Tag: شاہ رخ خان

بالی ووڈ کنگ شاہ رخ خان جن کی فلموں کا شائقین کو بے تابی سے انتظار رہتا ہے، ان کی نئی ریلیز ہونے والی فلم کا نام منظر عام پر آگیا ہے۔

شاہ رخ خان کو حال ہی میں لوکارانو فلم فیسٹیول کے 77 ویں میلے میں لائف ٹائم اچیومنٹ ایوارڈ سے نوازا گیا ہے، فیسٹیول کے دوران انھوں نے اپنی اگلی فلم ’کنگ‘ کی تیاری اور فلمساز کے ساتھ کے ساتھ کام کرنے کے تجربے کے بارے میں کھل کر بات کی۔

کنگ خان نے بتایا کہ کچھ خاص قسم کی فلمیں ہیں جو میں کرنا چاہتا ہوں، ایسی فلم جس میں بڑی عمر کے کردار پر توجہ مرکوز کی جائے، 6 سے 7 سال سے میں سوچ رہا تھا، میں نے اسکا تذکرہ ڈائریکٹر سوجوئے سے کیا تو انھوں نے کہا کہ میرے پاس اس طرح کا سبجیکٹ موجود ہے۔

شاہ رخ نے یہ بھی بتایا کہ میں اگلی فلم ’کنگ‘ کر رہا ہوں، مجھے اس کے لیے تھوڑا وزن کم کرنا ہے اور کچھ اسٹریچنگ کرنا ہے۔

انھوں نے یہ بھی کہا کہ کسی فلم کو ختم کرنے میں انھیں اتنا وقت اس لیے لگتا ہے کیونکہ وہ اس ہدایت کار کے ساتھ وقت گزارنا پسند کرتے ہیں جو فلم بنانے میں ایک سال سے زیادہ کا وقت لگا دیتے ہیں۔

خیال رہے کہ فلم کنگ میں شاہ رخ کی بیٹی اور اداکارہ سہانا خان بھی جلوہ گر ہوں گی۔ یہ ان کا تھیٹر میں ڈیبیو ہوگا کیونکہ اس سے قبل وہ زویا اختر کی ’دی آرچیز‘ سے اداکاری کا آغاز کرچکی ہیں جس کا پریمیئر گزشتہ سال نیٹ فلیکس پر ہوا تھا۔

بالی ووڈ کنگ شاہ رخ خان فوری طبی ٹریٹمنٹ کے لیے امریکا روانہ ہوں گے، ممبئی میں ان کا مناسب علاج نہ ہوسکا۔

بھارتی میڈیا پر آنے والی نئی رپورٹ کے مطابق شاہ رخ خان اپنی آنکھ کے علاج کے لیے ممبئی کے ایک اسپتال گئے تھے تاہم، علاج میں پیچیدگی آنے کے باعث اب وہ فوری طبی امداد حاصل کرنے کے لیے امریکا جائیں گے۔

رپورٹ کے مطابق توقع ہے کہ اداکار 30 جولائی بروز منگل تک امریکا روانہ ہو جائیں گے، ذرائع کا کہنا ہے کہ شاہ رخ خان آنکھ کے علاج کے لیے پیر 29 جولائی کو ممبئی کے ایک اسپتال گئے تھے۔

کنگ خان کی آنکھ کا علاج وہاں ٹھیک طور پر نہیں ہوسکا جس کے باعث اب ایس آر کے آنکھوں کو ہونے والے نقصان کو دور کرنے کے لیے امریکہ جاکر علاج کروائیں گے۔

ذرائع کی جانب سے شاہ رخ خان کے علاج کے بارے میں مزید معلومات شیئر نہیں کی گئیں اور یہ بھی نہیں بتایا گیا کہ ان کے آنکھ کے ساتھ کیا غلط ہوا ہے۔

خیال رہے کہ شاہ رخ خان 21 مئی کو احمد آباد میں اپنی ٹیم کولکتہ نائٹ رائیڈرز کا میچ دیکھنے کے دوران ہیٹ اسٹروک کا شکار بھی ہوئے تھے اور انھیں اسپتال میں داخل کرنا پڑا تھا۔

تہم ایک دن بعد ہی انھیں ڈاکٹرز نے چھٹی دے دی تھی، اب اداکار کو ایک بار پھر طبی امداد کی ضرورت پڑی ہے، اس بار ان کی آنکھوں کے مسائل کے سامنا ہے۔

بالی وڈ کنگ شاہ رخ خان اس وقت سہانا خان کے ساتھ نیویارک میں موجود ہیں جہاں انھیں ایک اسٹور میں شاپنگ کرتے ہوئے دیکھا گیا۔

ایک بھارتی شہری نے شاہ رخ خان اور انکی بیٹی سہانا خان کو حال ہی میں نیویارک کے ایک اسٹور میں دیکھا جہاں دونوں جوتے خریدنے کے لیے آئے تھے، بھارتی سوشل میڈیا انفلوئنسر جنھیں انسٹاگرام پر بنٹی بھیا کے نام سے جانا جاتا ہے انھوں نے دونوں کو فٹ ویئر چین نیو بیلنس کے اسٹور پر دیکھا۔

بنٹی بھیا نے اس شاہ رخ اور ان کی بیٹی کی ویڈیو بناکر سوشل میڈیا پر اپ لوڈ کردی اور بتایا کہ میں نیویارک میں نیو بیلنس اسٹور پر ہوں جہاں شاہ رخ خان صاحب اور سہانا آئے ہیں۔

سوشل میڈیا انفلوئنسر کی اس پوسٹ پر ’beingdeepa05‘ نامی صارف نے عجیب سا سوال پوچھا کہ ’شاہ رخ بہت اکھڑ مزاج ہے، کیا تمہاری اس سے ملاقات ہوئی اور تم نے بات کی؟‘

اس کے جواب میں بنٹی بھیا نے بتایا کہ وہ بالکل بھی ایسے نہیں تھے، وہ ہر اس شخص سے بات کر رہے تھے جو ان کے پاس آرہا تھا۔

شاہ رخ خان کا ایک اور پرستار یہ جاننے کے لیے متجسس تھا کہ ان کے اور سہانا خان کے ساتھ کوئی اور بھی تھا، یعنی اداکار کا چھوٹا بیٹا ابرام بھی ان کے شاپنگ پر موجود تھا۔

اس پر بنٹی نے بتایا کہ ’کوئی نہیں تھا بس وہ دونوں ہی تھے میں اسٹور سے باہر نکلا اور تقریباً تھوڑی دوت تک چلنے کے بعد وہ ایک موڑ کی طرف مڑ گئے۔

اس مختصر کلپ کو انسٹاگرام پر پوسٹ کرنے کے 24 گھنٹوں سے بھی کم وقت میں ایک ملین سے زیادہ ویوز اور 27,000 سے زیادہ ’لائکس‘ مل چکے ہیں۔ 300 سے زیادہ صارفین نے اس پر تبصرے بھی کیے، اکثر لوگ اس بارے میں متجسس تھے کہ شاہ رخ خان حقیقت میں کیسے ہیں۔