Tag: شاندار کامیابی

بھارتی اسپنر رویندرا جڈیجا نے آسٹریلوی کھلاڑی اسٹیو اسمتھ کے خلاف اپنی شاندار کامیابی کو بتانے سے انکار کردیا۔

ورلڈ کپ 2023 میں بھارت نے آسٹریلیا کو شکست دے کر فاتحانہ آغاز کیا، پانچ بار کی دفاعی چیمپئن آسٹریلیا کو بھارت نے 6 وکٹوں سے شکست دی تھی۔

اس میچ میں بھارتی ٹیم کے بولرز نے بہترین کارکردگی کا مظاہرہ دکھایا، جہاں اسپنے رویندرا جڈیجا نے 10 اوورز میں 28 رنز دے کر 3 وکٹیں حاصل کی جبکہ روی چندر اشون نے بھی ان کا بھر پور ساتھ دیا۔

 

View this post on Instagram

 

A post shared by ICC (@icc)

اسٹیو اسمتھ جو اپنی بلے بازی کی مہارت کے لیے مشہور ہیں، وہ رویندار جڈیجا کی گیند پر اسٹمپ ہونے کے بعد صرف مایوسی کے عالم میں ہی دیکھتے رہے۔

تاہم میچ کے بعد پریس کانفرنس میں صحافی نے ان سے آسٹریلوی بیٹر اسٹیو اسمتھ کو آؤٹ کرنے کا راز پوچھا لیا، جس پر اسپنر نے کہا کہ ’’نہیں نہیں میں آپ کو نہیں بتاؤں گا، آپ اسے انگریزی میں پرنٹ کریں گے اور ان سب کو یہ راز بتا چل جائے گا‘‘۔

یاد رہے کہ بھارتی اسپنر جڈیجہ مختلف فارمیٹس میں اسٹیو اسمتھ کو کم از کم 10 مواقع پر آؤٹ کرنے میں کامیاب رہے ہیں۔

اسکواش لیجنڈ جہانگیر خان نے کہا کہ اسکواش میں پاکستان کی نئی پہچان اب حمزہ خان ہیں۔

اسکواش لیجنڈ جہانگیر خان نے اے آر وائی نیوز کے پروگرام باخبر سویرا میں گفتگو کرتے ہوئے کہا کہ جونیئر ورلڈ اسکواش چیمپئن حمزہ خان کو مبارکباد پیش کرتا ہوں، یہ ایک بہت بڑی کامیابی ہے۔

اسکواش لیجیند کا کہنا تھا کہ اسی پلیٹ فارم سے کھلاڑی آگے جاتے ہیں، پاکستان کو اسکواش جیتنے میں 37 سال نہیں لگنے چاہیے تھے، ماضی میں پاکستان کا اسکواش میں بڑا نام رہا ہے۔

سب کرکٹ دیکھتے ہیں، اسکواش کو کوئی پوچھتا نہیں، جونیئر ورلڈ چیمپئن حمزہ کا شکوہ

ان کا کہنا تھا کہ جان شیر کے بعد ہم نے ایسی کوئی بڑی کامیابی حاصل نہیں کی تھی، ہمارے لیے افسوس کا مقام ہے، پاکستان میں ٹیلنٹ بہت ہے لیکن پلٹ فارم نہیں، اور پلٹ فارم کو ایسے لوگ چلا رہے جنہوں نے آج تک ریکٹ کو نہیں پکڑا ہے۔

حمزہ خان نے 37 سال بعد اسکواش میں پاکستان کا نام بلند کر دیا

اسکواش لیجنڈ جہانگیر خان نے مزید کہا کہ حمزہ کے ساتھ بھی ایسے لوگ گئے جس نے آج تک رکٹ نہیں پکڑا تھا صرف اپنے ٹور کے لیے وہ حمزہ کے ساتھ گئے۔

واضح رہے کہ 37 سال بعد پاکستان ورلڈ جونیئر اسکواش چیمپئن شپ کا ٹائٹل جیتنے میں کامیاب ہوا ہے، پاکستان کے ہونہار اسکواش کھلاڑی حمزہ خان نے میلبرن میں پاکستان کا نام روشن کیا۔

عالمی جونیئر اسکواش چیمپئین شپ کے ناک آؤٹ مرحلے میں کامیابی سمیٹ کر پاکستان نے 15 سال بعد فائنل کیلئے کوالیفائی کرلیا۔

تفصیلات کے مطابق پاکستان آرمی سے تعلق رکھنے والے حمزہ خان پاکستان کی نمائندگی کررہے ہیں، عالمی جونیئر اسکواش چیمپئن شپ  آسٹریلیا کے شہر میلبورن میں کھیلی جارہی ہے۔

حمزہ خان کوارٹر فائنل میں ملائشین حریف کو شکست دیکر سیمی فائنل میں پہنچے ، سیمی فائنل میں حمزہ خان کا مقابلہ فرنچ حریف میل وِل شانی ایمانکیو سے ہوا، حمزہ نے حریف کو واضح مارجن سے شکست دی اور فائنل تک رسائی حاصل کی۔

واضح رہے کہ حمزہ خان قومی سطح پر آرمی کی نمائندگی کرتے ہوئے متعدد ٹائٹلز اپنے نام کر چکے ہیں، وہ اس وقت جونیئر عالمی رینکنگ میں تیسری پوزیشن پر براجمان ہیں۔