ARYNews.tv | Urdu – Har Lamha Bakhabar

Tag: شاہد آفریدی

  • کاؤنٹی کھیل کرفارم اورفٹنس ثابت کروں گا، شاہد آفریدی

    کاؤنٹی کھیل کرفارم اورفٹنس ثابت کروں گا، شاہد آفریدی

    کراچی: دورہ انگلینڈ کے ممکنہ کھلاڑیوں سے ڈراپ ہونےوالے شاہدآفریدی فارم اورفٹنس ثابت کرنےکاؤنٹی کھیلیں گے آفریدی نے ٹوئٹ کیاکہ نوجوان کھلاڑیوں کو موقع دینا خوش آئند ہے۔

    سماجی رابطے کی ویب سائٹ ٹوئٹر پر سابق ٹی ٹوئنٹی کپتان شاہدآفریدی نے ٹوئٹ کیاکہ نئی سلیکشن کمیٹی کے فیصلے حوصلہ افزاہیں، نوجوان کھلاڑیوں کوموقع دینا اچھی بات ہے۔

    آفریدی نے ٹوئٹ میں کہا کہ کاؤنٹی کھیلنے انگلینڈ جارہاہوں، کاؤنٹی کرکٹ میں فارم اورفٹنس ثابت کرنے کی کوشش کروں گا اورٹیم میں کم بیک کروں گا۔

  • شاہد آفریدی بھارت سے وطن واپسی کے بجائے دبئی پہنچ گئے

    شاہد آفریدی بھارت سے وطن واپسی کے بجائے دبئی پہنچ گئے

    دبئی : ٹی ٹوینٹی قومی ٹیم کے کپتان شاہد خان آفریدی بھارت سے وطن واپسی کے بجائے دبئی پہنچ گئے۔ دبئی ائیرپورٹ پرشاہد خان آفریدی اے آروائی نیوز کی ٹیم کو دیکھ کر حیران رہ گئے۔

    اس موقع پر شاہد آفریدی نےصاف کہا کہ وہ انٹرویونہیں دیں گے، شاہدآفریدی کو ائیرپورٹ پران کے عزیزواقارب نےریسیوکیا۔ وہ ایک عالی شان گاڑی کی ڈرائیونگ سیٹ پربیٹھے۔

    جاتےہوئےاے آروائی نیوز کی رپورٹرنے ان سے سوال کیا کہ وہ پریشان تو نہیں آفریدی کا کہنا تھا کہ پریشان کیوں ہوں گا،ورلڈ کپ پہلی بار تھوڑی ہوا ہے۔

    یاد رہے کہ شاہدآفریدی نے آسٹریلیا سےمیچ ہارنے کے بعد کہا تھا کہ چارسے پانچ روز بعد وطن واپس جاکرریٹائرمنٹ کا فیصلہ کروں گا،دیکھنا یہ ہے کہ وہ وطن واپس آتے ہیں یا دبئی میں ہی ہارکا غم غلط کرتے ہیں۔

     

    This is not the first time, Afridi responds to… by arynews

  • شاہد آفریدی نےٹی ٹوئنٹی کرکٹ سے ریٹائرمنٹ کااشارہ دے دیا

    شاہد آفریدی نےٹی ٹوئنٹی کرکٹ سے ریٹائرمنٹ کااشارہ دے دیا

    موہالی: شاہد آفریدی نےٹی ٹوئنٹی کرکٹ سے ریٹائرمنٹ کااشارہ دےدیا،کہتے ہیں اگلامیچ کیرئیرکاآخری میچ ہوسکتاہے۔

    ریٹائرمنٹ کے فیصلے پرشوچ بچارکرنے والے آفریدی نے بلا آخر ریٹائرمنٹ کااشارہ دےدیا، قومی ٹیم کے کپتان شاہد آفریدی نے کہا کہ آسٹریلیا کیخلاف میچ آخری ہوسکتاہے۔

    آفریدی نے کہا پاورپلے میں بیٹنگ اچھی ہوئی، لیکن پاورپلے ختم ہوتے ہی بلے بازاچھانہ کھیل سکے، کافی گیندیں ضائع ہوئی، جس نے مشکلات بڑھائی۔

    انھوں نے مزید کہاباربارغلطیاں دہرائی جارہی ہے،ہرمیچ میں غلطیاں ہوئی، اس شکست کوبھول کرآسٹریلیا کیخلاف میچ کوفوکس کرناہے۔

    ایونٹ میں دوسری شکست کے بعد ورلڈٹی ٹوئنٹی میں سیمی فائنل کاراستہ اگرمگرکا شکار ہے۔

  • آفریدی نے نہ ٹھیک بولنگ کی اور نہ ہی بولرزکا صحیح استعمال کیا،عمران خان

    آفریدی نے نہ ٹھیک بولنگ کی اور نہ ہی بولرزکا صحیح استعمال کیا،عمران خان

    کولکتہ: چیئر مین پی ٹی آئی عمران خان نے شاہد آفریدی کی کپتانی پر کئی سوالات اٹھادئیے۔ انہوں نے کہا ہے کہ آفریدی نے نہ خود ٹھیک بولنگ کی اور نہ ہی دیگر بولرز کا صحیح استعمال کیا۔

    ٹیم انڈیاسے شکست پرسابق کپتان برہم ہوگئے، ان کا کہنا ہے کہ اس پرفارمنس کے بعد ایسے لگتاہے جیسے مجھے کھیلناپڑےگا۔

    تفصیلات کے مطابق ٹیم انڈیاسے ورلڈ کپ مقابلوں میں گیارہویں شکست نے عمران خان کو دلبرداشتہ کردیا۔ میچ سے پہلےسابق کپتان نےشاہدآفریدی کوجیت کاگربھی بتایا لیکن ٹیم نے عمران خان کےمفید مشورےضائع کردئیے۔ مشورے ضائع ہونےپرعمران خان نےآفریدی پرخوب غصہ نکالا۔

    بھارتی ٹی وی کو انٹرویو دیتے ہوئے انہوں نے کہا کہ اچھےسے اچھا کوچ بھی کچھ نہیں کرسکتا۔ میدان میں کپتان انچارج ہوتاہے۔ کسی کےمشورے کام نہیں آتے،ٹیم کوکیسےلڑانا ہے،فیصلہ کپتان کرتے ہیں۔ لیکن جب کپتان ہی دباؤ کا شکار ہو تو پھر پوری ٹیم پر اس کے منفی اثرات مرتب ہوتے ہیں۔

    عمران خان نےکہاکہ آفریدی دباؤ میں تھے۔اسی وکٹ پربھارتی بولرزنے بہترین بولنگ کرائی، لیکن پاکستان نےکوئی ریگولر اسپنرنہیں کھلایا۔

    عمران خان کا کہنا تھا کہ ٹیم کی شکست کا ذمہ دار کسی ایک کھلاڑی کو قرار نہیں دیا جا سکتا لیکن پاکستان کے اسپنر نے اچھی بولنگ نہیں کی، ان کی لائن اور لینتھ ٹھیک نہیں تھی، اسپنر کے ذریعے سے ہم فائدہ اٹھا سکتے تھے لیکن آفریدی نے نہ خود ٹھیک بولنگ کی اور نہ ہی دیگر بولرز کا صحیح استعمال کیا۔

    عمران خان نے شاہدآفریدی کی کپتانی پرسوالات اٹھاتےہوئے کہا کہ میچ شروع ہونےسے آخرتک ٹیم کی کمان کپتان کےہاتھ میں ہوتی ہے۔صورت حال دیکھ کرفیصلےتبدیل کرنااچھے کپتان کی پہچان ہے۔

     

  • بھارت کے حق میں بیان ، شاہد آفریدی کو وضاحت دینی پڑھ گئی

    بھارت کے حق میں بیان ، شاہد آفریدی کو وضاحت دینی پڑھ گئی

    کلکتہ: بھارت میں زیادہ پیار ملنے کے بیان پر شاہدآفریدی نے وضاحت دے دی انہوں نے کہا کہ بیان مثبت تھا منفی انداز میں لیاگیا۔

    شاہد آفریدی نے وضاحتی بیان دیتے ہوئے کہا کہ کچھ غلط نہیں کہا لوگوں نے غلط سمجھ لیا، میں نے مثبت پیغام دیا تھا، منفی سوچ والوں کومیری بات غلط لگے گی۔

    آفریدی نے کہا کہ پاکستان ٹیم کا کپتان نہیں، پورے پاکستان کی طرف سے بھارت آیا ہوں، پاکستان ہی میری پہچان ہے، افسوس کچھ صحافی بیان توڑ نےمروڑنے کیلئے ہی پیدا ہوئے ہیں۔

    If we demanded peace instead of another television set, then there would be peace in the world. Alas some journalist are born to deliberately misinterpret an innocent statement. Be positive, be true! Posted by Shahid Afridi Official on Monday, March 14, 2016
    بوم بوم نے کہا کہ میں نے یہ کہنے کی کوشش کی تھی کہ یہاں کرکٹ کو بہت عزت ملتی ہے، عمران خان ،وسیم اکرم، وقاریونس اور انضمام الحق بھی یہی کہتے ہیں۔ واضح رہے کہ آفریدی نے کولکتہ پہنچے پرپریس کانفریس میں کہا تھا بھارت میں پاکستان سے زیادہ پیارملا، لالا کے بیان پر لاہور کے وکلا نے تو قانونی نوٹس بھی بھجوادیا کہ آفریدی کرکٹ کھیلنے کے بجائے پاکستانی شائقین کے جذبات سے کھیل گئے۔

  • ورلڈ ٹی ٹوئنٹی کا آغاز جیت کے ساتھ کریں گے، شاہد آفریدی

    ورلڈ ٹی ٹوئنٹی کا آغاز جیت کے ساتھ کریں گے، شاہد آفریدی

    کلکتہ: قومی ٹیم کے کپتان شاہد آفریدی نے ورلڈ ٹی ٹوئنٹی کا آغاز جیت کے ساتھ کرنے کا عزم ظاہر کیا ہے۔

    کلکتہ میں پریکٹس سیشن کے بعد نیوز کانفرنس کرتے ہوئے شاہد آفریدی نے کہا کہ بھارت آنے کیلئے ان کی ٹیم ذہنی اور جسمانی طور پر تیار تھی، ورلڈ ٹی ٹوئنٹی اہم ایونٹ ہے، آغاز جیت کے ساتھ کرنا چاہتے ہیں۔

    آفریدی کا کہنا تھا کہ بھارت میں ہمیشہ کرکٹ کو انجوائے کیا، بھارت میں لوگوں نے ہمیشہ پیار دیا، ایسے ممالک کم ہیں جہاں کرکٹ کھیلنے میں مزہ آتا ہے، بھارت ان میں سے ایک ہے۔

    ایک سوال پر آفریدی نے کہا کہ ایڈن گارڈن فیورٹ گراؤنڈ ہے، پاکستان کا بھارت اور اس گراؤنڈ میں ریکارڈ کافی اچھا ہے، اسے برقرار رکھنے کے لئے کھلاڑیوں کو عمدہ کھیل پیش کرنا ہوگا۔

  • وقار یونس کی کپتان شاہد آفریدی سے اختلافات کی تردید

    وقار یونس کی کپتان شاہد آفریدی سے اختلافات کی تردید

    لاہور: پاکستان کرکٹ ٹیم کے ہیڈ کوچ وقار یونس نے کہا ہے کہ ورلڈ ٹی ٹوئنٹی میں کارکردگی بہت بہتر کرنی ہو گی، ہیڈ کوچ نے کپتان شاہد آفریدی سے اختلافات کی خبروں کو مسترد کردیا، انہوں نے کہا کہ یہ ٹیم کوجوڑنے کا وقت ہے۔

    وقار یونس ٹیم کو اجازت ملنے پرخوش ہوئے انہوں نے کہا کہ دنیائے کرکٹ کے لئے اچھی خبر ہے، وقار یونس نے کہا کہ ٹیم کی کارکردگی اچھی نہیں، اسے بہت بہتر کرنا ہو گا۔

    وقار یونس نے کہا کہ کپتان شاہد آفریدی سے اختلافات کی باتیں درست نہیں، پاکستان ٹیم کوقوم کی حمایت درکار ہے۔

    پاکستان ورلڈ ٹی ٹوئنٹی میں اپنا پہلا میچ بدھ کو کوالیفائر ٹیم سے کھیلے گی جو بنگلہ دیش ہو سکتی ہے۔

  • شاہد آفریدی کی بڑی بیٹی نے اپنا فیورٹ کھلاڑی شعیب ملک کو قرار دے دیا

    شاہد آفریدی کی بڑی بیٹی نے اپنا فیورٹ کھلاڑی شعیب ملک کو قرار دے دیا

    دبئی: کراچی کنگزاورپشاورزلمی کے درمیان میچ دیکھنے کیلئے شاہدآفریدی کی بیٹیاں بھی اسٹیڈیم میں موجود تھی،بوم بوم کی بڑی بیٹی نے کراچی کنگزکےکپتان کوفیورٹ کھلاڑی قراردیا۔

    آفریدی کی پشاورزلمی اورشعیب ملک کی کراچی کنگزکوسپورٹ کرنے بوم بوم کی بیٹاں بھی شارجہ پہنچ گئی، آفریدی وکٹ پرآئے توان کی بیٹیاں صرف بابا کی ٹیم کو نہیں بلکہ دونوں ٹیموں کو سپورٹ کررہی تھیں۔

    آفریدی کی بڑی بیٹی نے بتایاکہ بابا کے علاوہ ان کے فیورٹ پلیئر کراچی کنگزکے کپتان شعیب ملک ہیں، دوسری بیٹی نے سیلفی کنگ احمد شہزاد کو پسندیدہ کھلاڑی کہا۔

    آفریدی کی ننھی پریوں کا کہنا تھا کہ پاکستان سپرلیگ کوخوب انجوائے کررہے ہیں۔

  • اگرمصباح ریٹائر ہوجائیں تو اظہرعلی کوکپتان بنانا چاہئے، شاہد آفریدی

    اگرمصباح ریٹائر ہوجائیں تو اظہرعلی کوکپتان بنانا چاہئے، شاہد آفریدی

    کراچی: قومی ٹی ٹوئنٹی ٹیم کے کپتان شاہد آفریدی کا کہنا ہے کہ مضبو ط ٹیموں کے خلاف جتنا کھیلیں گے ورلڈ ٹی ٹوئنٹی کیلئے اتنی ہی اچھی تیاری ہوگی۔

    کراچی میں بنگلہ دیش ویمنز ٹیم کے اعزاز میں دیی گئی تقریب کے بعد میڈیا سے گفتگو کرتے ہوئے شاہد آفریدی کا کہنا تھا کہ آئندہ سال ورلڈ ٹی ٹوئنٹی بھارت میں ہونا ہے، اس لئے برصغیر میں جتنی زیادہ کرکٹ کھیلیں گے ٹیم کو اتنا فائدہ ہوگا۔

     ایک سوال پر آفریدی کا کہنا تھا کہ پاکستان میں دہشت گردوں کے خلاف آپریشن ضرور چل رہا ہے لیکن اس کے باوجود یہاں کے لوگ کرکٹ دیکھنا چاہتے ہیں،آفریدی نے کہا کہ تمام ایشیائی ممالک کو متحد ہوجانا چاہیے۔

    بوم بوم نے کہا کہ پاکستان ٹیسٹ ٹیم کومصباح الحق کی ضرورت ہے، اگرمصباح ریٹائرہوجائیں تواظہرعلی کوکپتان بناناچاہئے۔

  • باکسر عامر خان کی آل راونڈر بوم بوم شاہد آفریدی سے ملاقات

    باکسر عامر خان کی آل راونڈر بوم بوم شاہد آفریدی سے ملاقات

    کراچی : بین الاقوامی شہرت یافتہ باکسر عامر خان نے کراچی میں پاکستانی آل راونڈر بوم بوم شاہد آفریدی سے ملاقات کی ہے۔

    تفصیلات کے مطابق ملاقات میں دلوں کے ڈھرکن شاہد آفریدی اور عامر خان نے اپنے اپنے پروفیشنل سے متعلق ایک دوسرے سے تبادلہ خیال کیا۔

    1

    دونوں ستاروں نے خوشگوار محول میں اپنے پرستاروں کے لئے ایک دوسرے ساتھ تصاویریں بناوائیں۔

    3

    ایک تصویر میں بوم بوم آفریدی مزاحیہ انداز میں عالمی باکسر عامر خان کو مکا مارتے ہوئے نظر آئے ۔

    2

    ملاقات کے حوالے سے شاہد آفریدی نے سماجی رابطے کی ویب سائٹ فیس بک کے اپنے آفیشل پیج پر ملاقات کا ذکر بھی کیا ۔