ARYNews.tv | Urdu – Har Lamha Bakhabar

Tag: شاہد آفریدی

  • سری لنکن فاسٹ بولر ملنگا نے شاہد آفریدی کا ریکارڈ توڑ دیا

    سری لنکن فاسٹ بولر ملنگا نے شاہد آفریدی کا ریکارڈ توڑ دیا

    کولمبو: سری لنکا کے مایہ ناز فاسٹ بولر لیستھ ملنگا نے شاہد خان آفریدی کا ریکارڈ توڑ دیا۔

    تفصیلات کے مطابق گزشتہ روز سری لنکا کے فاسٹ بولر لیستھ ملنگا نے ٹی ٹوینٹی میں سب سے زیادہ وکٹیں حاصل کرنے کا اعزاز اپنے نام کرلیا۔

    ملنگا ٹی ٹوینٹی میں 99 وکٹیں حاصل کرچکے ہیں، رائٹ آرم فاسٹ بولر نے یہ ریکارڈ نیوزی لینڈ کے خلاف میچ میں بنایا۔

    واضح رہے کہ لیستھ ملنگا نیوزی لینڈ کے خلاف کھیلی جانے والی تین میچوں کی ٹی ٹوینٹی سیریز میں ٹیم کی قیادت کررہے ہیں، انہوں نے ٹی ٹوینٹی کیریئر کا آغاز 2006 میں انگلینڈ کے خلاف کیا تھا۔

    ملنگا اپنے منفرد بولنگ ایکشن کی وجہ سے شہرت رکھتے ہیں، انہوں نے 30 ٹیسٹ میچز میں 101، 226 ون ڈے میچز میں 226 کھلاڑیوں کو پویلین کی راہ دکھائی ہے۔

    اس سے قبل ٹی ٹوینٹی میں سب سے زیادہ وکٹوں کا ریکارڈ شاہد آفریدی کے پاس تھا، بوم بوم نے ٹی ٹوینٹی میں 98 وکٹیں حاصل کی تھیں۔

    گزشتہ روز کھیلے جانے والے میچ میں نیوزی لینڈ سری لنکا کو شکست دی تھی جبکہ لیستھ ملنگا نے دو وکٹیں حاصل کی تھیں۔

    یاد رہے کہ سری لنکا کی ٹیم ون ڈے اور ٹی ٹوینٹی سیریز کے لیے رواں ماں کے آخر میں پاکستان پہنچے گی، لاہور میں تین ٹی ٹوینٹی میچز کی سیریز کھیلی جائے گی جبکہ کراچی ون ڈے سیریز کی میزبانی کرے گا۔

  • ’بولنگ نہیں کرنی کیا‘ شاہد آفریدی اور وہاب ریاض کی ویڈیو وائرل

    ’بولنگ نہیں کرنی کیا‘ شاہد آفریدی اور وہاب ریاض کی ویڈیو وائرل

    میڈرڈ: گلوبل ٹی ٹوینٹی لیگ میں بوم بوم آفریدی نے شاندار پرفارمنس کا مظاہرہ کیا، میچ کے دوران شاہد آفریدی اور وہاب ریاض کے دوران دلچسپ مکالمہ ہوا جس کی ویڈیو وائرل ہوگئی۔

    تفصیلات کے مطابق گلوبل ٹی ٹوینٹٰی لیگ میں شاہد آفریدی نے برامپٹن وولوز کی نمائندگی کرتے ہوئے 40 گیندوں پر 81 رنز بنائے تھے، بیٹنگ کے دوران وہاب ریاض اور آفریدی کے درمیان دلچسپ جملوں کا تبادلہ ہوا جو اسٹمپڈ پر لگے مک میں محفوظ ہوگیا۔

    شاہد آفریدی نے بولرز کی درگت بنائی اور آخری گیند پر صرف ایک رن بنایا، وہاب ریاض نے دوسرا رن لینے کا کہا تھا تو آفریدی بولے بولنگ نہیں کرنی ہے کیا۔

    واضح رہے کہ پاکستانی کرکٹر گلوبل ٹی ٹوینٹی لیگ کھیل رہے ہیں جن میں شاہد خان آفریدی، وہاب ریاض، لیگ اسپنر شاداب خان نمایاں ہیں۔

    گلوبل ٹی ٹوینٹی لیگ میں شاہد خان آفریدی نے بولرز کو دھو ڈالا ، بوم بوم نے پانچ بلند و بالا چھکوں اور دس چوکوں کی مدد سے صرف 40 گیندوں پر 81 رنز بنائے تھے۔

    شاہد خان آفریدی نے اپنے چار اوورز میں صرف 14 رنز دے کر ایک وکٹ بھی حاصل کی تھی۔

    شاہد آفریدی کو شاندار آل راؤنڈ کارکردگی کا میچ کا بہترین کھلاڑی قرار دیا گیا تھا، جس پر آفریدی نے ٹویٹ کرتے ہوئے کہا تھا کہ ’شیر ابھی زندہ ہے۔‘

  • گلوبل ٹی ٹوینٹی لیگ، بوم بوم آفریدی کی دھوم، بولرز کی درگت بنادی

    گلوبل ٹی ٹوینٹی لیگ، بوم بوم آفریدی کی دھوم، بولرز کی درگت بنادی

    اوٹاوا: کینیڈا میں جاری گلوبل ٹی ٹوینٹی لیگ میں بوم بوم آفریدی نے دھوم مچادی، آفریدی کی دھواں دھار بیٹنگ کی بدولت برامپٹن وولوز نے مونٹریال ٹائیگرز کو 10 وکٹوں سے آؤٹ کلاس کردیا۔

    تفصیلات کے مطابق گلوبل ٹی ٹوینٹی لیگ میں شاہد خان آفریدی نے بولرز کو دھو ڈالا، بوم بوم نے پانچ بلند و بالا چھکوں اور دس چوکوں کی مدد سے صرف 40 گیندوں پر 81 رنز بنا ڈالے۔

    مونٹریال ٹائیگرز کی ٹیم 18.2 اوورز میں 101 رنز پر ڈھیر ہوگئی، ایش سودھی نے 6 رنز دے کر پانچ وکٹیں حاصل کیں۔

    وولوز نے ہدف 6.4 اوورز میں بغیر کسی نقصان کے پورا کرلیا، شاہد خان آفریدی کو شاندار اننگز کھیلنے پر میچ کا بہترین کھلاڑی قرار دیا گیا۔

    دوسرے میچ میں شاداب خان کی ٹیم ٹورنٹو نیشنلز کو ایڈمنٹن رائلز کے خلاف 2 وکٹوں سے شکست کا سامنا کرنا پڑا، شاداب خان کی آل راؤنڈ کارکردگی بھی ٹیم کو شکست سے نہ بچاسکی، محمد حفیظ نے 16 گیندوں پر 17 رنز بنائے۔

    میچ 19 اوورز تک محدود کردیا گیا تھا پہلے بیٹنگ کرتے ہوئے ٹورنٹو نیشنلز نے 6 وکٹ پر 191 رنز بنائے، شاداب خان نے 17 گیندوں پر 36 رنز کی اننگز کھیلی۔

    فاتح ٹیم نے ہدف 17.5 اوورز میں 8 وکٹ پر حاصل کرلیا، ہینریچ کلیسن 45، یووراج سنگھ 35 اور منپریت گونی نے 33 رنز بنائے، شاداب خان نے 42 رنز دے کر دو وکٹیں لیں جبکہ محمد حفیظ نے ایک کھلاڑی کو آؤٹ کیا۔

  • وزیراعظم عمران خان سے سابق کرکٹر شاہد آفریدی کی ملاقات

    وزیراعظم عمران خان سے سابق کرکٹر شاہد آفریدی کی ملاقات

    اسلام آباد: وزیراعظم عمران خان سے سابق کپتان قومی کرکٹ ٹیم شاہد آفریدی نے ملاقات کی۔

    تفصیلات کے مطابق وزیراعظم عمران خان سے سابق کرکٹر شاہد آفریدی نے ملاقات کی جس میں غریب، محنت کش، مستحقین موضوع بحث رہے۔

    وزیراعظم سے ملاقات میں شاہد آفریدی نے انسانیت کی خدمت کے عزم کا اظہار کیا۔

    اس موقع پر شاہد خان آفریدی کا کہنا تھا کہ خیبرپختونخوا سمیت پورے پاکستان میں غریبوں کے لیے پناہ گاہیں بنانا میرا مشن ہے، غریبوں اور بے سہارا لوگوں کے لیے شیلٹر ہومز بنانا چاہتا ہوں، پناہ گاہیں کاروباری افراد اور دوستوں کے ساتھ مل کر بناؤں گا۔

    شاہد خان آفریدی نے وزیراعظم عمران خان سے فاٹا کے نوجوانوں کے لیے کرکٹ اکیڈمی بنانے کی بھی درخواست کی۔

    وزیراعظم عمران خان نے شاہد آفریدی کی انسانیت کی خدمت کے جذبے کی تعریف کرتے ہوئے کہا کہ وہ خوش قسمت لوگ ہوتے ہیں جو بے سہارا، نادار لوگوں کی خدمت کا عملی مظاہرہ کرتے ہیں، شیلٹر ہوم کا دائرہ پورے ملک میں پھیلائیں گے۔

    شاہد آفریدی کا آئی ایس پی آر میں انٹرن شپ پر آئے نوجوانوں سے خطاب

    شاہد آفریدی نے آئی ایس پی آر میں انٹرن شپ پر آئے نوجوانوں سے خطاب کرتے ہوئے کہا کہ پاکستان کے مستقبل کے معماروں سے مل کر بہت خوش ہوں، مقاصد کے حصول کے لیے یہ اچھا پلیٹ فارم ہے۔

    آفریدی نے کہا کہ صرف محنت سے ہی خوابوں کو حقیقت میں بدلا جاسکتا ہے، اپنے مستقبل کے اہداف کے لیے خواب دیکھنا اچھی بات ہے، نوجوان پاکستان کے مستقبل کی امید ہیں۔

  • ’’ آفریدی کی کارکردگی ٹیم کی فتح کے لیے ضروری تھی ہے اور رہے گی‘‘

    ’’ آفریدی کی کارکردگی ٹیم کی فتح کے لیے ضروری تھی ہے اور رہے گی‘‘

    کراچی: قومی کرکٹ ٹیم کے سابق کپتان شاہد خان آفریدی نے کہا ہے کہ ٹیم کی کامیابی کے لیے آفریدی کی کارکردگی بہت ضروری ہے۔

    تفصیلات کے مطابق لیڈز میں کھیلے جانے والے میچ میں شاہین آفریدی نے ایک بار پھر عمدہ باؤلنگ کرتے ہوئے چار وکٹیں حاصل کیں، قومی ٹیم کے باؤلرز نے افغانستان کو مختصر ہدف تک محدود رکھا۔

    یاد رہے کہ شاہین آفریدی نے نیوزی لینڈ کے خلاف میچ میں بھی شاندار کارکردگی کا مظاہرہ کرتے ہوئے تین اہم وکٹیں حاصل کی تھیں۔

    قومی کرکٹ ٹیم کے سابق کپتان نے نوجوان باؤلر کی کارکردگی کو سراہنے کے لیے سماجی رابطے کی ویب سائٹ پر پیغام شیئر کی۔ اُن کا کہنا تھا کہ شاہین آفریدی کی ماضی، موجودہ اور مستقبل میں کارکردگی ٹیم کی فتح کے لیے لازم ہے۔

    انہوں نے کہا کہ ’’شاہین آفریدی نے شاندار باؤلنگ کی ، اب اُن بلے بازوں کے لیے نادر موقع ہے کہ جو ابھی تک ایونٹ میں پرفارم نہ کرسکے وہ اچھی بیٹنگ کر کے ٹیم کو فتح دلوائیں‘‘۔

    یاد رہے کہ پاکستانی ٹیم لیڈز اسٹیڈیم میں افغانستان کے خلاف اپنا اہم میچ کھیل رہی ہے، قومی ٹیم کے باؤلرز نے شاندار کارکردگی کا مظاہرہ کیا جس کی وجہ سے افغان ٹیم 227 رنز تک مختصر رہی۔

    شاہین آفریدی نے گلبدین نائب، حشمت اللہ شاہدی، راشد خان، نجیب اللہ زادران کی وکٹیں حاصل کیں جبکہ عماد وسیم اور وہاب ریاض نے دو دو اور شاداب نے ایک کھلاڑی کو پویلین روانہ کیا۔

  • اسپاٹ فکسنگ کے بعد شاہد آفریدی نے محمد عامر کو تھپڑ مارا تھا؟

    اسپاٹ فکسنگ کے بعد شاہد آفریدی نے محمد عامر کو تھپڑ مارا تھا؟

    کراچی: سابق اسٹار آل راؤنڈر پاکستان کرکٹ ٹیم شاہد خان آفریدی نے کہا ہے کہ میں نے اسپاٹ فکسنگ کے بعد ہوٹل کے کمرے میں بلا کرمحمد عامر کو تھپڑ نہیں مارا تھا، عبدالرزاق نے کہا آواز آئی تھی تو میں نے ان سے کہا بھائی بولنے سے پہلے مجھ سے پوچھ ہی لیتے۔

    تفصیلات کے مطابق سابق کپتان قومی کرکٹ ٹیم شاہد خان آفریدی نے اے آر وائی نیوز کے پروگرام ’ہر لمحہ پرجوش‘ میں شرکت کی اور میزبان وسیم بادامی کے معصومانہ سوالات کے جواب دئیے۔

    شاہد آفریدی نے کہا کہ بنگلہ دیش بہت مضبوط ٹیم ہے، سیمی فائنل کا ابھی کچھ نہیں کہہ سکتے، پہلے دومیچز جیتنے ہوں گے، اس کے بعد سیمی فائنل کی راہ خود ہی ہموار ہوجائے گی۔

    شاہد آفریدی نے کہا کہ سرفراز احمد سب کھلاڑیوں کو ساتھ لے کر چلنے والا کھلاڑی ہے، ہیڈ کوچ مکی آرتھر پاکستان کی تاریخ کے بہترین کوچ نہیں ہیں۔

    آفریدی نے اعتراف کیا کہ ماضی میں ٹیم میں سب کو اس وقت کے کپتان یونس خان سے مسائل تھے، میں نے کھلاڑیوں سے کہا یونس کے پاس لے چلتا ہوں ان کے سامنے تحفظات رکھ دیں تو کھلاڑیوں نے کہا کہ ہمیں چیئرمین کرکٹ بورڈ اعجاز بٹ سے بات کرنی ہے۔

    جاوید میانداد کو اپنی کتاب گیم چینجر میں چھوٹا آدمی کہنا صحیح تھا کے سوال کے جواب میں آفریدی نے کہا کہ ففٹی ففٹی، سعید اجمل یونس کو ہٹانے پر حلف لینے کی جو بات کہہ رہے ہیں وہ کتاب میں لکھ چکا ہوں، میرا یونس کو کپتانی سے ہٹانے کا کوئی ارادہ نہیں تھا۔

    ایک سوال کے جواب میں شاہد آفریدی نے کہا کہ حکومت بہتر کرنے کے لیے عمران خان کو تھوڑا ٹائم دینا چاہئے، میں نے اپنی کتاب میں وزیراعظم کو تقریباً دو سال دئیے ہیں، عمران خان کرکٹ کے بعد سیاست میں آئے اور بہت محنت کی۔

    شاہد آفریدی نے کہا کہ بلاول بھٹو میں بہت میچوریٹی آئی ہے میری خواہش ہے کہ بلاول اپنی والدہ کے نقش قدم پر چلیں جبکہ پرویز مشرف نے اپنے دو تین سال ملک میں کچھ بہتری کی تھی۔

    انہوں نے کہا کہ میں کبھی سیاست جماعت نہیں بناؤں گا البتہ کسی سیاسی جماعت میں شمولیت اختیار کر بھی سکتا ہوں اور نہیں بھی۔

    سابق کپتان کا کہنا تھا کہ ایک وقت ایسا بھی تھا جب والد کے پیسے اسٹاک ایکسچینج میں ڈوب گئے تھے اور میں نے چھپ کر والدین کو روتا ہوا دیکھا تو اللہ سے دعا کی کہ یا اللہ مجھے بڑا کرکٹر بنادے اور اللہ تعالیٰ نے میری دعا قبول کرلی، ان سب حالات میں میرے والدین نے کبھی کسی کے آگے ہاتھ نہیں پھیلائے۔

  • کتاب میں عمر سے متعلق بھارتی پبلشر نے سازش کی، شاہد آفریدی

    کتاب میں عمر سے متعلق بھارتی پبلشر نے سازش کی، شاہد آفریدی

    کراچی: بوم بوم آفریدی نے کہا ہے کہ وقار یونس سے کوئی ذاتی مسئلہ نہیں ہے، کتاب میں بھارتی پبلشر نے غلط عمر درج کردی۔

    تفصیلات کے مطابق کراچی کے شاپنگ مال میں شاہد آفریدی کی کتاب ’گیم چینجر‘ کی تقریب رونمائی ہوئی جس کے بعد انہوں نے میڈیا سے گفتگو کرتے ہوئے کہا کہ کتاب میں بھارتی پبلشر نے غلط عمر درج کردی جسے آئندہ ایڈیشن میں درست کردیا جائے گا۔

    عمر کے تنازع پر آفریدی کا کہنا تھا کہ میری پیدائش 1977 کی ہے، کتاب میں میری عمر 1975 تحریر ہے لیکن 1977 میں پیدا ہوا، کتاب کی ای کاپی میں درست عمر تحریر ہے۔

    واضح رہے کہ بوم بوم آفریدی کی پیدائش آفیشل سال 1980 ہے۔

    مزید پڑھیں: آفریدی کی کتاب ’گیم چینجر‘ کی کراچی میں رونمائی، مداح کو کتاب کا تحفہ

    سن 2010 میں ہونے والے فکسنگ تنازع کے حوالے سے آفریدی کا کہنا تھا کہ میچ فکسنگ سے متعلق ٹیم مینجمنٹ کو بتادیا تھا لیکن کسی نے اس پر کان نہ دھرے۔

    انہوں نے کہا کہ وزیراعظم عمران خان پوری قوم کی امید ہیں، تمام سینئرز کی عزت کرتا ہوں اگر کسی کے بارے میں منفی بات کی ہے تو اس کے بارے میں مثبت حقائق بھی بیان کیے ہیں، سابق کپتان وقار یونس سے میرا کوئی ذاتی مسئلہ نہیں رہا، اختلافات تو بھائیوں میں بھی ہوجاتے ہیں۔

    سابق اسٹار آل راؤنڈر نے گوتم گھمبیر کو کرارا جواب دیتے ہوئے کہا کہ گوتم کا علاج ہمارے اسپتال میں زیادہ اچھا ہوسکتا ہے۔

    ان کا کہنا تھا کہ بھارت ہمارے لوگوں کو ویزے جاری نہیں کرتا مگر میرے گوتم کو یہاں کا ویزہ لگوا کر دوں گا۔

  • عمران خان کو بطور وزیراعظم ہمیں سپورٹ کرنا چاہئے، جاوید میانداد

    عمران خان کو بطور وزیراعظم ہمیں سپورٹ کرنا چاہئے، جاوید میانداد

    کراچی : نامور سابق کرکٹر جاوید میانداد نے کہا ہے کہ عمران خان کو بطور وزیراعظم ہمیں سپورٹ کرنا چاہئے، بیٹنگ نہ کرانے پر آفریدی کو غصہ ہے تو مجھے معاف کردیں۔

    ان خیالات کا کاظہار انہوں نے کراچی پریس کلب میں پریس کانفرنس سے خطاب کرتے ہوئے کیا۔ انہوں نے کہا کہ پاکستان کا سب سے بڑا مسئلہ یہی رہا ہے کہ لوگوں نے اسے لوٹا، وہی ملک ترقی کرتا ہے جس کے عوام میں جیت کا جذبہ ہو، پاکستان میں چندہ جمع کر کے کیا چیز نہیں بن سکتی؟

    اوورسیز پاکستانیوں کو آزما چکے ہیں، پہلے لوگوں نے ان سے مدد مانگی اور کام نہیں کیا۔ تمام پاکستانیوں سے کہتا ہوں کمیٹیاں ڈال کر مسائل حل کریں، جاوید میانداد نے تجویز پیش کی کہ200،100روپے چندہ لے کر ہم کراچی کی سڑکیں ٹھیک کرسکتے ہیں، ہمارے ہاں سب سے بڑا مسئلہ سفارش کا ہے، اس ملک میں لوگوں کے پاس عقل تو بہت ہے لیکن پیسہ نہیں۔

    جاوید میانداد کا مزید کہنا تھا کہ میں نے کہا ہے کہ ملک کیلئے میری تمام خدمات حاصل ہیں، جہانگیرخان بھی حاضر ہیں، وہ بھی اپنی خدمات دیں گے،

    ایک سوال کے جواب میں میانداد نے کہا کہ بیٹنگ نہ کرانے پر شاہد آفریدی کو اگر غصہ ہے تو وہ مجھے معاف کردیں، ہوسکتا ہے انجانے میں مجھ سے کچھ غلطیاں ہوئی ہوں

    صلاح الدین بھائی مل جائیں توان سے شاہد آفریدی کا پوچھنا، میرے انڈر بہت سے لڑکے کھیلے ان سے پوچھیں کہ میں کیسا تھا، اس کے علاوہ سعید انور بھائی اور دیگر بہت سے کھلاڑی ہیں ان سے میرے بارے میں پوچھ لیں، کتاب والوں کو تو مصالحہ چاہئے ہوتا ہے۔

    انہوں نے کہا کہ مجھے ہمیشہ عزت ملی ہے اور اچھی عزت ملی ہے، جب میں بیٹنگ کرنے جاتا تھا تو عوام کہتی تھی کہ اب ٹینشن ختم ہوگئی، آپ لوگوں کی دعائیں میرےساتھ ہوتی تھیں۔

  • آفریدی کی کتاب ’گیم چینجر‘ کی کراچی میں رونمائی، مداح کو کتاب کا تحفہ

    آفریدی کی کتاب ’گیم چینجر‘ کی کراچی میں رونمائی، مداح کو کتاب کا تحفہ

    کراچی: سابق اسٹار آل راؤنڈر شاہد خان آفریدی نے کہا ہے کہ 2015 میں کرکٹ ختم ہوئی تو صرف فینز کے لیے کتاب لکھنے کا سوچا، اپنے مداحوں کو اصل عمر بتانا مقصد تھا چاہے میرا ریکارڈ کیوں نہ چلا جائے۔

    تفصیلات کے مطابق شاہد آفریدی کی کتاب ’گیم چینجر‘ کی رونمائی کراچی کے شاپنگ مال میں ہوئی، اس موقع پر کتاب لکھنے والے وجاہت ایس خان ودیگر کھلاڑی اور مداحوں کی بڑی تعداد موجود تھی۔

    بوم بوم آفریدی نے اپنے نمبر ون فین محمد عمر کو کتاب کا تحفہ پیش کیا، شاہد آفریدی نے کہا کہ محمد عمر معذور ہونے کے باوجود میرے سب سے بڑے مداح ہیں۔

    انہوں نے کہا کہ ٹی پر میری عمر 45 بنادی گئی ہے، اپنے مداحوں کو اصل عمر بتانا مقصد تھا چاہے میرا ریکارڈ کیوں نہ چلا جائے، آن لائن بک بھی دستیاب ہے اس میں سب کچھ ملے گا۔

    مزید پڑھیں: یونس خان کے خلاف بغاوت کس نے کی؟ شاہد آفریدی نے کہانی بے نقاب کردی

    شاہد آفریدی نے اپنی کتاب گیم چینجر میں انضمام الحق کے احتجاجاً اوول ٹیسٹ کے بائیکاٹ کے فیصلے کو غلط اور سابق آسٹریلین امپائر ڈیرل ہیئر کو نسل پرست قرار دیا۔

    بوم بوم نے لکھا کہ 2006 میں انضمام کا اوول ٹیسٹ کے واک آؤٹ کا فیصلہ درست نہیں تھا، واک آؤٹ سے بہتر تھا امپائر کے فیصلے پر میڈیا یا آئی سی سی سے رجوع کیا جاتا۔

    انہوں نے کتاب گیم چینجر میں اوول ٹیسٹ کے امپائر ڈیرل ہیئر کو بھی آڑے ہاتھوں لیتے ہوئے نفرت سے بھرے ہوئے نسل پرست انسان قرار دیا۔

  • گیم چینجر: بوم بوم کی بھارتی کرکٹر گوتم گمبھیر پر کڑی تنقید

    گیم چینجر: بوم بوم کی بھارتی کرکٹر گوتم گمبھیر پر کڑی تنقید

    کراچی: پاکستان کرکٹ ٹیم کے سابق کپتان بوم بوم شاہد آفریدی بھارتی کرکٹر گوتم گمبھیر پر برس پڑے.

    تفصیلات کے مطابق اپنی کتاب گیم چینجر میں جہاں شاہد آفریدی نے اپنے ساتھی کرکٹرز سے متعلق سنسنی خیز انکشافات کیے، وہیں انھوں نے بھارتی اوپنر کو بھی آڑے ہاتھ لیا.

    آفریدی نے ایشیا کپ میں ہونے والے واقعے کا حوالے دیتے ہوئے کہا کہ اس میچ میں ان میں اور بھارتی کھلاڑی میں‌ سخت تلخ کلامی ہوئی، ایک دوسرے کے اہل خانہ کو بھی نہیں بخشا.

    ان کا کہنا تھا کہ گمبھیر کی کوئی شخصیت نہیں، اس کے باوجود ان کا رویہ متکبرانہ ہے. گمبھیر جیسے افراد کو کراچی میں ہم "سڑیل” کہتے ہیں.

    آفریدی لکھتے ہیں کہ بھارتی اوپنر گمبھیرکے ساتھ رویے کا مسئلہ تھا، ان کا برتاؤ منفی تھا، سابق اوپنر کا کوئی ریکارڈ نہیں، مگر خود کو ڈان بریڈ میں سمجھتے ہیں۔

    مزید پڑھیں: شاہد آفریدی کی کتاب ’گیم چینجر‘ کے اقتباسات منظرعام پر آگئے، سابق کھلاڑیوں پر تنقید

    خیال رہے کہ سابق کپتان کی کتاب آج کل اسپورٹس کے حلقوں میں زیر بحث ہے. کتاب میں انھوں نے کھلے ڈلے انداز میں اپنے ساتھی کرکٹرز پر  تنقید کی ہے.

    بوم بوم نے جاوید میاں کو چھوٹا آدمی قرار دیا، وقار یونس اور وسیم اکرم کے اختلافات اور یونس خان کے خلاف سازش کا تذکرہ کیا.