Tag: شاہد خاقان عباسی

قطر کی جانب سے پاکستان کیلئے ایل این جی کی قیمت خرید میں کمی کئے جانے کا امکان ہے ۔ دونوں ممالک کے وزراء برائے پیٹرولیم کے ملاقات آئندہ ماہ کے آغازپر دوحہ میں ہوگا۔

قطر کی جانب سے پاکستان کو دی جانےوالی ایل این جی کی قیمت میں کمی کئے جانے کی امید ہے ۔وزارت پیٹرولیم او ر قدرتی وسائل کے مطابق قیمتوں میں کمی کا تعین آئندہ ماہ دوحہ میں ہونے والی وزراء ملاقات میں کیا جائے گا۔

اس کے علاوہ ملاقات میں ایل این جی کی مقدار کے بارے میں بھی بات چیت کی جائے گی ۔ ملاقات کیلئے جانے والے والے وفد کی سربراہی وزیر پیٹرولیم شاہد خاقان عباسی کریں گے ۔

پاکستان اور قطر کے درمیان ایل این جی کی قیمت برینٹ خام تیل کی قیمت کے پندرہ فیصد کے برابر طے پائی تھی ۔ جس کے مطابق قطر پاکستان کو سترہ ڈالر تینتالیس سینت فی ایم ایم بی ٹی ئو کے حساب سے ایل این جی فراہم کرئے گا

وزیرپیٹرولیم وسائل شاہد خاقان عباسی نے کہا ہے کہ پاکستانی گیارہ ماہ بعد دیگرایندھن کی طرح ایل این جی بھی خرید سکیں گے۔ اسلام آباد میں تقریب سےخطاب کرتے ہوئے وزیرپیڑولیم نےبتایا کہ ایل این جی کےپہلےٹرمینل پرجلد کام شروع ہوگا۔ مختصرمدت میں توانائی کےمسائل کا حل ایل این جی کی در آمد ہے۔

جودو ارب مکعب میٹر یومیہ ہوگی اوردسمبر 2014 تک ایل این جی ملک میں دستیاب ہوگی۔ایل این جی کی درآمد 15 ڈالر فی ایم ایم بی ٹی یو ہوگی۔۔صارفین کو 17 ڈالر فی ایم ایم بی ٹی یو میں ملےگی۔۔گھریلو صارفین کےنرخوں پر اس کا فرق نہیں پڑیگا۔۔

اُن کا کہنا تھا کہ اگر ملک کے گیس پر چلنے والے بجلی کے تمام پلانٹس کام کریں تو گیس کی لوڈ شیڈنگ نصف رہ جائیگی۔۔تاہم یہ اس لئے ممکن نہیں ہورہا کیونکہ گذشتہ دس سالوں سے پاکستان میں گیس کی پیداوار4 ارب کیوبک فٹ پررکی ہوئی ہے۔۔

شاہد خاقان عباسی نےمزید بتایا کہ سمندرمیں تیل وگیس کی تلاش کیلئے جلد نیا کنواں کھودا جائے گا۔۔اس منصوبے میں چارکمپنیوں کی شراکت داری ہے۔۔اٹلی کی کمپنی دس کروڑ ڈالرکی سرمایہ کاری کرے گی۔

وزیرپیٹرولیم شاہد خاقان عباسی نے کہا ہے کہ توانائی بحران کا واحد حل ایل این جی ہے، قطر سے ایل این جی کی درآمد کے انتظامات مکمل ہیں تاہم ابھی تک نرخوں کا تعین باقی ہے۔ 

سینیٹرمحمد یوسف کی زیرصدارت پارلیمنٹ ہاوس اسلام آباد میں سینیٹ کی قائمہ کمیٹی برائے پیٹرولیم کا اجلاس ہوا۔جس میں ایل این جی کی درآمد، اس کے معاشی اثرات اورپاک ایران گیس پائپ لائن منصوبےکا تفصیلی جائزہ لیا گیا۔

وزیرپیٹرولیم اورسیکریٹری پیٹرولیم نے کمیٹی کوبریفنگ میں بتایا کہ ایران نےعالمی پابندیوں کے باعث پاکستان کو گیس پائپ لائن کیلئے پانچ سو ملین ڈالرکے فنڈزدینے سے معذرت کرلی ہےجس سے پائپ لائن کی تکمیل میں مسائل پیدا ہوگئےہیں۔

اس حوالے سے رواں ماہ کے آخرمیں ایرانی حکام سے بات چیت کیلئے وفد ایران جائے گا، کمیٹی کو بتایا گیا کہ قطر سے ایل این جی درآمد کرکے مکس گیس بنائیں گے جس سے قیمت میں اضافہ ہوگا تاہم اضافے کا اطلاق گھریلو صارفین کے ٹیرف پرنہیں ہوگا۔

ایل پی جی کے اسٹیشنز کا قیام حکومت اور اسٹیک ہولڈرز کااجلاس جمعے کو اسلام آباد میں ہوگا انڈسٹری ذرائع کے مطابق ملک میں ایل پی جی آٹو گیس اسٹیشنز لگانےکی پالیسی میں نرمی کی سفارشات تیارکرلی گئی ہیں۔حکومت عوام کو پیٹرول سے کم قیمت متبادل ایندھن کی باآسانی دستیابی پر کام کررہی ہے،جس کیلئےایل پی جی کوچنا گیا ہے۔

وزیرپیٹرولیم شاہد خاقان عباسی نےتین جنوری کو اسلام آباد میں اہم اجلاس طلب کرلیا ہے۔اجلاس میں چئیرمین اُوگرا سعید احمد خان،ایل پی جی مارکیٹنگ کمپنیز ایسوسی ایشن کے چئیرمین اقبال زیڈ احمد اور چئیرمین ایل پی جی ڈسٹری بیوٹرز ایسوسی ایشن کو شرکت کیلئے بلایا گیا ہے۔

ذرائع کےمطابق مقامی اورانٹرنیشنل ایل پی جی کی قیمتوں میں فرق کوبنیاد بناکرڈسٹری بیوٹرزایسوسی ایشن ایل پی جی کی قیمت میں مزید 20 روپے فی کلو کمی کا فارمولہ اجلاس میں پیش کرے گی جبکہ مارکیٹنگ کمپنیز اس کی مزاحمت کریں گی۔ ڈسٹری بیوٹرز کے رہنما عرفان کھوکھر کا کہنا ہے کہ ایل پی جی کو پیٹرول سے 50 فیصد سستا ایندھن بنانے کی سفارشات تیارکرلیں ہیں۔

وفاقی وزیر پیٹرولیم شاہد خاقان عباسی نے کہا ہے کہ ملک میں گیس کی کمی ہے ۔ایران پاکستان گیس پائپ لائن منصوبہ بین الااقوامی پابندیوں کا شکار ہے، حکومت کے پانچ سال پورے ہونے تک ملک میں اضافی گیس دستیاب ہو گی۔

وفاقی وزیر پیٹرولیم شاہد خاقان عباسی کا کہنا ہے کہ گزشتہ پندرہ سال سے ملک گیس کی کمی کا شکا ر ہے۔گیس کی کمی دور کرنے کے لیے ایل این جی، تاجکستان اور ایران گیس پائپ لائن منصوبوں کی راہ میں حائل مسائل کو حل کیا جارہا ہے۔ اور دو ہزار سترہ تک ایل این جی کی پہلی کھیپ پاکستان آ جائے گی۔

شاہد خاقان عباسی کا کہنا تھا کہ ملک کی مالی حالت بہتر ہو جائے تو آئندہ تین سال میں دو بلین کیوبک فت گیس سسٹم میں آجائے گی ۔شاہد خاقان عباسی نے بتایا کہ گیس کی کمی کو پورا کرنے کے لیے لوڈ شیڈنگ کی جاتی ہے سندھ میں سی این تین سے چار دن اور پنجاب میں ڈھائی ماہ تک بند کی جاائے گی اور بلوچستان میں سی این جی کی لوڈ شیڈنگ نہیں کی جائے گا۔