Tag: شاہی خاندان

  • شاہی خاندان کی شادی تنازع کا شکار، میگھن کی تصدیق

    شاہی خاندان کی شادی تنازع کا شکار، میگھن کی تصدیق

    لندن: برطانوی شہزادے ہیری کی شادی تنازع کا شکار ہوگئی،  شاہی خاندان کی بہو بننے والی امریکی اداکارہ میگھن مارکل نے تصدیق کی ہے کہ اُن کے والد شادی کی تقریبات میں شرکت نہیں کریں گے۔

    تفصیلات کے مطابق برطانوی شاہی خاندان کے نواب پرنس ہیری اور میگھن مارکل کی شادی 19 مئی کو منعقد کی جائے گی جس کی تیاریاں حتمی مراحل میں داخل ہوچکیں۔ دلہن دلہا کا لباس ہو یا پھر مہمانوں کی فہرست شاہی خاندان نے تمام ہی چیزوں کو حتمی شکل دے دی تاہم شادی کے حوالے سے ایک نیا تنازعہ کھڑا ہوگیا جس نے سب کو پریشان کر کے رکھ دیا۔

    مزید پڑھیں: میگھن مرکل کا والدہ کے لیے صدیوں پرانی روایت توڑنے کا فیصلہ

    شاہی خاندان کی بہو بننے والی امریکی اداکارہ میگھن مارکل نے جمعرات کے روز انتہائی افسردہ لہجے میں تصدیق کی کہ میرے والد شادی کی تقریب میں شرکت نہیں کریں گے۔ اُن کا کہنا تھا کہ میں نے ہمیشہ والد کا خیال رکھا اُن کی صحت پر خصوصی توجہ دی مگر افسوس ایسی صورتحال پیدا ہوگئی کہ اب میرے سربراہ شادی میں شرکت نہیں کرسکیں گے۔

    ذرائع کے مطابق میگھن مارکل کے والد کے دل کی سرجری ہوئی جس کے باعث ڈاکٹروں نے انہیں سفر کرنے سے منع کیا ہے، اسی وجہ سے وہ شادی کی تقریب میں شرکت نہیں کریں گے۔

    شاہی خاندان نے میگھن مارکل کا بیان جاری کیا جس میں انہوں نے اس بات کی تصدیق کی کہ ’میرے والد میکسیکو میں رہائش پذیر ہیں اور وہ صحت کی وجہ سے ہی شرکت نہیں کرسکیں گے‘۔

    یہ بھی پڑھیں: امریکی شہری برطانوی شاہی شادی کے کیک کھانے لگے

    میگھن مارکل نے اپنے پیغام میں تمام لوگوں کا شکریہ ادا کرتے ہوئے درخواست کی کہ وہ خصوصا شادی کی تقریب اور آئندہ کی زندگی اچھی گزرنے کے لیے مجھے اور ہیری کو دعاؤں میں یاد رکھیں۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • میگھن مرکل کا والدہ کے لیے صدیوں پرانی روایت توڑنے کا فیصلہ

    میگھن مرکل کا والدہ کے لیے صدیوں پرانی روایت توڑنے کا فیصلہ

    لندن: برطانوی شاہی خاندان کی ہونے والی بہو اور امریکی اداکارہ میگھن مرکل نے اپنی والدہ کے لیے صدیوں پرانی روایت توڑنے اور نئی تاریخ رقم کرنے کا فیصلہ کیا ہے۔

    قدیم مسیحی روایات کے مطابق جب دلہن اپنی شادی کے دن گاڑی سے اتر کر شادی کی رسومات کے لیے اسٹیج تک پہنچتی ہے اور گاڑی سے اسٹیج کا راستہ طے کرتی ہے تو اس موقع پر دلہن کے والد اس کے ہمراہ ہوتے ہیں۔

    تاہم میگھن مرکل نے اس روایت کو بدلتے ہوئے فیصلہ کیا ہے کہ یہ رسم ان کے والد کے بجائے والدہ نبھائیں گی۔ وہ چرچ پہنچنے تک گاڑی میں اور بعد ازاں پادری کے سامنے پہنچنے تک اپنی بیٹی کے ساتھ رہیں گی۔

    میگھن کے والد اور والدہ کے درمیان اس وقت علیحدگی ہوگئی تھی جب مرکل 6 برس کی تھیں۔ اس کے بعد سے مرکل اپنی والدہ کے ساتھ ہی رہیں اور فطری طور پر وہ اپنی والدہ سے بہت قریب بھی ہیں۔

    ذرائع کا کہنا ہے کہ شاہی خاندان کو بھی مرکل کی اس خواہش پر کوئی اعتراض نہیں۔

    بعض برطانوی اخبارات کے مطابق مرکل شادی کے دن چرچ پہنچنے تک کا فاصلہ اپنے والد اور والدہ دونوں کے ساتھ طے کرنا چاہتی تھیں تاہم گزشتہ روز ہی مرکل کے والد نے اپنی خرابی طبیعت کے باعث شادی میں آنے سے انکار کردیا ہے جس کے بعد اب مرکل کی والدہ تمام مواقعوں پر اپنی بیٹی کے ساتھ رہیں گی۔

    میگھن مرکل رواں ہفتے 19 مئی کو شہزادہ ہیری کے ساتھ شادی کے بندھن میں بندھنے میں جاری ہیں۔ شاہی خاندان میں شادی کی تیاریاں زور و شور سے جاری ہیں۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • مادام تساؤ میوزیم میں میگھن مرکل کا مومی مجسمہ

    مادام تساؤ میوزیم میں میگھن مرکل کا مومی مجسمہ

    لندن: برطانوی دارالحکومت لندن کے مادام تساؤ میوزیم میں شہزادے ہیری کی ہونے والی دلہن اور امریکی اداکارہ میگھن مرکل کا مومی مجسمہ نصب کردیا گیا۔

    میگھن مرکل کا مومی مجسمہ اس وقت نصب کیا گیا ہے جب شاہی شادی میں ایک ہفتے کا وقت رہ گیا ہے۔

    میوزیم کے جنرل مینیجر ایڈورڈ فلر کا کہنا ہے کہ شادی کے قریب آتے ہی لوگوں میں جوش و خروش بڑھ رہا ہے۔ شادی کے دن لوگ اپنی پسندیدہ شاہی شخصیت کو مجسمے کی صورت میں دیکھ سکیں گے۔

    میوزیم میں نصب مومی مجسمہ نے سبز رنگ کا لباس زیب تن کر رکھا ہے جو مرکل نے اس وقت پہنا تھا جب انہوں نے اپنی منگنی کے اعلان کے بعد شہزادے کے ساتھ پہلا انٹرویو دیا تھا۔

    مجسمے کے ہاتھ میں مرکل کو شہزادہ ہیری کی جانب سے پہنائی جانے والی ہیرے کی انگوٹھی کی نقل بھی موجود ہے۔

    میوزیم کی مرکزی مجسمہ ساز اسٹیفن مینز فیلڈ نے بتایا کہ ایک مجمسے کی تیاری میں عموماً 6 ماہ کا وقت لگتا ہے تاہم یہ مجسمہ ذرا جلدی تیار کرلیا گیا ’کیونکہ ہماے پاس وقت کم تھا‘۔

    انہوں نے بتایا کہ مجسموں کی جسامت کی پیمائش کے لیے شہزادہ ہیری اور میگھن مرکل یہاں نہیں آئے کیونکہ وہ دیگر شاہی سرگرمیوں میں مصروف ہیں۔ میوزیم انتظامیہ نے دوسری تکنیکوں سے مجسمے کی پیمائش طے کی۔

    مادام تساؤ میوزیم میں اس سے قبل شہزادہ ہیری کا مجسمہ نصب تھا جو ان کے خاندان کے دیگر افراد یعنی ملکہ الزبتھ، شہزادہ ولیم اور کیٹ مڈلٹن کے ساتھ موجود تھا۔ مجسمے نے فوجی لباس زیب تن کر رکھا تھا۔

    تاہم اب جبکہ ان کی زندگی کا ایک نیا باب شروع ہونے جارہا ہے، تو ان کے مجسمے میں بھی جدت کردی گئی ہے۔ ہیری کے ساتھ مرکل کا مجسمہ بھی شاہی خاندان کے دیگر افراد کے مجسموں کے ساتھ نصب کردیا گیا ہے۔

    انتظامیہ کے مطابق شاہی شادی سے ایک روز قبل مجسمے کو عام افراد کے لیے کھول دیا جائے گا۔ شادی کے روز میوزیم میں ان افراد کے لیے داخلہ مفت ہوگا جن کا نام میگھن یا ہیری ہوگا۔

    برطانوی شہزادے اور امریکی اداکارہ کا یہ جوڑا 19 مئی کو شادی کے بندھن میں بندھ جائے گا۔

    شاہی خاندان کے بارے میں مزید مضامین پڑھیں


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پریانکا چوپڑا نے شاہی شادی میں مدعو ہونے کی تصدیق کردی

    پریانکا چوپڑا نے شاہی شادی میں مدعو ہونے کی تصدیق کردی

    برطانوی شاہی خاندان کے چھوٹے شہزادے ہیری اگلے ماہ امریکی اداکارہ میگھن مرکل سے رشتہ ازدواج میں بندھنے جارہے ہیں۔ اداکارہ کی بہترین دوست اور بالی ووڈ کی معروف اداکارہ پریانکا چوپڑا نے شاہی شادی میں مدعو کیے جانے کی تصدیق کردی ہے۔

    امریکی جریدے سے گفتگو کرتے ہوئے معروف بالی ووڈ اداکارہ پریانکا چوپڑا نے بتایا کہ انہیں شاہی شادی میں شرکت کا دعوت نامہ موصول ہوچکا ہے۔

    پریانکا چوپڑا امریکی ٹی وی سیریز کوانٹیکو اور ہالی ووڈ فلم بے واچ میں کام کرچکی ہیں۔ میگھن مرکل سے ان کی پہلی ملاقات ایک تقریب میں ہوئی جس کے بعد وہ دونوں بہت اچھی دوستیں بن گئیں۔

    پریانکا چوپڑا کا کہنا ہے کہ وہ اپنی دوست کے لیے بہت خوش ہیں۔ ’میں اسے 3 سال سے جانتی ہوں۔ وہ ایک مضبوط اور پرعزم عورت ہے‘۔

    وہ کہتی ہیں کہ میگھن کو صرف یہ کہہ کر نہیں پکارا جاسکتا کہ یہ شہزادے کی گرل فرینڈ ہے، ’اس کی ایک اپنی مضبوط شخصیت ہے جو اس پہچان سے کہیں زیادہ ہے‘۔

    گو کہ شاہی شادی میں ایک مہینے سے بھی کم وقت رہ گیا ہے تاہم پریانکا چوپڑا کے مطابق انہوں نے شادی میں پہننے کے لیے تاحال لباس کا انتخاب نہیں کیا۔

    خیال رہے کہ شہزادہ ہیری اور میگھن مرکل 19 مئی کو شادی کے بندھن میں بندھ جائیں گے۔ ان کی شادی میں برطانوی وزیر اعظم تھریسا مئے اور امریکی صدر ڈونلڈ ٹرمپ کو بھی مدعو نہیں کیا گیا۔

    شاہی شادی میں صرف خاص مہمانوں کو مدعو کیا گیا ہے جن کی تعداد 600 کے قریب ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • برطانیہ کی ننھی شہزادی کا انوکھا اعزاز

    برطانیہ کی ننھی شہزادی کا انوکھا اعزاز

    لندن: ایک دن قبل جب برطانیہ کے شاہی خاندان میں ایک اور شہزادے کی آمد کا جشن پورے برطانیہ میں منایا جارہا ہے، اسی دن شاہی خاندان کی 2 سالہ ننھی سی شہزادی نے ایک انوکھی تاریخ رقم کی ہے۔

    یہ 2 سالہ ننھی شہزادی شارلٹ برطانیہ کی وہ پہلی شہزادی بن گئی ہے جو نئے شہزادے کی آمد کے باوجود تخت نشینی کے لیے اپنی جگہ برقرار رکھنے میں کامیاب رہی ہے۔

    برطانیہ میں تخت نشینی کے اصولوں میں ایک اہم اصول یہ بھی ہے کہ تخت کے لیے پہلی ترجیح شہزادے یا اس کے بیٹے ہوں گے۔

    کسی شہزادی کو تخت پر اسی صورت میں براجمان کیا جاسکتا ہے جب تخت نشینی کے لیے کوئی دوسرا مرد امیدوار موجود نہ ہو، وہ دنیا میں نہ ہو یا کسی وجہ سے تخت سے دستبرداری کا اعلان کردے۔

    برطانوی شاہی خاندان میں 5 سال قبل تک نافذ اس سکسیشن ایکٹ 1701 کے تحت جیسے ہی کوئی نیا شہزادہ دنیا میں آتا تھا تو وہ اپنی بڑی بہن کو تخت نشینی کے امیدواروں کی فہرست سے بے دخل کر کے خود اس کی جگہ پر قابض ہوجاتا تھا، یعنی چھوٹے بھائی کی موجودگی کی صورت میں بڑی بہن کسی صورت تخت کی حقدار نہیں ہوسکتی اور اس کے چھوٹے بھائی کو ہی تخت پر بٹھایا جائے گا۔

    تاہم 5 سال قبل سنہ 2013 میں پرانا ایکٹ منسوخ کر کے سکسیشن ٹو دا کراؤن ایکٹ 2013 نافذ العمل کردیا گیا جس کے مطابق تخت نشینی کے حقداروں کی فہرست اب عمر اور رتبے کے لحاظ سے مرتب ہوگی جس میں صنف کا کوئی عمل دخل نہیں ہوگا۔

    مذکورہ ایکٹ کی وجہ سے ننھی شہزادی شارلٹ اپنے دادا، والد اور بھائی کے بعد تخت نشینی کے لیے چوتھے نمبر پر فائز تھیں اور ان کا یہ درجہ نئے شہزادے کی آمد کے باوجود برقرار ہے۔

    گویا نیا شہزادہ تخت نشینی کے حقداروں کی فہرست سے اپنی بڑی بہن کو خارج نہیں کرسکتا اور اسے اپنی بہن کی تخت نشینی کے خاتمے کے بعد ہی تخت پر بیٹھنا نصیب ہوگا۔

    اس وقت برطانوی شاہی تخت پر ملکہ الزبتھ براجمان ہیں اور ان کی موت یا تخت سے دستبرداری کی صورت میں ان کے صاحبزادے پرنس چارلس کو بادشاہ بنایا جائے گا۔

    شہزادہ چارلس کے بعد ان کے صاحبزادے پرنس ولیم، اور ان کے بعد ولیم کے 4 سالہ صاحبزادے جارج ولی عہد کی حیثیت رکھتے ہیں جبکہ ان کے بعد ننھی شہزادی شارلٹ اور اس کے بعد نومولود شہزادے کا نمبر آئے گا جس کا تاحال کوئی نام نہیں رکھا گیا۔

    مستقبل میں یہ شہزادے اور شہزادیاں اسی ترتیب سے تخت نشین ہوتے جائیں گے۔

    شاہی خاندان کے بارے میں مزید مضامین پڑھیں


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • برطانوی شہزادی کیٹ مڈلٹن کے ہاں‌ بیٹے کی ولادت، تھریسامے کی مبارکباد

    برطانوی شہزادی کیٹ مڈلٹن کے ہاں‌ بیٹے کی ولادت، تھریسامے کی مبارکباد

     لندن: برطانوی شہزادی کیٹ میڈلٹن کے ہاں تیسرے بچے کی ولادت ہوئی ہے۔ برطانوی وزیر اعظم تھریسامے نے شاہی جوڑے کو بیٹے کی ولادت پر مبارکباد پیش کی ہے۔

    قبل ازیں شہزادی کیٹ جن کا خطاب ڈچز آف کیمبرج ہے، آج صبح  دردِ زہ اٹھنے پراپنے شوہر شہزادہ ولیم کے ساتھ سینٹ میری اسپتال پہنچیں جہاں انہیں فی الفور داخل کرلیا گیا۔

    کنسگٹن پیلیس نے اپنے ٹویٹر پیغام میں تصدیق کی ہے کہ شہزادی کو لیبر کے ابتدائی مرحلے میں  اسپتال میں داخل کیا گیا ہے۔ 36 سالہ شہزادی اپنے شوہر کے ہمراہ کار میں اسپتال لائی گئی ہیں۔

    شہزادی کیٹ کا منفرد اعزازجو کسی برطانوی ملکہ کو حاصل نہیں ہوا

    برطانیہ کے عوام نے شاہی خاندان سے اپنی محبت کا ثبو ت دینے کے لیے اسپتال کے باہر کیمپ لگا لیے ہیں اور وہ شاہی خاندان میں ہونے والے نئے اضافے کی ایک جھلک دیکھنے کے لیے بے چین ہیں۔ اسپتال میں نو اپریل سے 30 اپریل تک پارکنگ پر پابندی عائد کردی گئی ہے۔ شہزادی کیٹ نے بطور شاہی خاندن کے فرد کے گزشتہ روز  اولمپک پارک میں کامن ویلتھ  لنچ میں بھی شرکت کی تھی۔

    بتایا جارہا ہے کہ نیا شاہی فرد تاجِ برطانیہ کے امیدواروں کی فہرست میں پانچویں نمبر پر ہوگا اور یہ ملکہ برطانیہ اور ڈیوک آف ایڈن برا کا چھٹا پوتا یا پوتی ہوگا۔

    شہزادی کیٹ اس سے قبل شہزادہ جارج اور شہزادی شارلیٹ کو جنم دے چکی ہیں، ان بچوں کی طرح اس بچے کی پیدائش کےموقع پر بھی اسپتال میں خصوصی انتظامات کیے گئے ہیں ۔ شہزادی شارلیٹ کے موقع  پر کل 23 پیرا میڈکس کی ٹیم کسی بھی قسم کی ہنگامی صورتحال کو کنٹرول کرنے کے لیے اسٹینڈبائی پر موجود تھی۔

     اس موقع پر جبکہ شہزادی اپنے تیسرے بچے کی پیدائش  کے موقع پر اسپتال میں موجود ہیں، ان کے بچوں کی دیکھ بھال کے لیے ان کی دیکھ بھال کی ذمہ داری بچوں کی  کل وقتی نگہبان  ماریہ ٹیریسا ٹیوریون کے سپرد ہے اور  نئے مہمان کی آمد کےبات شہزاد ہ جارج اور شہزادی شارلیٹ  شاہی پروٹوکول کے مطابق ان سے ملنے اسپتال آئیں گے۔

    روایات کے مطابق تاحال شاہی خاندان خود بھی اس بات سے واقف نہیں ہے کہ نیا مہمان لڑکا ہے یا لڑکی ۔ ہر  دوصورت میں پہلے سے کچھ نام تجویز کرلیے گئے ہیں۔ اگر لڑکی ہوگی تو اس کا نام ایلس، الیگزینڈرا، الزبتھ، میری یا وکٹوریا رکھا جائے گا ۔ اور اگر نیا مہمان لڑکا ہوا تو اس کا ممکنہ نام آرتھر، البرٹ، فریڈرک، جیمز یا پھر فلپ رکھا جائے گا۔


    اگر آپ بلاگر کے مضمون سے متفق نہیں ہیں تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی وال پرشیئرکریں

  • ملکہ برطانیہ درختوں کی شوقین نکلیں

    ملکہ برطانیہ درختوں کی شوقین نکلیں

    لندن: برطانیہ کی ملکہ الزبتھ دوئم یوں تو بے شمار نجی و سرکاری سرگرمیوں میں مصروف رہتی ہیں تاہم انہیں درختوں کا بھی بے حد شوق ہے اور شجر کاری کے لیے بھی وہ کسی نہ کسی طرح وقت نکال ہی لیتی ہیں۔

    حال ہی میں ملکہ برطانیہ کے بارے میں پیش کی جانے والی ایک دستاویزی فلم میں ملکہ کے اس شوق کا انکشاف ہوا۔

    اس فلم میں جس کا نام ’دا کوئنز گرین پلینٹ‘ ہے، ملکہ کی جانب سے شروع کیے گئے اس منصوبے کے بارے میں بتایا گیا ہے جس کے تحت دنیا بھر میں جنگلات کے تحفظ پر کام کیا جارہا ہے۔

    مذکورہ پروجیکٹ کا نام ’دا کوئنز کامن ویلتھ کنوپی‘ ہے۔

    فلم کے مطابق ملکہ نے دنیا بھر میں جس جس ملک کا دورہ کیا، وہاں انہوں نے شجر کاری ضرور کی۔

    فرانس میں ہونے والے کینز فلم فیسٹیول میں فلم کی نمائش کے موقع پر ہدایت کار نے بتایا کہ ملکہ کو یہ شوق اپنے اجداد سے ورثے میں ملا ہے۔

    ان کے مطابق شاہی محل بکھنگم پیلیس کے باغ میں ملکہ وکٹوریہ کے ہاتھ سے لگائے گئے درخت بھی موجود ہیں اور ملکہ الزبتھ کی ہدایت پر ان کا خصوصی خیال رکھا جاتا ہے۔

    دستاویزی فلم میں وہ مناظر بھی موجود ہیں جب ملکہ ایک ماہر نباتات سر ڈیوڈ اٹنرگ کے ساتھ شاہی محل کے باغ کا دورہ کر رہی ہیں۔ سر ڈیوڈ طویل عرصے سے ملکہ کے اس شوق میں ان کا ساتھ دیتے آرہے ہیں۔ دونوں ہم عمر ہیں اور ان کے درمیان کافی گہرا تعلق موجود ہے۔

    فلم کے مطابق پودوں اور درختوں کا شوق نہ صرف خود ملکہ بلکہ ان کے پورے خاندان میں ہے۔ ان کے صاحبزادے اور تخت کے ولی عہد شہزادہ چارلس بھی درختوں کا شوق رکھتے ہیں۔

    فلم میں سر ڈیوڈ سے گفتگو کرتے ہوئے ملکہ کہتی ہیں کہ ان کے باغ میں موجود زیادہ تر درخت انہیں تحفتاً موصول ہوئے ہیں۔ ’تحفے دینے کے حوالے سے میں ایک مشکل شخصیت سمجھی جاتی ہوں، چنانچہ جب لوگوں کو سمجھ نہیں آتا کہ وہ مجھے کیا تحفہ دیں تو وہ مجھے ایک پودا تحفے میں دے دیتے ہیں‘۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • میگھن مرکل کے سفید بال کی نشاندہی کرنے پر برطانوی جریدہ تنقید کی زد میں

    میگھن مرکل کے سفید بال کی نشاندہی کرنے پر برطانوی جریدہ تنقید کی زد میں

    لندن: یوں تو برطانوی شاہی خاندان کی ہر سرگرمی میڈیا کی توجہ کا مرکز بن جاتی ہے جس میں عام افراد بھی دلچسپی لیتے ہیں تاہم حال ہی میں ایک بین الاقوامی جریدے کو برطانوی شہزادے ہیری کی منگیتر میگھن مرکل کے سیفد بال کی نشاندہی کرنے پر سخت تنقید کا نشانہ کرنا پڑا۔

    میری کلائر نامی بین الاقوامی جریدے پر اس وقت بری طرح تنقید کی گئی جب جریدے نے برطانوی شہزادے ہیری کی منگیتر میگھن مرکل کے متعلق بریکنگ نیوز شائع کی کہ ان کے سر پر ایک عدد سفید بال موجود ہے۔

    ادارے کی جانب سے شائع کیے جانے والے مضمون میں مرکل کی تصویر کو واضھ کر کے ان کے سفید بال کی نشاندہی کی گئی۔

    تاہم جریدے کی اس حرکت کو ٹوئٹر صارفین نے سخت احمقانہ قرار دیا۔

    لوگوں نے کہا کہ وہ جریدے پر اس قسم کی خبر دیکھ کر سخت حیران ہیں۔

    بعد ازاں جریدے نے اس خبر کو سوشل میڈیا سے ڈیلیٹ کردیا تاہم ویب سائٹ پر یہ خبر تاحال موجود ہے۔

    یہ پہلی بار نہیں جب شاہی خاندان سے متعلق کسی خبر پر جریدے کو تنقید کا نشانہ بنایا جارہا ہو۔

    اس سے قبل حال ہی میں چند برطانوی اخبارات اور ویب سائٹ نے شہزادی کیٹ مڈلٹن کے لباس پر قیاس آرائیاں شروع کردی تھیں کہ شہزادی گزشتہ کئی دنوں سے نیلے رنگ کے ملبوسات زیب تن کر رہی ہیں، ہوسکتا ہے اس طرح وہ اشارہ دے رہی ہیں کہ ان کا تیسرا ہونے والا بچہ لڑکا ہے۔

    شہزادی سے متعلق اس خبر کو بھی مذاق اور تنقید کا نشانہ بنایا گیا تھا۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • شاہی خاندان میں شادی، برطانوی معیشت میں خوشحالی کا امکان

    شاہی خاندان میں شادی، برطانوی معیشت میں خوشحالی کا امکان

    لندن : برطانوی ماہرین اقتصادیات نے شہزادہ ہیری کی شادی کو ملکی معیشت کے لیے خوش آئند قرار دیتے ہوئے کہا ہے کہ شاہی خاندان میں شادی سے رواں سال زردمبادلہ کے ذخائر میں پانچ سوملین پاؤنڈ تک اضافہ متوقع ہے۔

    تفصیلات کے مطابق برطانوی معاشی تجزیہ کاروں نے رواں سال کو برطانوی معیشت کے لیے خوش آئند قراردیتے ہوئے کہا ہے کہ مئی میں شہزادہ ہیری اور میگھن مرکل کی شادی سے ملکی معیشت میں مزید استحکام آئے گا۔

    برطانوی ماہرین اقتصادیات کا کہنا ہے کہ زردمبادلہ کے ذخائر میں پانچ سوملین پاؤنڈتک اضافہ ہوگا۔

    تجزیہ کاروں کےمطابق دوسوملین پاؤنڈ کی آمدن ٹورازم، ٹریول اورہوٹلز سے متوقع ہے، ڈیڑھ سو ملین پاؤنڈ شاہی جوڑے کی شادی کی خوشی میں برطانوی عوام دعوتوں میں خرچ کریں گے۔


    شہزادہ ہیری اورمیگھن مرکل کا اکانومی کلاس میں سفر


    برطانوی معاشی تجزیہ کاروں کا کہنا ہے کہ سوملین پاؤنڈ کی کمائی اشتہارات کی مد میں ہوگی، پچاس ملین پاؤنڈ کا بزنس پرنس ہیری اور میگھن والی ٹی شرٹ، کیپ اور مگ کی مد میں ہوگا۔


    شہزادہ ہیری اورمیگھن مرکل کا اکانومی کلاس میں سفر


    واضح رہے کہ 27 نومبر کو برطانوی شہزادے ہیری نے امریکی اداکارہ میگھن مارکل سے منگنی کی تھی، آئندہ سال 19 مئی کو یہ جوڑا شادی کے بندھن میں بندھ جائے گا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شہزادے ہیری اور میگھن مرکل کی منگنی کی تصاویر منظرعام پر

    شہزادے ہیری اور میگھن مرکل کی منگنی کی تصاویر منظرعام پر

    لندن : برطانوی شہزادے ہیری اور امریکی اداکارہ میگھن مرکل کی منگنی کی تصاویرمنظرعام پر آگئیں، آئندہ سال 19 مئی کو یہ جوڑا شادی کے بندھن میں بندھ جائے گا۔

    تفصیلات کے مطابق شاہی خاندان نے برطانوی شہزادے ہیری اور امریکی اداکارہ میگھن مرکل کی منگنی کی تصاویر شائع کردیں۔

    برطانوی شہزادے ہیری اور امریکی اداکارہ میگھن مرکل نے نیویارک کے مشہور فیشن فوٹوگرافر الیگزی لوبومرسکی سے اپنی منگنی کی تصویریں بنوائیں۔

    نیویارک کے مشہور فیشن فوٹوگرافرالیگزی لوبومرسکی لیڈی ڈیانا کی تصویروں کے لیے مشہور فوٹوگرافر ماریو ٹیسٹینو کے سابق اسسٹنٹ رہ چکے ہیں۔

    خیال رہے کہ گزشتہ ماہ 27 نومبر کو برطانوی شہزادے ہیری نے امریکی اداکارہ میگھن مارکل سے منگنی کی تھی۔


    لندن : شہزادہ ہیری کی امریکی اداکارہ میگھن مرکل سے منگنی


    شاہی خاندان کی جانب سے اپنے آفیشل ٹوئٹر اکاؤنٹ پر شہزادے ہیری اورمیگھن مرکل کی منگنی کا اعلان کرتے ہوئے کہا تھا کہ دونوں کی شادی دوہزاراٹھارہ کے موسم بہارمیں ہوگی۔

    یاد رہے کہ 2 دسمبر 2017 کو برطانوی شہزادے ہیری کی اپنی منگیترمیگھن مرکل کے ساتھ نوٹنگھم آمد پرعوام نے پرتپاک استقبال کیا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔