Tag: شامی فوج

حلب: شام میں حکومتی فورسزنےروسی فضائی مددکےساتھ حلب کے تقریباًنوے فیصد حصے کاکنٹرول سنبھال لیاہے،جبکہ جھڑپوں میں پچاس سےزائد شہری بھی جاں بحق ہوئے۔

تفصیلات کےمطابق شام کے سرکاری میڈیاکاکہناہےکہ سیکیورٹی فورسزنےحلب میں پیش قدمی کرتے ہوئےحزب اختلاف کےجنگجوؤں کو پیچھےدھکیل دیا ہےجس کےبعد اب جنگجوچھوٹے سےحصے پرقابض ہیں۔

اطلاعات کےمطابق حلب کےمحاصرے کے باعث ہزاروں افراد شہر میں پھنسے ہوئے ہیں اور ان کے پاس نہ تو پانی ہے اور نہ خوراک ہے۔

مزید پڑھیں:حلب میں حکومتی فضائیہ کی بمباری،45افراد جاں بحق

شام میں انسانی حقوق کے لیے کام کرنے والی تنظیم کا کہناہےکہ شامی فوج حلب کے جنوب مشرق میں واقع شیخ سعید نامی ضلعے پر کنٹرول حاصل کرچکی ہےجس کے بعد شیخ سعید کے اطراف میں موجود صرف دوعلاقوں پرباغیوں کا کنٹرول باقی بچا ہے۔

یاد رہے کہ شام میں جاری خانہ جنگی میں اب تک 3 لاکھ سے زائد افراد ہلاک ہوچکے ہیں،حلب پر حکومتی فوج کی جانب سے کی جانے والی بمباری میں نومبر سے لے کر اب تک 413 شہری مارے جاچکے ہیں۔

واضح رہے کہ شام میں گذشتہ 5 سال سے جاری خانہ جنگی کے باعث ملک کا بنیادی ڈھانچہ مکمل طور پر تباہ ہوچکا ہے۔

واشنگٹن : امریکہ کاکہناہےکہ شام میں دولت اسلامیہ کے خلاف لڑنے والےشامی فوجیوں پرفضائی حملہ غلط فہمی کی وجہ سےہوا۔

تفصیلات کےمطابق امریکی سینٹرل کمانڈ کاایک بیان میں کہنا ہےکہ امریکی اتحاد کے طیارے رواں سال سترہ ستمبرکوشامی شہردیرالزور میں داعش کو نشانہ بنانے چاہتےتھے تاہم غلطی کی وجہ سےشامی فوجی اس کی زد میں آئے۔

سینٹرل کمانڈ کا کہنا ہے کہ غلطی قابل افسوس ہے اور اس میں شامی فوج کو نشانہ بنانے کا ارادہ نہیں تھا۔حکومتی فورسز پر فضائی حملے میں امریکا، برطانیہ، ڈنمارک اور آسٹریلیا کے جہاز شامل تھے۔

ادھرشامی صدر نے کہا کہ حملہ جان بوجھ کر کیا گیا۔ روس کا کہنا ہے کہ حملےمیں باسٹھ شامی فوجی ہلاک ہوئے تھے۔

اتحادی فوج کے جہازوں نے اس وقت حملے کو روک دیا جب روس نے معلومات فراہم کیں کہ اس حملے میں شامی فوجی نشانہ بن رہے ہیں۔

مزید پڑھیں:امریکہ کی شام میں بمباری،80فوجی جاں بحق

امریکی فوج کے لیفٹیننٹ جنرل جیف ہیریگن نے کہا ہے کہ اس واقعہ میں ہم اس معیار پر پورا نہیں اتر سکیں جو ہم نے اپنا رکھا ہے اور ہم اس سے بہتر کر سکتے تھے۔

مزید پڑھیں:امریکا نے جان بوجھ کر شامی فوج کو نشانہ بنایا، بشارالاسد

دوسری جانب شامی صدر بشارالاسد نے کہا ہےکہ یہ حملہ جان بوجھ کر کیا گیا تھاجس میں 80 شامی فوجی ہلاک ہو گئے تھے۔

واضح رہےکہ رواں ستمبر میں اس حملے کے بعد اقوام متحدہ کا کہنا تھا کہ اسے امریکی اتحاد کی قیادت والے طیاروں سے ہونے والے حملے پر افسوس کااظہار کیاتھا۔

حلب : شام کے شہرحلب میں حکومتی اورروسی فورسزکی شدید بمباری جاری ہے۔حکومتی فورسزنےمشرقی حلب کےایک تہائی علاقے کاکنٹرول سنبھالنے کادعویٰ کیاہے۔

تفصیلات کےمطابق شام میں سرکاری ٹی وی کا کہناہے کہ فورسز بارودی سرنگیں اور دھماکہ خیز موادصاف کرتے ہوئے آگے بڑھ رہی ہیں۔

باغی جنگجوؤں کو حلب کے ان علاقوں سے جن پر ان کا ایک طویل عرصے سے قبضہ تھا پیچھے دھکیل دیا گیا ہے اور سرکاری فوج کی مسلسل پیش قدمی جاری ہے۔

روسی وزارت دفاع کا کہنا ہے کہ شامی فوج نے شہر کے بارہ اضلاع پر قبضہ کر لیا ہے۔حلب پرجب سے حکومتی بمباری کا آغاز ہوا ہے شہری گھر بار چھوڑ کر حکومتی علاقوں اورکردوں کےزیرکنٹرول خود مختار علاقوں کی جانب ہجرت کررہے ہیں۔

دوسری جانب انسانی حقوق کی تنظیم سیرئن ابزرویٹری کا کہنا ہے کہ دس ہزار کے قریب لوگ یا تو سرکاری فوج کے زیر قصبہ علاقوں میں چلے گئے ہیں یا کرد کے زیر اثر شمالی ضلع میں منتقل ہو گئے ہیں۔

یاد رہے کہ شامی فوج نے رواں سال ستمبر میں حلب کا کنٹرول حاصل کرنےکےلیے بڑی کارروائی کا آغازکیا تھا۔

واضح رہے کہ شام میں کام کرنے والے امدادی اداروں کےاعداد و شمار کے مطابق حکومتی کارروائی میں اب تک سینکڑوں شہری لقمہ اجل بن چکےہیں۔

دمشق: شامی فوج کی اسکول پرفضائی بمباری کے نتیجے میں6 بچے جاں بحق جبکہ متعدد زخمی ہوگئے ہیں۔

تفصیلات کےمطابق شام کے دارالحکومت دمشق کے مشرق میں واقع شہر حراستا میں بچوں کے اسکول پر بمباری سے کم از کم 6 بچے جاں بحق اور درجنوں افراد زخمی ہوگئے ہیں۔

انسانی حقوق کی تنظیم کا کہناہے کہ فضائی بمباری میں زخمی ہونے والےبچوں میں بیشتر کی حالت تشویش ناک ہے اوربمباری میں جاں بحق ہونے والے بچوں کے چہرے ناقابل شناخت ہوگئے ہیں۔

انسانی حقوق کی تنظیم آبزرویٹری کے ڈائریکٹر عبدالرحمان نے افسوس ناک واقعےکی تصدیق کرتے ہوئے بتایا ہے کہ شامی فوج نے حراستا شہر میں واقع ایک اسکول پر بمباری کی جس کے نتیجے میں 6 بچے ہلاک اور 17 زخمی ہوگئے ہیں۔

مزیدپڑھیں: اقوام متحدہ کی شام میں اسکول پر بمباری کی تحقیقات کی ہدایت

یاد رہے کہ گزشتہ ماہ شام کے شہر ادلب میں باغیوں کے زیر قبضہ علاقے میں شدید بمباری کی گئی تھی جس کے نتیجے میں اسکول کے 20سےزائد بچے جاں بحق ہوگئے تھے۔

واضح رہے کہ اقوام متحدہ کے سیکریٹری جنرل بان کی مون کی جانب سے گزشتہ ماہ شام کےشہرادلب میں اسکول پر حملے کی تحقیقات کا مطالبہ کیا گیا تھا۔

حلب : شامی شہر حلب کے علاقے راموسہ میں صدر بشار الاسد کی فوج کی جانب سے شدید بمباری کی گئی،فضائی حملوں میں باغیوں کے زیر انتظام علاقوں کو نشانہ بنایا گیا.

تفصیلات کے مطابق حلب کے علاقے راموسہ میں ہونے والے فضائی حملوں میں روسی جنگی طیاروں نے بھی شرکت کی،فضائی بمباری میں باغیوں کے ٹھکانوں کو نشانہ بنایا گیا.

اس سے قبل حکومت مخالف باغیوں کا کہنا تھا کہ انہوں نے حلب کا کئی ہفتوں سے قائم محاصرہ توڑ دیا ہے تاہم شامی حکومت اس کی تردید کی تھی.

شامی حکومت کا کہنا ہے کہ ان کا حصار بدستور قائم ہے اورباغیوں کو کوئی اہم کامیابی نہیں ملی ہے،بہر حال ایسا نظر آ رہا ہے کہ حکومت باغیوں کو مزید کچھ حاصل کرنے سے باز رکھنے کے لیے مزید فوج تعینات کر رہی ہے.

فضائی حملے کے بعد باغی اتحاد نے کہا ہے کہ وہ جنگجوؤں کی تعداد دوگنی کر دیں گے اور نئے حملے کرکے سارے شہر کو واپس حاصل کر لیں گے.

واضح رہے کہ حلب کبھی شام کا کاروباری دارالحکومت تھا اور اسے اپنی فن تعمیر اور آثار قدیم پر ناز تھا،لیکن پانچ سال سے جاری جنگ میں اس کی بیشتر چیزیں تباہ و برباد ہو چکی ہیں یا لوٹ لی گئی ہیں.