Tag: شام

دمشق: شام کے صدر احمد الشرع نے عبوری حکومت کا اعلان کر دیا۔

روئٹرز کے مطابق شام کے صدر احمد الشرع نے ہفتے کے روز ایک عبوری حکومت کا اعلان کرتے ہوئے وسیع کابینہ کی تشکیل کی ہے، جس میں 23 وزرا کا تقرر کیا گیا ہے۔

احمد الشرع کا یہ تازہ قدم بشار الاسد خاندان کے عشروں طویل طرز اقتدار کی تبدیلی، اور مغرب کے ساتھ شام کے تعلقات کو بہتر بنانے کے لیے ایک اہم سنگ میل کے طور پر دیکھا جا رہا ہے۔

نئی کابینہ میں دروز برادری سے تعلق رکھنے والے یاروب بدر کو وزیر ٹرانسپورٹ جب کہ علوی برادری کے امجد بدر کو وزیر زراعت مقرر کیا گیا ہے۔ مسیحی خاتون ہند کبوات کو سماجی امور و محنت کی وزارت دی گئی ہے۔

محمد یسر برنیہ وزیر خزانہ جب کہ مرہف ابو قصرہ اور اسعد الشیبانی بالترتیب دفاع اور خارجہ امور کے وزیر ہوں گے۔ پہلی بار کھیل اور ایمرجنسی سے متعلق وزارتیں بھی قائم کی گئی ہیں، وائٹ ہیلمٹس گروپ کے سربراہ رائد صالح کو ایمرجنسی وزارت کا وزیر مقرر کیا گیا ہے۔

فیک نیوز اور پروپیگنڈے پر کسی کو برطرف نہیں کروں گا، ٹرمپ

نئی حکومت میں وزیر اعظم کی کوئی حیثیت نہیں ہوگی اور صدر احمد الشرع ہی مجوزہ انتظامیہ کی قیادت کریں گے۔ شام کی نئی، سنی اسلام پسندوں کی زیر قیادت حکومت پر مغربی اور عرب ممالک کی جانب سے ایک ایسی حکومت بنانے کے لیے دباؤ ہے، جو ملک کی متنوع نسلی اور مذہبی برادریوں پر مشتمل ہو۔

یہ دباؤ اس ماہ شام کے مغربی ساحل کے علاقے میں فسادات میں سیکڑوں علوی شہریوں (اقلیتی فرقہ جس سے معزول رہنما بشار الاسد کا تعلق ہے) کی ہلاکتوں کے بعد اور بڑھ گیا ہے۔

یاد رہے کہ جنوری میں الشرع کو عبوری صدر کے طور پر نامزد کیا گیا تھا اور انھوں نے ایک جامع عبوری حکومت بنانے کا وعدہ کیا تھا، جو شام کے تباہ شدہ عوامی اداروں کی تعمیر کرے گی اور انتخابات تک ملک کو چلائے گی، جس کے انعقاد میں ان کے بقول 5 سال لگ سکتے ہیں۔

دمشق: شام کی سیکیورٹی فورسز پر قتل عام کا الزام لگ گیا ہے، طرطوس اور لاذقیہ میں فورسز نے 1000 ہزار شہری مار دیے۔

غیر ملکی میڈیا رپورٹس کے مطابق شام کے مغربی علاقے میں سیکیورٹی فورسز اور معزول صدر بشار الاسد کے حامیوں کے ساتھ جھڑپیں جاری ہیں، 2 روز سے جاری جھڑپوں میں ایک ہزار سے زیادہ افراد جان سے جا چکے ہیں، جن میں 700 سے زیادہ عام شہری شامل ہیں۔

جھڑپوں کے بعد شمال مغربی ساحلی شہر لاذقیہ اور طرطوس میں کرفیو نافذ ہے، شامی عبوری صدر احمد الشرح نے کہا ہے کہ جنگجو ہتھیار ڈال دیں، اس سے پہلے کہ دیر ہو جائے، شامی سکییورٹی حکام کا کہنا ہے کہ خطے میں استحکام بحال کر کے عوام کی جان اور املاک کا تحفظ کریں گے۔

عرب میڈیا کے مطابق تین روز پہلے معزول شامی صدر بشارالاسد کے حامیوں نے فورسز پر حملے کیے تھے۔ بی بی سی کے مطابق جنگ پر نظر رکھنے والے ایک گروپ نے رپورٹ کیا ہے کہ شامی سیکیورٹی فورسز پر الزام ہے کہ انھوں نے ملک کے ساحل پر جاری تشدد میں علوی مذہبی اقلیت سے تعلق رکھنے والے سینکڑوں نہتے شہریوں کو ہلاک کر دیا ہے۔

’امریکی بدمعاشی کے تحت کوئی مذاکرات نہیں‘: ایرانی سپریم لیڈر کا ٹرمپ کو واضح پیغام

برطانیہ میں قائم سیریئن آبزرویٹری فار ہیومن رائٹس (SOHR) نے کہا کہ جمعہ اور ہفتہ کو علویوں کو نشانہ بنانے والے ’’قتل عام‘‘ کے 30 کے قریب واقعات میں تقریباً 745 شہری مارے گئے ہیں، تاہم بی بی سی نیوز کا کہنا ہے کہ وہ آزادانہ طور پر ان دعوؤں کی تصدیق نہیں کر سکی ہے۔

مبینہ طور پر سینکڑوں لوگ اس علاقے میں اپنے گھر بار چھوڑ کر فرار ہو گئے ہیں، جو معزول صدر بشار الاسد کا مرکز ہے، جن کا تعلق بھی علوی فرقے سے ہے۔ شہریوں کے علاوہ دیگر ہلاک شدگان میں درجنوں سرکاری فوجی اور اسد کے وفادار مسلح جنگجو بھی شامل ہیں۔ ایس او ایچ آر کی رپورٹ کے مطابق اسلام پسندوں کی زیر قیادت حکومتی سیکیورٹی فورسز کے تقریباً 125 ارکان اور 148 اسد حامی جنگجو مارے گئے ہیں۔

واضح رہے کہ الجزیرہ کے مطابق شام کی عبوری حکومت نے ملک کے شمال مغرب میں ساحلی شہروں میں کمک بھیجی ہے، جہاں سیکیورٹی فورسز سابق حکمران بشار الاسد کے وفادار جنگجوؤں کے ساتھ شدید لڑائی میں مصروف ہیں۔ سیکیورٹی فورسز نے ہفتے کے روز کہا کہ انھوں نے طرطوس اور لاذقیہ گورنریٹس کے زیادہ تر علاقوں کا کنٹرول دوبارہ حاصل کر لیا ہے، جہاں جمعرات کو الاسد کے وفاداروں نے چوکیوں، سیکیورٹی قافلوں اور فوجی ٹھکانوں پر مربوط حملے کیے تھے۔

شام کی سرکاری خبر رساں ایجنسی کے مطابق حملوں کے بعد متعدد لوگ سرکاری سیکیورٹی فورسز کے حملے کا بدلہ لینے کے لیے ساحلی علاقوں میں چلے گئے ہیں۔ ایک سرکاری اہلکار نے کہا کہ ان کی کارروائیوں کے دوران ’’کچھ انفرادی خلاف ورزیاں ہوئی ہیں جنھیں روکنے کے لیے کام کیا جا رہا ہے۔‘‘

دمشق: شامی کرنسی لے کر روس سے آنے والا کارگو طیارہ دمشق پہنچ گیا ہے۔

غیر ملکی میڈیا رپورٹس کے مطابق روس سے آنے والے ایک کارگو طیارے نے دمشق کے ایئرپورٹ پر لینڈنگ کی ہے، جس کے بارے میں بتایا گیا ہے کہ اس میں شامی کرنسی موجود تھی۔ رپورٹس کے مطابق رقم سے لدے 7 سے زائد ٹرک شام کے مرکزی بینک میں گئے۔ العربیہ کے مطابق روس سے دمشق پہنچنے والی رقم ماسکو میں لیرا پرنٹ کرنے کے سابقہ معاہدے کا حصہ تھی۔

روئٹرز کے مطابق شام کو بدھ کے روز روس میں چھپی ہوئی شامی کرنسی کی ایک نئی کھیپ موصول ہوئی ہے، مستقبل میں مزید کھیپوں کی بھی توقع کی جا رہی ہے، شامی حکومت کے ایک اہلکار نے کہا کہ ماسکو اور شام کے نئے حکمرانوں کے درمیان تعلقات کو بہتر کرنے کی یہ ایک نئی علامت ہے۔

گزشتہ فروری میں شام کے مرکزی بینک نے روس سے شامی پاؤنڈ کی رقم دمشق کے بین الاقوامی ایئرپورٹ کے ذریعے آنے کی تصدیق کی تھی، تاہم یہ نہیں بتایا گیا تھا کہ رقم کتنی ہے۔

اس سے قبل یہ خبر سامنے آئی تھی کہ روس نے ایران میں چھپی ہوئی رقم کو تہران سے واپس لے لیا اور اسے ہوائی جہاز کے ذریعے شام پہنچایا جا رہا ہے۔ واضح رہے کہ بشار الاسد کے دور صدارت میں شامی کرنسی روس میں چھاپنے کا رواج تھا۔

ویڈیو: سربیا کی پارلیمنٹ یا میدان جنگ؟ اسموگ گرینیڈ اور آنسو گیس کی شیلنگ

13 سال کی خوں ریز جنگ کے بعد شام کو ریاستی اداروں کی تعمیر نو، انفراسٹرکچر کی بحالی، مسلح افواج کی تشکیل، پناہ گزینوں کی واپسی، خستہ حال معیشت کی بحالی اور بہت سے دوسرے چیلنجز کا سامنا ہے۔

حلب: شام میں نئی آئین سازی کے لیے 2 خواتین سمیت 7 رکنی کمیٹی قائم کر دی گئی۔

غیر ملکی میڈیا رپورٹس کے مطابق شام میں آئین کے مسودے کی تیاری کے لیے سات رکنی کمیٹی قائم کی گئی ہے، جس میں دو خواتین کو بھی شامل کیا گیا ہے، کمیٹی کے قیام کا اعلان احمد الشرع نے اتوار کے روز کیا۔

عبوری حکومت کے سربراہ احمد الشرع کا کہنا ہے کہ کمیٹی قومی مکالمے کے لیے ایک کانفرنس کا اہتمام کرے گی، جس میں ملک کے سیاسی مستقبل کا پروگرام ترتیب دیا جائے گا، اور نئے آئین کی تدوین کا اہتمام کیا جائے گا تاکہ ملک کے نظام کو قاعدے کے ساتھ آگے بڑھایا جا سکے۔

شام کے مختلف آئین ہیں، جن میں پہلا 1930 کا شامی آئین ہے، تازہ ترین آئین 26 فروری 2012 سے 8 دسمبر 2024 تک اسد حکومت کے خاتمے تک نافذ تھا۔ 2012 کے آئین کو باضابطہ طور پر 29 جنوری 2025 کو معطل کر دیا گیا تھا اور اب ایک نیا آئین تشکیل دیا جا رہا ہے۔

جنگ بندی کے پہلے مرحلے میں توسیع نہیں ہوگی، حماس نے واضح کردیا

نئے شامی حکام 8 دسمبر کو بشار الاسد کی برطرفی کے بعد شام اور اس کے اداروں کی تعمیر نو پر توجہ مرکوز کیے ہوئے ہیں، جن کی آمد کے ساتھ ہی شام میں اسد کے خاندان کی نصف صدی سے زائد آہنی طاقت اور 13 سال کی تباہ کن خانہ جنگی کا خاتمہ ہوا۔

آئین ساز کمیٹی ماہرین پر مشتمل ہے، جس کو شام میں ’’عبوری مرحلے کو منظم کرنے والے آئینی اعلامیے‘‘ کا مسودہ تیار کرنے کا کام سونپا گیا ہے، یہ کمیٹی صدر کو اپنی تجاویز پیش کرے گی، تاہم ٹائم فریم کی وضاحت نہیں کی گئی ہے۔ شام کے نئے حکام نے اسد دور کے آئین کو منسوخ کر دیا ہے، اور احمد الشرع نے کہا ہے کہ اسے دوبارہ لکھنے میں 3 سال لگ سکتے ہیں۔