Tag: شام

دمشق: شامی شہر ادلب میں جنگی طیاروں کی بمباری کےنتیجےمیں کم از کم نو افرادجان کی بازی ہار گئے اوردرجنوں زخمی ہوگئے.

تفصیلات کے مطابق انسانی حقوق کی تنظیم سیریئن آبزرویٹری فار ہیومن رائٹس کا کہنا ہےکہ بمباری میں جاں بحق ہونےوالوں میں ایک بچہ بھی شامل ہے،انسانی حقوق کی تنظیم کے مطابق بمباری میں کم ازکم نو افرد جان کی بازی ہار گئے.

شامی شہر ادلب میں جنگی طیاروں کی بمباری کے نیتجے میں قریبی عمارتوں کو بھی نقصان پہنچا ہے،مقامی افراد کا کہنا ہے کہ روسی اورشامی حکومت کےجنگی طیاروں نے قصبے میں بارہ حملےکیے تاہم شامی حکومت کی جانب سےابھی تک کوئی بیان سامنے نہیں آیا ہے.

یاد رہے رواں ماہ انسانی حقوق کی تنظیم سیریئن آبزرویٹری فار ہیومن رائٹس کے مطابق شام کے شمالی شہر حلب میں عسکریت پسندوں کے خلاف حکومتی فورسز کے آپریشن کے دوران جھڑپوں میں ستر فوجی اور عسکریت پسندجاں بحق ہوگئے.

واضح رہے کہ شام میں 2011 سے جاری کشیدگی اور بغاوت کے باعث دو لاکھ اسی ہزار سے زائد افراد ہلاک ہوچکے ہیں جبکہ لاکھوں کی تعداد میں شامی اپنے گھر بار چھوڑ کر اطراف کے ممالک میں پناہ گزین کیمپوں میں آباد ہیں.

انقرہ : ترک وزیراعظم بن علی یلدرم نے شام کےساتھ تعلقات کی بحالی کی خواہش کااظہار کردیا،دونوں ممالک کے درمیان دوہزارگیارہ میں شامی تنازع کے آغاز کے ساتھ تعلقات کشیدہ ہوگئے تھے.

تفصیلات کے مطابق ترکی اورشامی حکومت میں تلخی کے بادل چھٹنے لگے،ترک وزیراعظم بن علی یلدرم نے شام کےساتھ تعلقات کی بحالی کی خواہش کااظہار کردیا،دونوں ممالک کے تعلقات 2011 میں کشیدہ ہوگئے تھے.

ترک وزیراعظم کا کہنا ہے کہ شام،عراق،بحیرۂ روم اوربحیرۂ اسود کے گرد واقع تمام ہمسایوں کے ساتھ اچھے تعلقات چاہتےہیں، ان کا کہنا تھا کہ ترکی نے روس اور اسرائیل کے ساتھ تعلقات بحال کیے.

انہوں نے مزید کہا کہ انہیں یقین ہے کہ شام کے ساتھ بھی تعلقات بحال کرلیں گے،ترک وزیراعظم کے مطابق عراق اور شام میں استحکام انسداد دہشت گردی کی کوششوں کو کامیاب بنانے کے لیے اہم ہے.

تجریہ کاروں کےمطابق بن علی یلدرم کابیان ترک حکومت کی پالیسی میں نیاموڑ ہے.

واضح رہے کہ دونوں ممالک کے درمیان دوہزارگیارہ میں شامی تنازع کے آغاز کے ساتھ تعلقات کشیدہ ہوگئے تھے.

ماسکو: روس نے شام میں فضائی کارروائی کے دوران داعش کے متعدد ٹھکانے تباہ کردیے،فضائی کارروائی میں داعش کے متعدد جنگجو ہلاک ہوئے.

تفصیلات کےمطابق روس کی شام میں داعش کے خلاف کارروائیوں میں تیزی داعش کے متعدد ٹھکانے تباہ کردیے،فضائی کارروائی میں داعش کےمتعدد جنگجو بھی بلاک ہوئے.

روسی وزارت دفاع کی جانب سے جاری بیان میں کہناہےکہ روس کے جنوبی علاقے میں واقعے ائیر بیس سےاڑان بھرنے والے طیاروں نے شام میں پالمیرا اور دیگر علاقوں پر کارروائی کی۔ٖفضائی کارروائی کے دوران داعش کا کیمپ،اسلحہ کے تین ڈپو،تین ٹینکس چار فوجی گاڑیاں اور آٹھ دیگر گاڑیاں تباہ کردیں، جبکہ فضائی کارروائی میں داعش کے متعدد جنگجو مارے گئے.

روسی وزارت دفاع کااپنے بیان میں مزید کہناتھاکہ شام میں دہشت گردوں کےخلاف برسرپیکار امریکی اتحاد کوفضائی کارروائی سے قبل آگاہ کیا گیاتھا.

*دمشق: داعش نے روس کا ہیلی کاپٹر مار گرایا،دو پائلٹس ہلاک

یاد رہے کہ دو روز قبل روس کا میزائل بردار جنگی ہیلی کاپٹر شام کے شہر تدمرکے اوپر پرواز کر رہا تھا کہ داعش کے عسکریت پسندوں نے اسے فائرنگ کرکے نشانہ بنایا،جس کے نتیجے میں دو بائلٹس ہلاک ہوگئے تھے.

واضح رہے کہ روسی وزارت دفاع نے ہیلی کاپٹر مار گرانے کی تصدیق کی جبکہ واقعے میں ہیلی کاپٹر میں سوار روس کے دونوں پائلٹ بھی مارے گئے،ہلاک ہونے والے پائلٹس میں 51 سالہ کرنل رفغت حبیب العین اور 24 سالہ لیفٹیننٹ ایونگی دولگین شامل تھے.

دمشق : شامی شہر حلب پر باغیوں کا حملہ، آٹھ افراد ہلاک متعدد زخمی ہوگئے،باغیوں کی جانب سے بیک وقت متعدد محاذوں پر حملے کیے گئے.

تفصیلات کے مطابق شام کے شمالی شہر پر باغیوں کے حملے میں آٹھ افراد جاں بحق جبکہ درجنوں افراد زخمی ہوگئے،باغیوں کی جانب سے بیک وقت متعدد محازوں پر فائرنگ کی گئی،تازہ حملہ شامی باغیوں کی جانب سے کاستیلو روڈ کو دوبارہ کھولنے میں ناکامی کے بعد کیا گیا.

یاد رہے کہ حلب کسی زمانے میں شام کا کمرشل اور صنعتی گڑھ ہوا کرتا تھا جسے 2012 میں دو ٹکڑوں میں تقسیم کر دیا گیا،مغربی حصے پر حکومت کا کنٹرول ہے جب کہ مشرقی حصے پر باغیوں کا قبضہ ہے.

شام میں سرگرم انسانی حقوق کی تنظیم سیریئن آبزرویٹری فار ہیومن رائٹس کا کہنا ہے کہ باغیوں نے حملے میں 300 سے زائد گولے داغے تاہم شامی حکومت کی فضائی کارروائی کی وجہ سے باغی کامیابی حاصل نہ کر سکے.

یاد رہے کہ جولائی 2012 میں شامی حکومت اور باغیوں کےدرمیان شہر کے قبضے کےلیے جھڑپوں کا آغاز ہوا، جس میں شام کا صنعتی گٹھ کہلانے والا شہر حلب حکومت اور باغیوں کے درمیان دو حصوں میں تقسیم ہوگیا.

دمشق: شام میں شدت پسند تنظیم داعش نے روس کا ہیلی کاپٹر مار گرایا،اس میں سوار دونوں پائلٹ ہلاک ہوگئے،جبکہ اس ویڈیو بھی جاری کی گئی ہے.

تفصیلات کے مطابق روس کا میزائل بردار جنگی ہیلی کاپٹر شام کے شہر تدمرکے اوپر پرواز کر رہا تھا کہ داعش کے عسکریت پسندوں نے اسے فائرنگ کرکے نشانہ بنایا،جبکہ اسی دوراب ہیلی کاپٹر پر حملے کی ویڈیو بھی بنائی جارہی تھی.

عسکریت پسندوں کی فائرنگ سے ہیلی کاپٹر میں آگ لگ گئی جبکہ وہ فضاء میں کئی قلابازیاں کھانے کے بعد زمین پر گر کر تباہ ہوا،داعش کی جانب سے جاری کی گئی ویڈیو میں ہیلی کاپٹر کو زمین پر گرتے ہوئے دیکھا جا سکتا ہے.

یاد رہے کہ روسی وزارت دفاع نے ہیلی کاپٹر مار گرانے کی تصدیق کی جبکہ واقعے میں ہیلی کاپٹر میں سوار روس کے دونوں پائلٹ بھی مارے گئے،ہلاک ہونے والے پائلٹس میں 51 سالہ کرنل رفغت حبیب العین اور 24 سالہ لیفٹیننٹ ایونگی دولگین شامل تھے.

واضح رہے کہ روس نے شام کے صدر بشار الاسد کی حمایت کرتے ہوئے نو ماہ قبل شام اور عراق میں فوجی کارروائی شروع کی تھی.

دمشق : امریکی اتحاد کی حمایت یافتہ فورسز نے داعش کے زیرکنٹرول شامی شہرمنبج کے راستوں کی ناکہ بندی کردی.

تفصیلات کے مطابق شمالی شام میں ترک سرحد کے قریب واقع شہر منبج کو داعش سے آزاد کرانے کےلیےکوششیں جاری ہیں۔

امریکی اسپیشل فورسزاورامریکی اتحاد کی فضائی مدد کےساتھ منبج میں داعش کے دہشت گردوں کی ناکہ بندی کرنےمیں کامیاب ہوگئی ہیں۔

شامی آبزرویٹری کا کہنا ہے کہ سیکورٹی فورسز نے منبج کو جانے والی آخری سڑک پربھی کنٹرول حاصل کرلیا ہے،لڑائی میں کم از کم ایک سو ساٹھ داعش دہشت گردہلاک ہوگئے ہیں.