لاہور: کراچی کنگز کے صدر اور قومی کرکٹ ٹیم کے آل راؤنڈر شاہد آفریدی کا کہنا ہے کہ ایسے کھلاڑیوں سے کنٹریکٹ نہیں کرنا چاہیے جویہاں نہ آئیں، دنیا کو پیغام دینا ہے، پورا پاکستان سیکیورٹی سے متعلق بہترہے۔
تفصیلات کے مطابق کراچی کنگز کے صدر اور قومی کرکٹ ٹیم کے آل راؤنڈر شاہد آفریدی نے میڈیا سے گفتگو کرتے ہوئے کہا کہ گزشتہ 2سالوں سے کراچی کنگزکی پر فارمنس بہتررہی، کراچی کنگز کے ساتھ کام کرکے بہت مزہ آیا، شاہد آفریدی فرنچائر اونر اور منجمنٹ زبردست تھی، پشاورزلمی سے کسی مقصد کیلئے گیا تھا۔
شاہد آفریدی کا کہنا تھا کہ پی سی بی نے وینو کو تبدیل کیا یہ بہت اچھاہے، کراچی اور لاہور میں میچز کرانا خوش آئند ہے دنیا کو پیغام دینا ہے، پورا پاکستان سیکیورٹی سے متعلق بہترہے، ہر شہرمیں میچزہونے چاہئیں، اس سے دنیا میں پاکستان کا مثبت چہرہ سامنے جائے گا۔
کراچی کنگز کے صدر نے کہا کہ ایسےکھلاڑیوں سے کنٹریکٹ نہیں کرنا چاہیے جو یہاں نہ آئیں، کھلاڑیوں کے نہ آنے سے فرنچائزکو نقصان ہوتا ہے، فرنچائز کا فائدہ تب ہے، جب نئے کھلاڑیوں کو موقع دیں، تمام فرنچائز کے اپنے گراؤنڈز اور اپنی اکیڈمیز ہونی چاہئیں۔
انکا کہنا تھا کہ لاہورمیں دبئی اورشارجہ سے بہت بہترکراؤڈتھا، پاکستان میں میچزہونا کھلاڑیوں کے لئے بہت بہتر ہے، لاہور والے تو زندہ دل لوگ ہیں کراؤڈ بہت اچھا تھا، تمام غیر مکی کھلاڑیوں نے بہت انجوائے کیا۔
شاہد آفریدی نے کہا کہ فائنل کھیلنےوالی دونوں ٹیمیں بہت اچھی ہیں، ، کراچی میرا اپنا شہر ہے ، ٹکٹ ملی توکراچی فائنل دیکھنےجاؤں گا، ون ڈے فارمیٹ میں جوکم سےکم غلطیاں کریں گے وہ جیتیں گے۔
یاد رہے کہ پاکستان سپر لیگ کے دوسرے ایلی منیٹر میچ میں پشاور زلمی نے کراچی کنگز کو 13 رنز سے شکست دے کر فائنل تک رسائی حاصل کرلی تھی۔
