Tag: شاہد آفریدی

بھارتی کرکٹ ٹیم کے سابق اوپنر گوتم گمبھیر کے ہیڈ کوچ بننے پر پاکستان کے سابق کپتان شاہد آفریدی نے اپنے خیالات کا اظہار کیا ہے۔

گوتم گمبھیر اور شاہد آفریدی کے درمیان 2007 میں ہونے والی چپقلش سے کون واقف نہیں، جب دونوں جارح مزاج کھلاڑی گراؤنڈ میں ایک دوسرے سے الجھ گئے تھے اور یہ واقعہ آج بھی لوگوں کے ذہن میں تازہ ہے جبکہ اکثر دونوں کرکٹرز سے اس بارے میں سوال پوچھ ہی لیا جاتا ہے۔

کانپور میں کھیلے جانے والے میچ کے دوران دونوں میں شدید تلخ کلامی ہوئی تھی جس کے بعد سے ان کی آپس میں کبھی خاص نہیں بنی، 2007 میں بدنام زمانہ لڑائی پر دونوں کرکٹرز پر جرمانہ بھی عائد کیا گیا تھا۔

بھارتی ذرائع ابلاغ کو اپنے ایک انٹرویو میں سابق کپتان پاکستان کرکٹ ٹیم شاہد آفریدی کا کہنا تھا کہ بھارتی کرکٹ ٹیم کا ہیڈ کوچ بننا میرے خیال میں گوتم کے لیے ایک بڑا موقع ہے، اور ہمیں یہ دیکھنا ہوگا کہ وہ کس طرح اس سے زیادہ سے زیادہ فائدہ اٹھاتے ہیں۔

شاہد آفرید نے کہا کہ میں نے ان کے انٹرویوز دیکھے ہیں اور وہ مثبت بات کرتے دکھائی دیے، ویسے بھی وہ صاف گو آدمی ہیں۔

خیال رہے کہ بھارتی کرکٹ ٹیم کا ہیڈ کوچ بننے کے لیے گمبھیر نے کولکاتہ نائٹ رائیڈرز سے علیحدگی اختیار کر لی ہے، وہ آئی پی ایل 2024 ایڈیشن میں کے کے آر کے مینٹور تھے۔

بھارتی بورڈ نے حال ہی میں راہول ڈریوڈ کی جگہ گوتم گمبھیر کو باقاعدہ کوچ بنانے کا اعلان کیا ہے جبکہ ان کا پہلا اسائنمنٹ سری لنکا کے خلاف وائٹ بال سیریز ہوگی۔

پاکستان کرکٹ ٹیم کے سابق کپتان شاہد آفریدی نے کہا ہے کہ پاک بھارت تعلقات کرکٹ کے ذریعے ہی ٹھیک ہوسکتے ہیں۔

اے آر وائی نیوز کے مطابق سابق کرکٹر شاہد آفریدی نے میڈیا سے گفتگو کرتے ہوئے کہا کہ پاکستان اور بھارت کے معاملات کرکٹ سے ہی ٹھیک ہوں گے ہمیں بھی دھمکیاں ملتی تھیں لیکن ہم بھارت جاتے تھے۔

انہوں نے کہا کہ چیئرمین پی سی بی کو چاہیے کہ تمام ممالک سے رابطے اچھے کرے، اگر سب سے رابطے اچھے ہوں گے تو ٹیمیں پاکستان آئیں گی۔

سابق کرکٹر نے کہا کہ بی جے پی کی حکومت میں ہم پہلے بی بھارت گئے ہیں، اب صرف ایک بندے کا مسئلہ ہے جو سیاست کے لیے ایسا کرتا ہے، مودی کے مسلمانوں سے متعلق جو معاملات ہیں وہ سب کو معلوم ہے۔

سابق کھلاڑی شاہین آفریدی نے کہا کہ بھارتی ٹیم کو چیمپئنز ٹرافی کھیلنے پاکستان آنا چاہیے، میری دعاہے بابر اعظم ورلڈ کلاس کپتان بنیں، اُن کے پاس پاکستان کو ٹرافی جتانے کا موقع ہے۔

جنوبی افریقہ کے ہاتھوں پاکستان کرکٹ ٹیم کی شکست کے بعد سابق کپتان شاہد خان آفریدی نے سوشل میڈیا پر اپنے جذبات کا اظہار کیا ہے۔

شاہد آفریدی نے سوشل میڈیا پلیٹ فارم ایکس پر ایک جذباتی نوٹ تحریر کرتے ہوئے آئی سی سی کرکٹ ورلڈ کپ 2023 میں سنسنی خیز میچز کی ضرورت پر زور دیا اور پاکستان کی ہار پر دل شکستگی کا اظہار کیا ہے۔

سابق پاکستانی کرکٹر نے کہا کہ ورلڈکپ 2023 میں ایسے ہی سنسنی خیز میچ کا شدت سے انتظار تھا! ساتھ ہی انھون نے ہیش ٹیگ CWC23# کا بھی استعمال کیا۔

انھوں نے مزید لکھا کہ ’لڑکوں قسمت نے آپ کا ساتھ نہیں دیا، کسی اور دن، چیزیں آپ کے حق میں ہوں گی. ایک وکٹ سے ہارنا مایوس کن ہوتا ہے۔‘

‘تاہم آپ لوگوں کو اپنے حوصلے بلند رکھنے کی ضرورت ہے کیونکہ آپ نے اپنا بہترین کھیل پیش کیا اور آخر تک بہادری سے لڑے۔سات ہی انھوں نے جنوبی افریقہ کو فتح حاصل کرنے پر مبارکباد بھی دی۔‘

The thriller #CWC23 was desperately waiting for! Hard luck boys, on any other day, things would have gone in your way. One-wicket losses are devastating, but you need to keep your chins up as you gave your best and fought gallantly till the end.
Congratulations to SA for pulling…

— Shahid Afridi (@SAfridiOfficial) October 27, 2023

واضح رہے کہ جنوبی افریقہ نے ورلڈکپ کے اہم میچ میں ہدف کا تعاقب کرتے ہوئے پاکستان کو سنسنی خیز مقابلے کے بعد ایک وکٹ سے شکست دی تھی، جس کے بعد قومی ٹیم کے سیمی فائنل میں جانے کے امکانات انتہائی کم ہوچکے ہیں۔

ایک مرحلے پر حارث رؤف کی گیند پر تبریز شمسی تقریباً ایل بھی ڈبیلو آؤٹ ہوچکے تھے مگر فیلڈ امپائر کے ناٹ آؤٹ دینے پر انھیں آؤٹ نہیں دیا گیا اور بالآخر فتح پروٹیز کے حصے میں آئی۔

قومی ٹیم کے سابق آل راؤنڈر و کپتان شاہد آفریدی نے کپتان بابر اعظم کی کپتانی پر تبصرہ کیا ہے۔

نجی ٹی وی کے پروگرام میں سابق کپتان شاہد آفریدی نے افغانستان کے خلاف ٹیم کی ناقص کارکردگی پر کھل کر تنقید کی، انہوں نے کہا کہ جب کپتان میدان میں اپنا 100 فیصد دیتا ہے تو کھلاڑی 200 فیصد دیتے ہیں، اگر کپتان اپنا بہترین دینے کی کوشش کرتا ہے وہ میدان میں متحرک ہوتا ہے تو دیگر کھلاڑیوں کو بھی شرم آتی ہے جب کپتان کرسکتا ہے تو ہم کیوں نہیں۔

شاہد آفریدی نے ماضی کا حوالہ دیتے ہوئے کہا کہ جب میں کپتان تھا تو کھلاڑی ہمیں فالو کرتے تھے، جب ہم میدان پر دوڑتے تھے اور کھلاڑیوں کو سپورٹ کرتے تھے تو پوری ٹیم چارج اپ ہو جاتی تھی۔

’لگتا ہے جنوبی افریقہ ہم پر رحم نہیں کرے گا‘

شاہد آفریدی نے آسٹریلیا کی مثال پیش کرتے ہوئے بتایا کہ یک کے بعد دیگرے 2 وکٹیں گرنے کے بعد کینگروز مخالف دباؤ بڑھاتے ہیں لیکن جب 12 گیندوں پر 4 کی ضرورت ہے بابراعظم نے بیک ورڈ پوائنٹ لیا ہے؟، فاسٹ بولر گیندبازی کررہا ہے لیکن کوئی سلپ نہیں ہے؟ کیوں۔

انہوں نے مزید کہا کہ پاکستانی ٹیم کی کپتانی کرنا کوئی مذاق نہیں، یہ کوئی گلاب کا بستر نہیں ہوتا، جب آپ اچھا کرتے ہیں تو ہر کوئی آپ کی تعریف کرتا ہے اور جب آپ اچھا نہیں کرتے تو ہر کوئی آپ کے ساتھ ساتھ ہیڈ کوچ پر بھی الزام لگاتا ہے۔

واضح رہے کہ ورلڈکپ میں مسلسل 3 شکستوں کے بعد قومی ٹیم 27 اکتوبر کو جنوبی افریقا کے مدمقابل آئے گی، ہار کی صورت میں قومی ٹیم کی سیمی فائنل میں رسائی تقریباً ختم ہوجائے گی جبکہ جیت امیدوں کو برقرار رکھے گی۔

 قومی کرکٹ ٹیم کے سابق آل راؤنڈر شاہد آفریدی نے اُسامہ میر سے آسان کیچ ڈراپ ہونے پر اپنے ردوعمل کا اظہار کیا ہے۔

نجی ٹی وی چینل پر گفتگو کرتے ہوئے قومی کرکٹ ٹیم کے سابق کپتان شاہد آفریدی نے کہا کہ انٹرنیشل کرکٹ ایک پریشر کا کھیل ہے، اسامہ میر کرکٹ کھیلتے ہوئے آرہے ہیں۔

انہوں نے کہا کسی بھی کھلاڑی کا اگر موقع مل رہا ہے تو اسے پرفارم کرکے دکھانا چاہیے، نہ کہ اتنی بڑی غلطی کرنی چاہیے۔

شاہد آفریدی کا کہنا تھا کہ جب میں چیف سلیکٹر تھا تو میں نے اسامہ میر کو ٹیم میں سلیکٹ کیا تھا، مجھے اسامہ میں صرف ایک مسئلہ نظر آیا، میں نے اسامہ کو کہا بھی تھا کہ آپ کی فیلڈنگ سے میں مطمئن نہیں ہوں۔

سابق آل راؤنڈر نے کہا کہ ’’میں نے کہا تھا کہ میں آپ کو ایک بہتر بولر کے طور پر سلیکٹ کررہا ہوں، اسامہ سے کیچ ڈراپ ہونا میرے لیے حیران کن نہیں تھا، مجھے پتا تھا ایسا کچھ ہونے والا ہے۔

یاد رہے کہ گزشتہ روز شاہین آفرید کی گیند پر اسامہ میر نے آسٹریلوی اوپنر کا شاندار و آسان کیچ ڈراپ کیا تھا۔

قومی کرکٹ ٹیم کے سابق کپتان و آل راؤنڈر شاہد آفریدی کی کمسن بیٹی عروہ کی دل موہ لینے والی ویڈیو سامنے آئی ہے۔

نجی ٹی وی شو میں قومی کرکٹ ٹیم کے سابق کپتان و آل راؤنڈر شاہد آفریدی نے آئن لائن شرکت کی، اس دوران ان کی چھوٹی بیٹی عروہ نے بھی موجود تھی۔

شو میں سابق آل راؤنڈر شاہد آفریدی سے پاکستان اور آسٹریلیا کی جیت سے متعلق سوال کیا گیا، جس میں شاہد آفریدی نے کہا کہ آج کا میچ پاکستان جیتے گا۔

Such a cute video of Lala’s youngest daughter & lala being lala saying jb shaheen bura perform krega tb poochngy q team me h pic.twitter.com/w1maOUDqRK

— Huzaifa khan (@HuzaifaKhan021) October 19, 2023

ساتھ ہی موجود ان کی بیٹی نے بھی شاہد آفریدی کی کمسن بیٹی عروہ بھی پاکستان کی جیت کی خواہشمند کا اظہار کیا۔

تاہم معصوم عروہ نے اپنے والد شاہد آفریدی سے سوال پوچھ لیا کہ’ پاکستان ٹیم میں شاہین بھی ہے‘ جس پر لالا نے کہا کہ ہاں پاکستان کی ٹیم میں شاہین آفریدی بھی ہے‘۔

عروہ نے اپنے والد سے پھر سے ایک معصومانہ سوال کیا کہ’ شاہین ٹیم میں کیوں ہیں‘ جس پر شاہد آفریدی نے مسکراتے ہوئے کہا کہ’ یہ سوال اس وقت پوچھیں گے جب  شاہین پرفارمنس نہیں دےگا‘۔