Tag: شام

انقرہ : ترکی نےدولت اسلامیہ کہلانے والی دہشت گرد تنظیم کے خلاف آپریشن کے لیے شمالی شام میں مزید ٹینک بھیجے ہیں.

تفصیلات کے مطابق ترکی کے ٹینک شمالی شام میں ترکی کے سرحدی گاؤں کیلیس سے داخل ہوئے.ٹینکوں کے داخلے کے بعد شام کے علاقے میں سے دھماکوں کی آوازیں سنائی دیں اور دھوئیں کے بادل دیکھے گئے.

اس علاقے میں ترک فوج کی پیش قدمی کے بعد شہریوں کو انخلا کرتے ہوئے دیکھا جا سکتا تھا.جبکہ ٹینکوں کی معاونت ترکی کی آرٹلری کر رہی ہے جو داعش کے ٹھکانوں پر بمباری کر رہی ہے.

رپوٹس کے مطابق شمالی شام میں ترکی کے20 ٹینک،پانچ بکتر بند گاڑیاں آپریشن میں حصہ لے رہی ہیں.ترک فوج کی یہ کارروائی جرابلس سے 55 کلومیٹر جنوب مغرب میں کی جا رہی ہے.

*ترکی کی شامی قصبے جرابلس میں داعش کے ٹھکانوں پر بمباری

ترکی کے حمایت یافتہ شامی باغیوں کا کہنا ہے کہ ترکی کے آپریشن کا مقصد دولت اسلامیہ پر مشرق اور مغرب دونوں جانب سے دباؤ ڈالنا ہے اور اب تک انہوں نے کم ازکم آٹھ گاؤں دولتِ اسلامیہ کے قبضے سے واپس حاصل کیے ہیں.

*ترکی کی شامی علاقے میں داعش پر بمباری

ترکی کی جانب یہ آپریشن ایسے وقت پر کیا گیا ہے جب تین روز قبل ہی ترکی نے شامی بحران میں امریکی کردار پر تنقید کی تھی.

ترکی کی فوج شام میں دولت اسلامیہ کو نشانہ بنا رہی ہے لیکن ساتھ ساتھ کرد جنگجوؤں کو بھی نشانہ بنا رہی ہے.

*شام میں ترکی کے فضائی حملے،35 شدت پسند ہلاک

یاد رہے گزشتہ دنوں جرابلس کے جنوب مغرب میں 55 کلومیٹر کے فاصلے پرترکی نے شام میں اپنی پہلی کارروائی کی تھی.

واضح رہے کہ برطانیہ سے شام میں انسانی حقوق پر نظر رکھنے والے سریئن آبرزرویٹری نامی گروہ کا کہنا ہے کہ باغیوں نے جرابلس اور مغربی علاقے دونوں کے اطراف میں موجود گاؤں دولتِ اسلامیہ کے قبضے سے واپس لے لیے ہیں.

حلب : شام کے شہر حلب میں بیرل بم حملوں میں کم از کم پندرہ افراد جان کی بازی ہار گئے.مرنے والوں میں زیادہ تعداد بچوں کی ہے.

تفصیلات کےمطابق شام میں انسانی حقوق کی خلاف ورزیوں پر نظر رکھنے والی ایک برطانوی تنظیم سیریئن آبزرویٹری فار ہیومن رائٹس کے مطابق باغیوں کے زیرِ تسلط حلب میں ہونے والے اس حملے میں نشانہ بننے والے لوگ خود وہاں پر ایک دوسرے بم حملے میں ہلاک ہونے والوں کی یاد میں جمع ہوئے تھے.

تنظیم کا کہنا ہے کہ عینی شاہدین نے بتایا ہے کہ بیرل بم کے اس حملے کے بعد کئی ایمبولینس گاڑیوں کو جائے وقوعہ کی جانب جاتے دیکھا گیا اور جب لوگوں کی ایک بڑی تعداد وہاں جمع تھی تو دوسرا بم حملہ ہوا جس میں مزیدافراد ہلاک ہوگئے.

*شام : حلب پر بیرل بم حملہ، 11 بچوں سمیت 15 شہری جاں بحق

حلب کے باغیوں کے زیر کنٹرول علاقے میں ہونے والے پہلے بیرل بم حملے میں کم از کم 15 افراد ہلاک ہوئے جن میں زیادہ تعداد بچوں کی بتائی جاتی ہے.

*حلب میں بمباری: بھائی کے غم میں بلکتے دوبھائیوں کی ویڈیو نے دنیا کو رلادیا

دوسری جانب حکومت اور باغیوں کے درمیان معاہدے اور حکومتی فورسز کے محاصرے کے خاتمے کے بعد دمشق کے مضافاتی علاقے داریا سے لوگوں کا انخلا جاری ہے اور وہاں سے مزید رہائشیوں کی نقل مکانی کی اطلاعات موصول ہوئی ہیں.

معاہدے کے بعد کہا جا رہا ہے کہ صدر اسد کے مخالف سینکڑوں باغی اور ان کے خاندان اس علاقے میں واپس آنا شروع ہو گئے ہیں جو باغیوں کے زیر تسلط ہے.

بم حملے ایک ایسے وقت میں ہوئے ہیں جب شام میں جنگ بندی کے لیے سفارتی کوششیں ایک مرتبہ پر عروج پر ہیں.

خیال رہے کہ جمعے کو امریکہ کے وزیر خارجہ جان کیری نے کہا تھا کہ روسی وزیر خارجہ سرگئی لیوروو اور ان کے درمیان ہونے والی بات چیت میں ’یہ طے پا گیا ہے کہ شام میں جنگ بندی کے حوالے سے جاری بات چیت کی سمت کیا ہو گی‘ تاہم جان کیری کا کہنا تھا کہ ابھی تک ’کچھ باریک مسائل‘ طے ہونا باقی ہیں.

مذاکرات کے بعد روسی وزیر خارجہ سرگئی لیورو کا کہنا تھا کہ ملاقات کے دوران دونوں رہنماؤں نے ’باہمی عدم اعتماد میں کمی‘ کی ہے.

واضح رہے کہ شام میں جاری خانہ جنگی میں امریکہ باغیوں کی حمایت کرتاچلا آیا ہے جبکہ صدر بشارالاسد کو روس کی حمایت حاصل ہے.

انقرہ : شام میں ترکی کے ایک درجن کے قریب ٹینک سرحد عبور کر کے شامی قصبے جرابلس میں داخل ہو گئے.جرابلس میں داعش اور کرد جنگجوؤں کے 70اہذاف کو نشانہ بنایا گیا.

تفصیلات کےمطابق ترکی نے داعش کے خلاف شام میں آپریشن کا آغاز جرابلس پر شدید بمباری سے کیا جس میں آرٹلری اور ترک فضائیہ کا استعمال کیا گیا جس نے 12 ہوائی حملے کیے گئے.

ترک فوج کے مطابق آرٹلری اور راکٹ لانچرز سے 224 راکٹ داغے گئے جبکہ ترک فضائیہ نے بمباری بھی کی اورجرابلس کے علاقے میں 70 اہداف کو تباہ کر دیا.

ترک صدر رجب طیب اردگان کا کہنا کہ حملے کا مقصد دولت اسلامیہ اور کرد جنگجوؤں کو نشانہ بنانا ہے.

*ترکی میں شادی کی تقریب کے قریب دھماکہ،30افراد جاں بحق

ترکی کے وزیر خارجہ مولود چاوش اوغلو نے کہا ہے کہ شام کے شمالی علاقوں سے دولتِ اسلامیہ کا صفایا کر دیا جائے گا.

ترکی نے یہ آپریشن ایک ایسے وقت شروع کیا ہے جب بدھ کے روز امریکی نائب صدر ترکی کا دورہ کرنے والے ہیں.یہ 15 جولائی کی ناکام بغاوت کے بعد سے کسی بھی مغربی اہلکار کا ترکی کا سب سے اعلیٰ سطح کا دورہ ہے.

*ترکی کی شامی علاقے میں داعش پر بمباری

واضح رہے دوروز قبل ترکی نے شام کے شمالی علاقے میں شدت پسند تنظیم دولتِ اسلامیہ پر بمباری کی.داعش پر بمباری ترکی کے شہر غازی عنتب میں شادی کی تقریب میں خودکش حملے کی بعد کی گئی.

انقرہ : ترکی نے شام کے شمالی علاقے میں شدت پسند تنظیم دولتِ اسلامیہ پر بمباری کی ہے.داعش پر بمباری ترکی کے شہر غازی عنتب میں شادی کی تقریب میں خودکش حملے کی بعد کی گئی.

تفصیلات کے مطابق ترکی جانب سے دولتِ اسلامیہ پر بمباری ہفتےکو غازی عنتب شہر میں شادی کی تقریب پر خودکش حملے کے بعد کی گئی.خودکش حملے میں 54 افراد ہلاک ہو گئے جن میں سے اکثریت بچوں کی تھی.

ترکی نے اپنی حدود سے توپخانے کے ذریعے شامی علاقے جرابلس‎‎ اور منبج میں دولتِ اسلامیہ اور کرد ملیشیا وائے پی جی کے ٹھکانوں کو نشانہ بنایا.

*ترکی میں شادی کی تقریب کے قریب دھماکہ،30افراد جاں بحق

ترکی کے وزیر خارجہ مولود چاوش اوغلو نے کہا ہے کہ شام کے شمالی علاقوں سے دولتِ اسلامیہ کا صفایا کر دیا جائے گا.

اطلاعات کے مطابق غازی عنتب شہر میں اس وقت 15 سو کے قریب شامی باغی موجود ہیں اور یہ دولتِ اسلامیہ کے خلاف کارروائی شروع کرنے کے احکامات کے انتظار میں ہیں.

دوسری جانب ترکی کے وزیر اعظم بن علی یلدرم نے کہا ہے کہ غازی عنتب شہر میں خودکش حملہ کرنے والے بمبار کی عمر کا تعین ابھی نہیں ہو سکا.

*شادی کی تقریب میں دھماکہ ’بارہ سے چودہ سالہ لڑکے‘نے کیا،ترک صدر

اس سے پہلے کہا جا رہا تھا کہ خودکش بمبار کی عمر 12 سے 14 برس تھی تاہم ترک وزیراعظم کے مطابق خودکش بمبار کی عمر کا تعین عینی شاہدین کی مدد سے کیا گیا تھا لیکن ابھی حتمی طور پر ابھی واضح نہیں ہو سکا.

غازی عنتب میں خودکش حملے کے بعد ترک صدر رجب طیب اردگان کا کہنا تھا کہ خودکش بمبار کی عمر 12 سے 14 سال کے درمیان تھی.

واضح رہے کہ گزشتہ روز ترک صدر نے شدت پسند تنظیم دولتِ اسلامیہ کو اس حملے کا ذمہ دار قرار دیا تھا

حسکہ : شام کے شہر حسکہ می سرکاری افواج کی مسلسل دوسرے وز بھی بمباری جاری ہے،بمباری کے باعث ہزاروں افراد نقل مکانی پربھی مجبور ہوگئے ہیں.

تفصیلات کے مطابق ایک بیان میں شامی فوج کا کہنا تھا کہ کرد جنگجوؤں کی جانب سے اشتعال انگیزی کا مناسب انداز میں جواب دیا گیا ہے۔

شام کے شہر حسکہ میں صدر بشار الاسد کی افواج کی جانب سے مسلسل دو روزسے کی جانے والی بمباری سے ہزاروں افراد نے اپنے گھروں سے نقل مکانی بھی کی ہے.حسکہ شامی کرد ملیشیا وائی پی جی کا گڑھ سمجھا جاتا ہے.

دوسری جانب پینٹاگون کا کہنا ہے کہ امریکہ کی سربراہی میں قائم فوجی اتحاد نے جمعرات کو زمین پر موجود اتحادی افواج کو شامی فوجوں کی بمباری سے بچانے اور ان کے وہاں سے انخلا کے لیے طیارہ بھیجا ہے.

*بمباری سے متاثرہ شامی بچے کی ویڈیو نے عالمی سطح پر نئی بحث چھیڑ دی

یاد رہےکہ  شام کے شہر حلب میں تازہ بمباری کے دوران ایک زخمی بچے کی ویٰڈیو نے ایک بار پھر دنیا کو جھنجھوڑ کر رکھ دیا تھا۔

واضح رہے کہ وائی پی جی کو امریکہ کی حمایت حاصل ہے اور وہ شدت پسند تنظیم دولت اسلامیہ کے خلاف سرگرم ہے تاہم حال ہی میں اس نے حسکہ صوبے میں کئی اضلاع میں حکومتی قبضہ ختم کیا ہے.