Tag: شام

واشنگٹن: امریکی وزیر خارجہ مارکو روبیو نے کہا ہے کہ شام میں فریقین نے جھڑپیں ختم کرنے پر اتفاق کر لیا ہے۔

تفصیلات کے مطابق امریکی وزیر خارجہ مارکو روبیو نے کہا ہے کہ شام میں لڑنے والے فریقین کا جھڑپیں ختم کرنے پر اتفاق ہو گیا ہے، لڑنے والے مختلف گروپوں سے رابطہ کیا ہے، تمام شامی فریقین کو اپنے وعدوں پر عمل کرنا ہوگا۔

گزشتہ روز انھوں نے اعلان کیا کہ جنوبی شام میں جھڑپوں میں شامل تمام فریقوں نے آج رات سے شروع ہونے والے تشدد کو روکنے کے لیے ’’مخصوص اقدامات‘‘ پر اتفاق کر لیا ہے۔

سیکریٹری آف اسٹیٹ مارکو روبیو نے بھی بدھ کے روز دمشق پر اسرائیل کے حملے کو ’’ممکنہ طور پر ایک غلط فہمی‘‘ قرار دیا، ترجمان امریکی محکمہ خارجہ ٹیمی بروس نے بھی کہا کہ اسرائیل اور شام کے درمیان کشیدگی غلط فہمی کی بنیاد پر ہوئی، تاہم اسرائیل کی جانب سے کیسی ’غلط فہمی‘ ہوئی، اس کی وضاحت نہیں کی گئی۔ اوول آفس میں ایک رپورٹر کے سوال کے جواب میں روبیو نے صحافیوں کو بتایا کہ ’’یہ پیچیدہ ہے۔‘‘

طاقت ور اسرائیلی حملے کے بعد دمشق نے سویدا شہر سے فوجیں نکال لیں

مارکو روبیو نے کہا ’’شام کے جنوب مغرب میں مختلف گروہوں (توحید پرست مذہب دروز اور سنی بدو قبائلی گروہ) کے درمیان تاریخی دیرینہ دشمنیاں ہیں، تازہ جھڑپیں اسرائیل اور شامی فریق کے درمیان بدقسمتی سے غلط فہمی کا باعث بن گئیں۔‘‘

واضح رہے کہ گزشتہ روز اسرائیل نے دمشق پر حملہ کیا تھا، جس میں صدارتی محل اور وزارتِ دفاع کے قریب بم باری کی گئی، ایران اور قطر نے شام پر اسرائیلی حملوں کی شدید مذمت کی، اقوام متحدہ کی سلامتی کونسل نے بھی شام کی صورت حال پر آج اجلاس طلب کر لیا ہے، جس میں شام پر اسرائیلی حملوں پر بات کی جائے گی۔

شام میں بدو قبیلے کے ہاتھوں دروز قبیلے کے تاجر کے اغوا سے شروع ہوئے فسادات فرقہ وارانہ شکل اختیار کر گئے ہیں، جہاں جھڑپوں میں ہلاکتوں کی تعداد 200 سے تجاوز کر گئی ہے۔

واشنگٹن: امریکا نے شام پر عائد پابندیاں باضابطہ طور پر اٹھا لیں۔

غیر ملکی میڈیا رپورٹس کے مطابق جمعہ کے روز شام پر سے امریکی پابندیاں باضابطہ اٹھائے جانے کا آغاز ہو گیا، عائد پابندیوں میں 180 دن کی چھوٹ دے دی گئی۔

امریکی وزیر خزانہ کا کہنا ہے کہ شام کو مستحکم ملک بننے کے لیے کام جاری رکھنا چاہیے، امریکی اقدامات سیریا کو استحکام اور خوش حالی کی راہ پر گامزن کریں گے۔

امریکی وزیر خارجہ مارکو روبیو نے اپنے بیان میں کہا کہ شام پر عائد پابندیوں میں ایک سو اسی دن کی چھوٹ دے دی گئی ہے، انھوں نے کہا کہ پابندیاں اٹھانا امریکا اور شام کے تعلقات بحالی کی جانب پہلا قدم ہے۔

Sanctions relief is critical for Syria to move forward. The United States is issuing a Caesar Act sanctions waiver to increase investments and cash flows that will facilitate basic services and reconstruction in Syria. We support the Syrian people’s efforts to build a more…

— Secretary Marco Rubio (@SecRubio) May 23, 2025

دریں اثنا، امریکی محکمہ خارجہ نے 2019 کے قانون ’سیزر سیریا سویلین پروٹیکشن ایکٹ‘ کی چھوٹ بھی جاری کی ہے، جس کا مقصد امریکا کے غیر ملکی شراکت داروں، اتحادیوں اور خطے کے لیے شام کی صلاحیتوں سے فائدہ اٹھانے کی راہ ہموار کرنا ہے۔

شام میں والدین نے نومولود کا نام ’ٹرمپ‘ رکھ دیا

اپنے بیان میں سیکریٹری آف اسٹیٹ مارکو روبیو نے کہا کہ یہ چھوٹ بجلی، توانائی، پانی اور سینیٹیشن کی فراہمی میں سہولت مہیا کرے گی، اور پورے شام میں انسانی ہمدردی کی بنیاد پر زیادہ مؤثر اقدامات ممکن ہو سکیں گے۔

اس امریکی اجازت نامے میں شام میں نئی ​​سرمایہ کاری، مالیاتی خدمات کی فراہمی اور پٹرولیم مصنوعات سے متعلق لین دین شامل ہیں۔ روبیو نے جمعے کے روز کہا کہ یہ اقدامات صدر ٹرمپ کے دونوں ممالک کے نئے تعلقات کے وژن کی تکمیل کی طرف پہلا قدم ہے۔

دمشق: شام نے امریکی صدر ڈونلڈ ٹرمپ کے پابندیاں ہٹانے کے اعلان کو خوش آئند قرار دے دیا ہے۔

تفصیلات کے مطابق شام نے صدر ٹرمپ کے اعلان پر خوشی کا اظہار کیا ہے، شامی وزارت خارجہ نے کہا ٹرمپ کی جانب سے پابندیوں کے خاتمے کا اعلان خوش آئند ہے۔

وزارت خارجہ سے جاری بیان میں کہا گیا ہے کہ ہم امریکی صدر ٹرمپ کے مثبت اعلان کا خیر مقدم کرتے ہیں۔

امریکا نے سابق صدر بشار الاسد کی حکومت کے دوران شام پر پابندیاں عائد کی تھیں، گزشتہ روز سعودی عرب کے ولئ عہد شہزادہ محمد بن سلمان کی درخواست پر امریکی صدر ڈونلڈ ٹرمپ نے شام پر عائد امریکی پابندیاں ختم کرنے کا اعلان کیا۔

صدر ٹرمپ کا شام سے پابندیاں ہٹانے کا اعلان، ایران کو تعلقات میں بہتری کی پیشکش

ریاض میں منگل کے روز میڈیا سے گفتگو کرتے ہوئے ٹرمپ نے بتایا کہ میں نے ولی عہد شہزادہ محمد بن سلمان کے ساتھ مشاورت کے بعد یہ اہم فیصلہ کیا، ان کا کہنا تھا کہ ’’یہ فیصلہ شامی عوام کو ایک نئی امید دینے کے لیے کیا گیا ہے۔‘‘

روئٹرز کے مطابق شام کے عبوری صدر احمد الشرع خلیج تعاون کونسل کے ساتھ ملاقاتوں کے لیے ریاض آئیں گے، اور امریکی صدر نے بھی ان سے ایک چھوٹی سی ملاقات پر رضامندی ظاہر کر دی ہے۔