ARYNews.tv | Urdu – Har Lamha Bakhabar

Tag: شاہد آفریدی

  • شاہد آفریدی کی کتاب ’گیم چینجر‘ کے اقتباسات منظرعام پر آگئے، سابق کھلاڑیوں پر تنقید

    شاہد آفریدی کی کتاب ’گیم چینجر‘ کے اقتباسات منظرعام پر آگئے، سابق کھلاڑیوں پر تنقید

    کراچی: سابق اسٹار آل راؤنڈر شاہد خان آفریدی کی کتاب گیم چینجر کے اقتباسات منظر عام پر آگئے جس میں سابق کپتان و کھلاڑیوں پر تنقید کی گئی ہے۔

    تفصیلات کے مطابق سابق کپتان بوم بوم آفریدی کی کتاب گیم چینجر کے اقتباسات منظرعام پر آگئے، کتاب میں آفریدی نے سابق کوچز جاوید میاں داد اور وقار یونس کو آڑے ہاتھوں لیا ہے، جاوید میاں داد کو چھوٹا آدمی قرار دے دیا۔

    آفریدی نے اپنی کتاب میں سیاست، ون مین شو، پسند ناپسند اور قیادت کے لیے مارا ماری، پاکستانی کرکٹ میں کیا کیا ہوتا رہا،  اور سابق کھلاڑیوں سے متعلق سنسنی خیز انکشافات کیے ہیں۔

    [bs-quote quote=”سن 2003 میں وسیم اکرم اور وقار یونس میں قیادت کے لیے جنگ تھی، ٹیم میں دو گروپس بنے ہوئے تھے” style=”style-8″ align=”left”][/bs-quote]

    شاہد آفریدی نے سابق کوچ اور لیجنڈری بلے باز جاوید میاں داد کو چھوٹا آدمی قرار دیتے ہوئے کہا کہ انہیں میرا بیٹنگ کا اسٹائل پسند نہیں تھا، بھارت کے خلاف پہلے ٹیسٹ میں وسیم اکرم نے زبردستی شامل کرایا لیکن جب سنچری بنائی تو بولے میری تعریف کردینا۔

    بورے والا ایکسپریس وقار یونس کو عام درجہ کا کپتان اور ہولناک کوچ قرار دیا، آفریدی کا کہنا تھا کہ وقار یونس نے کبھی ٹیم کو یکجا نہیں کیا، وقار یونس ڈریسنگ روم میں سیاست کو ختم کرنے کے لیے کبھی نہیں لڑے۔

    آفریدی نے انکشاف کیا کہ 2003 میں وسیم اکرم اور وقار یونس میں قیادت کے لیے جنگ تھی، ٹیم میں دو گروپس بنے ہوئے تھے واضح رہے کہ 2003 کے ورلڈ کپ میں قومی ٹیم پہلے راؤنڈ میں ہی باہر ہوگئی تھی اور وسیم اکرم، وقار یونس اور معین خان کے کیریئر کا اختتام ہوگیا تھا۔

    عمران خان کے بارے میں آفریدی نے کہا کہ وہ کسی کو اپنی کپتانی میں پسند نہیں کرتے تھے، لیڈر شپ کا اسٹائل محاذ آرائی والا تھا لیکن پرسنل نہیں ہوتے تھے اسی انداز میں کابینہ چلا رہے ہیں۔

    یاد رہے کہ اسٹار آل راؤنڈر شاہد آفریدی کی کتاب کی تقریب رونمائی ہفتہ 4 مئی کو کراچی میں ہوگی۔

  • سری لنکا میں دہشت گردی پر قومی کرکٹرز بھی افسردہ

    سری لنکا میں دہشت گردی پر قومی کرکٹرز بھی افسردہ

    کراچی: سری لنکا میں ہونے والے خودکش دھماکوں کے نتیجے میں 200 سے زائد افراد کی ہلاکت پر قومی کرکٹرز بھی افسردہ ہیں۔

    تفصیلات کے مطابق سری لنکا میں ہونے والے خودکش دھماکوں پر قومی کرکٹرز بھی افسردہ ہیں، اسٹار کرکٹرز نے اپنے ٹویٹس میں واقعے کی مذمت کی ہے۔

    سری لنکا میں ہونے والی دہشت گردی پر قومی کرکٹ ٹیم کے کپتان سرفراز احمد نے لکھا کہ ٹریننگ سیشن سے واپس آیا تو مجھے اس سانحہ کا علم ہوا، ہماری دعائیں سری لنکن عوام کے ساتھ ہیں، اس مشکل وقت میں سری لنکن عوام کے غم میں برابر کے شریک ہیں۔


    وہاب ریاض نے سانحہ سری لنکا کی مذمت کرتے ہوئے کہا کہ ہماری دعائیں سری لنکن عوام کے ساتھ ہیں، اس مشکل گھڑی میں تمام پاکستانی سری لنکن عوام کے ساتھ ہیں۔


    محمد حفیظ نے کہا کہ سری لنکا میں ہونے والی دہشت گردی نے افسردہ کردیا، ہماری دعائیں سانحے میں اپنے پیاروں کو کھو دینے والوں کے ساتھ ہیں۔


    شاہد خان آفریدی نے سری لنکا میں ہونے والے خودکش دھماکوں کی مذمت کرتے ہوئے کہا کہ میری دعائیں سری لنکن بھائی بہنوں کے ساتھ ہیں، انسانیت اور اتحاد سے ہم مل کر دہشت گردی کو شکست دے سکتے ہیں۔


    واضح رہے کہ سری لنکا میں ایسٹر کے موقع پر 3 گرجا گھروں اور چار ہوٹلوں میں یکے بعد دیگرےآٹھ دھماکے ہوئے، جس کے نتیجے میں 200 سےزائدافراد ہلاک جبکہ سینکڑوں زخمی ہوگئے۔

    پولیس کے مطابق ہلاک ہونے والوں میں 35 غیر ملکی بھی شامل ہیں، جن میں امریکی، برطانوی اور نیدر لینڈز کے شہری شامل ہیں۔

    سری لنکن وزیراعظم نے ملک میں ہونے والے دھماکوں کی مذمت کرتے ہوئے اسے بزدلانہ اقدام قرار دے دیا۔

  • کرائسٹ چرچ دہشت گرد حملہ، کرکٹ ستارے بھی نمازیوں کی شہادت پر اشکبار

    کرائسٹ چرچ دہشت گرد حملہ، کرکٹ ستارے بھی نمازیوں کی شہادت پر اشکبار

    کراچی: نیوزی لینڈ کے شہر کرائسٹ چرچ میں ہونے والے حملے کے بعد دنیائے کرکٹ سے تعلق رکھنے والی شخصیات نے سوشل میڈیا پر ردعمل دیتے ہوئے مذمت کا اظہار کیا ہے۔

    سماجی رابطے کی ویب سائٹ ٹویٹر کھلاڑیوں نے کرائسٹ چرچ حملے کی مذمت کرتے ہوئے متاثرہ افراد کے ساتھ ہمدردی اور شہید ہونے والوں کے لیے دعائے مغفرت کی ہے۔

    شاہد آفریدی

    قومی کرکٹ ٹیم کے سابق کپتان شاہد خان آفریدی نے اپنے ٹویٹ کہا کہ انہوں نے بنگلہ دیشی کھلاڑی تمیم اقبال سے بات کی ہے تمیم کا کہنا تھا کہ بنگلہ دیش کی ٹیم بالکل محفوظ ہے۔

    اسٹار آل راؤنڈر نے متحد ہونے کا مشورہ دیتے ہوئے کہا کہ ایک دوسرے سے نفرت بند کی جائے، دہشت گردی کا کوئی مذہب نہیں ہوتا ہے، انہوں نے کرائسٹ چرچ حادثے میں جاں بحق ہونے والے مسلمانوں کے لیے دعائے مغفرت بھی کی۔

    کمار سنگاکارا

    سری لنکن کے سابق کپتان کمار سنگاکارا کا کہنا تھا کہ وہ اس واقعے میں اپنے پیاروں کو کھو دینے والے سے اظہار ہمدردی کرتے ہیں۔

    شعیب اختر

    سابق اسپیڈ اسٹار شعیب اختر نے ویڈیو پیغام میں کہا کہ شہید ہونے والوں کے ساتھ اظہار ہمدردی ہے، ان کا کہنا تھا کہ پاکستان بھی اس طرح کے کرب سے گزشتہ 20 سالوں کے دوران گزرا ہے۔

    محمد حفیظ

    قومی کرکٹ ٹیم کے آل راؤنڈر محمد حفیظ نے کہا کہ دہشت گرد حملے کا سن کر بہت افسوس ہوا، ہمدردیاں اور دعائیں شہید ہونے والوں کے اہل خانہ کے ساتھ ہیں۔

    ان کا کہنا تھا کہ دہشت گردی ایک عالمی مسئلہ ہے جس کا کوئی مذہب نہیں ہے، ہمیں دہشت گردی پر قابو پانے کے لیے متحد ہونا پڑے گا۔

    عثمان خواجہ

    پاکستانی نژاد آسٹریلوی اوپننگ بلے باز عثمان خواجہ نے کہا کہ کرائسٹ چرچ حملے کا بہت دکھ ہے، تمام ہمدردیاں اور دعائیں مارے جانے والے افراد اور گھر والوں کے ساتھ ہیں۔

  • بھارتی میڈیا نے بیان توڑ مروڑ کر پیش کیا، کشمیریوں کو ان کا حق ملنا چاہیے: شاہد آفریدی

    بھارتی میڈیا نے بیان توڑ مروڑ کر پیش کیا، کشمیریوں کو ان کا حق ملنا چاہیے: شاہد آفریدی

    کراچی: پاکستان کرکٹ ٹیم کے سابق کپتان شاہد آفریدی کا کشمیر سے متعلق بیان پر مؤقف آ گیا، آفریدی نے ٹویٹ میں لکھا کہ بھارتی میڈیا نے بیان توڑ مروڑ کر پیش کیا۔

    تفصیلات کے مطابق پاکستان ٹیم کے سابق آل راؤنڈر شاہد خان آفریدی نے کشمیر سے متعلق اپنے بیان پر کہا ہے کہ بھارتی میڈیا نے ان کا بیان توڑ مروڑ کر پیش کیا ہے۔

    [bs-quote quote=”انسانیت کے ناطے کشمیر کو اس کا حق ملنا چاہیے۔” style=”style-7″ align=”left” color=”#dd3333″ author_name=”شاہد خان آفریدی” author_job=”سابق کپتان”][/bs-quote]

    شاہد آفریدی نے کہا کہ انھیں پاکستان سے محبت ہے اور وہ کشمیریوں کی جدوجہد کا احترام کرتے ہیں، انسانیت کے ناطے کشمیر کو اس کا حق ملنا چاہیے۔

    جارحانہ بیٹنگ کے لیے مشہور بلے باز شاہد آفریدی نے ایک اور ٹویٹ میں لکھا کہ منظرِ عام پر آنے والی ان کی ویڈیو نا مکمل اور سیاق و سباق سے ہٹ کر ہے۔

    انھوں نے لکھا کہ جو باتیں انھوں نے پہلے کہیں وہ اس ویڈیو میں موجود نہیں ہیں، کشمیر ایک متنازع مسئلہ ہے جس پر بھارت کا قبضہ ہے۔

    یہ بھی پڑھیں:  ابھرتی ہوئی نوجوان خاتون کھلاڑی ’آفریدی‘ بننے کی خواہش مند

    بوم بوم نےمزید لکھا کہ کشمیر کو اقوامِ متحدہ کی قراردادوں کے مطابق حل ہونا چاہیے۔ مجھ سمیت تمام پاکستانی آزادیٔ کشمیر کی جدوجہد کی حمایت کرتے ہیں۔ کشمیر پاکستان سے ہے۔

    واضح رہے کہ  شاہد آفریدی کی ایک نا مکمل ویڈیو میں کشمیر سے متعلق ان کا ایک بیان متنازع صورت اختیار کر گیا تھا جس پر انھوں نے اپنا مؤقف جاری کیا۔

  • شاہد آفریدی کی نیوزی لینڈ کیخلاف شاندار فتح پر قومی ٹیم کو مبارکباد

    شاہد آفریدی کی نیوزی لینڈ کیخلاف شاندار فتح پر قومی ٹیم کو مبارکباد

    کراچی : پاکستان کے سابق کپتان شاہد آفریدی نے نیوزی لینڈ کیخلاف شاندار فتح پر قومی ٹیم کو مبارکباد پیش کرتے ہوئے کہا کہ ٹیم نے آل راؤنڈ پرفارمنس دکھائی ہے۔

    سماجی رابطے کی ویب سائٹ ٹوئٹر پر اپنے پیغام میں آفریدی نے کہا کہ قومی ٹیم نے نیوزی لینڈ کیخلاف آل راؤنڈ پرفارمنس دکھائی۔ فخر زمان کو اسکورکرتا دیکھ کر بہت خوشی ہوئی۔

    شاہین آفریدی نے ایک بار پھرزبردست کارکردگی کا مظاہرہ کیا۔ شاہد آفریدی کا کہنا تھا کہ امام الحق فائٹر ہے، امید ہے جلد صحت یاب ہوجائیں گے۔

    مزید پڑھیں: دوسرا ون ڈے، پاکستان نے نیوزی لینڈ کو 6 وکٹوں سے شکست دے دی

    یاد رہے کہ چند روز قبل شاہد خان آفریدی نے کہا تھا کہ مجھے لگتا ہے پاکستان ایشیا کپ جیت جائے گا، دباؤ کے باوجود سرفراز احمد ٹیم کو بہت اچھا لے کر چل رہے ہیں، لاہور میں میڈیا سے گفتگو کرتے ہوئے ان کا کہنا تھا کہ ایشیا کپ سے پہلے پاکستان کی پرفارمنس بہت اچھی رہی۔

  • افغانستان پریمیئر لیگ، کراچی کنگز کے مالک سلمان اقبال میچ دیکھنے شارجہ پہنچ گئے

    افغانستان پریمیئر لیگ، کراچی کنگز کے مالک سلمان اقبال میچ دیکھنے شارجہ پہنچ گئے

    شارجہ: افغانستان پریمیئر لیگ کے میچز شارجہ میں جاری ہیں، کراچی کنگز کے مالک سلمان اقبال بھی افغانستان پریمیئر لیگ کا میچ دیکھنے شارجہ اسٹیڈیم پہنچے۔

    تفصیلات کے مطابق شارجہ میں افغان پریمیئر لیگ کا دسواں میچ پکتیا پینتھرز اور قندھار نائٹس کے درمیان کھیلا گیا، کراچی کنگز کے مالک سلمان اقبال نے بھی شارجہ میں میچ دیکھا۔

    کراچی کنگز کے مالک سلمان اقبال نے شارجہ اسٹیڈیم کے ایم ڈی مظہر خان اور بزنس مین عمران چوہدری کے ساتھ میچ دیکھا، دونوں شخصیات ان کے دائیں بائیں بیٹھے تھے۔

    شارجہ کے کرکٹ اسٹیڈیم میں افغان کرکٹ بورڈ کے سی ای او شفیق اسٹینک زئی بھی موجود تھے، میچ کے دوران شارجہ کرکٹ اسٹیڈیم کے وائس چیئرمین والید بُخاطر بھی سلمان اقبال کے ساتھ نظر آئے۔

    خیال رہے کہ اسٹار آل راؤنڈر بوم بوم شاہد آفریدی بھی پکتیا پینتھرز کا حصہ ہیں۔ افغان پریمئیر لیگ 05 اکتوبر سے شروع ہوئی ہے جو 21 اکتوبر تک جاری رہے گی۔

    یہ بھی پڑھیں:  کراچی کنگز : سوات سے ٹیلنٹ ہنٹ پروگرام کا آغاز، نوجوانوں کا زبردست جوش وخروش

    افغان پریمئیر لیگ میں قندہار نائٹس، بلخ لیجینڈز، کابل زوان، پکتیا پینتھرز اور ننگر ہار لیوپرڈز شامل ہیں، شاہد آفریدی پکتیا پینتھرز کی جانب سے کھیل رہے ہیں۔

    شارجہ اسٹیڈیم میں کھیلے جانے والا میچ آفریدی کی ٹیم پکتیا پینتھرز نے سنسنی خیز مقابلے کے بعد 9 رنز سے جیتا، شاہد آفریدی نے چار اوورز میں صرف تیرہ رنز دے کر ایک وکٹ حاصل کی۔

  • شاہد آفریدی فاؤنڈیشن ملک میں تعلیم کے فروغ کے لیے کوشاں، 2 اسکولوں کا انتظام سنبھال لیا

    شاہد آفریدی فاؤنڈیشن ملک میں تعلیم کے فروغ کے لیے کوشاں، 2 اسکولوں کا انتظام سنبھال لیا

    کراچی: شاہد آفریدی فاؤنڈیشن ملک میں تعلیم کے فروغ کے لیے کوشاں ہے، ریڑھی اور وانگی گوٹھ میں 2 اسکولوں کا انتظام سنبھال لیا۔

    تفصیلات کے مطابق شاہد آفریدی فاؤنڈیشن ملک میں تعلیم کے فروغ کے لیے کوشاں ہے،ریڑھی اور وانگی گوٹھ میں دو اسکولوں کا انتظام سنبھال لیا، شاہد آفریدی اور گرین کریسنٹ ٹرسٹ کے درمیان معاہدہ ہوا، آفریدی نے ریڑھی گوٹھ میں ایس اے ایف اسکول کا افتتاح کیا۔

    افتتاحی تقریب سے خطاب کرتے ہوئے شاہد آفریدی نے کہا کہ مشکل حالات کا سامنا کرنے والے بچے اب تعلیم حاصل کریں گے، پاکستان میں تعلیم کو فروغ دینا چاہتے ہیں، ملک بھر میں 3 اسکول کھل چکے ہیں اب چوتھا وادی تیرہ میں ہوگا، منشیات کے عادی لوگوں کو سیدھے راستے پر لانا ہمارا مقصد ہے۔

    بوم بوم آفریدی نے کہا کہ ترقی کے لیے تعلیم کا فروغ ضروری ہے، ملک بھر میں ڈھائی کروڑ سے زائد بچے تعلیم سے محروم ہیں، 2020 تک ملک بھر کے پسماندہ علاقوں میں اسکول نیٹ ورک قائم کریں گے۔

    شاہد آفریدی کو دیکھ کر بچوں کے چہرے کھل اُٹھے، گرین کریسنٹ ٹرسٹ مشترکہ طور پر ایس اے ایف کے ہمراہ کام کرے گی، ایس اے ایف اسکول کا دائرہ اندرون سندھ تک وسیع کیا جائے گا۔

    ایشیا کپ میں قومی ٹیم کی ناقص کارکردگی پر آفریدی کا کہنا تھا کہ پاکستان ٹیم سے امیدیں تھیں، سرفراز احمد جب سے کپتان بنا ہے ٹیم نے اچھا کیلا، سرفراز احمد کو کپتانی سے ہٹانا غلط فیصلہ ہوگا، پی سی بی اعلان کرے، سرفراز احمد ورلڈ کپ تک کپتان ہوں گے، کوچ اور سلیکشن کمیٹی ایک صفحے پر نہیں ہیں، ڈومیسٹک کرکٹ میں پرفارم کرنے والوں کو موقع ملنا چاہئے۔

  • لگتا ہے پاکستان ایشیا کپ جیتے گا، سرفراز ٹیم کو اچھا لے کر چل رہے تھے، شاہد آفریدی

    لگتا ہے پاکستان ایشیا کپ جیتے گا، سرفراز ٹیم کو اچھا لے کر چل رہے تھے، شاہد آفریدی

    لاہور: قومی ٹی ٹوینٹی کرکٹ ٹیم کے سابق کپتان شاہد خان آفریدی نے کہا ہے کہ مجھے لگتا ہے پاکستان ایشیا کپ جیت جائے گا، دباؤ کے باوجود سرفراز احمد ٹیم کو بہت اچھا لے کر چل رہے ہیں۔

    یہ بات انہوں نے لاہور میں میڈیا سے گفتگو کرتے ہوئے کہی، شاہد آفریدی نے کہا کہ ایشیا کپ سے پہلے پاکستان کی پرفارمنس بہت اچھی رہی، سرفراز احمد ٹیم کو بہت اچھا لے کر چل رہے تھے۔

    اچھی پرفارمنس کی وجہ سے پاکستان ٹیم پر دباؤ تھا، قوم کو پاکستان ٹیم سے توقعات بہت زیادہ تھیں، میں اس وقت بہت مثبت سوچ رہاہوں، اب پرفارمنس اچھی نہیں رہی تو ٹیم کو سپورٹ کرنا چاہیے۔

    شاہدآفریدی کا مزید کہنا تھا کہ مجھے لگتا ہے پاکستان ایشیا کپ جیت جائے گا، تنقید ہوتی رہی ہے اسے چیلنج کے طور پر لینا چاہئے، یہی ہمارے کھلاڑی ہیں اور یہی ہمارا مستقبل ہے، پاکستان کے یہی نوجوان کھلاڑی 2019ورلڈ کپ کے ہیں۔

  • "سندھ کے شہزادے” کرکٹ ٹورنامنٹ کا افتتاح: شاہد آفریدی اور سلمان اقبال کو ناصر حسین شاہ کا خراجِ تحسین

    "سندھ کے شہزادے” کرکٹ ٹورنامنٹ کا افتتاح: شاہد آفریدی اور سلمان اقبال کو ناصر حسین شاہ کا خراجِ تحسین

    کراچی: نیا ناظم آباد کرکٹ اسٹیڈیم میں ایکشن سے بھرپور میلہ سج گیا، کراچی کنگز "سندھ کے شہزادے” کرکٹ ٹورنامنٹ کی افتتاحی تقریب منعقد ہوئی، جس میں اسٹار کرکٹر شاہد آفریدی، راشد لطیف اور صوبائی وزیر ناصر حسین شاہ شریک ہوئے۔

    تفصیلات کے مطابق سندھ کے شہزادے کرکٹ ٹورنامنٹ میں 75 کھلاڑی اور 5 ٹیمیں حصہ لے رہی ہیں، افتتاحی میچ میں ہوم امیج کراچی اور برج پاور حیدر آباد کی ٹیمیں آمنے سامنے آئیں گی۔

    اس موقع پر صوبائی وزیر ناصر حسین شاہ نے کہا کہ سندھ حکومت کراچی کنگز کے شابہ بشانہ اور اس کی کاوشوں کو سراہتی ہے، کراچی میں بڑے ایونٹس ہوئے، دنیا بھر سے لوگ یہاں آئے ہیں۔

    شاہد آفریدی، سی ای او کراچی کنگز طارق وسیع اور اے آر وائی ڈیجیٹل نیٹ ورک گروپ ڈائریکٹر محبوب عبد الرؤف

    صوبائی وزیر نے کہا ’سندھ حکومت نوجوان کھلاڑیوں کو سہولتیں فراہم کرے گی، شاہد آفریدی اور سلمان اقبال کو مبارک باد پیش کرتا ہوں، آپ لوگ اندرون سندھ کے ٹیلنٹ کو اجاگر کر رہے ہیں، جہاں کھلاڑیوں کے لیے مناسب سہولتیں موجود نہیں، سندھ کے شہزادے بہترین پلیٹ فارم ثابت ہوگا۔‘

    شاہد خان آفریدی

    کراچی کنگز سندھ کے شہزادے ایونٹ کی افتتاحی تقریب سے خطاب کرتے ہوئے قومی ٹیم کے سابق کپتان شاہد آفریدی نے کہا ’سندھ سے نوجوان کرکٹرز کی تلاش ضروری ہے، بد قسمتی سے اندرون سندھ سے کرکٹرز سامنے نہیں آتے۔‘

    [bs-quote quote=”سندھ حکومت کراچی کنگز کے لیے گراؤنڈ یا زمین فراہم کرے: شاہد آفریدی” style=”style-7″ align=”left” color=”#dd3333″][/bs-quote]

    بوم بوم شاہد آفریدی نے اندرون سندھ سے نوجوانوں کو منتخب کرنے پر مبارک باد دیتے ہوئے کہا کہ راشد لطیف و دیگر نے اندرون سندھ سے ٹیلنٹ کو اجاگر کیا، سندھ حکومت بھی کراچی کنگز کے لیے گراؤنڈ یا زمین فراہم کرے۔

    جارحانہ بیٹنگ کے لیے مشہور کرکٹ اسٹار اور کراچی کنگز کے صدر نے راشد لطیف کی کوششوں کو سراہتے ہوئے کہا ’راشد لطیف کی پوری ٹیم نے اندرون سندھ میں زبردست کام کیا، پی ایس ایل فرنچائز کی اپنی کرکٹ اکیڈمی ہونی چاہیے۔‘

    راشد لطیف

    کراچی کنگز ٹیم کے ڈائریکٹر اور قومی ٹیم کے سابق کپتان راشد لطیف نے اس موقع پر کہا کہ اندرون سندھ اور کراچی میں بہت ٹیلنٹ ہے، ہم نے اندرون سندھ اور کراچی سے 75 سے زائد کھلاڑی منتخب کیے ہیں۔

    [bs-quote quote=”پاکستان کے شہزادوں کے ٹیلنٹ کو بھی سامنے لائیں گے: راشد لطیف” style=”style-7″ align=”right” color=”#dd3333″][/bs-quote]

    سندھ کے شہزادے ایونٹ کے سلیکٹر راشد لطیف نے کہا کہ سندھ کے بعد پاکستان کے شہزادوں کے ٹیلنٹ کو بھی سامنے لائیں گے، اس وقت پورے پاکستان میں کرکٹ کو پذیرائی مل رہی ہے۔

    یہ بھی پڑھیں:  کراچی کنگزٹیلنٹ ہنٹ پروگرام مکمل، بہترین کھلاڑی منتخب کرلیے

    سابق وکٹ کیپر کا کہنا تھا ’نئے کھلاڑیوں کی ٹریننگ کے لیے کوچز کی کوئی کمی نہیں ہے، پاکستان کرکٹ بورڈ کے کوچز نے قیمتی وقت بچوں کو دیا ان کا شکریہ ادا کرتا ہوں۔‘

  • سب کام وزیراعظم نے نہیں کرنے ہم نے بھی قدم بڑھانا ہے، شاہد آفریدی

    سب کام وزیراعظم نے نہیں کرنے ہم نے بھی قدم بڑھانا ہے، شاہد آفریدی

    کراچی: قومی کرکٹ ٹیم کے سابق کپتان شاہد آفریدی نے کہا ہے سندھ حکومت باتیں بڑی بناتی ہے مگر نتائج کچھ نہیں دیتی، ہم سب کی آخری امید وزیراعظم عمران خان ہیں، سب کام وزیراعظم نے نہیں کرنے ہم نے بھی قدم بڑھانا ہے۔

    تفصیلات کے مطابق ملک بھر میں تعلیم کو فروغ دینے کیلئے نجی یونیورسٹی نے سی ہنڈریڈ تھنک ٹینک ایجوکیشن کمیٹی کا شاہد آفریدی کو برانڈ ایمبسیڈر مقرر کردیا۔

    قومی کرکٹ ٹیم کے سابق کپتان شاہد آفریدی نے یونیورسٹی میں سیمینار سے خطاب کرتے ہوئے کہا ہم سب کی آخری امید وزیراعظم عمران خان ہیں، کراچی ترقی کرےگا تو پورا پاکستان مضبوط ہوگا، سب کام وزیر اعظم نے نہیں کرنے ہم نے بھی قدم بڑھانا ہے۔

    آفریدی نے سندھ حکومت پر تنقید کرتے ہوئے کہا سندھ حکومت باتیں بڑی بناتی ہے مگر نتائج کچھ نہیں دیتی، سندھ کوآگےبڑھانا ہے تو تکنیکی ماہرین کو آگے لانا ہوگا، چیئرمین پیپلزپارٹی بلاول بھٹو سے معاملے پر بات ہوئی ہے، جن علاقوں میں تعلیم نہیں وہاں موبائل اور انٹرنیٹ موجود ہے۔

    مزید پڑھیں : اوورسیزپاکستانی بڑھ چڑھ کر ڈیم فنڈ میں حصہ لیں، شاہد آفریدی کا ٹویٹ

    ان کا کہنا تھا شہر اور ملک کو سنوارنے کیلئے وزیراعظم کو سپورٹ کرنا ہے۔ عوام کی امیدیں عمران خان سے وابستہ ہیں۔

    ایشیا کپ کے حوالے سے بوم بوم آفریدی نے کہا کہ سرفراز احمد بہترین انداز سے ٹیم کو لیڈ کررہے ہیں اگر وہ ایسے ہی ٹیم کو لے کر چلے تو ایشیا کپ میں جیت یقینی ہے۔

    سابق کپتان کا سوشل میڈیا پر وائرل ہونے والی ڈیفنس ڈے کی ویڈیو پر وضاحت کرتے ہوئے کہنا تھا نسوار نہیں بلکہ سونف اور خوشبو کھائی تھی، گرین پیکٹ میں تارا سپاری تھی، جو ویڈیو وائرل ہوگئی۔