دمشق: بشار الاسد رجیم کے خاتمے کے بعد شام میں شہری ’’نئے دور کی صبح‘‘ کا جشن منا رہے ہیں، گزشتہ رات بھر آتش بازی کی جاتی رہی۔

غیر ملکی میڈیا رپورٹس کے مطابق شامی صدر بشارالاسد کے خاندان کے نصف صدی کے اقتدار کے خاتمے پر شامی شہری ہزاروں کی تعداد میں ’’نئے دور کی صبح‘‘ کا جشن منانے سڑکوں پر نکل آئے۔

دمشق کے امیہ اسکوائر پر لوگوں اور گاڑیوں کا ہجوم رہا، اور ہر طرف جھنڈوں کی بہار دکھائی دی، اس موقع پر زبردست آتش بازی بھی کی گئی، ہزاروں لوگ دارالحکومت کی تاریخی اموی مسجد میں جمع ہوئے، کچھ نے 3 ستاروں والا شامی آزادی کا پرچم بلند کیا، جسے اسد کی جابرانہ حکومت کے دوران دارالحکومت میں لہرانے کی ہمت نہیں تھی۔

حمص، حما اور ادلب سمیت شام کے دیگر شہروں کے چوکوں اور گلیوں میں بھی بھیڑ جمع ہو گئی، اسلام پسند گروپ حیات تحریر الشام کے سربراہ ابو محمد الجولانی نے شامی باشندوں سے اپنی خوشی کا اظہار کرنے کے لیے سڑکوں پر نکلنے کی اپیل کی تھی۔

واضح رہے کہ بشار حکومت کے خاتمے کے بعد اسرائیل نے شام میں جارحیت کا نیا محاذ کھول دیا ہے، رات گئے شام کے اسٹریٹجک علاقوں پر صہیونی فورسز نے بم برسائے، دمشق میں ہوٹل کے قریب بھی حملہ کیا گیا، حملے کے وقت ہوٹل میں صحافیوں سمیت اہم شخصیات موجود تھیں۔

شام میں رجیم چینج کے بعد روسی فوج ایئر بیس خالی کرنے لگا ہے، فوجی ساز و سامان جہازوں میں منتقل کرنے کی سیٹلائٹ تصاویر سامنے آئی ہیں، ترکیہ 12 سال بعد آج دمشق میں اپنا سفارت خانہ دوبارہ کھول رہا ہے، عرب لیگ نے شامی علاقے میں اسرائیلی حملوں اور بفرزون پر قبضے کی مذمت کی ہے۔

دمشق: اسرائیل نے خطے کو آگ میں جھونک دیا ہے، گزشتہ دو روز میں صہیونی فورسز نے شام پر 480 حملے کر دیے۔

غیر ملکی میڈیا رپورٹس کے مطابق اسرائیل کے بمبار طیاروں نے گزشتہ رات شام کی بندرگاہوں کو نشانہ بنایا، جہاں بحریہ کے 15 بحری جہاز لنگر انداز تھے۔

اسرائیل کی فوج کا کہنا ہے کہ اس نے گزشتہ 48 گھنٹوں کے دوران شام پر چار سو اسّی حملے کیے ہیں، جس میں کئی شہروں میں 15 بحری جہاز، طیارہ شکن بیٹریاں اور ہتھیاروں کی تیاری کے مقامات کو تباہ کر دیا گیا۔

اسرائیل نے شام پر برسوں سے جاری اپنے حملوں کو جواز بنا کر یہ دعویٰ کیا ہے کہ وہ ایرانی فوجی اہداف کو ختم کر رہا ہے، تاہم ایران نے کہا ہے کہ اس کی کوئی بھی فوج فی الحال شام میں نہیں ہے۔

واضح رہے کہ بشار الاسد کی حکومت کے خاتمے کے بعد سے اسرائیلی جیٹ اور جنگی جہاز شام پر بمباری کر رہے ہیں، انھوں نے گزشتہ دو دنوں میں دمشق، حمص، طرطوس، لطاکیہ اور پالمیرا کے شہروں میں 480 اہداف کو نشانہ بنایا۔ ان کارروائیوں میں کم از کم 2 عام شہریوں کی ہلاکت کی اطلاع ہے۔

اس دوران لطاکیہ اور البیدا کی بندرگاہوں پر بھی بمباری کی گئی، جب کہ تیاس ایئربیس کے ساتھ ساتھ دمشق اور قمشلی ایئرپورٹس کو بھی نشانہ بنایا گیا۔ اسرائیلی فوج کا تخمینہ ہے کہ اس نے شام کی 80 فی صد فوجی صلاحیتوں کو تباہ کر دیا ہے، یہ اسرائیل کی جانب سے شام میں تاریخ کی سب سے بڑی جارحانہ کارروائیوں میں سے ایک ہے۔

اسرائیلی فوج اور ایک سیرین وار مانیٹر نے کہا کہ اسرائیل نے جن اہداف کو نشانہ بنایا ان میں مندرجہ ذیل شامل ہیں: فضائی دفاعی نظام، راڈار، میزائل لانچر اور فائرنگ کی پوزیشنیں۔ لڑاکا طیارے، فوجی ہیلی کاپٹر اور متعدد ایئر بیسز پر ہینگرز۔ کم از کم 15 بحری جہاز جن میں بحری جہاز اور میزائل کشتیاں شامل ہیں۔ ہتھیاروں کے ڈپو، پروڈکشن سائٹس اور مختلف قسم کے میزائل۔ شام کے کیمیائی ہتھیاروں کے پروگرام سے منسلک سائنسی تحقیقی مراکز۔

نیتن یاہو نے شام کے نئے حکمرانوں کو دھمکی دیدی

ادھر شامی اپوزیشن کے جنگجوؤں کا کہنا ہے کہ انھوں نے کرد فورسز سے شمال مشرقی شہر دیر الزور چھین لیا ہے، حیات تحریر الشام کے رہنما احمد الشارع، جسے الجولانی بھی کہا جاتا ہے، نے شام کی تعمیر نو کا وعدہ کرتے ہوئے کہا کہ شامی 14 سال کی جنگ کے بعد اب ’تھک چکے‘ ہیں۔

شام کے نگراں وزیر اعظم محمد البشیر کا کہنا ہے کہ شامیوں کو ’استحکام اور سکون‘ کی ضرورت ہے، اور وہ عوامی خدمات اور اداروں کو بحال کرنے کے لیے بشار الاسد کی حکومت کے اہلکاروں کے ساتھ مل کر کام کر رہے ہیں۔

واضح رہے کہ فضائی حملوں کے ساتھ اسرائیلی فورسز شام میں زمینی کارروائی کا دائرہ کار بھی بڑھاتی جا رہی ہے، صہیونی فوج نے گولان کی پہاڑیوں میں اقوام متحدہ کی زیر نگرانی بنائے گئے جنگ سے مبرا علاقے بفرزون پر قبضہ کر لیا ہے، اقوام متحدہ کے ترجمان اسٹیفن ڈوژارک نے اسرائیلی قبضے کی مذمت کرتے ہوئے کہا کہ اسرائیل نے بفرزون میں تین مقامات پر اپنی فوجیں تعینات کی ہیں، قطر کے دفتر خارجہ نے کہا کہ یہ صورت حال ناقابل قبول ہے کہ اسرائیل اس وقت حالات کا ناجائز فائدہ اٹھا رہا ہے۔

شام میں بشارالاسد حکومت کا خاتمہ ہونے کے بعد نئی انتظامیہ کی جانب سے عبوری حکومت اور وزیراعظم کا اعلان جلد متوقع ہے۔

غیرملکی خبر ایجنسی کے مطابق بشار کے روس فرار ہونے کے بعد شام کی نئی انتظامیہ محمد البشیر کو عبوری وزیر اعظم کے طور پر منتخب کرسکتی ہے، اس شہری وقت شام میں بشارالاسد خاندان کی حکمرانی کے خاتمے کا جشن منا رہے ہیں، سیکڑوں شامی شہری سڑکوں پر نکل آئے ہیں۔

شامی شہری کا کہنا تھا کہ بشارالاسد کو ہٹانے کے بعد مستقبل کی طرف دیکھ رہے ہیں، ایسی حکومت کی توقع کررہے ہیں جو ہمارے خوابوں کی تعبیر کرسکے۔

ماسکو میں شام کے سفارت خانے پر دمشق فتح کرنے والی فورسز کا جھنڈا لہرا دیا گیا

موجودہ شامی وزیراعظم غازی جلیل کا کہنا ہے کہ کابینہ کے زیادہ تر وزرا اب بھی دمشق میں کام کررہے ہیں، اقتدار کی فوری منتقلی یقینی بنانے کیلئے زیادہ تر وزرا کام کررہے ہیں۔

اس حوالے سے یورپی یونین کا کہنا ہے کہ شام کی نئی انتظامیہ ہرقسم کی انتہاپسندی کو مسترد کردے، شامی اپوزیشن مزید تشدد سے گریز کرے شہریوں کی حفاظت یقینی بنائے۔

یہ بات بھی قابل ذکر ہے کہ روس میں شامی سفارتخانے پر اپوزیشن کا 3 ستاروں والا پرچم لہرا دیا گیا ہے، اس کے علاوہ شام میں امدادی ٹیمیں دمشق کی بدنام زمانہ سیڈنایا جیل میں لوگوں کو تلاش کررہی ہیں۔