ARYNews.tv | Urdu – Har Lamha Bakhabar

Tag: شاہین آفریدی

  • گلین فلپس نے شاہین آفریدی کے آخری اوور میں 25 رنز بنا دیے

    گلین فلپس نے شاہین آفریدی کے آخری اوور میں 25 رنز بنا دیے

    سہ فریقی سیریز کے پہلے ون ڈے میچ میں جارح مزاج بیٹر گلین فلپس نے شاہین آفریدی کے آخری اوور میں 25 رنز بنادیے۔

    سہ فریقی سیریز کے پہلے میچ میں نیوزی لینڈ نے 6 وکٹوں کے نقصان پر 330 رنز بنائے ہیں اور پاکستان کو جیت کے لیے 331 رنز کا ہدف دیا ہے۔

    تاہم شاہین آفریدی نے آخری اوورز میں 25 رنز دے دیے اور مقررہ دس اوورز میں 88 رنز دے کر تین وکٹیں حاصل کیں۔

    شاہین اوور کرنے آئے تو کیویز کا اسکور 305 رنز تھا جب گلین فلپس نے ان پر لاٹھی چارج کرنا شروع کیا اور آخری اووور میں دو چھکے اور دو چوکے لگانے کے ساتھ 25 رنز بنائے۔

    گلین فلپس نے 72 گیندوں پر کیریئر کی پہلی سنچری اسکور کی اور 106 رنز کے ساتھ ناٹ آؤٹ رہے، ان کی شاندار اننگز میں 6 چوکے اور 7 چھکے شامل تھے۔

     

    View this post on Instagram

     

    A post shared by Pakistan Cricket (@therealpcb)

    اس سے قبل فاسٹ بولر شاہین آفریدی نے پہلے اوور کی چوتھی گیند پر ول یونگ کی وکٹ حاصل کرکے عمر گل کا ریکارڈ برابر کیا۔

    شاہین آفریدی نے میچ کے پہلے اوور کی چوتھی گیند پر ول یونگ کو کیچ آؤٹ کروایا۔

    اس وکٹ کے ساتھ ہی عمر گل اور شاہین آفریدی پہلے اوور میں 9، 9 وکٹیں حاصل کرلی ہیں جبکہ محمد عرفان اور وسیم اکرم نے کیریئر کے پہلے اوور میں 10، 10 وکٹیں حاصل کیں۔

  • شاہین آفریدی بی پی ایل کھیلنے ڈھاکا پہنچ گئے

    شاہین آفریدی بی پی ایل کھیلنے ڈھاکا پہنچ گئے

    بنگلہ دیش پریمئیر لیگ (بی پی ایل) میں شرکت کیلئے قومی ٹیٹ کے فاسٹ بولر شاہین آفریدی ڈھاکا پہنچ گئے۔

    بنگلہ دیش پریمئیر لیگ (بی پی ایل) میں قومی ٹیم کے فاسٹ بولر شاہین آفریدی فارچیون بریشال کی نمائندگی کریں گے، فہیم اشرف، جہانداد خان اور محمد علی بھی فارچیون بریشال کا حصہ ہیں۔

    واضح رہے بی پی ایل کا آغاز 30 دسمبر سے ہوگا، فاسٹ بولر کو جنوبی افریقہ کے خلاف ٹیسٹ سیریز میں آرام دیا گیا تھا۔

    اس سے قبل پشاور میں میڈیا سے بات کرتے ہوئے شاہین شاہ شاہ آفریدی کا کہنا تھا کہ پاکستان کی کرکٹ اچھی جارہی ہے، دوستانہ ماحول سے کرکٹ کو فروغ ملے گا، کرکٹ بائی چانس گیم ہے۔

    اُنہوں نے کہا کہ ڈی ایچ اے میں اسپورٹس فیسیلیٹی میں کرکٹ اکیڈمی قائم کی جائے گی، کرکٹ اکیڈمی میں سافٹ اور ہارڈ بال کرکٹ کی تربیت دی جائے گی۔

    فاسٹ بولر نے کہا کہ صوبے میں کھیلنے کے مواقع کم ہیں، اسپورٹس اکیڈمیوں کے قیام سے کھیلنے کے مواقع فراہم ہوں گے۔ ڈی ایچ اے میں ٹینس کورٹ، سوئمنگ پول اور جاگنگ ٹریک بھی ہوں گے۔

    انہوں نے کہا کہ جو اچھا کھیلتا ہے وہ جیتتا بھی ہے، کرکٹ اکیڈمی میں پروفیشنل کوچز ہوں گے، بچوں کے لیے کھیلنے کی سہولیات فراہم کی جائیں گی۔

    کوہلی کو آسٹریلوی میڈیا نے مسخرہ قرار دیدیا

    جو ٹیم پریشر کو اچھا ہینڈل کرے وہی میچ جیتتی ہے، ہم اپنی یوتھ سے چاہتے ہیں کہ وہ اپنی ٹیم کو سپورٹ کریں۔

  • بھارت پاکستان میں کھیلتا تو اچھی مہمان نوازی کرتے: شاہین شاہ آفریدی

    بھارت پاکستان میں کھیلتا تو اچھی مہمان نوازی کرتے: شاہین شاہ آفریدی

    پاکستان کرکٹ ٹیم کے فاسٹ بولر شاہین شاہ آفریدی نے کہا ہے کہ بھارت پاکستان میں کھیلتا تو اچھی مہمان نوازی  کرتے۔

    پاکستان کرکٹ ٹیم کے فاسٹ بولر شاہین شاہ آفریدی نے قائد اعظم محمد علی جناح کو یوم ولادت پر زبر دست خراج عقیدت پیش کیا ہے، مزار قائد پر حاضری بھی دی۔

    اس موقعے پر میڈیا سے گفتگو میں فاسٹ بولر شاہین شاہ آفریدی نے کہا کہ پاکستان کرکٹ کیلئے یہ سال اچھا رہا، جنوبی افریقہ کو جیسے شکست دی وہ تاریخی کامیابی ہے۔

    فاسٹ بولر کا کہنا تھا جہ پاکستان کیلئے کھیلنا چاہتا ہوں،گرین جرسی پہننا میرے لیے اعزاز ہے، چیمپئنز ٹرافی کیلئے ہماری تیاری اچھی ہے اور سہ ملکی سیریز بھی ہم نے پاکستان میں کھیلنی ہے۔

    شاہین شاہ آفریدی نے مزید کہا کہ بھارت پاکستان میں کھیلتا تو اچھی مہمان نوازی  کرتے لیکن بھارتی ٹیم جہاں بھی کھیلے پم مقابلہ کرنے کیلئے تیار ہیں۔

  • شاہین آفریدی بی پی ایل کھیلیں گے یا نہیں؟ فیصلہ ہوگیا

    شاہین آفریدی بی پی ایل کھیلیں گے یا نہیں؟ فیصلہ ہوگیا

    قومی ٹیم کے فاسٹ بولر شاہین آفریدی نے بنگلا دیش پریمیئر لیگ کے حوالے سے اپنے فیصلے سے آگاہ کردیا۔

    رپورٹس کے مطابق بنگلا دیش پریمیئر لیگ (بی پی ایل) کی ٹیم ’فارچون بریشال‘ نے شاہین آفریدی سے معاہدہ کر لیا ہے، فارچون بریشال کی انتظامیہ کا کہنا ہے کہ بنگلا دیش پریمیئر لیگ میں شاہین شاہ آفریدی کھیلنے کے لیے تیار ہیں۔

    انتظامیہ نے اپنے بیان میں کہا ہے کہ ٹیم میں شاہین کو خوش آمدید کہتے ہیں۔

    اس سے قبل پشاور میں میڈیا سے بات کرتے ہوئے شاہین شاہ آفریدی کا کہنا تھا کہ پاکستان کی کرکٹ اچھی جارہی ہے، دوستانہ ماحول سے کرکٹ کو فروغ ملے گا، کرکٹ بائی چانس گیم ہے۔

    اُنہوں نے کہا کہ ڈی ایچ اے میں اسپورٹس فیسیلیٹی میں کرکٹ اکیڈمی قائم کی جائے گی، کرکٹ اکیڈمی میں سافٹ اور ہارڈ بال کرکٹ کی تربیت دی جائے گی۔

    فاسٹ بولر نے کہا کہ صوبے میں کھیلنے کے مواقع کم ہیں، اسپورٹس اکیڈمیوں کے قیام سے کھیلنے کے مواقع فراہم ہوں گے۔ ڈی ایچ اے میں ٹینس کورٹ، سوئمنگ پول اور جاگنگ ٹریک بھی ہوں گے۔

    انہوں نے کہا کہ جو اچھا کھیلتا ہے وہ جیتتا بھی ہے، کرکٹ اکیڈمی میں پروفیشنل کوچز ہوں گے، بچوں کے لیے کھیلنے کی سہولیات فراہم کی جائیں گی۔

    چیمپئنز ٹرافی ٹورنامنٹ ملک کی عزت ہے، حرف نہیں آنے دینگے، محسن نقوی

    جو ٹیم پریشر کو اچھا ہینڈل کرے وہی میچ جیتتی ہے، ہم اپنی یوتھ سے چاہتے ہیں کہ وہ اپنی ٹیم کو سپورٹ کریں۔

  • رمیز راجا، شاہین آفریدی کی انجری کا مذاق اڑانے پر مشکل میں آگئے

    رمیز راجا، شاہین آفریدی کی انجری کا مذاق اڑانے پر مشکل میں آگئے

    پی سی بی کے سابق چیئرمین و کمنٹیٹر رمیز راجا جنوبی افریقا کیخلاف دوسرے ٹی 20 میچ میں فاسٹ بولر شاہین آفریدی کی انجری کا مذاق اُڑانے پرمشکل میں آگئے۔

    سنچورین میں کھیلے گئے دوسرے ٹی 20 میچ میں جنوبی افریقا نے پاکستان کو 7 وکٹوں سے شکست دی، جنوبی افریقا نے پاکستان کی جانب سے دیا جانے والا 208 رنز کا ہدف آخری اوورز میں حاصل کرلیا۔

    ریزا ہنڈرکس نے شاندار 117 رنز کی اننگز کھیلی، دونوں ٹیموں کے درمیان تیسرا اور آخری ٹی 20 میچ آج جوہانسبرگ میں کھیلا جائے گا۔

    تاہم گزشتہ روز جنوبی افریقا کی بیٹنگ کے دوران 17ویں اوور میں شاہین آفریدی بولنگ کررہے تھے تو ان کی گیند افریقی بیٹر رسی وین ڈر ڈوسن نے کھیلی جو سیدھی شاہین کی گردن اور کاندھے کے درمیان جالگی جس کے بعد وہ شدید تکلیف میں تھے لیکن پھر بھی انہوں نے اوور مکمل کیا۔

    کمنٹری میں اس دوران رمیز راجا موجود تھے اور وہ کہنے لگے کہ ’بس اس کا چہرہ بچ گیا، سمجھ نہیں آرہا ہے کہ یہ اچھی بات ہے یا نہیں۔‘

    رمیز راجا کے اس نامناسب بیان پر مداحوں کی جانب سے انہیں آڑے ہاتھوں لیا گیا۔

    سوشل میڈیا صارفین کا کہنا ہے کہ رمیز راجا کا یہ کیسا بیان ہے، کیا آپ کو اپنے کرکٹر کی انجری سے بچنے پر تشویش ہے یا کچھ اور۔۔۔۔۔ کئی شائقین نے فاسٹ بولر کی خیریت بھی دریافت کی۔

    واضح رہے کہ شاہین آفریدی نے چار اوورز میں 37 رنز دیے تھے اور وہ کوئی وکٹ حاصل نہیں کرسکے تھے۔

  • شاہین آفریدی نے ٹی 20 میں اہم اعزاز حاصل کرلیا

    شاہین آفریدی نے ٹی 20 میں اہم اعزاز حاصل کرلیا

    قومی ٹیم کے فاسٹ بولر شاہین آفریدی نے ٹی 20 میں اہم اعزاز حاصل کرلیا۔

    ڈربن میں کھیلے جارہے پہلے ٹی 20 میچ جنوبی افریقہ کیخلاف فاسٹ بولر شاہین شاہ آفریدی نے تین وکٹیں حاصل کرکے ٹی 20 انٹرنیشنل میں اپنی 100 وکٹیں مکمل کرلیں۔

    شاہین شاہ آفریدی ٹی 20 انٹرنیشنل 100 وکٹیں حاصل کرنے والے تیسرے بولر بن گئے ہیں، انہوں نے یہ کارنامہ 74ویں میچ میں انجام دیا۔

    اس سے قبل یہ کارنامہ سابق آل راؤنڈر شاہین آفریدی اور سابق فاسٹ بولر عمر گل نے انجام دیا تھا۔

    شاہین آفریدی نے جنوبی افریقا کے خلاف 4 اوورز میں 22 رنز دے کر تین کھلاڑیوں کو پویلین کی راہ دکھائی، فاسٹ بولر نے رسی وین ڈر ڈوسن، ڈیوڈ ملر اور پیٹر کی وکٹیں حاصل کیں۔

  • دوستانہ ماحول سے کرکٹ کو فروغ ملے گا، شاہین آفریدی

    دوستانہ ماحول سے کرکٹ کو فروغ ملے گا، شاہین آفریدی

    قومی ٹیم کے فاسٹ بولر شاہین آفریدی کا کہنا ہے کہ پاکستان کی کرکٹ اچھی جارہی ہے، دوستانہ ماحول سے کرکٹ کو فروغ ملے گا، کرکٹ بائی چانس گیم ہے۔

    شاہین آفریدی کا پشاور میں میڈیا سے بات کرتے ہوئے کہنا تھا کہ ڈی ایچ اے میں اسپورٹس فیسیلیٹی میں کرکٹ اکیڈمی قائم کی جائے گی، کرکٹ اکیڈمی میں سافٹ اور ہارڈ بال کرکٹ کی تربیت دی جائے گی۔

    فاسٹ بولر نے کہا کہ صوبے میں کھیلنے کے مواقع کم ہیں، اسپورٹس اکیڈمیوں کے قیام سے کھیلنے کے مواقع فراہم ہوں گے۔ ڈی ایچ اے میں ٹینس کورٹ، سوئمنگ پول اور جاگنگ ٹریک بھی ہوں گے۔

    انہوں نے کہا کہ جو اچھا کھیلتا ہے وہ جیتتا بھی ہے، کرکٹ اکیڈمی میں پروفیشنل کوچز ہوں گے، بچوں کے لیے کھیلنے کی سہولیات فراہم کی جائیں گی۔

    جو ٹیم پریشر کو اچھا ہینڈل کرے وہی میچ جیتتی ہے، ہم اپنی یوتھ سے چاہتے ہیں کہ وہ اپنی ٹیم کو سپورٹ کریں۔

    دوسری جانب قومی ٹیم کے بلے باز اور تیسرے ون ڈے میں سینچری بنانے والے کامران غلام نے کہا ہے کہ میرا کام کارکردگی دکھانا ہے، میرے لیے یہ اہم ہے کہ محنت کرتا رہوں، اس کا صلہ ملے گا۔

    کامران غلام کا تیسرے ون ڈے اور سیریز میں کامیابی کے بعد پریس کانفرنس کرتے ہوئے کہنا تھا کہ انگلینڈ کے خلاف ڈیبیو پر سنچری نے مجھے بہت زیادہ اعتماد فراہم کیا تھا۔

    زمبابوے کیخلاف ون ڈے کی سنچری سے مجھے مزید اعتماد حاصل ہوگا، پہلے پاکستان شاہینز کے ساتھ زمبابوے کا دورہ کرچکا تھا اس لیے کنڈیشنز کا علم تھا۔

    بھارت نے کھیل میں سیاست لاکر انٹڑنیشنل کرکٹ خطرے میں ڈال دی، شاہد آفریدی

    انہوں نے کہا کہ ساؤتھ افریقہ کی سیریز کی تیاری بھی کر رہا ہوں، چیمپئنز ٹرافی کی تیاری میں بھی مصروف ہوں۔

  • شاہین آفریدی ون ڈے رینکنگ میں پہلی پوزیشن سے محروم

    شاہین آفریدی ون ڈے رینکنگ میں پہلی پوزیشن سے محروم

    آئی سی سی ون ڈے رینکنگ میں فاسٹ بولر شاہین آفریدی پہلی پوزیشن سے محروم ہوگئے۔

    انٹرنیشنل کرکٹ کونسل نے ون ڈے کی نئی رینکنگ جاری کی ہے جس کے مطابق فاسٹ بولر شاہین آفریدی سے افغان اسپنر راشد خان نے پہلی پوزیشن چھین لی ہے۔

    شاہین آفریدی دوسرے نمبر پر آگئے ہیں جبکہ جنوبی افریقہ کے کیشو مہاراج تیسرے نمبر پر موجود ہیں۔

    آسٹریلیا کے خلاف ون ڈے سیریز میں پلیئر آف سیریز قرار پانے والے فاسٹ بولر حارث رؤف پندرہویں نمبر پر پہنچ گئے ہیں۔

     آئی سی سی ون ڈے بیٹرز رینکنگ میں بابر اعظم کی پہلی پوزیشن برقرار ہے جبکہ بھارت کے روہت شرما کی بدستور دوسری پوزیشن ہے۔

    پاکستان کے صائم ایوب ٹاپ 100 کھلاڑیوں میں شامل ہو گئے۔ زمبابوے کے خلاف سنچری اسکور کرنے کے بعد صائم ایوب کی رینکنگ میں 90 ویں پوزیشن ہوگئی۔

    ٹیسٹ رینکنگ میں بھارت کے جسپریت بمرا کی رینکنگ میں دو درجے ترقی ہوئی اور وہ پہلے نمبر پر آگئے ہیں۔

    ساؤتھ افریقہ کے کگیسو ربادا ایک درجہ تنزلی کے بعد دوسرے نمبر پر چلے گئے۔ جوش ہیزل ووڈ ایک درجے تنزلی کے بعد تیسرے نمبر پر آگئے۔ پاکستان کے نعمان علی کا رینکنگ میں 9 واں نمبر برقرار ہے۔ ویسٹ انڈیز کے جیڈن سیلز تین درجے ترقی کے بعد 11 ویں اور کیمار روچ چار درجے ترقی کے بعد 17 ویں نمبر پر آگئے۔

    آئی سی سی ٹیسٹ بیٹنگ رینکنگ میں جو روٹ کا پہلا نمبر برقرار ہے۔

    بھارت کے یشسوی جیسوال دو درجے ترقی کے بعد دوسرے نمبر پر پہنچ گئے۔ نیوزی لینڈ کے ڈیرل مچل 2 درجے ترقی کے بعد 5ویں نمبر پر آگئے۔ سعود شکیل ایک درجہ بہتری کے بعد 8ویں نمبر پر پہنچ گئے۔

  • شاہین آفریدی نے ٹیسٹ ٹیم سے ڈراپ ہونے پر خاموشی توڑ دی

    شاہین آفریدی نے ٹیسٹ ٹیم سے ڈراپ ہونے پر خاموشی توڑ دی

    قومی ٹیم کے فاسٹ بولر شاہین شاہ آفریدی نے قومی ٹیم کے لیے نیک خواہشات کا اظہار کیا ہے۔

    شاہین آفریدی نے سماجی رابطے کی ویب سائٹ ایکس پر جاری کیے گئے بیان میں کہا ہے کہ پاکستان ٹیم کے لیے بیسٹ آف لک۔ انہوں نے کہا کہ مضبوط کم بیک کے لیے کوشش کروں گا۔

    واضح رہے کہ پاکستان نے انگلینڈ کے خلاف دوسرے ٹیسٹ میچ کے لیے پلیئنگ الیون کا اعلان کر دیا ہے۔ پلیئنگ الیون سے فاسٹ بولر شاہین شاہ آفریدی کو ڈراپ کر دیا گیا ہے۔ اس علاوہ بابر اعظم اور نسیم شاہ کو بھی آرام دینے کا فیصلہ کیا گیا ہے۔

    دوسری جانب سابق کپتان شاہد آفریدی نے سلیکٹرز کے سینئر کھلاڑیوں کو آرام دینے کے فیصلے کی حمایت کردی۔

    رپورٹس کے مطابق سابق کپتان نے کہا کہ بابر اعظم، شاہین شاہ آفریدی اور نسیم شاہ کو انٹرنیشنل کرکٹ سے بریک دینے کے فیصلے کو سپورٹ کرتا ہوں۔

    یاد رہے کہ انگلینڈ کے خلاف پہلے ٹیسٹ میں شرمناک ہار کے بعد ٹیم مینجمنٹ نے سینئر کھلاڑیوں کو آرام دینے کا فیصلہ کیا تھا۔ ان کھلاڑیوں میں بابر اعظم، شاہین شاہ آفریدی اور نسیم شاہ سرفہرست تھے۔

    شاہد آفریدی کا اس فیصلے کی حمایت کرتے ہوئے کہنا تھا کہ یہ فیصلہ ان چیمپئن کھلاڑیوں کی حفاظت کرے گا اور ان کا کیریئر بھی طویل ہوگا۔

    ٹیسٹ اسکواڈ میں بابر اعظم کی جگہ لینے والے کامران غلام کون ہیں؟

    شاہد آفریدی کا کہنا تھا کہ اس فیصلے سے دیگر کھلاڑیوں کے ٹیلنٹ کو نکھارنے اور ان کو آزمانے کا موقع ملے گا۔ اس سے مستقبل کیلیے بینچ اسٹرنتھ کو مضبوط بنانے کا موقع بھی ملے گا۔

  • بڑے کھلاڑیوں کو ٹیم سے باہر نکالنے پر پی سی بی کا اہم بیان سامنے آگیا

    بڑے کھلاڑیوں کو ٹیم سے باہر نکالنے پر پی سی بی کا اہم بیان سامنے آگیا

    انگلینڈ کے خلاف آئندہ دو ٹیسٹ میچز کے لیے پاکستان ٹیم سے بڑے کھلاڑیوں کی چھٹی کے بعد پاکستان کرکٹ بورڈ کی جانب سے اہم بیان سامنے آگیا۔

    ملتان ٹیسٹ میں بدترین کارکردگی کے بعد کرکٹ حکام نے فوری فیصلہ کرتے ہوئے دوسرے ٹیسٹ کے اسکواڈ میں کافی تبدیلی کی ہے، اب پی سی بی کی جانب سے باقاعدہ بیان سامنے آیا ہے کہ سابق کپتان بابر اعظم سمیت چار ٹاپ کھلاڑیوں کو آرام دینے کے لیے ٹیم سے ریلیز کیا گیا ہے۔

    پاکستاب کرکٹ بورڈ کے ترجمان نے کہا کہ بابر اعظم سمیت سینئر کھلاڑیوں کو اس لیے آرام دیا جارہا ہے کہ وہ نئے سرے سے واپس آسکیں۔

    ترجمان نے کہا کہ بابراعظم اس دور کے بہترین بلے باز ہیں اور بورڈ چاہتا ہے کہ بابر اعظم ذہنی طور پر تروتازہ ہو کر مستقبل میں بہترین طریقے سے پاکستان کی نمائندگی کریں۔

    انگلینڈ کے خلاف آئندہ ٹیسٹ کے لیے ٹیم کا انتخاب سلیکٹرز کے لیے کافی مشکل تھا، انھیں کھلاڑیوں کی موجودہ فارم کو بھی مدنظر رکھنا تھا جبکہ پاکستان کے 2024-25 کے بین الاقوامی شیڈول پر بھی غور کرنا تھا۔

    مذکورہ عوامل کو مدنظر رکھتے ہوئے اور پاکستان کرکٹ اور کھلاڑیوں کے بہترین مفاد میں بابر اعظم، نسیم شاہ، سرفراز احمد اور شاہین شاہ آفریدی کو آرام دینے کا فیصلہ کیا گیا ہے۔

    ترجمان نے کہا کہ اس کے ساتھ ساتھ پی سی بی نوجوان کھلاڑیوں اور ڈومیسٹک پرفارمرز کو انگلینڈ کی مضبوط ٹیم کے خلاف اپنی صلاحیتوں کا مظاہرہ کرنے کے لیے موقع فراہم کررہا ہے۔

    پاکستان کرکٹ بورڈ سمجھتا ہے کہ حسیب اللہ، مہران، کامران غلام، محمد علی، نعمان، ساجد اور زاہد میں سے ہر ایک موقع پر اچھی کارکردگی دکھائے گا اور بقیہ دو ٹیسٹ میچوں میں یہ پلیئرز ٹیم کو دستیاب ہونگے۔