کراچی : پولیس کو شارٹ ٹرم کڈنیپینگ مہنگی پڑگئی، خاتون کو غیرقانونی حراست میں لے کر رقم وصولی کے بعد رہا کرنے کے معاملے پراہلکاروں کیخلاف مقدمہ درج کرلیا گیا۔
تفصیلات کے مطابق کراچی میں شارٹ ٹرم کڈنیپنگ میں پولیس کے ملوث ہونے کا ایک اور واقعہ پیش آیا، خاتون کو غیرقانونی حراست میں لے کر تشدد کرکے رقم وصولی کے بعد رہا کیا گیا۔
خاتون کو غیرقانونی حراست میں لے کر تشددکر کے رقم وصولی کے بعد رہا کرنے کے معاملے پر چاکیواڑہ تھانے کے سب انسپکٹر سمیت 4 اہلکاروں کیخلاف مقدمہ درج کرلیا گیا۔
چاکیواڑہ تھانے کی سادہ لباس اسپیشل پارٹی نے فائزہ نامی خاتون کوحراست میں لیا تھا ، جس کے بعد اسپیشل پارٹی نےمتاثرہ خاتون کو بہیمانہ تشددکانشانہ بنایا تھا۔
پولیس پارٹی نے تشدد کے بعد متاثرہ خاتون کو ایک لاکھ 50ہزارکے عوض رہاکیا، متاثرہ خاتون نے رہائی کے بعد پولیس کے مظالم کے حوالے سے ڈی آئی جی ساؤتھ کو آگاہ کیا تھا۔
ڈی آئی جی ساؤتھ کی ہدایت پر پولیس پارٹی کیخلاف کلری تھانے میں مقدمہ درج کرلیا گیا ہے، مقدمےمیں سب انسپکٹر ذوالفقار، اہلکار نصر اللہ ، علی گل، آصف سندھی اور غلام نامزد ہے۔