دمشق : شامی شہرحلب پرفضائی حملے میں کم از کم پندرہ افراد جاں بحق اوردرجنوں زخمی ہوگئے، حملے میں ہلاک ہونے والوں میں بچے بھی شامل ہیں.

تفصیلات کے مطابق شام کے شہر حلب پر فضائی کاروائی کے دوران ایک بم مشرقی ضلع میں واقع اسپتال کے قریب گرا، جس کی زد میں آکر پندرہ افراد جان کی بازی ہار گئے.

حلب پر فضائی حملے میں درجنوں افراد زخمی بھی ہوئے،ہلاک ہونے والوں میں بچے بھی شامل ہیں، ابھی تک یہ واض نہیں ہوسکا کہ فضائی حملہ کس جانب سے کیاگیا.

حکومتی افواج شہرپردوبارہ قبضے کرنے کی کوششوں میں مصروف ہیں،دوسری جانب شام کاصنعتی اورتجارتی مرکزرہنےوالاشہر حلب دوہزاربارہ سےحکومت اورحزب اختلاف کے گروہوں میں بٹاہواہے.

*دمشق:شامی شہرحلب میں جنگی طیاروں کی بمباری،20افرادجاں بحق

یاد رہے کہ گذشتہ دنوں شام میں روس کے تعاون سے حکومتی افواج نے حلب کے اطراف میں شدید بمباری کی تھی،بمباری کی زد میں درجنوں شہری جان کی بازی ہار گئے تھے.

واضح رہے کہ شام کے شہر حلب میں فضائی حملوں میں گذشتہ ایک ہفتے میں مرنے والوں کی تعداد دوسو سے تجاوز کرگئی ہے.

دمشق: شامی حزب اختلاف کےرہنما محمد الوش جنیوامن مذاکرات کی ناکامی پردلبرداشتہ ہوگئے،مذاکرات کار کے عہدے سے سےاستعفیٰ دے دیا.

تفصیلات کے مطابق محمد الوش کااپنےبیان میں کہناہےکہ شام میں محصور ہزاروں شہریوں کی آزادی کےلیے جنیوا امن مذاکرات بھی شامی تنازع کاسیاسی حل نکالنےمیں بھی ناکام ہوگئےہیں.

شامی حزب اختلاف کےسربراہ اسد الزوبی کاکہناہےکہ وہ بھی اپنےعہدےکوچھوڑنا چاہتے ہیں تاہم انہوں نےاستعفے سےمتعلق واضح نہیں کیا.

اسد الزوبی کاکہناہےکہ چار ماہ کےدوران حقیقیت میں سنجیدگی کےساتھ کوئی امن مذاکرات نہیں ہوئے اور حزب اختلاف کےمتعددمرتبہ اقوام متحدہ سےمطالبےکےباوجود شام میں محصور شہریوں کےلیےانسانی بنیادوں پرامدادبحال نہیں ہوسکی ہے.

واضح رہے کہ شامی اپوزیشن نے اپریل میں باقاعدہ طور پر امن مذاکرات میں احتجاج کرتے ہوئے بائیکاٹ کردیا تھا، انہوں نے شامی فوج کی کاروائی کے خلاف احتجاج کیا، ان کا کہنا تھا کہ جنگ بندی مؤثر طور پر ختم ہوگئی.

واشنگٹن : عراق کے صوبہ انبار میں امریکی قیادت میں اتحادی فضائی حملے میں داعش کا کمانڈر اپنے تین ساتھیوں سمیت مارا گیا.

تفصیلات کے مطابق پینٹاگون کے ترجمان پیٹر کک کا کہنا تھا کہ 6 مئی کو عراق کے صوبے انبار میں فضائی حملہ کیا گیا جس میں داعش کا لیڈر ابو واہب اپنے تین ساتھیوں سمیت ماراگیا.

پیٹاگون کے ترجمان کے پیٹرکک کےمطابق ابوواہب عراق میں القاعدہ کا سابق رکن تھا، جس نے بعد میں داعش میں شمولیت اختیار کرلی تھی، داعش کے کمانڈر کو متعدد ویڈیوز میں بھی دیکھا گیا تھا جس میں لوگوں کو قتل کیا جارہا تھا.

انہوں نے کہا کہ ابو واہب صرف صوبہ انبار کا ہی لیڈر نہیں تھا بلکہ یہ داعش کی اہم قیادت میں سے تھا، داعش کے لیڈر کا حملے میں مارا جانا ایک بڑی کامیابی ہے.

داعش کا کمانڈر اپنے ساتھیوں سمیت گاڑی میں جارہا تھا اسی دوران اس کو نشانہ بنایا گیا تاہم پیٹاگون کے ترجمان نے اس بات کی وضاحت نہیں کی کہ اسے جنگی جہاز یا ڈرون سے نشانا بنایا گیا.

ابو واہب کاقتل امریکہ کی جانب سے کی جانے والے فضائی حملوں میں ہوا، امریکہ کی جانب سے اب تک عراق اور شام میں متعدد فضائی حملوں میں داعش کے لیڈرز کو نشانہ بنایاجاچکاہے ، لیکن اب بھی داعش کے قبضے میں عراق اور شام کا ایک بڑا حصہ ہے، امریکہ کی جانب سے داعش کے خلاف فضائی حملوں کا آغاز آگست 2014 سے کیا گیا تھا.

امریکی فضائی حملوں میں اب تک داعش کےسینئر لیڈرز کو نشانہ بنایا جاچکاہے جن میں سلیمان عبد شبیب داعش کا جنگی کونسل کا رکن، عبدالرحمن مصطفی،عمر چیچن جو داعش کے وزیر دفاع کےطور جاناجاتا تھا.

امریکی اسپیشل فورس کی جانب سے فروری میں کئے جانے والے آپریشن میں داؤد سلیمان جو کیمیائی ہتھیاروں کےماہر کے طور پر جانا جاتا ہے اسے گرفتار کیاگیا تھا.

بعداد فوج کے ترجمان کرنل اسٹیو کا کہنا تھا کہ 2015 کے آغاز سے اب تک 40 لوگوں کو نشانہ بنایا جاچکا ہے جس میں داعش اور القاعدہ کے سہولت کار، سیل رہنما اور منصوبہ ساز شامل ہیں.

امریکی کاروائیوں میں بڑا نقصان پہچانے کے باوجود داعش نے اب بھی عراق کے شہر موصل اور شام کے شہر رقہ پر قبضہ کیا ہوا ہے.