Tag: شاہ رخ خان

here
بالی ووڈ کنگ شارہ رخ خان ان کی اہلیہ گوری اور بیٹے آریان خان کی تصاویر سوشل میڈیا پر وائرل ہورہی ہیں جس میں انھیں مکہ میں دکھایا گیا ہے۔

نئے سال کی شروعات سے ہی ایک تصویر سوشل میڈیا پر زور و شور سے گردش کررہی ہے جس میں شاہ رخ، آریان اور گوری مکہ میں نظر آرہے ہیں، اس تصویر میں شاہ رخ اور آریان خان نے سفید کرتا زیب تن کیا ہوا ہے جبکہ کنگ خان نے سرپر امامہ ٹاپ ٹوپی بھی پہنی ہے۔

گوری خان بھی مسلمانوں والے لباس میں نظر آرہی اور انھوں نے باقاعدہ طور مسلم خواتین کی طرح حجاب لیتے ہوئے برقع لگایا ہوا ہے اور اپنے سر کو اسکارف سے ڈھانپا ہوا ہے۔

تاہم اب اس تصویر کی حقیقت سامنے آگئی ہے کہ یہ تصویر جعلی اور ڈیپ فیک کی مدد سے بنائی گئی ہے، اس تصویر کو حقیقت سے مشابہت دینے کے لیے اس کے پیچھے مکہ کے مینار بھی واضح کیے گئے ہیں۔

بھارتی میڈیا رپورٹس میں بتایا گیا ہے کہ خان فیملی کی مکہ کا دورہ کرنے والی تصاویر جعلی ہیں اسے ڈیپ فیک یا کسی دوسری آرٹیفیشل انٹیلیجنس کی مدد سے بنایا گیا ہے۔

 

View this post on Instagram

 

A post shared by Abdul Wajeed (@wtv_news_media)

اس سے قبل کئی سوشل میڈیا آؤٹ لیٹس کی جانب سے دعویٰ کیا گیا تھا کہ یہ تصویر حقیقی ہے جبکہ کچھ اداروں نے اسے اے آئی سے بنائی گئی تصویر قرار دیا تھا۔

خیال رہے کہ 2005 میں گوری خان نے کافی ود کرن میں شاہ رخ کے مذہب کے حوالے سے اظہار خیال کرتے ہوئے کہا تھا کہ وہ اپنے شوہر کے مذہب کا احترام کرتی ہیں لیکن اس کا مطلب یہ نہیں ہے کہ وہ مسلمان ہوجائیں گی۔

بالی ووڈ کے کنگ شاہ رخ خان اور الو ارجن بھی مقبولیت اور شہرت کے معامالے میں بالی ووڈ سنگر دلجیت دوسانجھ سے پیچھے رہ گئے۔

برطانوی ادارے نے ایشیا کی 50 مشہور شخصیات کی فہرست جاری کی ہے جس میں پنجابی گلوکار دلجیت دوسانجھ نے ٹاپ پوزیشن حاصل کرلی ہے، یوں سال 2024 میں انھوں نے مقبولیت میں شاہ رخ خان اور الو ارجن جیسے سپراٹارز کو پیچھے چھوڑد دیا ہے۔

دلجیت دوسانجھ برطانوی میڈیا کے مطابق زیادہ شہرت حاصل کرنے والی شخصیت قرار پائے ہیں، فہرست میں شاہ رخ خان، پشپا اسٹار الوارجن، امیتابھ بچن، پریانکا چوپڑا اور اریجیت سنگھ بھی شامل ہیں۔

View this post on Instagram

A post shared by billboard (@billboard)

دیگر بھارتی مشہور شخصیات میں پربھاس 14 ویں نمبر پر ہیں جبکہ استری 2 سے تہلکہ مچانے والے ورسٹائل اداکار راج کمار راؤ نے 15ویں پوزیشن حاصل کی ہے۔

اسی طرح کارتک آریان (25 ویں)، امیتابھ بچن (26 ویں)، عالیہ بھٹ (30 ویں)، شاہ رخ خان (32 ویں)، اور ہریتک روشن (47 ویں) پر رہے۔

بھارت بھر میں دل لومیناٹی ٹور کرنے والے پنجابی گلوکار دلجیت نے نے اس کا سہرا اپنے مداحوں کے سر باندھا ہے اور مداحوں کا شکریہ ادا کیا ہے۔

بھارت بھر میں دل لومیناٹی ٹور کرنے والے پنجابی گلوکار دلجیت نے نے اس کا سہرا اپنے مداحوں کے سر باندھا ہے اور مداحوں کا شکریہ ادا کیا ہے۔

بالی ووڈ کنگ شاہ رخ خان صرف امیروں اور صنعتکاروں کی نہیں بلکہ غریبوں کی شادی میں بھی جاتے ہیں اور اس کا کوئی معاوضہ بھی نہیں لیتے۔

شاہ رخ خان کسی تقریب میں موجود ہوں تو وہ ویسے ہی خاص بن جاتی ہے، اس بار سپراسٹار نے کسی امبانی، متل اور اڈانی کی شادی میں شرکت نہیں کہ بلکہ ایک عام سی میک آرٹسٹ کی شادی میں بلامعاوضہ شرکت کرکے مداحوں کے دل جیت لیے ہیں۔

بالی ووڈ اداکار کے آبائی شہر دہلی میں ایک شادی کی تقریب گزشتہ دنوں منعقد ہوئی جس میں شاہ رخ کی شرکت اور ان کی پرفارمنس نے سوشل میڈیا صارفین کی توجہ حاصل کرلی۔

وائرل تصاویر پر صارفین نے حیرانی کا اظہار کیا اور سوالات کیے کہ دُلہا دُلہن کوئی معروف شخصیات نہیں تھیں پھر بھی شاہ رخ نے اس شادی میں شرکت کی تو پھر خطیر معاوضہ وصول کیا ہوگا۔

View this post on Instagram

A post shared by Amrit kaur (@amritkaur_artistry)

بھارتی میک اپ آرٹسٹ امرت کور نے انسٹاگرام پر ایک ویڈیو پوسٹ کی جس میں شاہ رخ دُلہن کے ہمراہ اسٹیج پر موجود ہیں اور پرفارم کررہے ہیں جب کہ وہ دُلہن کی تعریف کرتے ہوئے اسے سراہ بھی رہے ہیں۔

ویڈیو آنے کی دیرتھی کہ اس پر کمنٹس کا تانتا بندھ گیا اور لوگوں نے شاہ رخ کے معاوضے کے حوالے سے باتیں شروع کردیں، لوگوں نے پوچھا کہ اس شادی میں شرکت کے شاہ رخ نے کتنے پیسے لیے ہوں گے؟

بہت سے لوگوں نے اندازہ لگاتے ہوئے یہ کہا کہ کنگ خان جن کی شادی میں شرکت تقریب کو چار چان لگا دیت ہے انھوں نے اس شادی کے لیے کروڑوں روپے وصول کیے ہوں گے۔

ان سوالات کا جواب دیتے ہوئے میک اپ آرٹسٹ نے واضح کیا کہ شاہ رخ ان کے فیملی فرینڈ ہیں، اس لیے انھوں نے اس شادی میں شرکت کی کوئی رقم وصول نہیں کی بلکہ اسٹیج پر بھی آئے۔

بالی ووڈ کے معروف گلوکار ابھیجیت بھٹاچاریہ نے شاہ رخ خان کے ساتھ اختلافات کی وجہ بتاتے ہوئے کہا ہے کہ وہ اب صرف ایک انسان نہیں رہے۔

بھارتی ذرائع ابلاغ کے ساتھ گفتگو میں اپنے اور کنگ خان کے اختلافات پر ابھیجیت نے کھل کر اظہار خیال کرتے ہوئے بتایا کہ انھوں نے شاہ رخ خان کے لیے گانا کیوں چھوڑا، انھوں نے بتایا کہ سپراسٹار کے ساتھ ان کے مسائل اس وقت شروع ہوئے جب انھیں لگا کہ ان کے کام کے لیے صحیح طریقے سے کریڈٹ نہیں دیا جا رہا ہے۔

ابھیجیت نے کہا کہ جب عزت نفس مجروح ہوتی ہے، تو آپ کو یہ کہنا پڑتا ہے کہ ’بس بہت ہو گیا‘، میں شاہ رخ کے لیے گانا نہیں گا رہا تھا بلکہ اپنے کام کے لیے گا رہا تھا۔

گلوکار نے الزام لگاتے ہوئے کہا کہ میں نے دیکھا کہ سیٹ پر سب کے کام کو تسلیم کیا جارہا ہے جیسے ایک چائے فروش جو سیٹ پر چائے پیش کرتا ہے اس کے کام کو بھی لیکن گلوکار کو تسلیم نہیں کیا جارہا تھا، اس وقت میں نے محسوس کیا کہ میں شاہ رخ کی آواز کیوں بنوں؟

ان سے پوچھا گیا کہ کیا بالی ووڈ کنگ نے کبھی صلح کرنے کی کوشش کی، تو ابھیجیت بھٹاچاریہ نے جواب دیا، ایسا نہیں ہے کہ میرا ایس آر کے کے ساتھ رشتہ ٹوٹ گیا ہے لیکن شاہ رخ اب اتنے بڑے اسٹار ہیں کہ اب وہ صرف ایک انسان نہیں رہے سپر اسٹار ہیں،

شاید شاہ رخ خان کو خود بھی احساس نہیں کہ وہ کس سطح پر پہنچ گئے ہیں، تو میں ان سے کچھ امید کیوں رکھوں؟ میں اب بھی وہی شخص ہوں جو میں تھا، میں ان سے 5، 6 سال بڑا ہوں، کسی کو کسی سے معافی مانگنے کی ضرورت نہیں تھی۔

ابھیجت نے کہا کہ ہم دونوں میں انا ہے، ہماری سالگرہ میں صرف ایک دن کا فرق ہے، ہم دونوں اسکارپیوز ہیں لیکن میں سب سے بڑا سکارپیو ہوں، مجھے اس کی یا اس کے سہارے کی ضرورت نہیں ہے۔

اپنی اداکاری سے کنگ کہلائے جانے والے شاہ رخ خان نے انکشاف کیا ہے کہ ایک وقت میں خود کو بہت برا اداکار سمجھنے لگے تھے۔

بھارتی ذرائع ابلاغ کے مطابق دبئی میں میں منعقدہ تیسری گلوبل فریٹ سمٹ کے دوران بالی ووڈ سپراسٹار نے کیریئر کے شروع میں اپنی اداکاری سے متعلق سوچ آشکار کی، کنگ خان نے انکشاف کیا کہ وہ شروعات میں ہی بالی وڈ کو مکمل طور پر خیرباد کہنے کا سوچ چکے تھے۔

اپنے کیریئر کے آغاز میں سیٹ پر میں خود بہترین اداکار سمجھ رہا تھا تاہم مجھے جلد احساس ہوگیا کہ سیٹ پر موجود ہر شخص مجھ سے بہتر اداکاری جانتا ہے، اس کے بعد میں نے دہلی واپس جانے کیلئے پہلی فلائٹ بک کروالی اور ایئرپورٹ بھی پہنچ گیا۔

شاہ رخ خان نے اپنے جذباتی پن کو یاد کرتے ہوئے بتایا کہ میں اس وقت اپنے گھر لوٹ جانا چاہتا تھا اور مجھے احساس ہونے لگا تھا کہ میں ایک بہت برا اداکار ہوں۔

سپراسٹار نے اپنی بات کو جاری رکھتے ہوئے کہا کہ روزانہ آپ کو کچھ نہ کچھ سیکھنے کی ضرورت ہے، میں نے ہمیشہ سیکھا جس نے مجھے احساس دلایا کہ مجھ میں کیا برائی ہے۔

شاہ رخ کا کہنا تھا کہ کیرئیر کو 35 سال ہوگئے اور اس دوران جب بھی میں سیٹ پر گیا، مجھے احساس ہوا کہ بہت سی چیزیں ہیں جو مجھے اب بھی سیکھنی ہیں۔

خیال رہے کہ شاہ رخ خان کو بالی ووڈ کا کنگ کہا جاتا ہے اور وہ صرف بھارت اور پاکستان ہیں نہیں بلکہ پوری دنیا میں مشہور ہیں مغربی دنیا میں انھیں بالی ووڈ کے چہرے سے بھی تشبیح دی جاتی ہے۔

ممبئی: بالی وڈ میں ’کنگ‘ کے لقب سے شہرت رکھنے والے سُپر اسٹار شاہ رخ خان نے بیٹے آریان خان اور نیٹ فلکس کے ساتھ سیریز بنانے کا اعلان کر دیا۔

انڈین میڈیا کے مطابق مداحوں کی جانب سے شاہ رخ خان کے آریان خان اور نیٹ فلکس کے ساتھ کام کے اعلان کا شدت سے انتظار کیا جا رہا تھا۔

شاہ رخ خان کا پروڈکشن ہاؤس ریڈ چلیز انٹرٹینمنٹ اور نیٹ فلکس مل کر بالی وڈ کی پُرکشش دنیا کے پیچھے چھپ رازوں اور انڈسٹری میں باہر سے آنے والوں سے متعلق اہم انکشافات کریں گے۔

فی الحال اس سیریز کا کوئی عنوان نہیں رکھا گیا تاہم یہ آریان خان کی ہدایت کاری میں پہلا پروجیکٹ ہوگا۔ اطلاعات ہیں کہ اسے 2025 میں ریلیز کیا جائے گا۔

سُپر اسٹار نے بیٹے کے نئے سفر کیلیے اپنے جذبات کا اظہار کیا۔ انہوں نے انسٹاگرام اسٹوری پر لکھا کہ یہاں بے ساختہ کہانی سنانے، حوصلہ مند مناظر اور بہت سارے جذبات ہیں۔

اس دلچسپ خبر نے شاہ رخ خان کے مداحوں میں امید کی لہر پیدا کر دی جو ایک عرصے سے آریان خان کو اپنے منفرد انداز سے فلمسازی کی دنیا میں قدم رکھتے ہوئے دیکھنے کیلیے بے تاب ہیں۔

سُپر اسٹار کی جانب سے شیئر کیے گئے کیپشن میں لکھا گیا کہ یہ ایک خاص دن ہے کیونکہ ناظرین کیلیے ایک نئی کہانی متعارف کروائی جا رہی ہے۔

انہوں نے مزید لکھا کہ یہ دن اور بھی اہم ہے کیونکہ ریڈ چلیز انٹرٹینمنٹ آریان خان کے ساتھ نیٹ فلکس انڈیا پر اپنی نئی سیریز پیش کرنے کیلیے سفر کا آغاز کر رہی ہے۔

رپورٹس کے مطابق اس سیریز میں خود شاہ رخ خان، سلمان خان، رنبیر کپور و دیگر کے ساتھ اسٹار اسٹڈیڈ کیمیوز شامل ہوں گے۔