ARYNews.tv | Urdu – Har Lamha Bakhabar

Tag: شاہد خاقان عباسی

  • وزیراعظم ایسےشخص کوکیسےپروٹوکول دےسکتےہیں جوکرپٹ ہو‘عمران خان

    وزیراعظم ایسےشخص کوکیسےپروٹوکول دےسکتےہیں جوکرپٹ ہو‘عمران خان

    اسلام آباد: پاکستان تحریک انصاف کے سربراہ عمران خان کا کہنا ہے کہ وزیراعظم شاہد خاقان عباسی ناجائز طریقے سے کمائی دولت بچانےمیں مدد دے رہے ہیں۔

    تفصیلات کے مطابق چیئرمین پاکستان تحریک انصاف عمران خان نے سماجی رابطے کی ویب سائٹ ٹویٹرپراپنے پیغام میں کہا کہ وزیراعظم ایسےشخص کوکیسے پروٹوکول دےسکتے ہیں جوکرپٹ ہو۔

    عمران خان نے کہا کہ وزیراعظم شاہد خاقان عباسی ناجائز طریقے سے کمائی دولت بچانےمیں مدد دے رہے ہیں۔ انہوں نے کہا کہ ٹیکس دہندگان کےخرچے پرپنجاب ہاؤس میں رہنے کی اجازت دی جا رہی ہے۔

    پاکستان تحریک انصاف کے سربراہ نے کہا کہ نوازشریف نے300 بلین روپے کی دولت بیرون ملک چھپائی اور وہ منی لانڈرنگ پرعدالت کا سامنا کررہے ہیں۔

    لندن گیم پلان ظاہرہوگیا ہے‘عمران خان

    یاد رہے کہ تین روز قبل عمران خان کا کہنا تھا لندن گیم پلان ظاہر ہوگیا ہے، نواز شریف پارٹی پر کنٹرول برقراررکھ کراسے نیب عدلیہ اور فوج کو بدنام کرنے کے لیے استعمال کریں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • مائنس نواز مارمولا، شہباز شریف، وزیراعظم اور کابینہ کی لندن دوڑیں

    مائنس نواز مارمولا، شہباز شریف، وزیراعظم اور کابینہ کی لندن دوڑیں

    لندن : سابق وزیراعظم نواز شریف نے کہا ہے کہ دو نومبر کو پاکستان جا رہا ہوں، افواہوں پر کان نہ دھریں اب نہ کوئی مائنس نواز فارمولا چلے گا اور نہ پاکستان جانے میں مجھے کسی ہچکچاہٹ کا سامنا ہے.

    یہ بات انہوں نے لندن میں میڈیا سے گفتگو کرتے ہوئے کہی، سابق وزیراعظم نے تمام افواہوں کو رد کرتے ہوئے بتایا کہ باوجود اہلیہ کی بیماری کے میں 2 نومبر کو پاکستان جا رہا ہوں اور عدالت کا سامنا بھی کروں گا حالانکہ وہاں شفاف ٹرائل نہیں ہورہا ہے.

    سابق وزیراعظم اور صدر پاکستان مسلم لیگ (ن) نواز شریف نے کہا کہ کوئی مائنس نواز فارمولہ نہیں ہے اور نہ ہی ایسا کوئی فیصلہ عوام کے لیے قابل قبول ہوگا جس کا بھرپور مظاہرہ حلقہ 120 کے ضمنی الیکشن میں دیکھا جا سکتا ہے.

    قبل ازیں موجودہ وزیراعظم شاہد خاقان عباسی نے لندن اہم پارٹی اجلاس کے بعد میدیا سے گفتگو کے دوران بتایا کہ لندن میں وزراء کا اجلاس نہیں تھا بلکہ یہ ذاتی نوعیت کی ملاقات تھی جس کے لیے حکومت سے ایک دن کی چھٹی لی ہے.

    انہوں نے کہا کہ مسلم لیگ (ن) کو توڑنے کی باتیں محض پروپیگنڈہ ہیں اور مائنس نواز فارمولا کبھی کامیاب نہیں ہوگا کیوں کہ نواز شریف آج بھی دِلوں کے بادشاہ اور عوام کے وزیراعظم ہیں.

    وزیراعظم شاہد خاقان عباسی نے صحافیوں کو مخاطب کرتے ہوئے کہا کہ عدالت میں جا کر دیکھیں کہ فیئر ٹرائل ہو رہا ہے یا نہیں ہو رہا ہے اور فیئر ٹرائل نہ ہونے کے باوجود نواز شریف پاکستان جا کر احتساب عدالت کے سامنے پیش ہوں گے.

    وزیراعلیٰ پنجاب شہبازشریف نے کہا کہ نواز شریف کی مشاورت سے تمام معاملات طے کیے جائیں گے کیوں کہ نواز شریف ہی پارٹی سربراہ ہیں اس لیے اُن سے مشاورت کرتے ہیں اور آج اسی مقصد کے لیے لندن میں جمع ہوئے ہیں.

    انہوں نے ایک سوال کے جواب میں مائنس فارمولا کو مسترد کرتے ہوئے کہا کہ نواز شریف کے سوا کوئی قبول نہیں ہے اور اسی طرح فیئر ٹرائل نواز شریف کا جائز مطالبہ ہے.

    خیال رہے کہ وزیراعظم شاہد خاقان عباسی اہم وزراٗ کے ہمراہ لندن میں مقیم ہیں جب کہ شہباز شریف اور دیگر مسلم لیگی رہنما بھی ان کے ہمراہ ہیں جہاں مسلم لیگ (ن) کا اہم پارٹی اجلاس ہوا اور نواز شریف کی پاکستان آمد و احتساب عدالت میں پیشی سمیت مائنس نواز فارمولا پر کھل کر بحث ہوئی اور مستقبل کا لائحہ عمل بھی طے کیا گیا۔

    دوسری جانب سابق وزیراعظم نوازشریف کے ناراض ساتھی اور سابق وزیر داخلہ چوہدری نثار نے پریس کانفرنس سے خطاب کرتے ہوئے کہا کہ پارٹی میں مفادات کو مقدم رکھا جا رہا ہے اور اداروں سے تصادم کی پالیسی جاری ہے جب کہ میں نے پاناما کیس پر بیان بازی سے گریز کرنے کا مشورہ دیا تھا تاہم اس پر عمل نہیں کیا گیا۔

    سیاسی حلقے اور تجزیہ نگاروں کا کہنا ہے کہ چوہدری نثار ، سینیٹر ظفر علی شاہ، وفاقی وزیر ریاض پیرزادہ، ظفر اللہ جمالی سمیت کئی اراکین اسمبلی اداروں سے تصادم کی پالیسی اور مریم نواز کی پارٹی معاملات میں بے جا مداخلت قیادت سے متنفر نظر آرہے ہیں جسے ابھی نہیں سنبھالا گیا تو یہ معاملہ جماعت میں تفریق کا باعث بنے گا جسے شاید نواز شریف کے حامی مائنس نواز سے تعبیر کر رہے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ریاستی اداروں میں کوئی اختلاف نہیں، وزیراعظم

    ریاستی اداروں میں کوئی اختلاف نہیں، وزیراعظم

    لندن: وزیر اعظم شاہد خاقان عباسی نے کہا ہے کہ ریاستی اداروں میں کوئی اختلاف نہیں ہے اور نہ ہی میرے پاس قبل از انتخابات کی کوئی تجویز آئی ہے۔

    ان خیالات کا اظہار انہوں نے لندن میں میڈیا سے گفتگو کرتے ہوئے کیا، شاہد خاقان عباسی نے کہا کہ ٹیکنو کریٹ حکومت کی آئین میں کوئی گنجائش نہیں ہے، میرے پاس قبل از وقت انتخابات کی کوئی تجویز نہیں آئی۔

    انہوں نے کہا کہ ذاتی حیثیت سے لندن آیا ہوں، نواز شریف سے کل ملاقات کروں گا، مسلم لیگ ن میں کوئی اختلاف نہیں ہے، نہ تو سازشوں پر یقین رکھتا ہوں اور نہ ہی اس کی کوئی گنجائش ہے۔

    ایک صحافی کی جانب سے کیے گئے سوال پر کہ کیا نواز شریف کے لیے این آر او کی کوشش کی جارہی ہے؟ کے جواب میں شاہد خاقان عباسی نے کہا کہ میرے پاس کوئی ایسی اطلاع نہیں، آپ کے پاس ہے تو بتادیں۔

    قبل از وقت انتخابات کے حوالے سے شاہد خاقان عباسی کا کہنا تھا کہ ایسی کوئی بات نہیں ہے، انتخابات اپنے وقت پر ہی ہوں گے۔

    مزید پڑھیں: وزیراعظم شاہد خاقان عباسی نیویارک سے لندن پہنچ گئے

    لاہور میں پاکستان اور سری لنکا کے درمیان ہونے والے ٹی ٹوئنٹی میچ پر وزیر اعظم کا کہنا تھا کہ سری لنکا کی ٹیم کا پاکستان آنا اچھا اقدام ہے، امید ہے آئندہ دیگر ٹیمیں بھی پاکستان کا دورہ کریں گی۔

  • شاہد خاقان عباسی ملٹری ہیلی کاپٹراڑانےوالے پہلےوزیراعظم بن گئے

    شاہد خاقان عباسی ملٹری ہیلی کاپٹراڑانےوالے پہلےوزیراعظم بن گئے

    اسلام آباد : وزیراعظم شاہد خاقان عباسی جنگی ہیلی کاپٹر اڑانے والے پاکستان کے پہلے وزیراعظم بن گئے۔

    تفصیلات کے مطابق وزیراعظم شاہد خاقان عباسی نے ٹی 129 ہیلی کاپٹر کی اڑان کے بعد میڈیا سے گفتگو کرتے ہوئے یہ بہت متاثر کن ہیلی کاپٹر ہے۔ انہوں نے ترکی کی دفاعی صنعت کی تعریف بھی کی۔

    وزیراعظم پاکستان نے ترک ایوی ایشن کی تعریف کرتے ہوئے ترکی کی دفاعی صنعت کی کامیاب کوششوں کو سراہا۔ انہوں نے کہا کہ ترک کی دفاعی صنعت دنیا کی بہترین صنعتوں میں سے ایک ہے۔

    وزیراعظم شاہد خاقان عباسی کا کہنا تھا کہ ٹی 129 ہیلی کاپٹر کی خریداری کے حوالے سے ترک حکام سے بات چیت جاری ہے جبکہ پاک فوج بھی ہیلی کاپٹر کی خریداری کا جائزہ لے رہی ہے۔

    اس موقع پر ترک ایرواسپیس انڈسٹریز کے چیف ایگزیکٹیو ٹیمل کوتل نے بتایا کہ ٹی 129 میزائل اور گن کے ساتھ لائٹ ویٹ حملے کا ہیلی کاپٹر ہے۔

    یاد رہے کہ گزشتہ ماہ ستمبر میں وزیراعظم پاکستان نے پاک فضائیہ کی مشقوں میں حصہ لیا تھا اورایف 16 کی اڑان میں حصہ لیا تھا۔

    وزیراعظم کا دورہ مصحف بیس، ایف 16 طیارے میں پرواز کی

    پاک فضائیہ کے ترجمان کا کہنا تھا کہ وزیراعظم شاہد خاقان عباسی پاکستانی کی تاریخ کے پہلے وزیراعظم ہیں جنہوں نے ریئر کاک پٹ میں بیٹھ کر ایف 16 جہاز اڑا کر تربیتی مشن میں حصہ لیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

  • ترکی کے دشمن ہمارے بھی دشمن ہیں‘ وزیراعظم پاکستان

    ترکی کے دشمن ہمارے بھی دشمن ہیں‘ وزیراعظم پاکستان

    استنبول : وزیراعظم شاہد خاقان عباسی نے کہا کہ ترکی نے افغانستان اور پاکستان کے ساتھ بہترتعلقات کے ذریعے افغان امن عمل میں ہمیشہ تعمیری کردار ادا کیا ہے۔

    تفصیلات کے مطابق ڈی ایٹ کے نویں سربراہ اجلاس کے موقع وزیراعظم پاکستان نے ترک وزیراعظم کے ساتھ مشترکہ پریس کانفرنس سے خطاب کرتے ہوئے روہنگیا مسلمانوں اور فلسطینیوں کے لیے آواز اٹھانے پر ترکی کے کردار کی تعریف کی۔

    وزیراعظم شاہد خاقان عباسی نے اقوام متحدہ کی قراردادوں کے مطابق جموں وکشمیر کے عوام کی حق خودارادیت کے حصول کی جدوجہد کی حمایت پر ترکی کو سراہا۔

    اس سے قبل وزیراعظم شاہد خاقان عباسی اور ترک وزیراعظم بن علی یلدرم نے ملاقات میں دونوں ملکوں کے درمیان کثیرجہتی تعلقات کو مزید مستحکم کرنے کے طریقوں پر تبادلہ خیال کیا۔

    دونوں رہنماؤں نے مختلف شعبوں خصوصاََ تجارت اور معیشت کے شعبوں میں دو طرفہ تعلقات کے فروغ پراتفاق کیا۔

    وزیراعظم پاکستان نے نیوکلیئر سپلائرز گروپ میں پاکستان کی رکنیت کے لیے ترکی کی بھرپور حمایت کو بھی سراہا۔ انہوں نے کہا کہ پاکستان قبرص سمیت قومی دلچسپی کے معاملات پر ترکی کی تمام ممکنہ حمایت جاری رکھے گا۔

    انہوں نے کہا کہ پاکستان اور ترکی تمام معاملات پر ہم آہنگ سوچ کے حامل ہیں، ترکی کے دشمن ہمارے بھی دشمن ہیں۔

    وزیراعظم شاہد خاقان عباسی نے شام میں تنازعہ کے سیاسی حل کی تلاش اور لاکھوں شامی پناہ گزینوں کی میزبانی کرنے پر ترکی کے کردار کی تعریف کی۔

    دوسری جانب ترک وزیراعظم بن علی یلدرم نے کہا کہ پاکستان اور ترکی نے ضرورت کی ہر گھڑی میں ہمشیہ ایک دوسرے کی مدد کی ہے۔

    اسلام آباد:وزیراعظم شاہدخاقان عباسی ترکی کےدورے پر روانہ

    یاد رہے کہ دو روز قبل وزیراعظم شاہد خاقان عباسی ڈی ایٹ کانفرنس میں شرکت کے لیے ترکی روانہ ہوئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پاکستانی معیشت آئی ایم ایف کے بغیر بھی چل سکتی ہے، وزیراعظم

    پاکستانی معیشت آئی ایم ایف کے بغیر بھی چل سکتی ہے، وزیراعظم

    کراچی : وزیر اعظم شاہد خاقان عباسی نے کہا ہے کہ پاکستانی معیشت آئی ایم ایف کے بغیر بھی چل سکتی ہے، اب کوئی نیا قرض یا پروگرام نہیں لیں گے اور نہ ہی روپے کی قدر گرانےکا کوئی ارادہ ہے۔

    ان خیالات کا اظہار انہوں نے کراچی میں سینئراسٹاک بروکرزاورصنعتکاروں سےملاقات کے موقع پر کیا، وزیراعظم نے سرمایہ کاروں اور اسٹاک ایکسچینج کے عہدےداروں کی ملاقات میں اقتصادی صورتحال پر تفصیلی گفتگو کی۔

    اس موقع پر شاہد خاقان عباسی کو پاکستان اسٹاک ایکسچینج کی گذشتہ چار سال کی مجموعی کارکردگی سے آگاہ کیا گیا، وزیراعظم کو اسٹاک ایکسچینج عہدےداروں نے انڈیکس میں حالیہ کمی کی وجوہات کے بارے میں تفصیلی بریفنگ دی۔

    بروکرز نے مارکیٹ کی بحالی کیلئے وزیر اعظم کومتعدد تجاویز بھی دیں، ملاقات میں پاکستان اسٹاک ایکسجینج کی ترقی اوراس میں مزید بہتری اور سرمایہ کاروں کے اعتماد میں اضافہ کے اقدامات کا جائزہ بھی لیا گیا۔

    وزیر اعظم کا کہنا تھا کہ پاکستانی معیشت آئی ایم ایف کے بغیر چل سکتی ہے، آئی ایم ایف سے کوئی نیا قرض پروگرام نہیں لینگے اور حکومت کا  روپے کی قدر گرانےکا کوئی ارادہ نہیں ہے، اس کے علاوہ اسٹاک مارکیٹ پر عائد ٹیکسوں پر نظرثانی کی جائے گی۔

    وزیراعظم نے اسٹاک مارکیٹ کے مسائل پر اعلیٰ اختیاراتی کمیٹی بنا دی، کمیٹی کے سربراہ گورنر سندھ محمد زبیر ہونگے۔

    مزید پڑھیں: جو کام نہیں کرے گا وہ گھر جائے گا: وزیر اعظم

     ملاقات میں بروکرز نے وزیر اعظم سے مطالبہ کیا کہ سال2008کی طرح این آئی ٹی کا اسٹاک مارکیٹ فنڈ بحال کیا جائے، شیئرزکی خریدو فروخت پرعائد کیپٹل گین ٹیکس میں کمی کی جائے اور بونس شیئرز پر عائد ٹیکس بھی واپس لیا جائے، وزیر اعظم نے ان کے مطالبات کو غور سے سنا اور ان پر عمل درآمد کی یقین دہانی بھی کروائی۔

  • جو کام کرے گا سسٹم میں رہے گا، جو نہیں کرے گا گھر جائے گا: وزیر اعظم

    جو کام کرے گا سسٹم میں رہے گا، جو نہیں کرے گا گھر جائے گا: وزیر اعظم

    کراچی: وزیر اعظم شاہد خاقان عباسی نے پاکستان کے پہلے کول ٹرمینل کا افتتاح کردیا۔

    تفصیلات کے مطابق وزیر اعظم شاہد خاقان عباسی ایک روزہ دورے پر کراچی پہنچے جہاں انہوں نے انٹرنیشنل بلک ٹرمینل پورٹ قاسم کا افتتاح کیا۔

    ٹرمینل کی افتتاحی تقریب سےخطاب کرتے ہوئے وزیر اعظم کا کہنا تھا کہ کراچی میں کول اور سیمنٹ ٹرمینل بہترین معیار کا ہے۔ کول ٹرمینل 4 سال کے عرصے میں مکمل ہوا ہے۔

    ان کا کہنا تھا کہ موجودہ حکومت نے گزشتہ حکومتوں کےمنصوبے بھی مکمل کیے اور اپنےمنصوبے بھی بہترین انداز میں مکمل کیے۔

    وزیر اعظم نے کہا کہ جب میں دسویں جماعت میں تھا تب لواری ٹنل کے منصوبے کے بارے میں سنتا تھا۔ لواری ٹنل کا افتتاح ذوالفقار علی بھٹو نے کیا تھا، پھر ہماری حکومت نے لواری ٹنل کو مکمل کیا۔

    وزیر اعظم کا کہنا تھا کہ سنہ 2013 میں حکومت آئی تو بہت سے بحران تھے۔ 4 سال میں حکومت نے 10 ہزار میگا واٹ بجلی سسٹم میں شامل کی۔ پاور پلانٹ کے منصوبےبروقت شروع کیے گئے۔ بجلی کےمسائل صرف آج ہی نہیں کل کے لیے بھی حل کیے ہیں۔

    انہوں نے کہا کہ موجودہ حکومت آئی تو گیس نہیں تھی، فیکٹریاں بند ہو رہی تھیں۔ آج ملک بھر میں ہر فیکٹری اور گھر کو گیس مل رہی ہے۔ آئندہ سال اگست کے بعد نئے کنکشنز اور ہر جگہ گیس ملےگی۔

    ان کا کہنا تھا کہ یہ واحد حکومت ہے جس نے اپنے دور میں کام شروع کیے اور مکمل بھی کیے۔ ملک بھر میں ہائی ویز اور موٹر ویز کا جال بچھا دیا گیا ہے۔ ’یہ وہ کام ہیں جس سے ووٹ نہیں ملتے، ہاں ملک ترقی ضرور کرتا ہے‘۔

    وزیر اعظم کا کہنا تھا کہ گورنرسندھ محمد زبیر نےاماحولیاتی مسائل کا ذکر کیا ہے۔ یہ صوبائی مسئلہ ہے لیکن وفاق ان کی بھرپور مدد کرے گا۔

    اپنے خطاب میں انہوں نے مزید کہا کہ جمہوریت کے بغیر ملک ترقی نہیں کرتا اس کو سمجھ لیں، جمہوری عمل چلے گا تو خرابیاں دور ہوں گی۔ ’جو کام کرے گا سسٹم میں رہے گا، جو کام نہیں کرے گا گھر بھیج دیا جائے گا‘۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • آئی بی کا خط جعلی ہے، حکومت کو بدنام کیا گیا، ایف آئی آر درج کرادی، وزیراعظم

    آئی بی کا خط جعلی ہے، حکومت کو بدنام کیا گیا، ایف آئی آر درج کرادی، وزیراعظم

    اسلام آباد: وزیرا عظم شاہد خاقان عباسی نے کہا ہے کہ دنیا بھر کے مدمقابل پاکستان میں پیٹرولیم مصنوعات کی قیمتیں کم ہیں، آئی بی کا لیٹر جعلی ہے، کسی نے جاری کیا تحقیقات جاری ہیں، ایف آئی آر درج کرادی۔

    قومی اسمبلی میں بات کرتے ہوئے وزیراعظم کا کہنا تھا کہ پیٹرولیم مصنوعات کی قیمتوں کا تعین فارمولے کے تحت ہوتا ہے، دیگر ممالک کے مقابلے میں پاکستان میں پیٹرولیم قیمتیں اس وقت دنیا میں سب سے کم ہیں، پیٹرولیم قیمتیں پڑوسی ممالک میں پاکستان سے 30 فیصد زائد ہیں۔

    انہوں نے آگاہ کیا کہ اوگرا نے مٹی کے تیل کی قیمت 20 روپے فی لیٹر بڑھانے کی سفارش کی لیکن ہم نے صرف 4 روپے فی لیٹر اضافہ کیا۔

    آئی بی لیٹر جعلی ہے، حکومت کو بدنام کیا گیا، ایف آئی آر درج کرادی، وزیراعظم

    آئی بی لیٹر کے معاملے پر وزیراعظم نے کہا کہ آئی بی اور حکومت کو بدنام کرنے کے لیے یہ بات پھیلائی گئی، آئی بی لیٹر میں جن ارکان اسمبلی کا نام آیا، وہ شکایت داخل کردیں، تحقیقات کررہے ہیں، آئی بی کو ہدایت دی ہے کہ اس جعلی ڈاکیومنٹ کے خلاف ایف آئی آر درج کرے کہ اس کے نام پر ایسی دستاویز کیسے نکلی؟ ایف آئی آر درج ہوچکی پیمرا بھی اس پر کارروائی کررہا ہے ایسے جعلی دستاویز سے حکومت اور ایوان کا وقار مجروح ہوا۔

    انہوں نے کہا کہ خط سامنے آنے پر کابینہ کو یقین دلایا کہ وزیراعظم ہاؤس سے کوئی خط جاری نہیں ہوا،جعلی خط کس نے بنایا اس کی تحقیقات ہورہی ہیں لیکن ہماری تحقیقات کا ہدف میڈیا نہیں،میڈیا کے معاملے پر پیمرا کا فورم موجود ہے۔

    انہوں نے مزید کہا کہ مجھے بتایا گیا ہے کہ کچھ ارکان پارلیمنٹ نے تحریک استحقاق پیش کی ہے، اسپیکر قوانین کے مطابق کارروائی کریں۔

  • پاکستان کے امریکا پر انحصار کے دن ختم ہوگئے: وزیر اعظم

    پاکستان کے امریکا پر انحصار کے دن ختم ہوگئے: وزیر اعظم

    اسلام آباد: وزیر اعظم شاہد خاقان عباسی کا کہنا ہے کہ پاکستان کے امریکا پر انحصار کے دن ختم ہوگئے۔ دنیا دہشت گردی کے خلاف پاکستان کی قربانیوں کا اعتراف کرے۔

    تفصیلات کے مطابق وزیر اعظم شاہد خاقان عباسی نے عرب نیوز کے نمائندوں کو خصوصی انٹرویو دیتے ہوئے کہا کہ پاکستان کے امریکا پر انحصار کے دن ختم ہوگئے۔

    وزیر اعظم کا کہنا تھا کہ پاکستان پر پابندی انسداد دہشت گردی کی کوششوں میں کمی کے مترادف ہوگی۔ پاکستان نے پہلی بار روسی ٹینک اور ہیلی کاپٹرز فوج میں شامل کیے۔

    انہوں نے کہا کہ دہشت گردی کے خلاف افغانستان کے ساتھ ہیں جبکہ دہشت گردی کے خلاف جنگ اپنے وسائل سے لڑ رہے ہیں۔

    وزیر اعظم کا کہنا تھا کہ پاکستان کے ساتھ افغان سرحدی علاقے پر طالبان کا کنٹرول ہے، دہشت گرد سرحد پار سے آ کر پاکستان میں حملے کرتے ہیں۔

    انتخابات کے متعلق ان کا کہنا تھا کہ حکومت کی مدت 4 جون 2018 کو ختم ہو رہی ہے، ٹرم ختم ہونے کے بعد 2 مہینے میں انتخابات ہوں گے۔

    انہوں نے واضح کیا کہ جو کچھ بھی ہو الیکشن اپنے وقت پر ہوں گے۔

    وزیر اعظم نے ملکی معیشت میں خسارے کی تردید کرتے ہوئے کہا کہ پاکستانی معیشت میں معمولی سا خسارہ دیکھنے میں آیا ہے جو معاشی عمل کا حصہ ہے۔ ان کا کہنا تھا کہ آئی ایم ایف کے ساتھ معاملات جلد حل ہوجائیں گے، تاہم پاکستان آئی ایم ایف پروگرام کا محتاج نہیں ہے۔

    انہوں نے اس بات کی تردید کی کہ پاکستان میں چینی سرمایہ کاری سے پاکستان چین کے زیر اثر آسکتا ہے۔ ’یہ دو طرفہ تعلق ہے۔ چین کی جانب سے جو بھی سرمایہ کاری کی گئی ہے وہ زیادہ تر قرضوں کی صورت میں، اور کچھ مخصوص شعبوں میں کی گئی ہے۔ ہم اسے کسی قسم کا خطرہ نہیں سمجھتے‘۔

    عرب نیوز کو دیا جانے والا وزیر اعظم کا خصوصی انٹرویو اس لنک پر پڑھا جاسکتا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاکستان دہشت گردی کےخلاف پوری دنیا کی جنگ لڑرہا ہے‘ وزیراعظم

    پاکستان دہشت گردی کےخلاف پوری دنیا کی جنگ لڑرہا ہے‘ وزیراعظم

    مری: وزیراعظم شاہد خاقان عباسی کا کہنا ہے کہ پاکستان عام ملک نہیں ایٹمی طاقت ہے اور اپنا دفاع کرنا جانتے ہیں۔

    تفصیلات کے مطابق مری میں لارنس کالج گھوڑا گلی کے157 ویں یوم تاسیس کی تقریب منعقد ہوئی،وزیراعظم شاہد خاقان عباسی اور گورنرپنجاب محمد رفیق رجوانہ نے اس یاد گارتقریب میں شرکت کی۔

    وزیراعظم پاکستان شاہد خاقان عباسی نے تقریب سے خطاب کرتے ہوئے کہا کہ کامیابی کسی عہدے سے نہیں ملتی بلکہ زندگی میں بغیر عہدوں کے بھی کامیاب ہوا جاسکتا ہے۔

    انہوں نے کہا کہ جمہوریت جس ملک میں پنپتی ہے مسائل بھی وہیں ہوتے ہیں اور وہی ملک ترقی بھی کرتے ہیں انہوں نے کہا کہ جمہوری اقدار کی مضبوطی ہماری اولین ترجیح ہے۔

    وزیراعظم شاہد خاقان عبایس نے کہا کہ پاکستان کی افواج دنیا کے امن کے لیے دہشت گردی کے خلاف جنگ لڑ رہی ہیں۔

    انہوں نے کہا کہ ہم نے دہشت گردی کے خلاف دنیا میں سب سے بڑی جنگ لڑی اور ہزاروں جانیں قربان کیں۔

    نااہلی کا فیصلہ ہم نےمانا، لیکن عوام اورتاریخ تسلیم نہیں کرتے،وزیراعظم

    واضح رہے کہ دو روز قبل وزیراعظم شاہد خاقان عباسی کا کہنا تھا کہ نوازشریف نے جو کام کیے وہ آمریت اور پیپلزپارٹی دونوں نہیں کرسکے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔