Tag: شام

حلب : شامی شہر حلب کے علاقے راموسہ میں صدر بشار الاسد کی فوج کی جانب سے شدید بمباری کی گئی،فضائی حملوں میں باغیوں کے زیر انتظام علاقوں کو نشانہ بنایا گیا.

تفصیلات کے مطابق حلب کے علاقے راموسہ میں ہونے والے فضائی حملوں میں روسی جنگی طیاروں نے بھی شرکت کی،فضائی بمباری میں باغیوں کے ٹھکانوں کو نشانہ بنایا گیا.

اس سے قبل حکومت مخالف باغیوں کا کہنا تھا کہ انہوں نے حلب کا کئی ہفتوں سے قائم محاصرہ توڑ دیا ہے تاہم شامی حکومت اس کی تردید کی تھی.

شامی حکومت کا کہنا ہے کہ ان کا حصار بدستور قائم ہے اورباغیوں کو کوئی اہم کامیابی نہیں ملی ہے،بہر حال ایسا نظر آ رہا ہے کہ حکومت باغیوں کو مزید کچھ حاصل کرنے سے باز رکھنے کے لیے مزید فوج تعینات کر رہی ہے.

فضائی حملے کے بعد باغی اتحاد نے کہا ہے کہ وہ جنگجوؤں کی تعداد دوگنی کر دیں گے اور نئے حملے کرکے سارے شہر کو واپس حاصل کر لیں گے.

واضح رہے کہ حلب کبھی شام کا کاروباری دارالحکومت تھا اور اسے اپنی فن تعمیر اور آثار قدیم پر ناز تھا،لیکن پانچ سال سے جاری جنگ میں اس کی بیشتر چیزیں تباہ و برباد ہو چکی ہیں یا لوٹ لی گئی ہیں.

دمشق : روس کے فوجی حکام کا کہنا ہے کہ شام کے شمالی علاقے میں باغیوں نے اس کے ایک ہیلی کاپٹر کو نشانہ بنایا جس کے نتیجے میں پانچ افراد جاں بحق ہوگئے.

تفصیلات کے مطابق روسی وزارت دفاع کے حکام کا کہنا ہے کہ شام کے شمالی علاقے میں اس کے ہیلی کاپٹر کو نشانہ بنایا گیا،ایم آئی ایٹ ہیلی کاپٹر میں پانچ افراد سوار تھے.

روسی حکام کے مطابق ہیلی کاپٹر حلب میں امداد پہنچانے کے بعد واپس آ رہا تھا،ابھی تک یہ واضح بھی نہیں ہو سکا کہ باغیوں کے کس گروپ نے ہیلی کاپٹر کو گرایا ہے.

روس شامی صدر بشارالاسد کے قریبی اتحادی ہے اور یہ حکومتی فورسز کو باغیوں کے خلاف کارروائیوں میں فضائی مدد فراہم کر رہا ہے.

اس سے پہلے رواں برس مئی میں سیٹیلائیٹ تصاویر سے پتا چلا تھا کہ شام میں سٹریٹیجک اعتبار سے اہم اور روسی فورسز کے زیر استعمال اڈے کو ’دولتِ اسلامیہ‘ کی جانب سے حملے کے بعد شدید نقصان پہنچا.

*دمشق: داعش نے روس کا ہیلی کاپٹر مار گرایا،دو پائلٹس ہلاک

اس واقعے سے پہلے گزشتہ ماہ شام کے شہرتدمرکے اوپر پرواز کر رہا تھا کہ داعش کے عسکریت پسندوں نے اسے فائرنگ کرکے نشانہ بنایا،جس کے نتیجے میں دو روسی فوجی پائلٹ ہلاک ہو گئے تھے.

واضح رہے کہ حملے کی ذمہ داری دہشت گرد نتظیم داعش نے قبول کی تھی.

دمشق: شامی شہر منبج کےقریب فضائی حملےمیں پینتالیس افراد جان کی بازی ہار گئے،حملےمیں پچاس سے زائد افراد زخمی ہوئے.

تفصیلات کے مطابق شام کے شہر منبج کےقریب امریکی اتحاد نےفضائی حملہ کیا،حملےمیں پینتالیس افرادجاں بحق اور پچاس سے زائد زخمی ہوئےہیں،زخمیوں کو فوری طبی امدادکےلیےاسپتال منتقل کردیاگیا.

فضائی حملے میں متعددزخمیوں کی حالت تشویش ناک بتائی جاتی ہے،فضائی حملےکےنتیجےمیں متعددعمارتوں کو بھی نقصان پہنچاہے.

*دمشق: شام میں فضائی کارروائیاں، 51 شہری ہلاک

یاد رہے کہ رواں ماہ گزشتہ ہفتے شام میں انسانی حقوق کے لیے کام کرنے والے برطانوی مانیٹرنگ گروپ نے بتایا تھا کہ دارالحکومت دمشق کے قریب مشرقی غوطہ اور دیگر علاقوں میں فورسز کی فضائی کارروائی میں 51 افراد جان کی بازی ہار گئے تھے.

دمشق : شامی دارالحکومت دمشق میں دہشت گردوں کےراکٹ حملےمیں آٹھ افراد جان کی بازی ہار گئے اور متعدد افراد زخمی ہوئے.

تفصیلات کےمطابق سیریئن آبزرویٹری فارہیومن رائٹس کا کہناہےکہ دمشق کےقدیم علاقے پردہشت گردوں نےمتعددراکٹ فائر کیے،علاقےمیں واقع ریستوران پر راکٹ کےگرنےسےکم از کم آٹھ افراد ہلاک درجنوں زخمی ہوگئے،راکٹ حلے میں علاقے کی متعددعمارتوں کو بھی نقصان پہنچا

سرکاری ایجنسی کاکہناکہ دہشت گردوں نےچار راکٹ فائرکیے،حملےمیں نجی املاک کونشانہ بنایاگیا،شامی آبزرویٹری کاکہناہے دہشت گردوں نے دمشق کے دیگرعلاقوں کوبھی ہدف بنایا.

*دمشق : شامی شہر حلب پر باغیوں کاحملہ،آٹھ افراد ہلاک

یار رہے اس سے قبل رواں ماہ شامی شہر حلب پر باغیوں کے حملے میں آٹھ افراد ہلاک متعدد زخمی ہوگئے تھے،باغیوں کی جانب سے بیک وقت متعدد محاذوں پر حملے کیے گئے.

شام میں سرگرم انسانی حقوق کی تنظیم سیریئن آبزرویٹری فار ہیومن رائٹس کا کہنا تھاکہ باغیوں نے حملے میں 300 سے زائد گولے داغے تاہم شامی حکومت کی فضائی کارروائی کی وجہ سے باغی کامیابی حاصل نہ کر سکے.

واضح رہے کہ شام میں 2011 سے جاری کشیدگی اور بغاوت کے باعث دو لاکھ اسی ہزار سے زائد افراد ہلاک ہوچکے ہیں جبکہ لاکھوں کی تعداد میں شامی اپنے گھر بار چھوڑ کر اطراف کے ممالک میں پناہ گزین کیمپوں میں آباد ہیں.