ARYNews.tv | Urdu – Har Lamha Bakhabar

Tag: شارٹ فال

  • کوئی منی بجٹ نہیں آئے گا، حکومت نے آئی ایم ایف کو آگاہ کردیا

    کوئی منی بجٹ نہیں آئے گا، حکومت نے آئی ایم ایف کو آگاہ کردیا

    اسلام آباد: حکومت نے آئی ایم ایف کو منی بجٹ کے  حوالے سے آگاہ کرتے ہوئے 605 ارب کا بجٹ خسارہ پورا کرنے کیلئے متبادل منصوبہ پیش کردیا۔

    تفصیلات کے مطابق شارٹ فال پورا کرنے کے لیے منی بجٹ نہیں آئے گا ، حکومتِ پاکستان نے 605 ارب کا شارٹ فال پورا کرنے کے لیے متبادل پلان تیار کرلیا اور آئی ایم ایف کو متبادل منصوبہ پیش کردیا۔

    ذرائع نے کہا کہ ٹیکس مقدمات جلد نمٹا کرمحصولات میں کمی کو پورا کرنے کا منصوبہ بھی پیش کردیا اور وزیراعظم نےعدالتوں میں زیرسماعت ٹیکس مقدمات میں بھرپورتعاون کی یقین دہانی کرائی۔

    ذرائع نے بتایا کہ چیف جسٹس سپریم کورٹ نے بھی ٹیکس مقدمات کی سماعت جلد کرانے کی درخواست منظورکرلی ہے۔

    ذرائع کا کہنا تھا کہ آئی ایم ایف کو ٹیکس مقدمات نمٹا کر شارٹ فال پورا کرنے کا پلان دے دیا گیا ہے، سپریم کورٹ میں دس مارچ کو سپرٹیکس سے متعلق اہم سماعت ہوگی، ایف بی آرکو سپرٹیکس کی مد میں ایک سوستاون ارب روپے حاصل ہوسکتے ہیں۔

    آئی ایم ایف کو بریفنگ میں بتایا گیا کہ ونڈ فال پرافٹ ٹیکس میں ننانوے ڈی شق کےتحت تئیس ارب روپے کا ٹیکس کیس جیت لیا گیا، بینکوں میں ایڈوانس ڈپازٹ ریشو پرٹیکس کی مد میں باہترارب روپے کا ٹیکس ملا۔

  • ملک میں بجلی کا بحران جاری، شارٹ فال 3200 میگاواٹ ہوگیا

    ملک میں بجلی کا بحران جاری، شارٹ فال 3200 میگاواٹ ہوگیا

    اسلام اباد: ملک میں بجلی کا بحران برقرار اور بدترین لوڈشیڈنگ کا سلسلہ جاری ہے،بجلی کا مجموعی شارٹ فال 3200 میگا واٹ ہو گیا۔

    ذرائع پاور ڈویژن کے مطابق ملک بھر میں بجلی کا مجموعی شارٹ فال 3200 میگا واٹ ہو گیا، بجلی کی مجموعی طلب 22200 میگا واٹ جبکہ رسد 19000 میگاواٹ ہے۔

    ذرائع کا بتانا ہے کہ بڑے شہروں میں 3 گھنٹے، چھوٹے شہروں، دیہات میں 4 گھنٹے کی لوڈ شیڈنگ کی جارہی ہے۔

    اُدھر لاہور الیکٹرک سپلائی کمپنی (لیسکو) ذرائع کے مطابق لیسکو کو تقریباً 100 میگاواٹ شارٹ فال کا سامناہے، لیسکو کی مجموعی طلب 3600 میگاواٹ  جبکہ رسد 3500 میگاواٹ ہے۔

    دوسری جانب دیہی اور چھوٹے شہروں میں لوڈشیڈنگ کا سلسلہ اب بھی برقرار ہے۔ ذرائع کا کہنا ہے کہ شہر  اور دیہی علاقوں میں لوڈشیڈنگ کا دورانیہ 7 سے 8 گھنٹے سے زائد ہوگیا ہے، گرمی میں صارفین کا برا حال ہے اور کاروباری سرگرمیاں بھی متاثر ہو رہی ہیں۔

  • 300 ارب روپے کے پیٹرولیم لیوی کے شارٹ فال کا خدشہ

    300 ارب روپے کے پیٹرولیم لیوی کے شارٹ فال کا خدشہ

    اسلام آباد: رواں مالی سال کے دوران 300 ارب روپے کے پیٹرولیم لیوی کے شارٹ فال کا خدشہ ہے، پیٹرولیم لیوی کا شارٹ فال پورا کرنے کے لیے مختلف تجاویز زیر غور ہیں۔

    تفصیلات کے مطابق رواں مالی سال کے دوران 300 ارب روپے کے پیٹرولیم لیوی کے شارٹ فال کا خدشہ ہے، انٹرنیشنل مانیٹری فنڈ (آئی ایم ایف) نے لیوی کی مد میں 300 ارب روپے کا شارٹ فال پورا کرنے کی حکمت عملی مانگ لی۔

    ذرائع وزارت خزانہ کا کہنا ہے کہ پیٹرولیم لیوی کا شارٹ فال پورا کرنے کے لیے مختلف تجاویز زیر غور ہیں۔

    ذرائع کے مطابق آئی ایم ایف کے ساتھ 850 ارب روپے لیوی کی مد میں حاصل کرنے کا معاہدہ طے پایا تھا تاہم 850 ارب روپے پیٹرولیم ڈویلپمنٹ لیوی کا ہدف حاصل نہ ہونے کا خدشہ ہے۔

    ذرائع کا کہنا ہے کہ وزارت خزانہ کی جانب سے لیوی کی مد میں شارٹ فال پورا کرنے کا پلان نہیں دیا گیا، وزارت خزانہ حکام کی جانب سے آئی ایم ایف کو بھی آگاہ کردیا ہے کہ 50 ارب تک لیوی شارٹ فال ہو سکتا ہے۔

  • ملک بھر میں بجلی کی پیداوار کے ساتھ شارٹ فال میں بھی اضافہ

    ملک بھر میں بجلی کی پیداوار کے ساتھ شارٹ فال میں بھی اضافہ

    اسلام آباد: ملک بھر میں بجلی کا شارٹ فال 7 ہزار میگا واٹ ہوگیا، ملک بھر میں کئی گھنٹوں کی لوڈ شیڈنگ جاری ہے۔

    تفصیلات کے مطابق ملک میں بجلی کا شارٹ فال مزید بڑھ گیا، بجلی کی طلب 29 ہزار میگا واٹ ہوگئی۔

    ذرائع کا کہنا ہے کہ بجلی کی مجموعی پیداوار 22 ہزار میگا واٹ ہے جبکہ شارٹ فال بڑھ کر 7 ہزار میگا واٹ ہوچکا ہے۔

    ملک بھر میں 4 سے 6 گھنٹے کی لوڈ شیڈنگ کی جارہی ہے، لیسکو کا شارٹ فال 400 میگا واٹ ہوگیا ہے۔

  • ایندھن کی کمی کے باعث بجلی کی پیداوار مزید کم ہو گئی

    ایندھن کی کمی کے باعث بجلی کی پیداوار مزید کم ہو گئی

    لاہور: ملک میں بجلی کا بحران بدستور جاری ہے، شاٹ فال کم نہ ہو سکا، اور ایندھن کی کمی کے باعث بجلی کی پیداوار مزید کم ہو گئی۔

    تفصیلات کے مطابق پاور ڈویژن کے ذرائع نے بتایا ہے کہ ملک میں بجلی کا شارٹ فال 6 ہزار 580 میگا واٹ تک پہنچ گیا ہے اور ایندھن کی کمی کے باعث بجلی کی پیداوار مزید کم ہو کر 19 ہزار 420 میگا واٹ رہ گئی، جب کہ بجلی کی طلب 26 ہزار میگا واٹ سے زائد ہے۔

    ذرائع کے مطابق پاور پلانٹس کو کوئلے اور ایل این جی کی پوری مقدار نہیں مل رہی، ایل این جی کے سودے کر لیے لیکن رسد کے لیے ڈالرز میں ادائیگی ضروری ہے، جب کہ حکومت کی جانب سے ادائیگی نہ ہونے سے ایندھن فراہمی نہیں ہو رہی۔

    پاور ڈویژن کے مطابق پن بجلی ذرائع سے بجلی کی پیداوار 4 ہزار 916 میگا واٹ ہے، سرکاری تھرمل پاور پلانٹس 1 ہزار 84 میگا واٹ بجلی پیدا کر رہے ہیں، اور نجی شعبے کے بجلی گھروں کی پیداوار 10 ہزار 156 میگا واٹ ہے۔

    ممتحن نے گرمی سے پریشان طلبہ کے لیے امتحانی گتے کو دستی پنکھا بنا لیا، بورڈ چیئرمینز لوڈ شیڈنگ کے آگے بے بس

    ہوا سے 700 میگا واٹ، سولر سے بجلی کی پیداوار 112 میگا واٹ ہے، بگاس سے چلنے والے پاور پلانٹس 166 میگا واٹ بجلی پیدا کر رہے ہیں، جب کہ جوہری ایندھن سے بجلی کی پیداوار 2 ہزار 274 میگا واٹ ہے۔

    واضح رہے کہ اس وقت ملک کے مختلف علاقوں میں 16 گھنٹے تک لوڈ شیڈنگ کی جا رہی ہے۔

  • ملک میں بجلی کا بحران سنگین، شارٹ فال 9000 میگا واٹ تک جا پہنچا

    ملک میں بجلی کا بحران سنگین، شارٹ فال 9000 میگا واٹ تک جا پہنچا

    لاہور : ملک بھر میں بجلی کا بحران سنگین ہوگیا اور مجموعی شارٹ فال نوہزار میگا واٹ تک پہنچ گیا ہے، غیراعلانیہ اور طویل لوڈ شیڈنگ سے عوام بلبلا اٹھے۔

    تفصیلات کے مطابق ملک بھرمیں بجلی کابحران شدت اختیارکرگیا اور بجلی کا مجموعی شارٹ فال9ہزارمیگاواٹ تک پہنچ گیا، ذرائع کا کہنا ہے کہ بجلی کی مجموعی طلب24ہزارجبکہ رسد15ہزارمیگاواٹ ہے۔

    بڑےشہروں میں بجلی کی لوڈشیدنگ 10 گھنٹے اور دیہات میں 15گھنٹےتک ہوگئی ، جس نے شہریوں کا جینا دو بھرہوگیا۔

    ذرائع نے بتایا کہ لیسکو کا سسٹم بھی اوورلوڈڈ ہوگیا ہے ، اس وقت لیسکو کا شارٹ فال 1500سو میگاواٹ سے تجاوز کرگیا، اوورلوڈنگ کے باعث شہر کے کئی گرڈ اسٹیشن بند ہے اورمتعدد علاقوں میں بجلی بند ہے۔

    ذرائع کے مطابق لیسکو کا کوٹہ3400میگاواٹ رہ گیا جبکہ طلب 4900 میگا واٹ ہوگئی ہے۔

    دوسری جانب فنی خرابی کے باعث گڈو تھرمل پاورپلانٹ کے پانچ یونٹ ٹرپ کر گئے، جس کے باعث سبی اور شکارپور کو بجلی کی فراہمی معطل ہوگئی تاہم مرمتی کام جاری ہے۔

  • ایم ڈی کے الیکٹرک کی وزیرِ توانائی امتیاز شیخ کو بجلی شارٹ فال پر بریفنگ

    ایم ڈی کے الیکٹرک کی وزیرِ توانائی امتیاز شیخ کو بجلی شارٹ فال پر بریفنگ

    کراچی: وزیرِ توانائی سندھ امتياز شیخ سے ایم ڈی کے الیکٹرک نے ملاقات کی، ملاقات میں وزیرِ توانائی کو کے الیکٹرک کی جانب سے بریفنگ دی گئی۔

    تفصیلات کے مطابق سندھ کے وزیرِ توانائی سے کے الیکٹرک کے منیجنگ ڈائریکٹر نے ملاقات کرتے ہوئے شہر میں ہونے والی لوڈ شیڈنگ، لائن لاسز اور بجلی شارٹ فال پر بریفنگ دی۔

    [bs-quote quote=”حب اور گھارو سے عنقریب 300 میگا واٹ بجلی ملنا شروع ہو جائے گی۔” style=”style-7″ align=”left” color=”#dd3333″][/bs-quote]

    ایم ڈی کے الیکٹرک نے کہا کہ ادارے کو 600 میگا واٹ کمی کا سامنا ہے، حب اور گھارو سے عنقریب 300 میگا واٹ بجلی ملنا شروع ہو جائے گی۔

    وزیرِ توانائی سندھ امتياز شیخ نے کے الیکٹرک کو ہدایت کی کہ رمضان میں لوڈ شیڈنگ کا خاتمہ یقينی بنایا جائے، اوور بلنگ کی عوامی شکایات کا بھی فوری ازالہ کیا جائے۔

    خیال رہے کہ مارچ کے آخر میں کے الیکٹرک انتظامیہ کی جانب سے کہا گیا تھا کہ گیس کم ہونے کی وجہ سے کے ای کو 500 میگا واٹ شارٹ فال کا سامنا ہے جب کہ دستیاب بجلی 2200 میگا واٹ ہے۔

    یہ بھی پڑھیں:  تھر کول منصوبہ ناکام، عوامی پیسے کا ضیاع ہوا: چیف جسٹس

    یاد رہے کہ صوبہ سندھ کے لیے تھر کول سے بجلی کی پیداوار کے اہم ترین منصوبے کو سپریم کورٹ نے نا کام قرار دیتے ہوئے 11 اکتوبر 2018 کو انتظامیہ کو ذمہ داران کے تعین کا حکم دے دیا تھا۔

    کیس کی سماعت کے دوران معلوم ہوا کہ 3 ارب سے زائد خرچ کر کے صرف 8 میگا واٹ بجلی پیدا کی گئی، تاہم یہ تاریخ میں پہلی مرتبہ تھا کہ کوئلے سے منسلک کسی منصوبے پر کام ہوا۔

  • آئندہ موسم گرما میں لوڈ شیدنگ کم ہوگی، خواجہ آصف

    آئندہ موسم گرما میں لوڈ شیدنگ کم ہوگی، خواجہ آصف

    وزیر پانی و بجلی خواجہ آصف نے کہا ہے کہ سرکلر قرضے 304ارب روپے تک پہنچ گئے ہیں ، مستقبل کی منصوبہ بندی کے تحت سستی ہائیڈل بجلی کی پیداوار کیلئے ترجیحی اقدامات کئے جارہے ہیں۔

    اسلام آباد میں داسو واپڈا آفس کے افتتاح کے موقع پر میڈیا سے بات چیت کرتے ہوئے انہوں نے کہا کہ سستی بجلی کیلئے شمال میں ہائیڈل منصوبوں اور جنوب میں تھر کے کوئلے سے بجلی کی طرف توجہ ہے ، انہوں نے بتایا کہ سرکلر قرضے 304ارب روپے تک پہنچ گئے ہیں ، جس کی بنیادی وجہ مہنگے فیول سے بجلی پیدا کرنا ہے ، اگر مختلف سرکاری اداروں سے بجلی کے واجبات مل جائیں تو سرکلر قرضے کم ہو جائیں گے۔

    انہوں نے اعلان کیا کہ موجودہ حکومت کے دوسرے سال میں موسم گرما کی لوڈشیڈنگ پہلے سال سے کم تھی اور آئندہ سال صورتحال مزید بہتر ہوگی ، ایک سوال پر انہوں نے بتایا کہ تربیلا کے چوتھے توسیعی منصوبے سے 1400میگاواٹ بجلی پیدا ہوگی ، جبکہ دیامر بھاشا ، تھاہ کوت اور دیگر منصوبوں کیلئے امدادی اداروں نے مثبت ردعمل کا اظہار کیا ہے ، خواجہ آصف کا کہنا تھا کہ داسو ڈیم کی تعمیر کیلئے کچھ رقم مل گئی ہے ، جلد کام شروع ہو جائے گا ۔

  • خواجہ آصف کی گورنرمہتاب عباسی کے ہمراہ وزیراعلیٰ خیبرپختونخوا سے ملاقات

    خواجہ آصف کی گورنرمہتاب عباسی کے ہمراہ وزیراعلیٰ خیبرپختونخوا سے ملاقات

    پشاور: وزیرپانی وبجلی خواجہ آصف گورنرمہتاب عباسی کے ہمراہ پشاور پہنچ گئے وزیر اعلی کے پی کے کو بجلی کی لوڈشیڈنگ ختم کرنےاور گرڈ سسٹم اپ گریڈ کرنے کی یقین دہانی کرادی۔

    وزیراعلیٰ خیبر پختونخواکی دھمکی کام کرگئی،وفاقی وزیر پانی و بجلی خواجہ محمد آصف گورنر سردار مہتاب کے ہمراہ وزیراعلیٰ خیبرپختونخوا سے ملنے پہنچ گئے،وفاقی وزیر پانی و بجلی خواجہ محمد آصف نےوزیراعلیٰ خیبرپختونخوا کو لوڈشیڈنگ کا مسئلہ حل کرنے کی یقین دہانی کرادی،خواجہ آصف کا کہنا ہے ڈیرہ اسماعیل خان،کوہاٹ ،چکدرہ،نوشہرہ اور مانسہرہ میں 5 طاقتور گرڈ سٹیشن قائم کئے جائیں گے، وفاقی وزیر پانی و بجلی نے گرڈا سٹیشنوں کی فوری تعمیر کیلئے فنڈز کی فراہمی کا بھی اعلان کردی۔

  • لوڈشیڈنگ کی سزابجلی چوروں کو ہی دیں گے،خواجہ آصف

    لوڈشیڈنگ کی سزابجلی چوروں کو ہی دیں گے،خواجہ آصف

    وزیر برائے پانی و بجلی خواجہ آصف کا کہنا ہے لوڈشیڈنگ کی سزابجلی چوروں کو ہی دیں گے۔ دو روز میں بجلی کا شارٹ فال چھ سے سات ہزار میگاواٹ تک پہنچ گیا تھا۔ ملک کو بیس سے تیس فیصد بجلی کی کمی کا سامنا ہے۔

    اسلام آباد میں پریس کانفرنس میں خطاب کے دوران وزیر برائے پانی و بجلی خواجہ آصف کا کہنا تھا کہ گرمی کی شدت کے باعث بجلی کی طلب انیس ہزار میگاواٹ سے تجاوز کرگئی۔ خواجہ آصف کا کہنا تھا کہ صوبہ سندھ نے تقریبا ستاون ارب روپے ادا کر نے ہیں جب کہ کے الیکٹریک کو دی جانے والی چھ سو میگاواٹ بجلی کو بند کرانے کیلئے عدالت سے رجوع کیا ہوا ہے ۔

    ا انھوں نے بتایا کہ بل ادا نہ کر نے والوں کیلئے اٹھارہ سے بیس گھنٹے تک کی لوڈ شئڈنگ کر رہے ہیں انھوں نے کہا کہ تمام تر مشکلات کے باوجود گزشتہ مہینوں میں صنعتوں کو تواتر سے بجلی کی فراہمی کی گئی ہے۔