لاہور: عدلیہ مخالف بیان بازی کرنے پر وزیر اعظم شاہد خاقان عباسی کے خلاف توہین عدالت کی کارروائی اور تقاریر کی نشریات پر پابندی کے لیے لاہور ہائیکورٹ میں درخواست دائر کر دی گئی۔
تفصیلات کے مطابق وزیر اعظم شاہد خاقان عباسی کے خلاف عدلیہ مخالف بیان بازی کرنے پر توہین عدالت کی درخواست جوڈیشل ایکٹو ازم پینل کی جانب سے دائر کی گئی ہے۔
درخواست میں کہا گیا کہ وزیر اعظم شاہد خاقان عباسی نے عدلیہ مخالف بیان دے کر توہین عدالت کی جو کہ آئین کی سنگین خلاف ورزی ہے۔
درخواست کے مطابق توہین آمیز نشریات پر پابندی عائد کرتے ہوئے ہائی کورٹ نے پیمرا کوڈ آف کنڈکٹ پر عملدر آمد کا حکم دے رکھا ہے جس کے تحت عدلیہ پر تنقید نہیں کی جا سکتی۔ عدالتی حکم کے باوجود وزیر اعظم شاہد خاقان عباسی عدلیہ پر تنقید کر رہے ہیں۔
لاہور ہائیکورٹ میں دائر درخواست میں کہا گیا کہ پیمرا نے عدلیہ پر تنقید روکنے کے لیے کوئی اقدامات نہیں کیے، اس لیے کارروائی کی جائے اور عدالت اپنے فیصلے پر عمل درآمد کے لیے پیمرا سے تفصیلات طلب کرے۔
درخواست میں استدعا کی گئی ہے کہ عدالت وزیر اعظم شاہد خاقان عباسی کے خلاف توہین عدالت کی کارروائی کرے اور ان کے عدلیہ مخالف بیانات نشر کرنے پر پابندی عائد کرے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اسلام آباد : وزیراعظم شاہد خاقان عباسی کا کہنا ہے کہ پاکستان دہشت گردی کے خلاف جنگ میں ہراول دستے کا کردار ادا کررہا ہے، اور اپنی سرزمین پریہ جنگ جیت چکا ہے۔
تفصیلات کے مطابق برطانوی اخبار کو دیے گئے انٹرویو میں وزیراعظم شاہد خاقان عباسی نے کہا کہ دہشت گردی کے خلاف جنگ میں پاکستان نے ہزاروں جانوں کی قربانیاں دی ہیں۔
وزیراعظم پاکستان نے امریکہ کی جانب سے سیکورٹی تعاون کی مد میں پاکستان کی 2 ارب ڈالر تک کی امداد روکنے کے حوالے سے رپورٹس پر کہا کہ یہ رپورٹس حیران کن ہیں۔
انہوں نے کہا کہ پاکستان کوسول وملٹری امداد کی مد میں مجموعی طور پرجو رقم ملی تو وہ اس رقم کا بہت معمولی حصہ ہے۔
شاہدخاقان عباسی نے کہا کہ امریکہ نے سول اور ملٹری امداد کے نام پراب تک جو رقم دی وہ نہ ہونے کے برابر تھی جبکہ پچھلے پانچ سالوں میں سالانہ ایک کروڑ ڈالر کی امریکی امداد ملی جو بہت ہی کم ہے۔
وزیراعظم پاکستان نے کہا کہ امریکی صدر کی جانب سے پاکستان پر دہشت گردی کے خلاف جنگ میں ڈبل گیم کھیلنے کے الزام کو مسترد کرتے ہوئے دہشت گردوں کو پناہ دینے کے الزام کو گمراہ کن قرار دیا۔
یاد رہے کہ نئے سال کے آغازپر امریکی صدر کا کہنا تھا کہ پاکستان ان دہشت گردوں کو محفوظ پناہ گاہیں فراہم کرتا ہے جنہیں ہم افغانستان میں تلاش کررہے ہیں، امداد وصول کرنے کے باوجود پاکستان نے امریکہ سے جھوٹ بولا لیکن اب ایسا نہیں ہوگا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
صادق آباد: وزیر اعظم شاہد خاقان عباسی کا کہنا ہے کہ نواز شریف اور مسلم لیگ ن کی حکومت باتیں نہیں کام کرتے ہیں۔ ہمارے سینکڑوں منصوبے ہیں، آپ اپنا ایک منصوبہ دکھا دیں۔
تفصیلات کے مطابق رحیم یار خان کے شہر صادق آباد میں وزیر اعظم شاہد خاقان عباسی نے آر ایل این جی کی ترسیل اور فراہمی کے منصوبے کا افتتاح کیا۔
وزیر اعظم نے افتتاحی تقریب سے خطاب کرتے ہوئے کہا کہ ایل این جی منصوبہ پاکستان کو ترقی دینے کے لیے اہم ہے۔ ایل این جی منصوبہ پاکستان میں توانائی کی کمی کو پورا کرے گا۔
انہوں نے کہا کہ منصوبے سے پنجاب اور خیبر پختونخواہ کو گیس فراہم کی جاتی ہے۔ اضافی گیس مہیا کیے بغیر توانائی کے مسائل حل نہیں ہوسکتے تھے۔ ’حکومت سنبھالی تو ملک میں توانائی کا بحران تھا۔ توانائی کا بحران حل کیے بغیر ملک کی ترقی ممکن نہیں‘۔
وزیر اعظم نے کہا کہ پاکستان نے ایل این جی سے سستی ترین گیس حاصل کی۔ ملکی تاریخ میں 42 انچ قطر کی کوئی گیس پائپ لائن نہیں ڈالی گئی۔ ’ہم گیس کا مسئلہ حل نہ کرتے تو بجلی کے مسائل بھی حل نہ ہوتے‘۔
انہوں نے مزید کہا کہ نواز شریف اور موجودہ حکومت باتیں نہیں، کام کرتے ہیں۔ مخالفین اپنے 15 سال کے دور میں ایک منصوبہ دکھا دیں۔ ’مسلم لیگ ن خدمت اور کام کی سیاست کرتی ہے‘۔
وزیر اعظم کا مزید کہنا تھا کہ گیس کےکنکشن جتنے بھی دیے ان میں ایک بھی سفارش پر نہیں دیا۔ ’آج ملک میں کوئی صنعت لگانی ہو، کارخانہ لگانا ہو تو گیس میسر ہے‘۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اسلام آباد: قومی سلامتی کميٹی نے کہا ہے کہ امريکا اپنی ناکاميوں کا الزام پاکستان پر نہ لگائے، ڈونلڈ ٹرمپ کا ٹوئٹ حقائق کے منافی ہے، پاکستان نے دہشت گردی کی جنگ ميں اہم کردارادا کيا۔
تفصیلات کے مطابق اسلام آباد میں امریکی دھمکیوں سے متعلق وزیر اعظم شاہد خاقان عباسی کی زیرصدارت قومی سلامتی کمیٹی کا ہنگامی اجلاس ختم ہونے کے بعد اعلامیہ جاری کیا گیا۔
اعلامیہ کے مطابق امریکی صدر ٹرمپ کے بیان پر قومی سلامتی کمیٹی کو سخت مایوسی ہوئی، البتہ غیرضروری الزامات کے باوجود پاکستان جلد بازی نہیں کرے گا، پاکستان الزامات کے باوجو دمثبت کردار ادا کرتا رہے گا۔
اہم ترین اجلاس میں وزیرخارجہ، وزیردفاع، وزیرداخلہ کے علاوہ آرمی چیف، نیول چیف، ایئرچیف مشیر قومی سلامتی، امریکا میں پاکستانی سفیراعزازچوہدری سمیت سول اورفوجی قیادت نے شرکت کی، اجلاس میں امریکی صدرکے بیان سمیت خطے اوراندرونی معاملات پرتبادلہ خیال کیا گیا۔
اجلاس میں کہا گیا کہ پاکستان نےدہشت گردی کے خاتمے کیلئے گراں قدر قربانیاں دیں ہیں، پاکستان کی قربانيوں سے انحراف سراسر زيادتی ہوگی، عالمی برادری پاکستان کی قربانیوں کا اعتراف کرے۔
امریکی صدر کا ٹوئٹ حقائق کے منافی ہے، پاکستان نے دہشت گردی کیخلاف جنگ میں بلاتفريق کارروائياں کيں، امن قائم کرنے کیلئے ہمارا عزم غیر متزلزل ہے، پاکستان دہشت گردی سے متاثر ملکوں میں دوسرے نمبر پر ہے۔
اجلاس میں مزید کہا گیا کہ دہشت گردی کیخلاف جنگ میں پاکستان کو 123 ارب ڈالرز کا نقصان اور پچاس ہزار پاکستانی شہری جاں بحق ہوئے، اس جنگ میں سیکیورٹی فورسز کے چھ ہزاراہلکاروں نے جام شہادت نوش کیا، 2003 سے 2017 تک پاکستان میں 62 ہزار 421 افراد شہید ہوئے۔
قومی سلامتی کمیٹی کے اعلامیہ میں کہا گیا ہے کہ امریکی صدر کے بیان پر قومی سلامتی کمیٹی نے سخت مایوسی کا اظہار کیا، اعلامیہ کے مطابق ٹرمپ کی جنوبی ایشیائی پالیسی کے اعلان کے بعد امریکی حکام سے ملاقاتیں ہوئیں، ملاقاتوں میں باہمی اعتماد سازی کے ساتھ آگے بڑھنا ہی بہترین راستہ ہے۔
یاد رہے کہ مذکورہ اجلاس سے قبل آرمی چیف جنرل قمرجاوید باجوہ کی زیر صدارت کور کمانڈرز کانفرنس ہوئی تھی، جس میں اندرونی وعلاقائی سیکیورٹی صورت حال اور قومی سلامتی کمیٹی کے اجلاس پر تبادلہ خیال کیا تھا۔
یاد رہے کہ گذشتہ روز امریکی صدر ڈونلڈ ٹرمپ نے اپنے دھمکی آمیز ٹویٹ میں کہا تھا کہ پاکستان امریکا کو ہمیشہ دھوکا دیتا آیا ہے، پاکستان نے امداد کے بدلے امریکا کو بے وقوف بنانے کے سوا کچھ نہیں کیا، مگر اب ایسا نہیں چلے گا۔
اس ٹویٹ کے جواب میں وزیر خارجہ خواجہ آصف نے مؤقف اختیار کیا تھا کہ امریکا افغانستان میں پھنس گیا ہے، جس کا غصہ پاکستان پر نکالا جارہا ہے، بعد ازاں پاکستان نے امریکی سفیر کو دفتر خارجہ طلب کرکے ڈونلڈ ٹرمپ کے بیان پر شدید احتجاج ریکارڈ کروادیا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
اسلام آباد : وزیراعظم شاہد خاقان کی زیرصدارت وفاقی کابینہ کا اہم اجلاس آج ہوگا جس میں امریکی صدر ڈونلڈٹرمپ کے بیان پر غور کیا جائے گا۔
تفصیلات کے مطابق وزیراعظم پاکستان شاہدخاقان عباسی نے وفاقی کابینہ کا اجلاس آج طلب کیا ہے جس میں امریکی صدر کے پاکستان کے حوالے سے دیے گئے بیان سمیت جنوبی ایشیا پالیسی کے امور بھی زیرغور آئیں گے۔
ذرائع کے مطابق وفاقی کابینہ کے اجلاس میں ملکی سلامتی کی صورت حال سمیت اہم قومی امور پر غور کیا جائے گا۔
خیال رہے کہ گزشتہ روز امریکی صدر ڈونلڈ ٹرمپ کا کہنا تھا کہ پاکستان امریکی رہنماؤں کو بےوقوف سمجھتا ہے اور امریکہ نے بھی پاکستان کی مدد کرکے بیوقوفی کی۔
دوسری جانب امریکی صدر کے بیان پر وزیرخواجہ آصف نے ٹویٹر پر اپنے پیغام میں کہا تھا کہ ڈونلڈٹرمپ کے بیان پر جلد ردعمل دیا جائے گا اور دنیا کو حقیقت سے آگاہ کیا جائے گا۔
یاد رہے کہ گزشتہ روز پاکستان نے امریکی سفیرڈیوڈ ہیل کو دفتر خارجہ طلب کرکے ڈونلڈ ٹرمپ کے بیان پر شدید احتجاج ریکارڈ کروایا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
راولپنڈی: وزیراعظم شاہد خاقان عباسی کی زیرصدارت نیشنل کمانڈ اتھارٹی کا 23 واں اجلاس ہوا، آرمی چیف جنرل قمر جاوید باجوہ بھی اجلاس میں شریک ہوئے۔
پاک فوج کے شعبہ نشرو اشاعت (آئی ایس پی آر) کے مطابق اس اہم اجلاس میں چیئرمین جے ایس سی، ڈی جی آئی ایس آئی، ایئر اور نیول چیفس نے بھی شرکت کی، وزیردفاع، وزیرداخلہ اور دیگراعلیٰ حکام بھی اجلاس میں موجود تھے۔
اجلاس میں اتھارٹی کوعلاقائی سیکیورٹی اوردرپیش چیلنجزپربریفنگ دی گئی، ملک کو عدم استحکام کا شکار کرنے کی سازشوں سے آگاہ کیا گیا اور علاقائی سیکیورٹی صورت حال کا جائزہ لیا گیا۔
اس اہم اجلاس میں پڑوسی ملک کے عسکری اقدامات کو جنوبی ایشیا میں امن کے قیام میں رکاوٹ قرار دیتے ہوئے نیشنل کمانڈ اتھارٹی نےبحر ہند میں بڑھتی ایٹمی سرگرمیوں پرتشویش کا اظہار بھی کیا۔
آئی ایس پی آر کی جانب سے جاری کردہ اعلامیے کے مطابق اجلاس میں موقف اختیار کیا گیا کہ پاکستان اپنےدفاع کے لیے ایٹمی ڈیٹرنس کی پالیسی پر گامزن ہے، اس موقع پر دفاع کے لیے سائنس دانوں اور انجینئرز کی خدمات کوخراج تحسین کیا گیا اور پاکستان کی صلاحیتوں پر اطمینان کا اظہار کرتے ہوئے ہرطرح کی جارحیت کا بھرپور جواب دینے کے عزم کا اعادہ بھی کیا گیا۔
اتھارٹی نے بابر تھری اور ابابیل میزائل سسٹم کے کامیاب تجربے کو سراہا اور نیشنل کمانڈ اتھارٹی اجلاس میں نیوکلیئر سیکیورٹی صورت حال کا تفصیلی جائزہ لیتے ہوئے اسٹریٹجک اثاثوں کی حفاظت اور کمانڈ اینڈ کنٹرول سسٹم پر مکمل اطمینان کااظہار کیا۔
اجلاس میں خطرات سے نمٹنے کے لئے اسٹریٹجک فورسزکی تربیت اورپیشہ ورانہ استعداد کو بھی سراہا گیا، اس موقع پر اتھارٹی کو نیشنل اسپیس پروگرام اور نیوکلیئرپاور پروگرام پر بھی بریفنگ دی گئی۔ نیشنل اسپیس اور نیوکلیئرپاور پروگرام کی توثیق کی گئی، نیشنل اسپیس، نیوکلیئر پاور پروگرام کو ملکی خوش حالی وترقی کے لئے لازمی قرار دیا گیا۔
کوہاٹ: فاٹا کے معاملے پر اجتماعی سوچ کی ضرورت ہے، کچھ لوگ اسے سیاست کی نذر کرنے کی کوشش کر رہے ہیں، ہم فاٹا کو خیبرپختون خوا میں ضم کرکے عوام کا دیرینہ مطالبہ پورا کریں گے۔ ان خیالات کا اظہار وزیر اعظم شاہد خاقان عباسی نے کوہاٹ کے جلسے سے خطاب کرتے ہوئے کیا۔
ان کا کہنا تھا کہ نواز شریف نے جو وعدے کیے تھے، وہ ہم پورے کر رہے ہیں، ساڑھے چار سال میں جو ترقیاتی کام کیے، وہ 13 سال میں نہیں ہوئے۔ مسلم لیگ ن گالیوں کی سیاست نہیں کرتی۔
انھوں نے مزید کہا کہ ہم نے ہمیشہ خدمت کی سیاست کی، بجلی اور گیس کی لوڈشیڈنگ کا خاتمہ کیا۔ آج کوہاٹ میں لڑکیوں کا اعلیٰ تعلیمی ادارہ قائم کرکے ایک اور وعدہ پورا کر دیا۔
وزیر اعظم کا کہنا تھا کہ ہم ترقیاتی کاموں کی بنیاد پر الیکشن لڑیں گے. امید ہے، آئندہ انتخابات میں عوام ہم پر اعتبارکریں گے۔ اور ہمیں کارکردگی کی بنیاد پر ووٹ ملے گا۔
انھوں نے آرمی پبلک اسکول کی تیسری برسی کی مناسبت سے کہا کہ سانحہ اے پی ایس کےبعد پوری قوم متحد ہوئی، آج والدین اپنے بچوں کو کسی خوف کےبغیر اسکول بھیجتے ہیں۔
وزیر اعظم کا کہنا تھا کہ مسلم لیگ ن نے ہمیشہ لوگوں کوجوڑنے کی بات کی، ہم نے کبھی سیاسی مقاصد کے لئے تفریق پیدا نہیں کی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اسلام آباد: او آئی سی کی افادیت اب ختم ہوچکی ہے، اجلاس میں وزیراعلیٰ پنجاب کی شرکت ناقابل فہم تھی، ان خیالات کا اظہار پیپلزپارٹی کے مرکزی رہنما سینیٹر اعتزاز احسن نے کیا۔
تفصیلات کے مطابق اعتزاز احسن نے او آئی سی اجلاس میں وزیر اعلیٰ پنجاب کی شرکت پر شدید نتقید کرتے ہوئے کہا کہ ایک صوبے کے وزیر اعلیٰ پر نوازشیں ناقابل فہم ہیں۔ ان کی موجودگی میں وزیر اعظم شاہد خاقان عباسی بے وقعت معلوم ہوئے۔
اعتراز احسن نے حکومت کی جانب سے سازش کے الزامات کو آڑے ہاتھوں لیتے ہوئے کہا کہ پانچ گورنر اور تین وزرائے اعلیٰ آپ کے ہیں، ایسے میں سازش کا الزام بلاجواز ہے۔
اعتراز احسن کے مطابق فیض آباد دھرنے کے معاملے میں حکومت نے خلا پیدا کیا، معاہدے میں خود درخواست کی کہ اس سے جان چھڑوائیں، اگر کوئی آپ کے خلاف سازش کر رہا ہے، تو اس کا نام بتائیں۔
انھوں نے نوازشریف سے ملنے کے لیے وزیراعظم شاہد خاقان عباسی کی جانب سے سرکاری جہاز استعمال کرنے پر بھی تنقید کی۔ ان کا کہنا تھا کہ حکومت اپنے اختیارات سے دستبردار ہوچکی ہے۔
سینیٹر اعتراز احسن کا کہنا تھا کہ وہ کل کے پارلیمانی رہنماؤں کے اجلاس میں مثبت انداز میں شرکت کریں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
لندن : نواز شریف کی قیادت میں لندن میں ن لیگ کا اہم اجلاس ہوا۔ اجلاس میں وزیراعظم شاہد خاقان عباسی نے بھی شرکت کی۔
تفصیلات کے مطابق شہبازشریف، خواجہ آصف، حسن نواز اور مریم نواز نے بھی اجلاس میں شرکت کی۔ یہ ملاقات نوازشریف کے صاحب زادے کے دفتر میں ہوئی۔
ذرایع کے مطابق سابق وزیر اعظم میاں نوازشریف پر پارٹی صدارت چھوڑنے کا دباؤ بڑھ گیا ہے اور اس ملاقات کا مقصد انھیں اس فیصلے کے لیے قائل کرنا ہے۔
البتہ وزیر اعظم شاہد خاقان عباسی نے اسے معمول کی ملاقات کردیا۔
وزیر اعظم نے میڈیا سے بات کرتے ہوئے اسپیکر ایاز صادق کے بیان کو ان کی ذاتی رائے قرار دیا۔ ان کا کہنا تھا کہ وہ اسپیکر کے تمام تحفظات دور کریں گے۔ حکومت کو کوئی خطرہ نہیں۔ اسمبلی اپنی مدت پوری کرے گی، عبوری حکومت جون میں بنے گی۔
یاد رہے کہ اسپیکر ایاز صادق نے گذشتہ روز یہ خدشہ ظاہر کیا تھا کہ شاید حکومت اپنی مدت پوری نہ کرسکے۔
وزیر اعظم کا یہ بھی کہنا تھا کہ مقبوضہ بیت المقدس سے متعلق اسرائیل اور امریکا کو او آئی سی کے پلیٹ فورم سے مضبوط بیان دیا گیا ہے۔
اطلاعات کے مطابق اجلاس کے بعد وزیر اعظم نے اتوار کو پاکستان لوٹنے کا فیصلہ کیا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں ۔
اسلام آباد : وزیراعظم شاہد خاقان عباسی کا کہنا ہے کہ انسانی حقوق کے تحفظ اور انسانی اقدار کے فروغ کے لیے کوشاں ہیں۔
تفصیلات کے مطابق انسانی حقوق کے عالمی دن کے موقع پر وزیراعظم پاکستان نے کہا کہ پاکستان انسانی حقوق کے حوالے سے قومی و بین الاقوامی سطح پر اپنی ذمہ داریاں پوری کررہا ہے۔
وزیراعظم پاکستان نے کہا کہ حکومت پاکستان نے قانونی اصلاحات سمیت انسانی حقوق کے حوالے سے کئی اقدامات کیے۔
انہوں نے کہا کہ یہ اسلام ہی ہے جس نے سب سے پہلے معاشرے کے لیے انسانی حقوق کا تعین کیا اسی لیے ہم تمام انسانوں کے بلاتفریق پرامن اور برابری کی سطح پرانسانی حقوق کے حامی ہیں۔
وزیراعظم شاہد خاقان عباسی نے کہا کہ کشمیریوں، فلسطینیوں، روہنگیا مسلمانوں کو بنیادی حقوق سے محروم کیا جارہا ہے، انہوں نے کہا کہ بنیادی انسانی حقوق کے لیے کوششیں عالمی ذمہ داری ہے۔
واضح رہے کہ وزیراعظم پاکستان کا کہنا تھا کہ اقوام متحدہ کے یونیورسل ڈیکلریشن 1948 میں انسانی حقوق کو تحفط دیا گیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
