ARYNews.tv | Urdu – Har Lamha Bakhabar

Tag: شاہد آفریدی

  • ورلڈٹی ٹوئنٹی وارم اپ میچ میں پاکستان نے سری لنکا کو 15 رنز سے شکست دے دی

    ورلڈٹی ٹوئنٹی وارم اپ میچ میں پاکستان نے سری لنکا کو 15 رنز سے شکست دے دی

    کلکتہ: ورلڈٹی ٹوئنٹی وارم اپ میچ میں پاکستان نے سری لنکا کو 15 رنز سے شکست دے دی۔

    کلکتہ کے ایڈن گارڈن اسٹیڈیم میں کھیلے گئے ورلڈکپ کے وارم اپ میچ میں پاکستانی کپتان شاہد آفریدی نے ٹاس جیت کر پہلے بیٹنگ کا فیصلہ کیا، قومی ٹیم نے محمد حفیظ کے برق رفتار 70 رنز کی ہدولت مقررہ 20 اوورز میں 157 رنز بنائے۔ شرجیل خان اور احمد شہزاد نے اننگز کا آغاز کیا تاہم 39 کے اجتماعی اسکور پر شرجیل خان 23 رنز بنا کر بولڈ ہوگئے۔

    احمد شہزاد 18 رنز بنا کر آؤٹ ہوئے جب کہ سرفراز احمد نے 13 اور عمر اکمل نے 19 رنز کی اننگز کھیلی، کپتان شاہد آفریدی ایک بار پھر ناکام رہے اور پہلی ہی گیند پر اپنا کھاتا کھولے بغیر آؤٹ ہو گئے۔

    پاکستان کی جانب سے عماد وسیم نے 4 وکٹیں حاصل کی جب کہ محمد عرفان اور وہاب ریاض ایک وکٹ حاصل کرنے میں کامیاب رہے۔

    جواب میں سری لنکا کی ٹیم ایک سو بیالیس رنز ہی بناسکی، دنیش چندیمل اور دلکارتنے دلشان نے اننگز کا آغاز کیا لیکن محمد عرفان نے دوسرے ہی اوور میں دلشان کو صفر پر پویلین بھیج دیا جب کہ دیگر کھلاڑیوں میں چندیمل 30، تھریمانے 45، کپوگیرا14، اینجلے میتھیوز 10، سری وردانے 2، تھسارا پریرا 5، کولیسکرا 7 رنز بنانے میں کامیاب رہے۔

  • آفریدی نےکرکٹ کی بحالی کیلئے وزیراعظم سے مددطلب کرلی

    آفریدی نےکرکٹ کی بحالی کیلئے وزیراعظم سے مددطلب کرلی

    کراچی: قومی ٹی ٹوئنٹی کپتان شاہد آفریدی نے کرکٹ کی بحالی کیلئے وزیراعظم نوازشریف سے مدد مانگ لی۔

    شاہدآفریدی نے کرکٹ کی بحالی کیلئے وزیراعظم نوازشریف سے مدد مانگ لی، آفریدی نے ٹوئٹ میں نوازشریف سے اپیل کی کہ نئے ٹیلنٹ کی راہ میں حال رکاوٹیں دور کرائیں، یہ رکاوٹیں ٹیلنٹ کو گراس روٹ لیول سے اوپر آنے سے روک رہی ہیں۔

    ایشیاکپ میں شرکت کے بعدآفریدی نے ٹوئٹ میں ٹیم پرفارمنس بڑھانے کیلئے کمیٹی بنانےکااقدام قابل تعریف قراردیا،ایشیاکپ کی دوڑسے باہرہونےپربورڈ ایکشن میں آیا اور ری ایکشن میں پانچ رکنی انکوائری کمیٹی بنادی تھی۔

    ایشیاکپ میں فلاپ شود کھانےکے بعد آفریدی سمیت پانچ کھلاڑیوں کی گذشتہ روز کراچی پہنچے تھے، سخت سیکورٹی حصارمیں آفریدی اینڈکمپنی ائیرپورٹ سے باہرنکلی، میڈیاسے بات کرنےسے گریزکیا۔

  • مقامی کرنسی نہ ہونے پرشاہد آفریدی کو ریسٹورنٹ میں شرمندگی کا سامنا

    مقامی کرنسی نہ ہونے پرشاہد آفریدی کو ریسٹورنٹ میں شرمندگی کا سامنا

    آکلینڈ : نیوزی لینڈ کے ریسٹورنٹ میں قومی ٹی ٹوئنٹی ٹیم کے کپتان شاہد آفریدی کے کھانے کا بل ادا کرکے نوجوان ہیرو بن گیا۔

    تفصیلات کے مطابق پاکستان کرکٹ ٹیم نیوزی لینڈ پہنچ گئی۔ آکلینڈ ایئرپورٹ پر کپتان شاہد آفریدی مشکل میں آنے سے بچ گئے۔

    آفریدی نے ساتھی کھلاڑی احمد شہزاد کے ہمراہ ریسٹورنٹ سے کھانا تو لے لیا لیکن مقامی کرنسی لے جانا بھول گئے۔ ریسٹورنٹ والے نے ڈالرز لینے سے بھی انکار کردیا۔اس وجہ سے سخت شرمندگی کا سامنا کرنا پڑا۔

    ایسے میں ایک پرستار ہیرو بن کر سامنے آیا۔ وقاص نوید نامی شخص نے آفریدی کو بل دینے کے پیشکش کی۔ نوجوان نے کھانے کا بل ادا کیا جس پر آفریدی نے اس کا شکریہ ادا کیا۔

    شاہد آفریدی تو وقاص کے اتنے شکر گزار ہوئے کہ انہوں نے اس سے بل واپس ادا کرنے اور میچ کے ٹکٹس کا بھی وعدہ کرلیا۔

    وقاص نوید کا کہنا تھا کہ وہ پاکستان کرکٹ ٹیم کا پرستار ہے۔ نیوزی لینڈ سے سیریز کا اسے بے صبری سے انتظار ہے۔ یاد رہے کہ پاکستان کرکٹ ٹیم دورہ نیوزی لینڈ کا آغاز پندرہ جنوری کو آکلینڈ میں ٹی ٹوئنٹی میچ سے کرے گی۔

  • ورلڈ ٹی ٹوئنٹی کی تیاری، شاہد آفریدی فیملی کے ہمراہ لاہورمنتقل

    ورلڈ ٹی ٹوئنٹی کی تیاری، شاہد آفریدی فیملی کے ہمراہ لاہورمنتقل

    کراچی : پاکستان کی ٹی ٹوئنٹی ٹیم کے کپتان شاہد آفریدی ورلڈ ٹی ٹوئنٹی جیتنے کے لئے ہر داؤ کھیلنے کو تیار ہیں، یہاں تک کہ ٹورنامنٹ کی تیاری کے لئے فیلمی سمیت کراچی سے لاھور منتقل ہو رہے ہیں.

    تفصیلات کے مطابق آئندہ سال بھارت میں ہونے والا ورلڈٹی ٹوئنٹی جیتنا شاہد آفریدی کا ہدف ھے، ورلڈ ٹی ٹوئنٹی کی تیاریوں کے سلسلے میں پاکستان ٹی ٹوئنٹی ٹیم کے کپتان شاہد خان آفرید ی نے اپنے خاندان کے ہمراہ لاہور میں رہائش کا فیصلہ کرلیا ہے۔

    ذرائع کے مطابق ورلڈ ٹی 20 میں صرف 5 ماہ رہ گئے ہیں جس کی بنا پر قومی ٹیم کے کپتان نے یہ فیصلہ کیا ہے۔

    ذرائع کا کہناہے کہ شاہد آفریدی یہ ٹورنامنٹ جیت کر اپنے بین الاقوامی کیریئر کا اختتام کرنا چاہتے ہیں اور اس کی تیاری کے لئے بوریا بستر سمیٹ کر فیملی سمیت لاہور منتقل ہوجائیں گے۔

    بوم بوم آفریدی کا کہناہے کہ لاھور میں قومی اکیڈمی اور کوچز کے ساتھ مل کر ورلڈ ٹی ٹوئنٹی جیتنے کے لئے تیاری کریں گے ۔

    انگلینڈ کیخلاف تین ٹی 20 اور پی ایس ایل سے بھی ورلڈ ٹی 20 کی تیاریوں میں مددملے گی،انگلینڈ لائنز کیخلاف بھی ٹی ٹوئنٹی کھیلوں گا۔

    شاہد آفریدی زمبابوے میں پاکستان کو دونوں میچ جتوانے پر خوش ہیں اور اپنے کم رنز اور کوئی وکٹ نہ ملنے کے باوجود پر عزم ہیں.

    اپنی پرفارمنس کے حوالے سے آفریدی کا کہنا تھاکہ فارم عارضی چیز ہے اصل چیز کلاس ہوتی ہے،اپنی فارم سے پریشان نہیں، ایک اچھی اننگز کی بات ہے ، فارم میں واپس آجاؤں گا۔

    انہوں نے بتایا کہ اوپر کے نمبروں پر بیٹنگ کروں گا۔ ایک اچھی اننگز کھیل لی تو سب ٹھیک ہوجائے گا۔ ان کا کہنا تھا کہ ٹیم کے کھلاڑیوں سے مطمئن ہوں۔

  • شاہد آفریدی کا جناح اسپتال کا دورہ، مریضوں کیلئے 20 لاکھ روپے امداد کا اعلان

    شاہد آفریدی کا جناح اسپتال کا دورہ، مریضوں کیلئے 20 لاکھ روپے امداد کا اعلان

    کراچی: پاکستان کرکٹ ٹیم کے اسٹار آل راؤنڈ شاہد خان آفریدی نے کہا ہے کہ سلمان اور محمد آصف سے متعلق پاکستان کرکٹ بورڈ کو سوچ سمجھ کو فیصلہ کرنا ہوگا، تاکہ مستقبل میں آنیو الے نئے کھلاڑیوں پر اس فیصلے کے اثرات نہ پڑسکیں۔

    جناح اسپتال کراچی کے وارڈ نمبر 5 کے دورے اور مریضوں سے ملاقات کے بعد میڈیا سے گفتگو کرتے ہوئے شاہد آفریدی کاکہنا تھا کہ وہ غیر ملکی دورے پر روانہ ہورہے ہیں جس کے بعد واپسی پر وہ اسلام آباد میں نیشنل ٹی ٹوئنٹی ٹورنامنٹ میں حصہ لیں گے۔


    جناح اسپتال کے حوالے سے شاہد آفریدی کاکہنا تھا کہ پاکستان کے سب سے بڑے اسپتال میں آکر خوشی کم اور افسوس ذیادہ ہوا ہے ، ملک کے طول و عرض سے آئے ہوئے مریض ادویات سمیت بنیادی سہولتوں سے محروم ہیں۔

    انہوں نے کہا کہ وارڈ فائیو میں کام کرنے والی این جی او کے ذریعے اس شعبے میں زیر علاج مریضوں کیلئے بیس لاکھ روپے امداد شاہد خان آفریدی فاؤنڈیشن کی جانب سے دی جائے گی۔

    انہوں نے کہا کہ وارڈ فائیو میں کام کرنے والی این جی او کے ذریعے اس شعبے میں زیر علاج مریضوں کیلئے بیس لاکھ روپے امداد شاہد خان آفریدی فاؤنڈیشن کی جانب سے دی جائے گی۔

    شاہد آفریدی کاکہنا تھا کہ ٹی ٹوئنٹی ورلڈ کپ میں وقت بہت کم ہے اور ٹیم کو تیار بھی کرنا ہے، اس حوالے سے اہم فیصلے کریں گے ۔

    انہوں نے کہا کہ مسائل کے حل کیلئے اب کرپشن کا مکمل خاتمہ انتہائی ضروری ہوچکا ہے ۔

  • شاہد آفریدی دنیا کے بیس سماجی کام کرنیوالے کھلاڑیوں کی فہرست میں شامل

    شاہد آفریدی دنیا کے بیس سماجی کام کرنیوالے کھلاڑیوں کی فہرست میں شامل

    کراچی : پاکستان کے مایہ ناز کرکٹر اور ٹی ٹوینٹی ٹیم کے کپتان شاہد خان آفریدی کو دنیا کے ان بیس کھلاڑیوں کی فہرست میں شامل کیا گیا گیا ہے جو کھیل کے علاوہ فلاحی کاموں میں بھی بڑھ چڑھ کر حصہ لیتے ہیں۔

      آل راونڈر شاہد آفریدی نے جہاں کرکٹ  کے میدانوں میں اپنی صلاحیتوں کا لوہا منوایا وہیں وہ غریب اور بے سہارا لوگوں خدمت کے جذبے سے بھی سرشار ہیں۔

    اس حوالے سے انہوں نے مارچ 2014 میں شاہد آفریدی فاؤنڈیشن کے نام سے ایک ادارے کی بنیاد رکھی، جس کا مقصد پاکستان کے نادار اور بنیادی سہولیات سے محروم لوگوں کو صحت اور علاج معالجے کی سہولیات فراہم کرنا تھا۔

    شاہدآفریدی نے محسوس کیا کہ ان کے آبائی گاؤں تنگی باندہ کے لوگوں کو توجہ کی ضرورت ہے، اس لئے انہوں نے اپنے اس فلاحی کام کا آغاز اپنے آبائی گاؤں تنگی باندہ سے کیا، جس کیلئے انہوں اپنے سرمائے اوراس کے علاوہ اپنے رشتہ داروں سے افرادی قوت حاصل کی۔

    ان کے ادارے کا سلوگن ’امید ابھی باقی ہے‘رکھا گیا ہے، مایہ ناز آل راؤنڈر کا خیال ہے کہ وہ یہ فلاحی کام کرکے پاکستانی قوم اور مداحوں کی جانب سے ملنے والی  بے پناہ محبت کو لوٹانے کی کوشش کر رہے ہیں۔

    شاہد آفریدی فاؤنڈیشن لوگوں کو بلامعاوضہ طبی سہولیات فراہم کرتا ہے، اور اس کا دائرہ کار تنگی باندہ گاؤں کے علاوہ آس پاس کے چودہ گاؤں میں پھیلا ہوا ہے۔

    AlhamdoLillah! Our Founder, and Captain T-20, Shahid Afridi nominated among Top 20 most charitable athletes of 2015

    Posted by Shahid Afridi Foundation on Sunday, August 16, 2015

    شاہد آفریدی کی ان ہی خدمات کے اعتراف میں ’ڈو سمتھنگ او آر جی‘نامی تنظیم نے انہیں  دنیا کے ان بیس نامور کھلاڑیوں کی  سال 2015کی فہرست میں شامل کیا ہے جو وعوام کی فلاح وبہبود کیلئے نمایاں طور پراپنی خدمات انجام دے رہے ہیں۔

    اس فہرست میں دنیا بھر میں امداد کے کام کرنے والے پرتگال کے اسٹار فٹبالر کرسٹیانو رونالڈو کا پہلا، ڈبلیو ڈبلیو ای ریسلنگ کے ایتھلیٹ جون سینا کا کا دوسرا جبکہ امریکی ٹینس اسٹار سرینا ولیمز کا تیسرا نمبر ہے۔

  • کپتانی کا عہدہ میرے پیچھے بھاگتا ہے، شاہد آفریدی

    کپتانی کا عہدہ میرے پیچھے بھاگتا ہے، شاہد آفریدی

    کراچی: پاکستان ٹی ٹوئنٹی ٹیم کے کپتان شاہد آفریدی کا کہنا ہے کہ وہ کبھی بھی قیادت کے پیچھے نہیں بھاگے، کپتانی ان کے پیچھے بھاگتی ہے۔

    کراچی میں میڈیا سے گفتگو کرتے ہوئے بوم بوم آفریدی نے کہا کہ پاکستانی کرکٹ اب صحیح راستے کی جانب گامزن ہے، سلیکشن کمیٹی بھرپور انداز سے اپنے کام کررہی ہے۔ انکا کہنا تھا سرفراز احمد کو سائیڈ میچز میں بطور کپتان گروم کیا جائیگا۔

    آفریدی کا کہنا تھا کہ ورلڈ ٹی ٹوئنٹی دو ہزار سولہ کیلئے کسی کو بھی تجرباتی طور پر آرام دیا جاسکتا ہے تاکہ نوجوان کھلاڑیوں کو کھیلنے کا موقع مل سکے۔

    شاہد آفریدی نے کہا کہ دورہ زمبابوے میں سینئر کرکٹرز کی جگہ نئے ٹیلنٹ کا آزمایا جائیگا، آفریدی نے لیجنڈری فاسٹ بولر وسیم اکرم کی گاڑی پر ہونے والی فائرنگ کے واقعے پر بھی افسوس کا اظہار کیا ہے۔

  • کیسنر کے مرض میں مبتلا انواراللہ کی شاہد آفریدی سے ملاقات

    کیسنر کے مرض میں مبتلا انواراللہ کی شاہد آفریدی سے ملاقات

    کراچی: آل راؤنڈر شاہد آفریدی نے کینسر کے موذی مرض میں مبتلا کراچی کے انوار اللہ کی دوائیوں کے اخراجات برداشت کرنے کا فیصلہ کیا ہے۔

     بوم بوم آفریدی نے کینسر کے موذی مرض میں مبتلا سترہ سالہ انوار اللہ سے اپنی رہائش گاہ پر ملاقات کی، میٹرک کے طالب علم میں ایک سال قبل کینسر کا مرض تشخیص ہوا اور اب یہ کرکٹ لوور زندگی کی آخری گھڑیاں دیکھ رہا ہے۔

    شاہد آفریدی نے اپنے پرستار کے علاج و معالج کے اخراجات برداشت کرنے کیساتھ پانچ لاکھ روپے کا چیک بھی دیا ہے۔

     آفریدی کا کہنا ہے کہ کینسر کا مرض پاکستان میں تیزی سے پھیل رہا ہے، عمران خان سے درخواست کرتا ہوں شوکت خانم کراچی میں بھی بنائیں۔

     انوار اللہ کا کہنا تھا کہ وہ آفریدی سے ملنے کے خواہشمند تھے، کرکٹ کیساتھ انھیں پاکستان آرمی سے بھی محبت ہے۔

  • آئندہ سال ورلڈ ٹی 20 کیرئیر کا آخری ایونٹ ہے، شاہد آفریدی

    آئندہ سال ورلڈ ٹی 20 کیرئیر کا آخری ایونٹ ہے، شاہد آفریدی

    کراچی: پاکستان ٹی ٹوئنٹی ٹیم کے کپتان شاہد آفریدی کا کہنا ہے کہ ورلڈ ٹی ٹوئنٹی دوہزار سولہ انکا آخری انٹرنیشنل ایونٹ ہوگا, ریٹائرمنٹ کے بعد وہ کاؤنٹی اور لیگ کرکٹ کھیلتے رہینگے۔

    کراچی میں میڈیا سے گفتگو کرتے ہوئے بوم بوم آفریدی کا کہنا تھا کہ آئندہ سال ہونے والا ورلڈ ٹی ٹوئنٹی انکے کیرئیر کا آخری ایونٹ ہے،کیرئیر کا اختتام خوشگوار یادوں کے ساتھ کرنا چاہتا ہوں۔

     آفریدی کے مطابق وہ دو سال پہلے واضح کرچکے تھے کہ اگر کرکٹ بہتر نہ بنائی گئی تو کمزور حریفوں سے بھی شکست کھا سکتے ہیں۔

    آل راؤنڈ کا کہنا تھا کہ کوانٹیٹی کے بجائےکوالٹی بہترہونی چاہیئے، عالمی کرکٹ تیزی سے تبدیلی آئی ہے، اب پاکستان کرکٹ کو بھی تبدیل ہونا پڑیگا۔

  • بنگلہ دیش کی ٹیم خطرناک ثابت ہوسکتی ہے، شاہد آفریدی

    بنگلہ دیش کی ٹیم خطرناک ثابت ہوسکتی ہے، شاہد آفریدی

    لاہور : شاہد آفریدی نے بنگلہ دیش کی ٹیم کو خطرناک قرار دے دیا۔

    تفصیلات کے مطابق قومی ٹی ٹونٹی کرکٹ ٹیم کے کپتان شاہد آفریدی نے کہا ہے کہ بنگلہ دیش کی ٹیم ہوم گراؤنڈ پر خطرناک ثابت ہوسکتی ہے۔وہ لاہور میں میڈیا سے گفتگو کررہے تھے

    ان کا کہنا تھا کہ اظہرعلی کو ون ڈے ٹورنا منٹ میں قومی قیادت ٹیم کی قیادت جارحانہ انداز میں کرنی چاہیئے، لاہور کے علاقے گلبرگ میں ریسٹورنٹ کے افتتاح کے موقع پر میڈیا سے گفتگو میں شاہد آفریدی نے کہا کہ بنگلہ دیش کی ٹیم نے ورلڈ کپ میں اچھا پرفارم کیا ۔

    انہوں نے کہا کہ بنگلہ دیش کی ٹیم ہوم گراؤنڈ پر خطرناک ثابت ہوسکتی ہے۔اس لئے ون ڈے میں اظہر علی کو جارحانہ انداز میں کپتانی کرنی چاہیئے۔

    انہوں نے کہا کہ ٹی ٹونٹی کے لئے دس سے بارہ لڑکوں کی کلیئرنس لینی پڑے گی تاکہ ٹی ٹونٹی اسکواڈ تیار ہوجائے۔

    ایک سوال کے جواب میں شاہد آفریدی کا کہنا تھا کہ ڈومیسٹک کرکٹ کو مکمل اختیارات کے ساتھ مصباح اور یونس کے حوالے کردیا جائے۔