Tag: شاہ رخ خان

بھارتی فلموں کے معرف رائٹر اور نغمہ نگار جاوید اختر نے بالی ووڈ کے کنگ اور ہردلعزیز شاہ رخ خان کو بوڑھا قرار دیا ہے۔

ابوظہبی میں ہونے والے انٹرنیشنل انڈین فلم اکیڈمی ایوارڈز (آئیفا) 2024 میں جاوید اختر، شبانہ اعظمی، کریتی سینون، شاہد کپور، مرنال ٹھاکر، اننیا پانڈے، اور ایشوریا رائے سمیت کئی مشہور شخصیات نے شرکت کی۔

اس دوران جاوید اختر سے سوال پوچھا گیا کہ کون سا اداکار فلم انڈسٹری میں ’آج کا اینگری ینگ مین‘ ہے؟ اس سوال کا بھارتی نغمہ نگار نے دلچسپ جواب دیا۔

جاوید اختر نے کہا کہ اس وقت بہت سے بہترین اداکار ہیں، ان میں ریتک روشن، فرحان اختر اور وکی کوشل شامل ہیں۔

ان سے پوچھا گیا کہ کیا شاہ رخ خان ’اینگری ینگ مین‘ میں سے ایک ہیں، اس کے جواب میں جاوید اختر نے کہا کہ ان کا تعلق اس نسل سے نہیں ہے وہ اب ویٹرن یعنی عمررسیدہ اداکار ہیں۔

شبانہ اعظمی سے پوچھا گیا کہ کون سی اداکارہ آج کے دور میں کون سی اداکارہ اسٹارڈم کی تعریف پر پورا اترتی ہے، اس کے جواب میں شبانہ نے عالیہ بھٹ کو منتخب کیا۔

انھوں نے کہا کہ عالیہ بھٹ بہترین اداکارہ ہیں، وہ بہت محنت کرتی ہیں جو کہ سیٹ پر نظر بھی آتا ہے، وہ جی جان سے اداکارہ کرتی ہیں۔

بالی ووڈ کے معروف ہدایت کار کرن جوہر پچھلے دو عشروں سے ڈائریکشن کررہے ہیں مگر شاہ رخ خان کی فلم کا ایک سین ان کا سب سے پسندیدہ ہے۔

کرن جوہر پچھلے 26 سالوں سے بھارتی فلم انڈسٹری میں ہدایت کاری کے فرائض انجام دے رہے ہیں اور انھیں شاہ رخ خان اور کاجول کا ایک سین اس قدر پسند ہے کہ اس منظر کو سوشل میڈیا پر پوسٹ کرتے ہوئے کرن نے اس سین کی بے حد تعریف کی ہے۔

مائی نیم از خان 2010 میں ریلیز ہوئی تھی جس میں شاہ رخ نے ایک ایبنارمل شخص کا کردار بہت ہی خوبی سے نبھایا تھا، کرن جوہر کے مطابق اس فلم کے ایک سین میں شاہ رخ نے ایسی لازوال اداکاری کی وہ ان کے ذہن میں نقش ہوگیا۔

کرن جوہر نے اس فلم کا سین سوشل میڈیا پر شیئر کرتے ہوئے بتایا کہ یہ ان کے دل سے بہت قریب ہے اور 26 سالہ ہدایت کاری کے کیریئر میں ان کا پسندیدہ ترین ہے۔

View this post on Instagram

A post shared by Karan Johar (@karanjohar)

فلم سان نے اپنی پوسٹ میں لکھا کہ اپنے 26 سالہ کیریئر میں جب میں پیچھے مڑکر دیکھتا ہوں تو بہت ہی جذباتی اور بہترین یادوں کا انبار موجود ہے، بعض دفعہ حادثاتی طور پر فلموں میں ایسے مناظر عکسبند ہوئے کہ وہ یادگار بن گئے۔

کرن جوہر نے کہا کہ شاہ رخ خان اور کاجول کے اوپر فلم مائی نیم از خان کے لیے فلمایا گیا یہ سین میرا پسندیدہ ترین ہے، اس منظر میں شاہ رخ اور کاجول دنوں نے کمال کی اداکاری کی ہے۔

ممبئی: بھارت میں رواں مالی سال 24-2023ء کی ٹیکس کی ادائیگی کی رپورٹ سامنے آ گئی۔

بھارت میں رواں مالی سال 24-2023ء کی ٹیکس کی ادائیگی کی رپورٹ سامنے آ گئی، فارچیون انڈیا کی رپورٹ کے مطابق رواں مالی سال مشہور شخصیات میں سب سے زیادہ ٹیکس کی ادائیگی کنگ خان نے ادا کی ہے۔

بھارتی میڈیا رپورٹ کے مطابق شاہ رخ خان نے 2023 سے 2024 کے مالی سال کے دوران سب سے زیادہ ٹیکس ادا کر کے تمام مشہور شخصیات کو پیچھے چھوڑ دیا، اداکار  نے 92 کروڑ روپے ٹیکس ادا کیے۔

اس کے علاوہ ٹیکس ادا کرنے والے 10 مشہور شخصیات میں دوسرے نمبر پر اداکار تھلاپتی وجے ہیں انہوں نے 80 کروڑ روپے ٹیکس ادا کیے، باکس آفس پر ایک معمولی سال کے باوجود سلمان خان 75 کروڑ روپے ٹیکس ادا کرکے تیسرے نمبر پر ہیں۔

میتابھ بچن بھی تفریحی دنیا میں ایک غالب شخصیت رہے، 1000 کروڑ روپے کی بلاک بسٹر کالکی 2898 اے ڈی میں اپنے کردار کے بعد انہوں نے ٹیکس میں 71 کروڑ روپے کا حصہ ڈالا۔

بالی ووڈ اسٹارز اجے دیوگن اور رنبیر کپور نے اس سال بالترتیب 42 کروڑ اور 36 کروڑ روپے ٹیکس کی مد میں دیے، فائٹر فلم کے مشہور اداکار ہریتک روشن 28 کروڑ روپے کی ٹیکس ادائیگی کے ساتھ 10ویں نمبر پر ہیں۔

دیگر قابل ذکر شخصیات میں کامیڈین کپل شرما 26 کروڑ روپے، اداکار کرینہ کپور 20 کروڑ روپے، شاہد کپور 14 کروڑ روپے اور کترینہ کیف نے 11 کروڑ روپے ٹیکس ادا کیے۔

بالی ووڈ فلموں کے معروف اداکار نے کہا ہے کہ آریان اپنے والد شاہ رخ خان کی طرح کام کے جنونی ہیں اور وہ سب کا خیال بھی رکھتے ہیں۔

شاہ رخ خان کے بیٹے آریان خان ویب شو اسٹارڈم کے ساتھ بطور ڈائریکٹر ڈیبیو کرنے کے لیے تیار ہیں، اداکار منوج پاہوا جو اس کاسٹ کا حصہ ہیں انھوں نے بھارتی ذرائع ابلاغ کے ساتھ ایک انٹرویو میں شو کے سیٹ پر آریان کے ساتھ کام کرنے کے تجربے کے حوالے سے بات کی ہے۔

انٹرویو کے دوران منوج سے پوچھا گیا کہ آریان اپنے والد شاہ رخ کے ساتھ کوئی مشابہت رکھتے ہیں، جس پر تجربہ کار اداکار نے کہا کہ آریان ایک نوجوان اور محنتی لڑکا ہے، اس سیریز کو فلمانے کا عمل کافی لمبا تھا لیکن اس میں بہت مزہ آیا۔

انھوں نے کہا کہ میں جانتا ہوں کہ اگر ضرورت ہو تو شاہ رخ روزانہ 18 سے 20 گھنٹے کام کرتے ہیں، وہ کام کے معاملے میں جنونی ہیں اور میں نے آریان کو بھی اسی طرح کام کرتے دیکھا ہے۔

منوج پاہوا نے مزید کہا کہ شاہ رخ بہت احترام کرنے والے اور محبت کرنے والے شخص ہیں، وہ آپ کو ایسا محسوس کرائیں گے جیسے آپ انھیں ہمیشہ سے جانتے ہیں۔

بالی ووڈ اداکار نے بتایا کہ اگر آپ شاہ رخ کے دفتر جائیں گے تو وہ آپ کو گیٹ تک چھوڑنے آئیں گے اور مجھے یقین ہے کہ آریان بھی اس معاملے میں اپنے والد جیسے ہیں، اس کے ساتھ ساتھ وہ سب کا خیال بھی رکھتا ہے۔

خیال رہے کہ حال ہی می بالی وڈ کنگ شاہ رخ خان کا کہنا تھا کہ میں اپنے بچے آریان، سوہانا اور ابرام کو عقلمند اور سادہ دیکھنا چاہتا ہوں۔

سوئٹزرلینڈ میں 77 ویں لوکارنو فلم فیسٹیول میں شرکت کے دوران سوال و جواب سیشن میں شاہ رخ نے اپنی خاندانی زندگی کے بارے میں بات کی تھی اور شہرت کے باوجود اسے ’سادہ‘ قرار دیا تھا۔

شاہ رخ خان کا کہنا تھا کہ میں چاہتا ہوں کہ میرے بچے سادہ رہیں، انھیں معلوم ہو کہ ان کی حدود کیا ہیں، شاہ رخ خان نے یہ بھی انکشاف کیا کہ انھیں میک اپ کرنا ناپسند ہے اور وہ شہرت کو زیادہ اہمیت نہیں دیتے ہیں۔