کراچی: قومی کرکٹ کے سابق کپتان شاہد آفریدی نے سعودی سفارت خانے میں سعودی عرب کے سفیر نواف بن سعيد المالکی سے ملاقات کی، ملاقات میں اسٹار کرکٹر کی این جی او کے لیے مل کر کام کرنے پر اتفاق کیا گیا۔
تفصیلات کے مطابق سابق تیز ترین بلے باز شاہد آفریدی نے سعودی سفیر نواف المالکی سے ملاقات کی، سعودی سفارت خانے میں ہونے والی اس ملاقات میں دونوں ممالک کے درمیان تعلقات پر بھی گفتگو کی گئی۔
ملاقات میں دونوں شخصیات کے درمیان پاکستان اور سعودی عرب کے باہمی روابط اور تعلقات زیرِ بحث آئے، انھوں نے مستقبل کے حوالے سے بھی گفتگو کی اور امید ظاہر کی کہ دونوں ممالک کے تعلقات مزید بہتر بنائے جاسکتے ہیں۔
Very honored to be invited by His Excellency Mr. Nawaf bin Said Al-Malki, @AmbassadorNawaf . Discussed PK relations& cooperation between two countries & areas to work together.Will be soon working with Saudia Arabia for @SAFoundationN as together we al r#HopeNotOut@KSAembassyPK pic.twitter.com/z0xXc5kGod
— Shahid Afridi (@SAfridiOfficial) September 6, 2018
شاہد خان آفریدی نے سماجی رابطے کی ویب سائٹ ٹویٹر پر ٹویٹ کیا کہ سعودی سفیر کے ساتھ باہمی تعلقات اور تعاون کے ساتھ ساتھ ان منصوبوں پر بھی بات کی گئی جہاں مشترکہ طور پر کام کیا جاسکتا ہے۔
گزشتہ کرکٹ بورڈ نے اپنی بھرپور ذمہ داری کا مظاہرہ کیا: شاہد آفریدی
شاہد آفریدی نے کہا کہ عزب مآب سعودی سفیرنواف بن سعید المالکی نے سعودی عرب کے سفارت خانے میں دعوت دے کر اُن کی عزت افزائی کی۔ خیال رہے کہ سعودی سفیر نے بھی اپنے ٹویٹر اکاؤنٹ سے ملاقات کی تصویریں شیئر کیں۔
انھوں نے کہا کہ وہ اپنی این جی او ’شاہد آفریدی فاؤنڈیشن‘ کو سرحدوں سے آگے بھی لے کر جانا چاہتے ہیں اور اس سلسلے میں سعودی عرب کے ساتھ اشتراک کے خواہش مند ہیں۔ انھوں نے امید ظاہر کی کہ جلد وہ اپنی این جی او کے سلسلے میں سعودی عرب کے ساتھ مل کر جدوجہد کر رہے ہوں گے۔
