ARYNews.tv | Urdu – Har Lamha Bakhabar

Tag: شاندار استقبال

  • ویڈیو: ٹی ٹوئنٹی ورلڈ کپ کی فاتح بھارتی ٹیم دہلی پہنچ گئی، کھلاڑیوں کا شاندار استقبال

    ویڈیو: ٹی ٹوئنٹی ورلڈ کپ کی فاتح بھارتی ٹیم دہلی پہنچ گئی، کھلاڑیوں کا شاندار استقبال

    نئی دہلی: ٹی ٹوئنٹی ورلڈ کپ کی فاتح بھارتی ٹیم دہلی پہنچ گئی ہے، ایئرپورٹ پر کھلاڑیوں کا شاندار استقبال کیا گیا۔

    بھارتی میڈیا رپورٹس کے مطابق ٹی20 ورلڈکپ 2024 کا فائنل جیتنے کے بعد بھارتی کرکٹ ٹیم سمندی طوفان کے باعث بارباڈوس میں ہی پھنس گئی تھی جو آج خصوصی طیارے کے ذریعے نئی دہلی پہنچ گئی ہے۔

     

    View this post on Instagram

     

    A post shared by Team India (@indiancricketteam)

    ٹیم آج صبح خصوصی طیارے کے ذریعے نئی دہلی ایئرپورٹ پہنچی، جہاں لاکھوں کی تعداد میں شائقین کرکٹ نے فاتح ٹیم کا استقبال کیا، جب کہ ٹیم کو سخت حفاظتی حصار میں ایئرپورٹ سے ہوٹل پہنچایا گیا۔

     

    View this post on Instagram

     

    A post shared by Team India (@indiancricketteam)

    بھارتی میڈیا کے مطابق ایک خصوصی طیارے ’اے آئی سی 24 ڈبلیو سی‘ جس کا مطلب ( ایئر انڈیا چیمپیئنز 24 ورلڈ کپ) کے ذریعے لایا گیا، جو مقامی وقت کے مطابق صبح 4 بجکر 50 منٹ پر روانہ ہوگئی اور نئی دہلی میں صبح 7 بجے لینڈ ہوئی۔

     

    View this post on Instagram

     

    A post shared by HT City (@htcity)

    اس خصوصی طیارے میں ٹیم ارکان کے علاوہ کوچز، معاون عملہ، کھلاڑیوں کے اہلخانہ، بورڈ ممبران کے علاوہ صحافی بھی شامل تھے۔

     

    View this post on Instagram

     

    A post shared by HT City (@htcity)

     دوسری جانب ٹیم کے کپتان روہت شرما کی ایک جھلک دیکھنے کیلئے ہزاروں مداح جمع ہوگئے ہوٹل کے عملے نے ورلڈ کپ چیمپیئنز کے شاندار استقبال میں خصوصی کیک پیش کیا۔

    بھارتی میڈیا کے مطابق بھارتی کرکٹ ٹیم آج وزیراعظم نریندرمودی سے ملاقات کرے گی، اس ملاقات کے بعد بھارتی ٹیم ممبئی روانہ ہو جائے گی۔

    یہاں، ٹیم کے کھلاڑی نریمن پوائنٹ سے وانکھیڑے اسٹیڈیم تک کھلی بس میں فتح کی پریڈ میں حصہ لیں گے، یہ پریڈ تقریباً 1 کلو میٹر کی ہوگی۔ اس کے بعد بی سی سی آئی کی جانب سے بھارتی ٹیم کے کھلاڑیوں کو 125 کروڑ روپے کی انعامی رقم تقسیم کی جائے گی۔

  • پاکستان کرکٹ ٹیم احمد آباد پہنچ گئی، شاندار استقبال کی ویڈیو

    پاکستان کرکٹ ٹیم احمد آباد پہنچ گئی، شاندار استقبال کی ویڈیو

    قومی کرکٹ ٹیم آئی سی سی کرکٹ ورلڈ کپ کے سلسلے میں ان دنوں بھارت میں موجود ہے، ٹیم کا حیدرآباد دکن سے احمد آباد پہنچنے پر شاندار استقبال کیا گیا، اس موقع پر کھلاڑیوں کو روایتی شال بھی پیش کی گئیں۔

    اس سے قبل پاکستان کرکٹ ٹیم کے کھلاڑیوں نے جہاز میں کیک کاٹ کر سری لنکا کے خلاف جیت کا جشن منایا اور قومی ٹیم کے مڈل آرڈر بلے باز افتخار احمد نے کھلاڑیوں کو مٹھائی کھلائی۔

    پاکستان کرکٹ بورڈ (پی سی بی) کی مینجمنٹ کمیٹی کے چیئرمین ذکا اشرف بھی پاک بھارت کرکٹ میچ دیکھنے کے لئے آج بھارت روانہ ہوجائیں گے۔

    بھارتی کرکٹ بورڈ (بی سی سی آئی) کے اعزازی سیکرٹری جے شاہ کی جانب سے پی سی بی کی مینجمنٹ کمیٹی کے چیئرمین ذکا اشرف کو بھارت کے دورے کے موقع پر خوش آمدیدکہا گیا ہے۔

    پی سی بی کی مینجمنٹ کمیٹی کے چیئرمین ذکا اشرف 14 اکتوبر کو احمد آباد میں پاکستان اور بھارت کے درمیان ورلڈکپ میچ کے موقع پر پاکستانی ٹیم کی حوصلہ افزائی کے لیے موجود ہوں گے۔

    اس حوالے سے اُن کا کہنا تھا کہ پاکستانی ٹیم اپنی سخت محنت اور جذبے سے اس مرحلے تک پہنچی ہے اور انہیں امید ہے کہ وہ اپنی بہترین کارکردگی سے ہمیں فخر کرنیکا موقع فراہم کریگی، ذکا اشرف نے کہا کہ وہ اس اہم موقع پر اپنی ٹیم کی سپورٹ کو بہت ضروری سمجھتے ہیں۔

    واضح رہے کہ جے شاہ اور ذکا اشرف کے درمیان ٹیلی فونک بات چیت بھی ہوئی ہے، جس میں جے شاہ نے ذکا اشرف کے بھارت آنے پر مسرت کا اظہار کیا ہے۔

    پی سی بی کی مینجمنٹ کمیٹی کے چیئرمین ذکا اشرف نے کہا کہ ٹیلیفونک بات چیت میں ان امکانات پر بھی بات ہوئی کہ کس طرح ہم دونوں ملکوں کے درمیان کرکٹ روابط کو بڑھانے اور انہیں ترقی دے سکتے ہیں۔

    جے شاہ کا کہنا تھا کہ وہ پی سی بی کی مینجمنٹ کمیٹی کے چیئرمین ذکا اشرف کے بھارت میں قیام کے دوران ان کی دیگر حکام سے ملاقاتوں کا اہتمام بھی کرائیں گے۔

  • نیمار جونیئر کا ریاض کے اسٹیڈیم میں شاندار استقبال

    نیمار جونیئر کا ریاض کے اسٹیڈیم میں شاندار استقبال

    برازیلین سپر اسٹار نیمار جونیئر ریاض کے اسٹیڈیم میں منعقدہ ایک شاندار تقریب میں پہلی مرتبہ اپنے مداحوں کے سامنے آئے جہاں الہلال  کلب نے اسٹار پلیئر کو متعارف کرایا۔

    تفصیلات کے مطابق نیمار سعودی کلب الہلال میں شامل ہونے والے نئے عالمی شہرت یافتہ سپر اسٹار بن گئے اس سے قبل فٹبالر کا ریاض پہنچے تو کنگ خالد انٹر نیشنل ایئرپورٹ پر الہلال فٹبال کلب کی انتظامیہ نے ان کا استقبال کیا۔

    نیمار نے اس تقریب میں  گفتگو کرتے ہوئے کہا کہ یہ دلچسپ ہے، دوسری ٹیموں میں اعلی معیار کے کھلاڑیوں سے ملنا آپ کو خوش کرتا ہے اور مزید بہتر کھیلنے کی ترغیب دیتا ہے۔

    سعودی کلب نے نیمار کو 6 گنا زیادہ رقم دے کر خرید لیا

    انہوں نے کہا کہ جب ہم رونالڈو، بینزیما اور فرمینو کا سامنا کرتے ہیں تو ہمارا جوش وخروش اور بھی بڑھ جاتا ہے میں ا س لیگ میں شامل ہونے پر خوش ہوں ان اسٹارز کا سامنا کرنا شاندار ہوگا۔

    نیمار نے مزید کہا کہ میں سعودی عرب آکر خوش ہوں اور مجھے امید ہے کہ اس عظیم کلب کے ساتھ چیمپیئن شپ جیتوں گا۔

    واضح رہے کچھ دن پہلے الہلال نے برازیل کے فٹبال اسٹار نیمار جونیئر سے معاہدہ کیا تھا۔

    عرب نیوز کے مطابق ریاض میں الہلال کے 68 ہزار افراد کی گنجائش والے اسٹیڈیم میں دو دیگر فٹبال اسٹارز برازیلین اسٹار میلکم اور مراکش کے گول کیپر یاسین بونو کے ساتھ  نیمار کا استقبال کیا گیا۔

    یادر رہے نیمار نے 2017 میں بارسلونا سے قطر کی  ملکیت کے کلب پیرس سینٹ جرمین میں 242 ملین ڈالر کی عالمی ریکارڈ فیس کے ساتھ شمولیت اختیار کی اور مسلسل انجریز کے باجود 173 میچوں میں 118 گول سکور کیے۔

  • پاکستانی ایتھلیٹس کی وطن واپسی، ایئرپورٹ پر شاندار استقبال

    پاکستانی ایتھلیٹس کی وطن واپسی، ایئرپورٹ پر شاندار استقبال

    کراچی: اسپیشل اولمپکس ورلڈ گیمز میں سبز پرچم بلند کرنے والے پاکستانی ایتھلیٹس وطن واپس پہنچ گئے ہیں۔

    تفصیلات کے مطابق اسپیشل اولمپکس ورلڈ گیمز  2023 میں شرکت کرنے والے پاکستانی ایتھلیٹس وطن واپس پہیچ گئے ہیں جہاں قومی دستے کے ارکان نے جناح انٹرنیشنل ائیرپورٹ پر شاندار استقبال کیا۔

    اسنوکر چیمپئن کی وطن واپسی، ایئرپورٹ پر کوئی استقبال کے لیے نہیں آیا

    پاکستان نے جرمنی کے شہر برلن میں منعقدہ گیمز کے گیارہ کھیلوں میں شرکت کی، مختلف مقابلوں میں پاکستانی ایتھلیٹس نے 10 گولڈ میڈلز، متعدد سلور اور برونز میڈل جیتے ہے۔

    اس کے علاوہ پاور لفٹنگ میں سیف اللہ سولنگی نے دو گولڈ، ایک سلور اور ایک براونز میڈل جیتا ہے۔

  • کرسٹیانو رونالڈو فیملی کے ہمراہ سعودی عرب پہنچ گئے

    ریاض: لیجنڈ فٹبالر کرسٹیانو  رونالڈو اپنی فیملی کے ساتھ سعودی عرب پہنچ گئے۔

    غیر ملکی میڈیا کے مطابق کرسٹیانو رونالڈو کا کنگ خالد انٹرنیشنل ایئرپورٹ پر شاندار استقبال کیا گیا، انہوں نے استقبال کیلئے موجود بچوں کے ساتھ تصویریں کھنچوائیں۔

    رپورٹ کے مطابق سعودی النصرکلب آج مارسول پارک میں رونالڈو کیلئے استقبالیہ تقریب کا انعقاد کرےگا جہاں رونالڈو تقریب کے دوران معاہدے پر دستخط کریں گے۔

    تقریب کے بعد کرسٹیانو رونالڈو پریس کانفرنس میں مداحوں اور میڈیا سے خطاب بھی کریں گے۔

    واضح رہے کہ سعودی النصرکلب نے رونالڈو کی شمولیت کو ’’تاریخ ساز‘‘ قرار دیا ہے

  • پاکستانی بیٹنگ لائن سے متعلق انگلش فاسٹ بولر کا اہم بیان

    پاکستانی بیٹنگ لائن سے متعلق انگلش فاسٹ بولر کا اہم بیان

    انگلش فاسٹ بولر جیمز اینڈرسن نے کہا کہ پاکستان کی بیٹنگ لائین اپ کافی مضبوط ہے، کسی ایک کھلاڑی پر فوکس نہیں کیاہوا، بابر اعظم کی وکٹ اہم ہے لیکن دیگر بیٹرز کو بھی ٹارگٹ کیا ہوا ہے۔

    راولپنڈی میں پریکٹس سیشن کے بعد پریس کانفرنس میں انگلش فاسٹ بولر جیمز اینڈرسن نے کہا کہ گراؤنڈ اور پچ کے مطابق لائحہ عمل بنائیں گے۔

    انگلش فاسٹ بولر جیمز اینڈرسن نے کہا ہے کہ خوش ہوں کہ پاکستان میں 17 سالوں کے بعد آیاہوں یہاں ہمارا شاندار استقبال کیا گیا، پاکستان کے خلاف سیریز کیلئے پر جوش ہیں۔

    مہمان ٹیم کے فاسٹ بولر کا کہنا تھا کہ کنڈیشنز مختلف ہیں، سیریز میں مقابلہ اچھا ہوگا، ہمارے پاس اچھے پلئیرز ہے بہترین کارکردگی دیکھانے کی کوشش کریں گے۔

    فاسٹ بولر نے کہا کہ دبئی میں پرانی گیند سے باؤلنگ کروا کر پریکٹس کی ہے، پاکستان میں مختلف اور چیلنجنگ کنڈیشنر  میں کھیلنے کا موقع ملےگا۔

    انگلش فاسٹ بولر جیمز اینڈرسن کا مزید کہنا تھا کہ میرے پاس ایسے اسکلز ہیں کہ کسی بھی کنڈیشنر میں باؤلنگ کرسکتا ہوں اس لیے میری کوشش ہوتی ہے کہ  نوجوان کھلاڑیوں سے اپنا تجربہ شئیر کروں۔

    واضح رہے کہ پاکستان اور انگلینڈ کے درمیان ٹیسٹ سیریز کا پہلا میچ یکم دسمبر سے راولپنڈی میں کھیلا جائے گا۔

    یکم دسمبر کو کھیلا جانے والا ٹیسٹ میچ دونوں ملکوں کے درمیان پاک سرزمین پر 17 سال بعد پہلا ٹیسٹ ہوگا۔

  • کوئٹہ : بلوچستان کے حجاج کرام کی پہلی پرواز وطن واپس پہنچ گئی، شاندار استقبال

    کوئٹہ : بلوچستان کے حجاج کرام کی پہلی پرواز وطن واپس پہنچ گئی، شاندار استقبال

    کوئٹہ : بلوچستان کے حجاج کرام کی وطن واپسی شروع ہوگئی، پی آئی اے کی کوئٹہ کے لئیے پہلی بعد از حج پرواز کوئٹہ لینڈ کر گئی۔ ایئر پورٹ حکام نے حاجیوں کا استقبال کیا۔

    تفصیلات کے مطابق فریضہ حج کی ادائیگی کے بعد پاکستانی حجاج کرام کی وطن واپسی کا عمل شروع ہوگیا ہے، بلوچستان کے حاجیوں کی فلائٹ کوئٹہ پہنچ گئی۔

    اس حوالے سے ترجمان پی آئی اے کا کہنا ہے کہ جدہ سے 150 حجاج کرام پی کے 8710 کے ذریعے فریضہ حج ادا کرنے کے بعد وطن واپس پہنچ گئے۔

    پی آئی اے نے اپنے حج آپریشن کے دوران جدہ اور مدینہ سے مختلف شہروں کیلئے20پروازوں کے ذریعے5 ہزارسے زائدحجاج اکرام کو وطن پہنچایا۔

    ترجمان پی آئی اے کے مطابق پی آئی اے نے حجاج اکرام کو کراچی، لاہور، فیصل آباد، پشاور، ملتان اور کوئٹہ پہنچایا، پی آئی اے بعد از حج آپریشن 14ستمبر تک جاری رہے گا۔

    مزید پڑھیں: کوئٹہ کے لیے پی آئی اے کا بعد ازحج آپریشن 19 اگست سے شروع ہوگا

    کوئٹہ ائر پورٹ پر پہلی بعد از حج پرواز کے حجاج کرام کو ائیر پورٹ مینجر قاسم پی آئی اے کےمنیجر مارکیٹنگ عبد الغفار اور اسٹیشن منیجر عرفان خان نے ہار پہنا کر استقبال کیا۔

  • آرمی چیف کا دورہ پینٹا گون، تاریخی استقبال، 21 توپوں کی سلامی

    آرمی چیف کا دورہ پینٹا گون، تاریخی استقبال، 21 توپوں کی سلامی

    واشنگٹن: پاک فوج کے سربراہ جنرل قمرجاوید باجوہ کا پینٹا گون پہنچنے پر تاریخی استقبال ہوا اور 21 توپوں کی سلامی دی گئی۔

    پاک فوج کے شعبہ تعلقات عامہ (آئی ایس پی آر) کا کہنا ہے کہ آرمی چیف جنرل قمر جاوید باجوہ کا پینٹاگون پہنچنے پر جنرل جوزف ڈین فورڈ نے استقبال کیا، اس موقع پر آرمی چیف کو گارڈ آف آنر پیش کیا گیا اور 21 توپوں کی سلامی دی گئی۔

    آئی ایس پی آر کے مطابق آرمی چیف جنرل قمر جاوید باجوہ نے امریکی قائم مقام وزیردفاع سمیت چیف آف جوائنٹ چیفس آف اسٹاف سے ملاقات کی، اس موقع پر افغان امن عمل سمیت خطے کی سیکیورٹی صورت حال پر بات چیت کی گئی۔

    ’امریکی حکام نے دہشت گردی کے خلاف جنگ میں پاک فوج کے اقدامات کو سراہا، امریکی عسکری حکام نے پاک فوج کے افغان امن عمل میں کردار کی بھی تعریف کی‘۔

    آئی ایس پی آر کا مزید کہنا تھا کہ جنرل قمر جاوید باجوہ نے امریکی چیف آف اسٹاف جنرل مارک اے ملی سے بھی ملاقات کی اور خطے کی صورت حال پر تبادلہ خیال کیا گیا۔

    خیال رہے وزیراعظم عمران خان کے دورہ امریکا میں آرمی چیف اور آئی ایس آئی چیف بھی ان کے ہمراہ ہیں اور تاریخ میں پہلی بار آرمی چیف اور آئی ایس آئی چیف وزیراعظم کی امریکی صدر سے ملاقات کے دوران موجود ہوں گے، سیاسی اور عسکری قیادت یکجا ہونے سے دنیا کو مثبت پیغام جارہا ہے۔

    امریکی دانشور برائے جنوب ایشائی امور ماروِن وینبام کا کہنا ہے کہ واشنگٹن میں پالیسی میکرز دیکھ رہے ہیں کہ ایک طویل عرصے بعد پاکستان کی سول اور عسکری قیات اہم ترین معاملات پر ایک پیج پر ہے، پاکستان کی سیاسی و عسکری قیادت کے اہم معاملات پر ایک ہونے سے دنیا بھر میں مثبت پیغام جارہا ہے، جو پاکستانی موقف میں استحکام کا باعث ہے۔

  • پہلی سعودی خاتون پائلٹ کا حائل ہوائی اڈے پہنچنے پر شاندار استقبال

    پہلی سعودی خاتون پائلٹ کا حائل ہوائی اڈے پہنچنے پر شاندار استقبال

    ریاض : سعودی عرب کی پہلی خاتون پائلٹ کے حائل کے ہوائی اڈے پر پہنچنے پران کا شاندار استقبال کیا گیا، دوسری جانب سوشل میڈیا پر بھی ان کی غیرمعمولی تعریف وتوصیف کی جا رہی ہے۔

    تفصیلات کے مطابق کیپٹن پائلٹ یاسمین المیمنی گذشتہ روز معاون ہواباز کی حیثیت سے طیارہ اڑاتے ہوئے حائل ہوائی اڈے پراتریں جہاں ہوائی اڈے کے حکام نے ان کا پرتپاک استقبال کیا اور انہیں پھول پیش کیے۔

    غیر ملکی خبر رساں ادارے کا کہنا تھا کہ اس کےساتھ ساتھ سوشل میڈیا پربھی پائلٹ یاسمین المیمنی کی غیرمعمولی حوصلہ افزائی جاری ہے۔

    یاسمین المیمنی نسما ایئر فضائی کمپنی میں معاون ہواباز کے طورپرتعینات کی گئی ہیں۔، ان کا تعلق حائل سے ہے جہاں وہ گذشتہ روز پرواز کے ذریعے پہنچیں تو ان کا شاندار استقبال کیا گیا۔

    خیال رہے کہ 29 سالہ یاسمین المیمنی نے امریکا میں ہوابازی کا لائسنس حاصل کیا تھا جسے سنہ 2013ءمیں سعودی لائسنس میں تبدیل کردیا گیا تاہم اس عرصے میں انہیں طیارہ اڑانے کاموقع نہیں ملا، یہ پہلا موقع ہے جب وہ طیارہ اڑا کر حائل پہنچی ہیں۔

    یاسمین المیمنی سعودی عرب کی پہلی کمرشل خاتون پائلٹ بن گئیں

    نجی فضائی کمپنی ”نسما ائیر“ میں بطور معاون پائلٹ یاسمین المیمنی نے پہلی کمرشل پرواز اڑائی تھی، یاسمین کا کہنا ہے کہ بچپن سے فضاﺅں میں اڑنے کی خواہش تھی‘ خوابوں کی تعبیر پانے کیلئے بڑی محنت کرنا پڑی‘۔

    عرب خبر رساں ادارے کا کہنا تھا کہ پہلی سعودی خاتون کو سول ایوی ایشن کی جانب سے کمرشل پائلٹ کا لائسنس جاری کیا گیا تھا۔

  • پنجاب اسمبلی میں پی ٹی آئی اراکین کا شاندار استقبال

    پنجاب اسمبلی میں پی ٹی آئی اراکین کا شاندار استقبال

    لاہور : پنجا ب اسمبلی میں پی ٹی آئی اراکین کی آمد پر نون لیگ کے اراکین نے والہا نہ استقبا ل کیا۔

    اس موقع پررانا ثنا اللہ نے پی ٹی آئی اراکین کا استقبا ل اجلاس چھو ڑ کر کیا۔رانا ثناءالہ کا کہنا تھا کہ پی ٹی آئی کی آمد  جمہو ریت ، آئین و پارلیمنٹ کی فتح ہے۔

    تفصیلات کے مطابق پنجاب اسمبلی میں پا کستان تحریک انصاف کے اراکین کی آمد پر مسلم لیگ ن کی صو با ئی حکومت واراکین نے قومی اسمبلی کے برعکس پی ٹی آئی کے اراکین کا والہا نہ استقبا ل کیا۔

    قائد حزب اختلاف و پی ٹی آئی کے رہنمامحمود الرشید کا استقبا ل  سابق صو با ئی وزیر رانا ثنا اللہ  نےپر جوش انداز میں اسمبلی سے با ہر آکر انہیں بغلگیرکیا ۔

      رانا ثناءاللہ اراکین کو احترام کے ساتھ ایوان میں لیکر آئے، انہوں نے پی ٹی آئی کی آمد کو جمہو ریت ، آئین اور پارلیمنٹ کی فتح سے تعبیر کیا۔

    محمو د الرشید کا اس مو قع پر کہنا تھا کہ نظا م کی بہتری اور عوام کی فلا ح کیلئے ہر فورم پر گفتگو کریں گے۔