میں رہائش پذیر پاکستانی گھرانے کے دو کم سن بچے آگ لگنے کے سبب جل کر ہلاک ہوگئے، والد نے بتایا کہ بچے گھر سے باہر آچکے تھے لیکن اپنی سائیکل لینے واپس گھر میں چلے گئے پھر ان کی لاشیں ہی ملیں، پاکستانی سفارت خانے کے متاثرہ فیملی کے لیے مالی مدد کا اعلان کردیا۔
تفصیلات کے مطابق شارجہ کے علاقے الغفیہ میں ایک پاکستانی گھرانے کے دو بچے 7 سالہ محمد عدنان اور 9 سالہ محمد سلمان اتوار کو گھر میں لگنے والی آگ کے نتیجے میں جھلس کر جاں بحق ہوگئے۔
اطلاعات کے مطابق ہفتے کو دوپہر تین بجے سول ڈیفنس کے آپریشن روم کو الغفیہ کے ایک گھر میں آگ لگنے کی اطلاع موصول ہوئی۔
سول ڈیفنس اور فائر بریگیڈ کی گاڑیاں فوری طور پر جائے حادثہ پہنچیں اور آگ بجھانے کا عمل شروع کردیا تاہم آگ لگنے کے ساتھ ہی تیزی کے ساتھ پوری گھر میں پھیل گئی تھی اور اس نے پورے گھر کو جلا کر خاک کردیا۔
واقعے میں والدہ اور دیگر اہل خانہ محفوظ رہے، فائر آفیسرز اور فارنزک ماہرین نے گھر کو گھیرے میں لے کر تحقیقات شروع کردیں اور اس بات کا تعین کیا کہ بچے کہاں موجود تھے۔
بچوں کو سپرد خاک کردیا گیا
بچوں کی جلی ہوئی لاشیں ملنے کے بعد انہیں شارجہ فرانزک لیبارٹری منتقل کردیا گیا اور تمام قانونی کارروائی کے بعد لاشیں والدین کے حوالے کردیں جنہیں اتوار کو سپرد خاک کردیا گیا۔
آگ لگنے کی تحقیقات جاری ہیں، پولیس
شارجہ پولیس کا کہنا ہے کہ آگ لگنے کے واقعے کی تحقیقات جاری ہیں۔
واقعے کے وقت نوکری پر گیا ہوا تھا، والد
بچوں کے والد 33 سالہ محمد عرفان امارات ڈرائیونگ انسٹی ٹیوٹ میں کام کرتے ہیں، انہوں نے خلیج ٹائمز کو بتایا کہ واقعے کے وقت وہ نوکری پر گیا ہوا تھا، میری بیوی دونوں بچوں کو پڑھا رہی تھی، ہاتھ دھونے کے لیے کمرے سے باہر نکلی کہ اچانک گھر کے پچھلے حصے میں ایک دھماکے کے بعد گھر آگ کے شعلوں میں گھر گیا۔
سائیکل بچانے کے لیے بچے دوبارہ گھر میں چلے گئے، والد
آگ تیزی سے پھیلنے لگی تو بیوی اور بچے رشتہ داروں سمیت گھر سے باہر نکل آئے لیکن دونوں بچے گھر کے پچھواڑے میں رکھی اپنی سائیکلیں آگ سے بچانے کی خاطر دوبارہ بھاگ کر گھر کے اندر چلے گئے۔
آگ کی اطلاع ملتے ہی گھر پہنچا تو باہر ہجوم لگا ہوا تھا،والد
عرفان نے بتایا کہ آگ کی اطلاع ملتے ہی وہ فوری گھر پہنچا تو گھر کے باہر لوگوں کا ہجوم اور فائر بریگیڈ کی گاڑیاں اور جلا ہوا گھر دیکھا، گھر کے باہر بیوی، بارہ سالہ بیٹی اور چھ ماہ کی بیٹی موجود تھے تاہم دونوں بیٹے نہیں تھے۔
بیوی صدمے میں کھڑی تھی، دونوں بچوں کی جلی ہوئی لاشیں دیکھیں، والد
میری بیوی شدید صدمے کی حالت میں تھی اور اس نے مجھ سے کہا کہ وہ بچوں کو دیکھ نہیں سکتا، پتا چلا کہ فائر بریگیڈ کے اہل کاروں کوگھر کے پچھواڑے سے دو بچوں کی جلی ہوئی لاشیں ملیں جو کہ سائیکل لینے گئے تھے۔
متاثرہ گھرانے کو عارضی طور پر فلیٹ فراہم کردیا، ریڈ کریسنٹ
ریڈ کریسنٹ کے حکام نے بتایا کہ واقعے کے بعد متاثرہ خاندان کی مدد شروع کردی ہے، متاثرہ فیملی کو عارضی طور پر رہائش کے لیے ایک فلیٹ فراہم کردیا ہے۔
پاکستانی سفارت خانے کا مالی مدد کا اعلان
شارجہ میں واقع پاکستانی قونصل جنرل بریگیڈئیر (ر) سید جاوید حسن نے آتشزدگی میں جاں بحق دو پاکستانی کم سن بچوں کے لیے مالی امداد کا اعلان کردیا۔
خیال رہے کہ شارجہ اور دبئی کے حکام نے حال ہی میں آتشزدگی کے تدارک سے متعلق آگاہی مہم شروع کررکھی جس کے تحت عوام میں شعور بیدار کیا جارہا ہے کہ وہ گھروں میں آگ بجھانے کے آلات اور فائر الارم نصب کریں تاکہ زندگیاں خطرات سے محفوظ ہوسکیں۔
کراچی : شارجہ میں بھارت کے خلاف جاوید میانداد کے تاریخی اور لازوال چھکے کو آج اکتیس سال بیت گئے۔ پاکستان کرکٹ کا وہ تاریخی لمحہ کرکٹ شائقین کے ذہنوں میں آج بھی تازہ ہے۔
اٹھارہ اپریل 1986 کا دن بھارتیوں کیلئے دل دہلا دینے والا دن تھا کہ جب جاوید میانداد نے ان کی فتح کو شکست کی دھول چٹا دی۔ شارجہ کا اسٹیڈیم اور دوسری طرف پاکستان کا روائتی حریف بھارت تھا۔
پاکستان اور بھارت کے خلاف شارجہ کے میدان میں آسٹریلیشیا کپ کے فائنل میں پاکستان 246 رنز کے بھارتی ہدف کا تعاقب کررہا تھا، یہ اس وقت شارجہ میں کسی بھی ٹیم کا بنایا گیا سب سے بڑا مجموعہ تھا۔
اُس یادگارمیچ کے آخری اوور کے لمحات کی ویڈیو قارئین کی نذر
اس ہدف تعاقب میں پاکستان جاوید میانداد کی لازوال سنچری کی بدولت اس مقام تک پہنچا کہ آخری اوور کی آخری گیند پر 4 رنز کی ضرورت تھی۔
گراؤنڈ شائقین سے بھرا ہوا تھا، دوکھلاڑیوں پر سب کی نظریں لگی ہوئی تھیں، جاوید میانداد نے بھارت کے فاسٹ بولر چیتن شرما کو چھکا لگا دیا۔ جس کے بعد اسٹیڈیم کے بھارتی انکلوژر میں سناٹا چھا گیا، جبکہ پاکستانیوں کے انکلوژر میں جشن کا سماں ہوگیا۔
شارجہ : پی ایس ایل پلے آف کے دوسرے میچ میں کراچی کنگ نے سنسنی خیز میچ کے بعد دفاعی چیمپیئن اسلام آباد یونائیٹڈ کو 44 رنز سے ہرا کر ٹورنامنٹ میں اپنی پوزیشن مزید مستحکم کر لی ہے قبل ازیں پہلے کھیلتے ہوئے کراچی کنگز نے 127 رنز کا ہدف دیا تھا۔
تفصیلات کے مطابق کراچی کنگز نے پلے آف مرحلے کے اہم میچ میں اسلام آباد یونائیٹڈ کو سنسنی خیز میچ کے بعد 44 رنز سے شکست سے دوچار کردیا قبل ازیں پہلے کھیلتے ہوئے کراچی کنگز نے 127 رنز کا ہدف دیا جس کے تعاقب میں پوری اسلام آباد یونائیٹڈ کی پوری ٹیم 82 رنز بنا کر آؤٹ ہو گئی اور یوں کراچی کنگز نے 44 رنز سے حاصل کر لی۔
اسلام آباد یونائیٹڈ کے9 کھلاڑی ڈبل فگر تک بھی نہ پہنچ سکے اور کپتان مصباح الحق اورآصف علی ہی صرف ڈبل فگرتک پہنچے، اس شکست کے بعد اسلام آباد یونائیٹڈ ٹورنامنٹ سے باہر ہو گئی ہے۔
شاندار کارکردگی دکھانے پر عماد وسیم کو مین آف دی میچ قرار دیا گیا اس سنسنی خیز میچ کی جیت بولرز کی مرہون منت رہی جس میں عماد وسیم ، محمد عامر اور اسامہ میر نے تین تین اور سہیل خان نے ایک وکٹ حاصل کرنے میں کامیاب رہے۔
اسلام آباد یونائیٹڈ 127 ہدف کے تعاقب میں
کراچی کنگز نے پہلے کھیلتے ہوئے 127 رنز کا ہدف دیا جس کا تعاقب کرتی اسلام آباد یونائیٹڈ کی پوری ٹیم محض 82 رنز کے مجموعی اسکور پر آؤٹ ہو گئی۔
اس طرح سولہواں اوور جاری تھا کہ اسلام آباد کا آخری کھلاڑی بھی آؤٹ ہو گیا اور یوں اسلام آباد یونائیٹڈ کی پوری ٹیم 82 رنز کے مجموعی اسکور پر آؤٹ ہوگئی۔
کراچی کنگز کی اننگ
پہلے اوور میں کراچی کنگ کوئی اسکور نہ بنا سکی
کراچی کنگ کی جانب سے اننگ کا ٓآغاز کرنے کے لیے بابر اعظم اور کرس گیل میدان میں اترے جب کہ اسلام یونائیٹڈ کی جانب سے محمد عرفان نے بالنگ اینڈ کو سنبھالا جب کہ مدمقابل بابر اعظم نے پہلی گیند کو اعتماد سے کھیلا اور پانچویں بال تک کوئی رن اسکور نہ کر سکے اور پہلے اوور کی آخری بال پر بھی کوئی اسکور نہ بن سکا یوں پہلا اوور میڈن گیا۔
دوسرے اوور بھی میڈن گیا
دوسرے اوور میں محمد سمیع کی گیندوں کا سامنے کرنے کے لیے کرس گیل موجود تھے تاہم وہ بھی کوئی رن نہ بنا سکے اور یوں دوسارے اوور کے اختتام پر بھی کراچی کنگ اسکور بورڈ میں کچھ اضافہ نہ کر سکے۔
تیسرے اوور میں کراچی کنگ نے 18 رنز بنا لیے
تیسرے اوور کے اختتام پر بابر اعظم کے چار چوکوں اور دو رنز کے باعث کراچی کنگ 18 رنز بنانے میں کامیاب رہا، بابر اعظم، کے محمد عرفان کو لگائے گئے چار خوبصورت چوکوں نے شائقین کے دل جیت لیے۔
چوتھے اوور کے اختتام پر کراچی کنگ نے 25 رنز بنا لیے
چوتھے اوور کے اختتام پر کراچی کنگ نے 25 رنز بنانے میں کامیاب رہی اور دونوں اوپنرز اعتماد کے ساتھ اپنی ٹیم کے مجموعی اسکور میں اضافہ کر رہے ہیں۔
پانچویں اوور کے اختتام پر اسکور 35 رنز بغیر کسی نقصان کے
پانچویں اوور کے خاتمے پر اوپنر بابر اعظم کے 24 اور کرس گیل کے 11 انفرادی اسکورز کے باعث کراچی کنگ نے 35 رنز بنا لیے ہیں اور ابھی دونوں اوپنرز پچ پر موجود ہیں ۔
چھٹے اوور کے اختتام پر کراچی کنگ ایک وکٹ کے نقصان پر 42 بنا سکی
چھٹے اوور میں کراچی کنگ کو نقصان اٹھانا پڑا اور کر س گیل 17 رنزز بنا نے کے بعد کلین بولڈ ہو گئے اس طرح چھٹے اوور کے اختتام پر 42 رنز ایک وکٹ کے نقصان پر بنا پائی۔
ساتویں اوور میں کراچی کنگ کے دو وکٹ کے نقصان پر45 رنز
ساتویں اوورز کا ٓغاز کراچی کنگ کے لیے بہتر ثابت نہیں ہوا اور اوپنر بابر اعظم 25 رنز بنا کر پولین واپس لوٹ آئے یوں اس اوورز کے اختتام پر کراچی کنگ کی 45 رنز پر دو وکٹیں گر چکی ہیں۔
آٹھواں اوور ۔۔ 48/2
کمار سنگارا اور شعیب ملک پچ پر موجود ہیں اور محتاط انداز سے بلے بازی جاری ہے محمد عرفان کی جانب سے پھینکے اس اوور میں محض تین رنز کا اضافہ ہو سکا۔
نواں اوور ۔۔ 57/2
نویں اوورز کا اختتام شعیب ملک کے شاندار چوکے سے ہوا اور اسطرح کراچی کنگ نے نو اوور کے اختتام پر 54 رنزز بنا لیے تا ہم وہ اپنے دونوں اوپنرز کی وکٹیں گنوا چکی ہے۔
دسواں اوور ۔۔ 66/2
دسویں اوور کی آخری چار بالز پر سنگلز لینے کے بعد آخری بال پر چوکا لگا کر کمار سنگارا نے مجموعی اسکور 66 رنز تک پہنچا دیا اس موقع پر سنگاکارا 13 اور شعیب ملک 9 رنز کے انفرادی اسکور پر براجمان ہیں۔
گیارہواں اوور۔۔ 74/2
گیارہویں اوور کے اختتام پر کراچی کنگ کا مجموعی اسکور 74 تک پہنچ گیا جب کہ دو وکٹوں کے نقصان کا سامنا بھی ہے ، کپتان کمار سنگارا اور شعیب ملک وکٹ پر موجود ہیں۔
بارہواں اوور 81/3
کراچی کنگ کے کپتان کمار سنگا کارا گیارہویں کی تیسری بال پر سترہ بنانے کے بعد پولین واپس لوٹ آئے انہیں شین واٹسن نے آؤٹ کیا۔
تیرہواں اوور ۔۔ 92/3
شعیب ملک 18 اور روی بوپارا 13 رنز کے انفرادی اسکور پر پچ پر موجود ہیں جب کہ مجموعی اسکور 92 ہو گیا ہے اور تین کھلاڑی ڈریسنگ روم پہنچ گئے ہیں۔
چودہواں اوور ۔۔ 100/3
کراچی کنگ کی سینچری چودہویں میں مکمل ہوئی جس کے لیے انہیں تین وکٹیں گنوانی پڑیں۔
پندرہواں اوور ۔۔۔ 106/5
پندرہویں اوور کے آغاز میں ہی کراچی کنگ کو ایک اور نقصان اُٹھانا پڑا جب روی بوپارہ لمبا شارٹ کھیلنے کے چکر میں فیلڈر کو کیچ دے بیٹھے اور چودہ رنز کی انفرادی اننگ کھیل پر پولین واپس لوٹ آئے جب کہ اسی اوور کی چوتھی بال پر دوسرا رن کی کوشش کرتے ہوئے شعیب ملک بھی رن آؤٹ ہو گئے۔
سولہواں اوور۔۔۔114/5
سولہواں اوور کا آغاز بہت اچھا ہوا اور پچ پر آنے والے نئے بلے باز عماد وسیم نے شاندار چھکا لگا کر ٹیم کے مورال کو بلند کیا۔
کراچی کنگ کی پوری ٹیم آخری اوور کی چوتھی بال آؤٹ ہو گئی اور اسلام آباد یونائیٹڈ کو جیت کے لیے محض 127 رنز کا ہدف دیا ہے۔
سترہویں اوور کی پہلی گیند پر عماد وسیم آٹھ گیندوں پر چودہ رنز بنا کر پولین لوٹ آئے جب کہ اگلی ہی گیند پر پولارڈ بھی کیچ تھما کر 5 رنز کے انفرادی اسکور پر آؤٹ ہو گئے جب کہ اسی اوور میں رومان رئیس سہیل خان کو بھی کلین بورڈ کرنے میں کامیاب رہے۔
اس سے قبل جب دونوں ٹیمیں اپنے اہم میچ کے لیے اسٹیڈیم پہنچیں تو دونوں ٹیموں کے کھلاڑیوں کے حوصلے بلند اور عزم جواں تھے اور دونوں ہی ٹیمیں میچ جیتنے کے لیے بے تاب نظر آئیں۔
واضح رہے کہ پلے آف کے پہلے میچ میں کوئیٹہ گلیڈی ایٹرز نے شاندار کارکردگی کا مظاہر کرتے ہوئے پشاور زلمی کو سنسنی مقابلے کے بعد شکست فاش سے دوچار کیا اور خود براہ راست فائنل تک رسائی حاصل کر لی۔
خیال رہے کہ ٹورنامنٹ کے دوران کراچی کنگز نے اسلام آباد یونائیٹڈ کو ہراکر 8 پوائنٹس کے ساتھ پیش قدمی جاری رکھی ہوئی ہے جب کہ 6 پوائنٹس کے حامل لاہور قلندرز ٹورنامنٹ سے باہر ہونے کے بعد لاہور واپس لوٹ آئی ہے۔
شارجہ: پاکستان سپر لیگ کا دوسرا پلے آف آج کراچی کنگز اور دفاعی چیمپیئن اسلام آباد یونائیٹڈ کے درمیان کھیلا جائے گا۔
پاکستان سپر لیگ کے دوسرے پلے آف میں آج کمار سنگا کارا کی کراچی کنگز اور مصباح الحق کی اسلام آباد یونائیٹڈ آپس میں مدمقابل ہوں گی۔
جیتنے والی ٹیم تیسرا پلے آف میچ کھیلے گی جبکہ ہارنے والے ٹیم گھر جائے گی۔ کراچی کنگز گروپ کے دونوں میچز میں اسلام آباد یونائیٹڈ کو شکست کا مزا چکھا چکا ہے۔ کراچی کے شیروں کے پاس جیت کی ہیٹ ٹرک مکمل کرنے کا موقع ہے۔
شارجہ : پی ایس ایل کے میچ میں لاہور قلندرز نے اسلام آباد یونائیٹڈ کو ایک وکٹ سے شکست دے دی، عمر اکمل 66رنز کے ساتھ نمایاں رہ کر مین آف دی میچ قرار پائے ۔
تفصیلات کے مطابق شارجہ کرکٹ اسٹیڈیم میں کھیلے جا نے والے پاکستان سپر لیگ (پی ایس ایل) کے 14 ویں میچ میں سنسنی خیز مقابلے کے بعد لاہور قلندر نے اسلام آباد یونائیٹڈ کو ایک وکٹ سے ہرا دیا۔گرانٹ ایلیٹ نے چھکا لگا کر لاہور قلندرز کو شاندار کامیابی دلوائی۔
ہدف کے تعاقب میں لاہور قلندرز کاآغازمایوس کن تھا، کوئی بھی بلےباز بڑی اننگز نہ کھیل پایا۔ گرانٹ نے سترہ گیندوں پر چھبیس رنزبنائے۔
لاہور قلندر نے اسلام آباد کے 146 رنز کا ہدف 9 وکٹوں پر حاصل کیا، لاہور قلندرز کے عمراکمل چھیاسٹھ رنز کے ساتھ نمایاں رہے، عمر اکمل نے زبردست بیٹنگ کی لیکن شاداب خان کی گیند پر آؤٹ ہو گئے۔
اس سے قبل اسلام آباد یونائیٹڈ نے پہلے کھیلتے ہوئے مقررہ 20 اوورز میں 8 وکٹوں کے نقصان پر 145 رنز بنائے۔ نوجوان کھلاڑی شاداب خان نے شاندار بلے بازی کا مظاہرہ کرتے ہوئے بیالیس رنز بنائے اور ناٹ آؤٹ رہے۔
لاہورقلندرز کی جانب سے عامر یامین 3 وکٹیں لے کر کامیاب باؤلر رہے۔ دیگر گیند بازوں میں یاسر شاہ نے 2 جبکہ سہیل تنویر اور سنیل نارائن نے ایک ایک وکٹ حاصل کی۔ لاہور قلندر کے عمر اکمل کو مین آف دی میچ قرار دیا گیا۔
شارجہ: پاکستان سپر لیگ میں آج دفاعی چیمپیئن اسلام آبادیونائیٹڈ کامقابلہ لاہور قلندرز سےہوگا۔
تفصیلات کےمطابق پی ایس ایل 2017میں آج شارجہ کے کرکٹ اسٹیڈیم میں دفاعی چیمپیئن اسلام یونائیٹد اور لاہور قلندرز کی ٹیم ٹکرائے گی،میچ پاکستانی وقت کےمطابق رات 9بجےشروع ہوگا۔
لاہور قلندرز کی ٹیم اب تک پانچ میچ کھیل چکی ہے جن میں سے وہ دو میچوں میں فاتح رہی جبکہ تین میں قلندرز کو شکست کا سامنا کرنا پڑا۔
دوسری جانب دفاعی چیمپیئن اسلام آباد یونائیٹڈ نے اب تک 5میچ کھیلے ہیں جن میں سےتین میں اسے کامیابی حاصل ہوئی جبکہ دو میچوں میں مصباح الحق کی ٹیم کو شکست کا سامنا کرنا پڑا۔
یاد رہےکہ اس سے قبل اسلام آباد یونائیٹڈ نے پشاور زلمی کو سنسنی خیز مقابلے کے بعد پانچ وکٹوں سے شکست دے دی تھی۔اوپنر سمتھ کے ناقابلِ شکست 71 رنز کی اننگ نے جیت میں کلیدی کردار ادا کیاتھا۔
واضح رہےکہ دو روز قبل شارجہ اسٹڈیم میں لاہور قلندرز نے کوئٹہ گلیڈی ایٹرز کو201رنز کا بڑاہدف دیاتھاتاہم اس کے باوجود سرفرازاحمد کی ٹیم نے قلندرز کوپانچ وکٹوں سے شکست دے دی تھی۔
شارجہ : نوجوان لڑکے کو مسجد کے چندہ بکس سے پیسے چوری کر تے ہوئے رنگے ہاتھوں گرفتار کر لیاگیا ہے۔
تفصیلات کے مطابق شارجہ کو آپریٹیوسوسائٹی کی مسجد عبداللہ بن عمر کی انتظامیہ کو چندے کے ڈبے سے رقم غائب ہونے کی شکایات کا سامنا تھا، چور کو پکڑنے کے لیے ایک ملازم کو چندے کے باکس کی خفیہ نگرانی کی ذمہ داری دے دی گئی تھی جس نے ظہر کی نماز کے بعد ایک نوجوان لڑکے کو رقم چراتے ہوئے دیکھ لیا اور تصاویر کھینچ کر پولیس کو آگاہ کردیا۔
شارجہ پولیس نے مسجد انتظامیہ کی شکایت اور ثبوت فراہم کرنے کے بعد 17سالہ عرب نوجوان کو گرفتار کر کے تھانے منتقل کردیا ہے جہاں ملزم سے تحقیقات کا عمل جاری ہے۔
پولیس کا کہنا ہے کہ عرب نوجوان کو مسجد کے چندہ باکس سے 250 درہم چوری کرنے کے الزام میں گرفتار کیا گیا ہے۔ یہ لڑکا ظہر کی نماز کے بعد عبداللہ بن عمر بن الخطاب مسجد میں داخل ہوا اور پیسے چراتے ہوئے رنگے ہاتھوں پکڑا گیا ہے۔
شارجہ پولیس نے نوجوان کو عدالت میں پیش کردیا ہے جہاں ملزم نے تمام الزامات سے یکسر انکار کر دیا جب کہ ملزم کے والد کا کہنا ہے کہ ان کا بیٹا بے گناہ ہے۔
پولیس نے موقف اختیار کیا کہ مسجد کی صفائی کرنے والے ملازم نے لڑکے کو چیرٹی باکس کے نزدیک کھڑے ہوکر ہینگر تار کی مدد سے پیسے نکالتے ہوئے دیکھا اور تصاویر اتارلیں جس کے بعد پولیس کو بلایا گیا تھا۔
مسجد عبداللہ بن عمر کے ملازم نے عدالت کو بتایا کہ مذکورہ لڑکے نے چندہ باکس سے رقم چرائی جس کی موقع پر تصاویر بنا لی تھیں جو کہ پبلک پراسیکیوشن کے حوالے بھی کر دی گئی ہیں۔
شارجہ پولیس نے عدالت کو مزید بتایا کہ یہ نوجوان لڑکا دیگر نامعلوم لڑکوں کے ساتھ مل کر دیگر مساجد کے چندہ باکس سے بھی پیسے چرانے میں ملوث ہے۔
عدالت نے فریقین اور گواہ کے بیانات سننے کے بعد کیس کی سماعت اگلے مہینے تک ملتوی کر دی ہے۔
شارجہ میں کھیلے جانے والے تیسرے ٹیسٹ میں ویسٹ انڈیز نے پاکستان کو 5 وکٹوں سے شکست دے کر پاکستان کا وائٹ واش کا خواب چکنا چور کردیا۔
شارجہ میں کھیلے جانے والے تیسرے ٹیسٹ میں قومی ٹیم دوسری اننگز میں 208 رنز بنا کرآؤٹ ہوگئی تھی۔ پل پل رنگ بدلنے کے بعد شارجہ ٹیسٹ سنسنی خیز مرحلے میں داخل ہوگیا تھا اور یاسر شاہ کی بولنگ نے آسان اور چھوٹا ہدف مشکل بنا دیا۔
تاہم ویسٹ انڈیز نے شاندار کم بیک کرتے ہوئے پاکستان کو 5 وکٹوں سے شکست دے دی۔
ٹیسٹ کے چوتھے دن پاکستان نے 87 رنز 4 کھلاڑی آؤٹ سے اپنی نامکمل اننگز دوبارہ شروع کی تھی تو اسے صرف 31 رنز کی برتری حاصل تھی۔
ویسٹ انڈیز کی جانب سے کپتان جیسن ہولڈر نے تباہ کن باﺅلنگ کرتے ہوئے پاکستانی بیٹنگ لائن کو تہس نہس کر دیا اور 5 کھلاڑیوں کو پویلین کی راہ دکھائی۔ دیویندرا بیشو نے 3 اور روسٹن چیس نے ایک وکٹ حاصل کی۔
جواب میں ویسٹ انڈین بیٹنگ لائن بھی ڈگمگا گئی اور صرف 67 رنز پر ہی 5 کھلاڑی ہمت ہار گئے ہیں۔ وہاب ریاض نے بھی تباہ کن بولنگ کی۔ پہلے بلیک ووڈ اور پھر چیس کو پویلین بھیجا۔
ٹیسٹ کے آخری دن ویسٹ انڈیز کو فتح کے لیے 39 رنز درکار تھے۔ کریگ برتھ ویٹ اور شین ڈوریچ کی شراکت نے جیت کی راہ ہموار کردی۔ پہلی اننگز میں آؤٹ نہ ہونے والے برتھ ویٹ اس بار بھی ناٹ آؤٹ رہے۔ برتھ ویٹ اور ڈوریچ نے 60، 60 رنز بنائے۔
آخری دن پاکستان کوئی وکٹ حاصل نہیں کر سکا۔ سیریز میں 21 وکٹیں لینے پر یاسر شاہ سیریز کے بہترین کھلاڑی قرار پائے۔
اس دورے میں ویسٹ انڈیز کی یہ پہلی فتح ہے۔ قومی ٹیم نے ویسٹ انڈیز کو ٹی 20 اور ایک روزہ میچز کی سیریز میں وائٹ واش سے دو چار کیا تھا۔ ٹیسٹ سیریز میں پاکستان نے پہلے دو ٹیسٹ جیت کر سیریز 2.1 سے اپنے نام کرلی۔
