Tag: شاہد آفریدی

کراچی: قومی کرکٹر  اور سابق کپتان شاہد آفریدی نے بھارتی انتخابات کے نتائج پر حیرانی کا اظہار کرتے ہوئے کہا ہے کہ وزیراعظم کا منصب مودی جیسے انسان پر زیب نہیں دیتا۔

تفصیلات کے مطابق شاہد آفریدی نے مشورہ دیتے ہوئے کہا کہ بھارتی وزیراعظم مودی کو وہ انداز اپنانا چاہیے جیساوزیراعظم عمران خان کا ہے کیونکہ اُن کی باڈی لینگویج عہدے سے مطابقت نہیں رکھتی۔

شاہد آفریدی نے لوک سبھا انتخابات کے نتائج پر حیرانی کا اظہار کرتے ہوئے کہا کہ ‘‘حیرت ہے کہ بھارت کے پڑھے لکھے لوگوں نے مودی کو کامیاب کرایا، اب انہیں مثبت رویہ اپنانے کی ضرورت ہے۔ سابق کپتان نے دیگر پڑوسی ممالک کو بھی بھارت کی طرح پاکستان کے ساتھ رابطے رکھنے کا مشورہ دیا۔

مزید پڑھیں: ایک بار پھر مودی سرکار، بھارتی انتخابات میں بی جے پی کی واضح برتری

سابق آل راؤنڈر کا کہنا تھا کہ ملکی حالات ایسے ہیں کہ ہر طرف سےگھیرا جارہا ہے، اب حکومت اور اپوزیشن کو مل کر ملک کے لیے کام کرنا ہوگا، کیونکہ مشکل حالات میں ایک پیج پر آنے کی ضرورت ہے۔

کرکٹ کی بات کرتے ہوئے آفریدی کا کہنا تھا کہ وہاب ریاض نے ہر کسی کو خواب میں دیکھ لیا، امید ہے اب وہ اچھی پرفارمنس دے کر اپنا خواب پورا کریں گے، سرفراز کو اوپر کے نمبر پر بیٹنگ کرنا پڑے گی کیونکہ اگر ٹیم کو کپتان لیڈ کرے تو ہی زیادہ بہتر ہوتا ہے۔

شاہد آفریدی کا کہنا تھا کہ شعیب ملک کو بولا ہے آخری ورلڈ کپ ہےدل کھول کر کھیلو، آخری کے کھلاڑی اگر میچز میں رنز کرجائیں گے تو اس کا ٹیم کو بہت فائدہ ملے گا۔ انہوں نے کہا کہ ورلڈکپ1992 ایک بڑی ٹیم تھی وہ بھی رمضان میں چیمپئن بنے اور آج پھر پاکستان کے پاس موقع ہے۔

بھارتی کرکٹر گوتھم گھمبیر پر تنقید کرتے ہوئے آفریدی کا کہنا تھا کہ وہ بے وقوف انسان ہے اور میں ایسے لوگوں کے بارے میں ہرگز کوئی بات نہیں کرنا چاہتا۔

لاہور: قومی کرکٹ ٹیم کے سابق کپتان شاہد آفریدی ایک بار پھر اسپاٹ فکسنگ اسکینڈل کے معاملے پر بول پڑے ۔انہوں نے کہا کہ برطانوی اخبار کو سلمان بٹ کے اسپاٹ فکسنگ میں ملوث ہونے کی معلومات انہوں نے نہیں بلکہ ان کے دوست نے دی تھی۔

تفصیلات کے مطابق شاہد آفریدی کا کہنا تھا کہ فکسنگ میں ملوث کھلاڑی آج تک شک کرتے ہیں کہ انہیں میں نے پھنسایا ہے۔اچھا ہوا یہ کھلاڑی پکڑے گئے ورنہ پاکستان کرکٹ کا بہت برا حال ہوتا۔واضح رہے کہ شاہد آفریدی کی کتاب گیم چینجر گزشتہ دنوں سامنے آئی ہے جس میں کئی بڑے انکشافات کیے گئے ہیں اور اس کتاب پر سینئر کھلاڑیوں کی تنقید کا سلسلہ بھی جاری ہے۔

سنہ 2010ءمیں انگلینڈ کے دورے میں اسپاٹ فکسنگ اسکینڈل سامنے آیا تھا جس میں ملوث تین کرکٹرز سلمان بٹ، محمد آصف اور محمد عامر کو نہ صرف آئی سی سی نے سزا دی تھی بلکہ یہ تینوں کرکٹرز اس جرم میں جیل بھی گئے تھے۔اسپاٹ فکسنگ کیس میں سزا یافتہ اوپنر سلمان بٹ کہتے ہیں کہ اپنی غلطی پر نادم ہوں، میری خواہش ہے کہ کیریئر کے آخری سالوں میں پاکستانی ٹیم میں موقع ملے اور کارکردگی دکھاکر اپنے بارے میں منفی تاثر کو ختم کروں۔

شاہد آفریدی نے اپنی کتاب میں 2010ءکے بدنام زمانہ اسپاٹ فکسنگ اسکینڈل سے بھی پردہ اٹھایا ہے۔ انہوں نے کہا کہ مجھے اسپاٹ فکسنگ اسکینڈل کا بہت پہلے علم ہوگیا تھا میں جانتا تھا کہ کچھ کھلاڑی منفی سرگرمیوں میں ملوث ہیں۔ سٹے بازمظہر مجید نے فون مرمت کے لیے لندن میں ایک دکان پر دیا تھا، دکان کا مالک میرے دوست کا دوست تھا۔آفریدی نے مزید لکھا کہ مظہر مجید کے فون سے پاکستانی کھلاڑیوں کو کیے گئے پیغامات ملے جس سے ہولناک انکشافات ہوئے۔

ان کا کہنا تھا کہ ٹیم انتظامیہ کوثبوت دکھائے مگر کوئی ایکشن نہ ہوا۔ میں نے یہ پیغامات وقار یونس اور منیجر یاور سعید سے شیئر کیے تھے۔ ٹیم مینجمنٹ خوفزدہ تھی یا انیں ملک کے وقار کا خیال نہ تھا۔ یاور سعید نے یہ پیغامات دیکھ کر بے بسی کا اظہار کیاتھا۔آفریدی نے لکھا کہ یاور سعید نے مجھ سے پیغامات کی کاپی مانگنے کی زحمت بھی نہ کی۔ عبدالرزاق نے بھی سلمان، عامر اور آصف پر شکوک کا اظہار کیا تھا۔شاہد آفریدی نے لکھا ہے کہ لارڈز ٹیسٹ کے دوران کپتانی چھوڑنے کا فیصلہ کرلیا تھا، چوتھے دن سلمان بٹ سے کہا تھا کہ وہ قیادت سنبھال سکتا ہے۔

ان کا کہنا ہے کہ میرا پورے سیٹ اپ سے اعتبار اٹھ چکا تھا۔ ٹیم مینجمنٹ معاملے کی فعال تحقیقات کرنے کو تیار نہ تھی۔ سلمان بٹ نے ملک کا سودا کیا ،اس کی اس حرکت کے بعد سلمان بٹ کو مستقبل میں قومی ٹیم میں جگہ نہیں ملنی چاہیے۔ سلمان بٹ کو پاکستان کیلئے کھیلنے والی کسی بھی ٹیم میں جگہ نہیں ملنی چاہیے۔

کراچی: سابق کپتان قومی کرکٹ ٹیم شاہد خان آفریدی نے کہا ہے کہ ٹیسٹ میچ میں پاکستان نے نیوزی لینڈ کا خوب مقابلہ کیا، انشا اللہ پاکستانی ٹیم پھر سے ابھرے گی۔

ان خیالات کا اظہار انہوں نے سماجی رابطے کی ویب سائٹ ٹویٹر پر اپنے پیغام میں کیا، شاہد آفریدی نے کہا کہ ٹیسٹ میچ کرکٹ کا ایک دلچسپ انداز ہے، نیوزی لینڈ کو قابل ذکر کامیابی پر مبارک باد پیش کرتا ہوں۔

شاہد آفریدی نے ٹیسٹ میچ میں قومی ٹیم کی شاندار بولنگ کی تعریف کرتے ہوئے کہا کہ بہت خوب حسن علی اور یاسر شاہ، آپ دونوں نے اچھی بولنگ کی۔

Great game of cricket. Test match cricket is a fascinating format. Congratulations New Zealand on a remarkable win! Well fought Pakistan, IA the team will bounce back from here.
Well done hassan ali and Yasir Shah, great bowling!

— Shahid Afridi (@SAfridiOfficial) November 19, 2018

جیت اپنے ہاتھوں سے گنوائی، سرفراز احمد

قبل ازیں سرفراز احمد نے شکست کا ذمہ دار بلے بازوں کو ٹھہراتے ہوئے کہا کہ جیت اپنے ہاتھوں سے گنوائی، بابراعظم کا رن آؤٹ ہونا ٹرننگ پوائنٹ تھا، بلے باز پریشر کو ہینڈل نہیں کرسکے۔

کپتان قومی کرکٹ ٹیم سرفراز احمد نے کہا کہ جیت کے قریب پہنچ کر ہار جانا افسوس ناک ہے، کوشش کریں گے جو غلطیاں ہوئی انہیں اگلے میچز میں نہ دہرائیں۔

یہ پڑھیں: ابو ظہبی ٹیسٹ: نیوزی لینڈ نے پاکستان کو 4 رنز سے شکست دے دی

واضح رہے کہ پاکستان اور نیوزی لینڈ کے درمیان تین ٹیسٹ میچز کی سیریز متحدہ عرب امارات میں جاری ہے اور پہلے میچ میں پاکستان کو 4 رنز سے شکست ہوئی ہے جس کے بعد نیوزی لینڈ کو سیریز میں 1-0 کی برتری حاصل ہوگئی ہے۔